Ka Nupepa Kuokoa, Volume XXII, Number 49, 8 December 1883 — NUHOU KULOKO. [ARTICLE]

NUHOU KULOKO.

He heluna nui o na pahu rama ka i hoounaia aku ma ka mokuahi Kinau i ka Poalua nei. O ka Poaha o kela pule ka la Hoalohaloha o na puuwai Amerika a pau ma Hawaii nei. Makena ua, a makena pu ua mea o ka lalilali o na alanui o ke kulanakauhale nei i keia mau la. Ua hiki hou mai nei ka epaepa hou 0 ka mokualii Palanehe, Planter, Paeli, Palanata, Mahiai, Lilinoe. He manuwa Amerika a ku mai i o ] kakou nei iloko o mau la iho, peIa ka hoike a ka lono. Ua hoao ae kekahi kolohe e wawahi 1 ka hale inu rama Kanekina i ka po Poakahi nei, aole nae i holopono. 0 ko kakou Kanikela Hawaii ma Kikane, oia oA. S. Webster, eia oia i o kakou nei i keia mau la. Makena io no ua mea o na inoa o ka mokuahi o Poka ma, 6 Planter Paeli Palanehe Palanata Lilione. Ua loheia e hoololiia ana ka inoa'o keiamokuahi, a o ka inoa hope maluna ae oia kona inoa hou. Ua lonoia e weheia aku ana he hookahi mokuahi o ka laina hooholo mokuahi Pakipika a ma keia mua iho e hooholo ia mai ana he ekolu wale no mokuahi. Ua ili ke kuna Neti i ke kakahiaka Poaono nei oiai oia e hookomo mai ana ma ka nuku oke awa. Ūa kii aku ka mokuahi Pele a kolo mai iaia mai ia kulana pilikia mai. Mawaena o na ohua kamaaina o kakou i huli hoi mai ma ka mokuahi " Kulanakauhale o Kikane, " mai na aina e mai i ka la Sabati nei ka Lunakanawai Makale me kana wahine. " Ua ku mai i ka po la Sabati nei ka mokuahi " Kulanakauhale o Kikane " mai Kapalakiko mai, a i ke kakahiaka Poakahi nei kona holo loa ana aku no Kikane. l)a malama ae o Hanale Walakahauki a me na lala o ka hui opiopio o Kau makapili he wahi luana nanea i ka po Poalua nei ma kahi noho o Hanale Walakahauki mauka ma Waikahalulu, ua hoohalaia he mau hora malaila. He hookuku kinipopo ma Kulaokahua i ka Poaha o ka pule i hala mawaena o kekahi mau keiki haole o ka mokuahi Alameāa a me ka hui Oeianiea o ke kulanakauhale nei. Na kamaaina ke eo. 1 ke kakahiaka o ka la apopo e ku mai ai ka mokuahi Kinau mai- Hawaii mai a me Maui a mahope iho o keia kelepa ona e ku mau ana oia ianei i na ahiahi Poaono a pau. Ma ka po o ka Poakahi nei i komo aihueia ai ka halekuai lole o (lartenberg " Kuu pau i ka nani, " ma ke kihi o alanui Nuuanu me Moiwahine, a ua lilo aku he $120. Aole i maopopo ka mea aihue. Ke lehulehu loa mai nei i keia wa na halekuai mea ai o na aina e. Aia ma ke kihi o alanui Moi me Nuuana, he halekuai mea ai no C. F. Wolfe, aia ma ke alanui Moi maanei mai oke alanui Alakea, he halekuai mea ai no, a aia ma ke alanui Hotele he mau halekuai mea ai hou no.