Ka Nupepa Kuokoa, Volume XXII, Number 51, 22 December 1883 — KA BAIBALA KA BUKE I HOOWAHAWAHA IA. [ARTICLE]

KA BAIBALA KA BUKE I HOOWAHAWAHA IA.

Oiaio, he mana ko ka Baibala e hoa-; a i ke aloha a e hoala i ka maina. j O kekahi poe, he poe ike ole i ka ha ihala, aole i heluheluia. He kaa ahi e holo ana ua piha i na ohua, he ui haipule kekahi, aloha oia i na ohna, lawe oia i wahi baibala a haehae i mau pepa, a haawi i kela me kein ohua i wahi apana. Lawe kekahi i kana apana a nana iki a hoolei koke ilalo, me he la, he mea hoeha ia iaia. Lawe kekahi i kana apana, a no ka. hilahila o ikeia mai ke heluhelu oia, huna oia malalo o kona wahi noho. A o kekahi lawe oia i kana apana, nana, a ulaula kona maka i ka inaina, a opeope ino hoolei ilalo, hehiia me ka wawae a kuha maluna ona. Kupanaha! He wahi apana pepa wale no, piha nae oia i ka inaina wela i ka heluhelu ana. No ke aha keia īnaina 1 ka baibala ? Aole inaina na kanaka no na buke kaao o na akua Helene. Olelo keia poe, he wahahee ka baibala, he mau kaao lapuwale o na ludaio, he hoopunipuni loa ka olelo no lesu. Inaina nae lakou i keia buke baibala ahe mea kupanaha ia. Inaina ika mea oiaio ole. Ua oiaio nae ka baibala ua piha nae i na olelo maikai, na ao maikai ana, na kauoha maikai, na moo,lelo maikai, ua kauoha ia na kanaka e aloha i ke Akua, e aloha kekahi i kekahi, e aloha i na enemi, e aloha i ka poe hana ino mai. Ua hoike ia ko ke Akua aloha, i kona haawi ana mai i kana Jceiki hiwahiwa i mea e ola ai ka poe manaoio iaia. No ke aha ka inaina i ka baibala ? No kona hoike ana paha i ke ano o ke kanaka. Ma kōna manao, he ano maikai kona ma'ka nana ana nae i ka baibala, he ano hewa loa kona, e kau mai ana ka inaina o ke Akua maluna ona, e make mau ana ke hoohanau hou ole ia mai e ka Uhane Hemolele. • Aole loa e hiki ke komo iloko oka lani me kona mau hewa. Oia ke kumu oke kanaka inaina i ka baibala. O ka Aha Misionari o Ladana, i kona hoouna ana i na misionari i Aferika Hema, hoouna pu ia kekahi mau mdkana i mea e hoolaka mai ai i na pegana me lak'ou. He mau aniani nana helehelena kekahi. Akahi wale no lakou a ike i ko lakou mau maka, ma ka wai wale no paha. Olioli loa lakou i ka loaa ana o na aniani. He aliiwahine e noho ana maloko loa, lohe oia no na aniani, a kauoha i ka misionari e hele ilaila me ka la> we pu i kekahi aniani. A mamuli o kona lohe, a ma ka mahalo ana o na kanaka he maka maikai loa kona. I ka lawe ana nae i ke aniani a nana iloko, aia hoi, he maka inoino loa ka kona, a pela io no. Ke ala no ia o kona huhu, a wawahi i ke aniani a okaoka. Kipaku oia i ka misionari mai kona aina aku, a kau i e hookapu ana aole e lawe hou ia ke aniani o ka misionaii ma kona aina. No keaha kona huhu loa i ke aniani? No ka mea ua hoikeia i ke ano ino o kona helehelena, a oia ke kumu o ka inaina loa o na kanaka i ka baibala, ua hoikeia ke ano ino o lakou. A pehea ? ma ka wawahi ana o ke 'liiwahine i ke aniani, ua hoonaloia anei kona ano ino ? Aole'paha, ua mau no ia. Ama ka inaina ana ika baibala a haehae ia, malaila anei e nalo ai ko lakou mau ino ? Aole paha. Me ia ano no e hele aku nei oia e ku imua o ka noho hookolokolo nui o ka la hope, ke ano hou ele ia. Unuhiia e Hawaii.