Ka Nupepa Kuokoa, Volume XXII, Number 50, 15 December 1883 — KULANA HOAO BALOTA O EWA A ME WAIANAE. [ARTICLE]

KULANA HOAO BALOTA O EWA A ME WAIANAE.

Mamuli o ke konoia ana mai e kekahi mau keonimana oka i-a Hamauleo a me ka makani Kaiaulu oia lai. Nolaila, ke'hookomo pu aku nei wau i i ko'u inoa me ka poe e liolo balota pu ana ma ia apana koho, me kuu manaolana no, ua kamaaina pu kakou ma ke kahua holo balota o Ewa a me Waianae i ka makahiki 1880, aole paha oukou i poina ia'u, a na oukou hoi e kaa na iho ko'u inoa i ke kupono no ka hele ana i Kenela koa wiwo ole, ma ko kakou aoao na makaainana 0 ka aina kulaiwi ou e Hawaii i ke kau Ahaolelo ae o ka makahiki 1884 e hiki mai ana. E hele ana wau e kaana i ka pono kaulike ma na aoao elua, ko kakou a me ko hai, e hele hoi wau e hooikaika e hoopale aku i kekahi mau kaumaha a pilikia 0 na kanawai e ku nei, a me kekahi mau pilikia e ili hou mai ana maluna o kakou i keia kau Ahaolelo ae oka makahiki 1884. E hele ana no hoi wau e kalai kaulike i ko kakou dala e hoomaunauna wale ia nei, he kuleana kakou ma ia waihona na makaainana. 1 O ke ola 0 ko kakou lahui he mea nui ia. 2 Oko kakou mau pilikia lahui, ke nee nei imua ia, a e ili hou mai ana ia, 1 kapaia "Aie Lahui." 3 O ko kakou mau kaumaha i kekahi mau kanawai e ku nei 0 na Kau Ahaolelo 1 hala, a e hiki mai ana i keia makahiki ae. 4 O ko kakou bila Haawina, aole ia i kaupaona kaulikeia me ke kulana o ka lahui. J. N. Paikuli.