Ka Nupepa Kuokoa, Volume XXII, Number 50, 15 December 1883 — PAHU PONO I KA PIKO O KE HOA. [ARTICLE]

PAHU PONO I KA PIKO O KE HOA.

Ma ka helu 48, ua ike ia iho na manao pahapaha o Lekeleke Kaheawai o Kona Hema, Hawaii, i na lunamakaai nana holo balota 0 kona £fpana, a e hoike pu mai ana i ke ano pakahi o kela a me keia o lakou, a e hilinai piha ana hoi maluna o 13. H. Nahinu, nani wale ka awihi ana, ke powehiwehi nei ka ike ana a na maka. Ma ka nana ana i ke kulana o na wehewehe ana, ua hakuepa wale no ia i ke kulana o kekahi poe, a uhiuhi lau mamane*wale iho maluna o kana mea i lia ai, aloha wale oe e ke hoa i pahu pono ia aku la ko piko. E noonoo pono oukou e na makaainana koho o Kona Hema, a e hoomanao iho i na hana a D. H. Nahinu i ke kau i kunewa ae nei, oiai hoi ka uwahi e kololio ana mao, a o ko wela o ka maka ka oukou e ike, e lawe a hoomanao a ao kanaka no oukou iho, a mai ae i na papahi lei a Kaheawai, e hoonuanua mai nei, o punihei auanei oukeu i ke ala kapakahi ke onaona mao. Ma na lono i lohe mau īa, ua maa mau o Nahinu i ka hanai ai, a me ia i ko Kona i ka koho balota, a o ka hopena o ia hana, aole anei e imi ana i mea e hoi mai ai kona poho ? Nani wale ka no-a a ke hoa, aia i ike aku nei i ka puapua e eueu ana malalo ka pu-weu-weu. " Mau wale ke hoa, kulike ole ka makemake. " Nolaila, eia mai ka leo o ke keiki o ka Ua Naulu, ke poloai aku nei ia oukou e ko Kona Hema e hoopau i ko oukou noonoo ana no D. H. Nahinu, a e aho e lawe oukou e hoao i keia mau inoa; Robata, Kalaukoa, a me Kunuiakea, oiai lakou ma ka laina hookahi, a

i ka mea o lakou.e puka ana e loaa auanei ko oukou hoa kaunu maikal Oiai o Robata he kanaka naauao, a he kanaka hoopono hoi, a* aole no e nele kona hoomanao i kona mau haku, ke loaa iaia ke alanui hele. Aole hoi e like me ka L. K. e hoololi ano e mai nei, oiai ka li-a a kona puuwai no ka hoa kulike ole. No Kalaukoa, he kanaka kupono loa no ia ahe kuokoa, a makee ika pono o ka lahui, a he pulakaumaka nana na hana paewaewa o keia au. Aole hoi e like me ka Kaheawai e nonohua mai nei, aka, e imi ana nae paha oia i mea e haule ai kona apana malalo ona keehina wawae o kona lio kakele, ka mea hoi nana e hoohoka i kona kahu, a nele iho la i ka makana ole, ka mea hoi i oleloia he mohai ha ke aloha. No Kunuiakea, he kanaka kuponoj no īa, oiai kona kau i komo ai a i newa aku la hoi, ua imi no ia i ka pono kau-j like. Aole ia i hoohalike e like me ka | nui iho o na manu, a makaleho hoi ma J ko D. H. N. aoao, i puahiohio kapalulu ae nei, a noho lunahelu ana no Kona Hema, a ua laki nae paha o Lekeleke ia kau, malia ua hoemiia kona mau helu waiwai, a oia kana e mali leo mai' nei. • ' Mai puni oukou e ko Kona Hema i ka ia nei wahi koalaala, oiai ua ikeia kona hopena he awahia. Nolaila, he pono ia oukou ke nana a ka mea kupono, mai puni wale ika mea hanai ai, a hanai ia, oiai he nopena awahia kona e haawi mai ai ia oukou, a he mea no hoi na oukou e ike ai i ka hopena o ka hanai ai, a ano e ae paha, oiai ua olu aku la kela, he wai ko lalo. Mai nanakee ia Robata, aiai nonohua ia Kalaukoa, a mai hoohewahewa hoi ia Kunuiakea, a e hoopanee aku ia D. H. N. no kahi wa aku i loaa ka hoa e kulike ai ka iini, he ole hoi ke aloha kipa hewa i ka ilio. no. 1.. S. Keamani. Kawaihae-uka. Hawaii.