Ka Nupepa Kuokoa, Volume XXII, Number 50, 15 December 1883 — HE PANE IA LEKELEKE KAHEAWAI. [ARTICLE]

HE PANE IA LEKELEKE KAHEAWAI.

Ua ike makou i na manao o Lekeleke Kaheawai ma ka helu 48 o ka tnupepa Kuokoa, e pili ana ika mea kupono e lilo i lunamakaainana no ka apana 0 Kona Hema. Ua mahalo makou i kona mau manao mua, aka, ma ka hapa waena a hiki ika hapa hope, he mau mea na makou e kanalua ai, oia hoi keia. O kona hoolilo ana ika mea oiaio i- mea oiaio ole, a i ka oiaio ole hoi i mea oiaio. No ka mea, ma ka manao ana i hoakaka ai e pili ana ia C. W. P. Kaeo, ua olelo oia, u he kanaka hapa ike," he mea kupanaha keia, o ka hoolilo ia 0 ka mea iao pono ia i mea hapa ike. Ma ko makou ike, he kanaka ike, a naauao oia, e hiki ai i ka apana ke hilinai maluna ona, malia nae paha o Lekeleke Kaheawai huna inoa ka oi. Ma na mea e pili ana ia Kaeo ua pai mai nei kela a kiekie me ka olelo ana, <c he kanaka ike, a naauao hoi, a kupono ka ke koho iaia no ke kau 0 ka makahiki 1884 " He mea kanalua keia no ko makou noonoo. Oke kanaka i hoouaauao pono ole ia, oia ka ke kanaka ike a naauao hoi. Hilahila ka la, akaaka mai ka mahinal kau mau olelo. A ma kou mau manao e pili ana i ka I). H. Nahinu, ua olelo oe "he kuokoa" aole nau e kamailio pela, na na hoa 0 ka Hale Ahaolelo e hoike mai ia mea, aole nau, i hea oe kahi i lalau ai, a ike ole oe i na mea i hana ia iloko o ia hale.

A ma ka hope 0 kou mau manao, ke koi mai nei oe i ka apana e koho me ke kapulu, oia hoi, ina he mau hemahema a mau kina paha i ike ia no kana lunamakaainana e koho pahinu nei. "E koho aku no ka kakou, me ka hoopoina ia mau kina." Kahaha ! Ua kuhi makou he kanaka naauao la oe, eia ka aole, kai no paha e waiho malie no oe na kela a me keia e koho nona iho, eia ka e koi mai ana oe i ka apana e koho lokahi mamuli o kau, nolaila. he kanalua loa makou i kau mau mea a pau, e pili ana i keia mau mea i hoike ia ae nei. Eia ko makou manao ma keia. E koho no kela a me keia i kana lunamakaainana i makemake ai, a o ka mea e puka ana oia ka ke Akua i ae ai i lunamakaainana no kakou. Ke hooki nei makou maanei, ana Lekeleke Kaheaawai e hoike mai i na mea i koe. Na 0 Kona Hema, Hawaij. Kaupaona hoopunipuni. "0 ke kaupaona hoopunipuni he hoopailua ia ia lehova," wahi a Solomona. A pela hoi ke kaupaona a Lekeleke Kaheawai huna inoa makau wale i hoopuka ia ma ke Kuokoa 0 ka la 1 o Dekemaba, ka mea nana i kaupaona a ike ia ke kaumaha a me ka waiwai io o na lunamakaainana holo balota o ka apana o Kona Hema. 0 D. H. Nahinu kekahi lunamakaainana haawi aina Lei alii, pili alii a pili kuhina i na kau i hala; ma ka Lekeleke Kaheawai kaupaona ana, he kuokoa a hoopono ka. ia, ua hiki hoi paha, o ka io ka hoi ia o na io a me ka iwi o na iwi. OC. W. P. Kaeo ka mea i hele ma na kula kiekie a i noho lunakanawai apana no kahi mau makahiki i hala h hiki wale mai 1 keia manawa, a i maalo mau na kanawai imua 0 kona mau maka, he hapa iho la ka kona ike mamua o ko S. Kaeo, ka r>iea i hele ole ma na kula nui a i maa ole ma ke kanawai. Ua hiki hoi paha o kau punalua ka hoi ia. O T. K. Robata, he kamaaina a he kupa no Kona Hema, ka mea nana e hanai nei iaia iho me ka poi ono o Kalahiki i kanu pono ia e kona mau lima a i hanaiia hoi e ke aupuni īna kana oihana, he malihini iho la ka oia, ana na kamaaina iho la ka oia e hanai. Ma keia kaupaona ana a Lekeleke Kaheawai no na inoa maluna ae, ua ku loa i kahi o ka hoopunipuni, a oia ka Solomona i hoike ai, he hoopailua ia lehova. A no na inoa aku i koe; A. P. K. A. K. K. a me F. S. K. e aho ia, ua le- j le pono no paha ke kaupaona a ua 0 Lekeleke Kaheawai. Auhea oe e Lekeleke Kaheawai huna inoa, aole e holo lunamakaainana ana 0 T. K. Robata i lohe oe, 0 ka oiaio mai keia. Ina oe i ninau miia mai oe mamua 0 kou hoolaha ana, ina la hoi aole e pili ka mahaoi. T. K. Robata. Hookena, Kona, Hema, Hawaii.