Ka Nupepa Kuokoa, Volume XXII, Number 46, 17 November 1883 — MAI KAHAKULOA MAUI MAI. [ARTICLE]

MAI KAHAKULOA MAUI MAI.

Eia kekahi kanaka maanei o Kaawahua kona inos o kana hana o ka hoounauna i na aka ona (oia o Mokulehua a me Naleilehua,) e hele a ka hale e olelo uno ana nona alaila e ai i na mea la e olelo ino ana iaia a make. Pau ole ka epa iwaena o kanaka Hawaii. Ke pii mau nei na hana pono ma keia apana i keia wa, mamuli o ka hooikaika ana o ke Kahu Kula Sabati Nui S. L. Kalaola. J.P. Keano. Kahakuloa, Maui. He poe ui ma Iapana, ua hoohiki la kou aole e lilo i poe karisetiano. Pela kekahi poe ui i ka wa ia Paulo, ua hoohiki lakou aole e ai a e inu a pepehi lakou ia Paulo. Ua lilo nae ko lakou hoohiki ana i mea ole, ua hoopakeleia o Paulo, a hoohokaia ka poe hoohiki. E pule kakou no kela poe ui i Iapana, i hoolilo ia ko lakou hoohiki i mea ole, a i lilo lakou i poe karisetiano ai poe paio ma ia aoao. HAWAII. Ma ke ahiahi o ka Poaha nei i hookuku ai o Makaiwi me Kimo hapa-pa-ke ma ke kahua laumania o ka pakaukau bilioda ma Peleula, a eo aku la ia Kimo ka hanohano o ke kahua bilioda. Ua olelo ae kekahi poe he huaka ka o Makaiwi. Nui ka poe i lilo na dala. Ua ike iho makou i ka pepa hoolaha kuai Naaukake a Lunina e kau ana mawaho o ka puka o ka nupepa Pae Aina i ke kakahiaka o nehinei. Ua ae no paha na ona o ia pepa e kau ua hoolaha la malaila, aole paha. He manao ko makou he hana keia na ka poe hukalama.