Ka Nupepa Kuokoa, Volume XXII, Number 52, 29 December 1883 — NO NA EKALESIA. [ARTICLE]

NO NA EKALESIA.

Ma Kawaiahao, ua haiolelo o Paleka ma Isa. 9: 6, penei: No ka mea, ua hanauia mai he keiki no kakou, no kakou i haawiia mai ai, he keikikane, maluna o kona poohiwi ke aupuni, a e kapaia kona inoa o Kupaianaha, o Kakaolelo, o Keakuamana, o Kamakuamauloa, o Kealiiokamalu. 0 ke kumuhana: No ka hanau ana 0 lesu. Ma Kaumakapili, ua haiolelo o Kau-1 ka Hai ma Mat. 18:4, penei : oka j mea hoohaahaa iaia iho elike me keia keiki, oia ka nui loa iloko o ke aupuni 0 ka Lmi. Ma ka po iho, ua haiolelo o Polepe ma Luk. 2 : 14, penei: E hoonaniia ke Akua ma na lani kiekie loa, he malu ma ka honua, he aloha no i kanaka. He haiolelo keia i mahalo nuiia e pili ana keia no ka hanau ana no o lesu, Ma Kawa, ua haiolelo o Kiwini ma Luk. 2:10, hapa hope penei: Ke hai aku nei au ia oukou 1 ka mea maikai, e olioli nui ai, e lilo ana no na kanaka a pau. He elua manao nui. Ka mua, ka hanau kupanaha ana o lesu, ka lua, ka pomaikai o ka honua ma ka hanau ana o lesa. He anaina hoonani Karikimaka ko Kaukeano i ke kakahiaka a me ke ahiahi Sabati nei. Ma Haiku, ua haiolelo o G. W. Pilipo ma Danieia 5 : 27, penei: Tekela, ua kaupaonaia oe ma ka mea kaupaona; a ua ikeia kou mama ana. Ekolu manao. Ka mua, heaha ka mea kaupaona ? Haina, ka olelo ake Akua. Ka lua, Owai ke kaupaonaia ana ? Haina, ka lahui kanaka Hawaii. Ke kolu, heaha ka helu o na paona ? Ke hoala nei ka ekalesia o Hana i hale no ko lakou kahu. Ke holopono la na hana o ka ekalesia o Waialua. He hoike hapaha ko na Kula Sabati o Kawaiahao me Kaumakapili i ka la; apopo. I