Ka Nupepa Kuokoa, Volume XXII, Number 52, 29 December 1883 — OLELO HOOHOLO A KA PAPA HAWAII NO KA MAKE ANA O HON. E. O. HOLO. [ARTICLE]

OLELO HOOHOLO A KA PAPA HAWAII NO KA MAKE ANA O HON. E. O. HOLO.

No ka mea, mamuli o ka manao o ke Akua, ua kaili aku ka make i kekahi mea o kakou, he lala koikoi no keia Pap.a, a o ka Puuku no hoi ia, mai ka hookumu anā, koe wale no ka \va pokole mamua o kona make ana; nolaila, he kupono e hoomanao kakou i ka moolelo o na makahiki i hala, a e kakau no hoi ma ka buke moolelo o keia Papa, i na olelo no ko kakou mahalo i keia kaikuaana, ka manao nui i kona lawelawe loihi ana, a me ka ehaeha o ka naau no kona lawe ia aku. O ka mea Hanohano o Edwin Oscar Hall, (Mika Holo) he mea ano Misio« nari okoa, he mea hoi ia mau kona manao nui i ka ho4o imua o ke aupuni o

[ Kristo, he pule hooki ole hoi kona noj 1 ka hiki mai o ia aupuni. Maniuli o • kona haawi lilo mua iaia iho i ka hana l misionari, ua pae mai ia ma keia paeaina i ka Ia 6 o lune 1835, e'ua makahii ki mamua iho 0 ka ninini nui la mai o ka Uhane Hemolele. O kona poe hoahele ma ka moku, oia 0 Koana ma, 0 Oaimana ma, 0 Miss. Lilia Barauna, a me Miss. Hikikoki. Ua hele mai o Mika Holo e kokua e hoolakolako i na lima o kanaka Hawaii i na palapala i paiia. Ma kana oihana luna nui oka Papa pai Misiona, ua lilo iaia ka pomaikai nui e hooponoj)ono i pai ka hoopuka mua ana o ka Baibala Hawaii, he 10,000 nakope. Ua paiia ka aoao hope ma ka la 10 o Mei, 1839. A 0 ka lua oka pai ana ua ]3aa pono he 10,000 kope hou mamua iho oka la hope o ka makahiki 1840. He nui no na makahiki i kaawale ai kona pili me ka misiona Ameiika, a ma ka Papa pai Misiona. He mau nae ma keia hapaha Keneturia i hala ae nei kona makemake emi ole no ke pai ana ika Palapah Hemolele. Ma na olelo o na paemoku Maikonisia, kekahi ake nui ona e paiia keia buke. Me ka makemake nui ko kakou hoomanao ana i kona eleu e kokua e pai koke i na mahele i loaa mua o ke Kauoha HOll Kilibati mē ke kali ole a unuhiia na mahele i koe. He maopopo .kona īini e hoolako koke i na lahui naaupo i ka ke Akua olelo. He īke lea kakou a pau i ko Mika Holo malama minamina loa i ka puu elala o keia Papa. Me ka pololei hemahema ole kona lawelawe hooki ole, aua hilinai okoa aku na ekalesia Hawaii iaia. O na hoa noho me ko kakou hoa ma ka oihana koikoi o ka hoolilo pono i na dala i hoano e ia, 0 lakou wale no ka i ike lea i kona hooikaika malama īoa e hoolilo akahele,a me kona mau manao kupono a noiau hoi ma ia mea. No ka makaala kekahi kumu nui i kaa* wale mau ai ka Ahahui Euanelio ika aie. He oiaio maoli, he inakamaka io o Mika Holo i na Misionari Hawaii, aohe mea oi i kona akahele ma ka hooholo ahewa aku, a ma ka hoihoi mai paha i kekahi mea no ke kihapai o waho mai, no na kumu kupono. Nukkona minamina ia lakou. Pono ole ke hoike iho i keia olelo me ka noonoo ole aku i kona makaala e hele mau mai me ka hoololohi ole i na halawai mau, a me na halawai kuikawa o keia Papa, a me na halawai komite hoi. Me ka makfemake nui ko kakou olelo i keia mea, no ka noonoo i ka emi 0 kona ikaika, maka mahuahua ona makahiki. I keia makahiki wale no i kaohiia eka nawaliwali e hookuu 1 kana oihana Puuku ana i malama loihi ai. E ike ole ia ma keia hope aku kona helehelena ma na ahakuka malu o kakou. E lohe ole ia kana mau oleio noiau. Aole e waiwai hou ana kakou ma kona walea laula ma na hana misionavi. E mau ana nae ko kakou hoomanao i ke kaikuaana' i mau no hoi ia kakou keia oleloao no lawelawe maikai ana. E malama pono ! | H. Hinamu. Na Komhe. S. E. Bisiioi». I }. Waiamau.