Ka Nupepa Kuokoa, Volume XXII, Number 50, 15 December 1883 — NUHOU O NA EKALESIA. [ARTICLE]

NUHOU O NA EKALESIA.

Ma Kawaiahao, ua haiolelo o Rev. Dr. Hyde ma Hoikeana 21 . 22, penei: " Aole au i ike aku he luakini maloko ona, 110 ka mea, o ka Haku o ke Akua mana loa, a me ke keiki hipa, oia ko laila luakini. " He haiolelo ano hohonu keia 0 na manao, ua hoakaka mai ka makua no na kumu i nele ai ka lani i ka luakini. Ekolu manao nui, 1, no ka hewa ole malaila, 2, no ka hui pu ana me ke Akua he alo a he alo, 8, no ka mea, he Akua 110 ko laila luakini. Ma Kaumakapili, ua haiolele o Waiamau ma Hahakuka 2 : 20, penei: " Aia no o lehova iloko o kona luakini hoano, e hamau imua ona e ka honua a pau. " Ekolu manao, 1, 0 lehovake Akua, 2, kona wahi e noho ai, 3, pono na mea hanu a pau e kulou imua ona. Ma ka po iho, ua haiolelo ka makua Bihopa ma I- loane 3 : 8, hapa hope penei: "No ia niea, ua hoike jnai ke keiki a ke Akua i hokae aku ai oia i ko ka Diabolti hana ana. " Ma Kawa, ua haiolelo 0 S. L. Desha raa II Samuela 1 : 26, hapa waena penei: " Ile kupanaha kou aloha ia'u. " Elua manao, 1, ke aloha kanaka, 2, 0 lesu ka makamaka oi loa ma ke aloha. Ma Polelewa, ua haiolelo o Rev. Demona ma loane 8: 58, penei: " I aku la o lesu ia lakou, oiaio he oiaio ka'u e olelo aku nei ia oukou, mamua o ko Aherahama noho ana, owau no. " Kumuhana, ko Kristo ano mau loa. Ma liaiolelo o Kaili ma Isaia 55 :5, penei: "Aia hoi e kahea aku no oe i ka lahui kanaka au i ike ole ai, a o ka lahui kanaka i ike ole ia oe e holo aku no lakou i ou la. " O ke kumuhana, oke kauohaia ana o na lahui kanaka e hahai ia lesu. Ua hooikaika iho nei ko Kaanapali hoahanau i hale kahu no lakou, ua hikt mai na lono ua paa loa ko lakou hale kahu. Ma Kaukeano, ua haiolelo ko laila kahu ma I loane 3. 16, hapa hope uenei : "A he mea pono no hoi ia kakou ke waiho ae i ko kakou ola no ka poe hoahanau. " Kumuhana, oko kakou hoohana ana i ko kakou ola no ka pomaikai o hai, oia ka mea a ka olelo a ke Akua i kauoha mai ai. Ma ka po iho, ua haiolelo oia no ka pomaikai o ka poe opio ma Solomona 14 : 10, penei: "Ua ike ka naau ike kaumaha o kona naau īho. " Kumuhana, ke ola i piha i na poino.

Ma keia ahiahi Sabati ae e hoonoho ia ai o Rev. J. Waiamau i kahu no ka ekalesia o Kaumakapili; nenei ka hoonohonoho ana o na hana : Pule hoomaka,. ; '.. R e v. J. Paikuli. Heluhelu Baibala, Rev S. Waiwaiole. Heluhelu palapala h00k0,...'. Rev. S. Paaluhi. Ninaninau ana, H. Walakahauki. Haiao, Rev. A. O. Polepe. Pule hoonoho, Rev. f. Kekahuna. Linia akau aloha, Rev. E. S. Timoteo. Olelo ao i ke kahu, .Rev. H. H. Paleka. Olelo ao i ka ekalesia, Rev. L. Kamika. Pule hookuu, Rev. J. Waiamau.