Ka Nupepa Kuokoa, Volume XXIII, Number 1, 5 January 1884 — Page 2
| This text was transcribed by: | Toni Lynne Kaefferlein |
| This work is dedicated to: | Bernd Kaefferlein |
Ka Nupepa Kuokoa
KE KILOHANA POOKELA NO KA LAHUI HAWAII.
Ko kakou Kii Makana!
KA HAKU NELESONA,
- NO KA M. H. 1884. -
Elike me na mea i maa mauia e pili ana no ka manawa kowa e loaa ai na KII MAKANA o na kau i hala hope ae. pela makou e hooko ai i keia makahiki. A elike me ka moto a kahiko - "Iluna no ka ua wehe e ke pulu e lalo." pela makou e kono aku nei i ko makou poe heluhelu e waele e ke pulu o kahi waihona. E awiwi. e "@ioauma kahi," wahi hou a kahiko.
Ka Nupepa Kuokoa
No ka Makahiki $2.00.
No Eono Mahina 1.00.
KUIKE KA RULA.
Poaono. Ianuari 5,1884.
NA LUNA O KE KUOKOA
No ka Apana o Kona, Oahu.
I@. Lapaki, Kahaleluhi' Ioela, Mahu, Kaneaiakala, Kalanao, Manuia, Na mauu, Paaluhi, Papa, Kaili, Kaleikumahoa, Kalauli, Anapu.
Ma ka wehe ana mai o ke alaula o na la mua o keia makahiki hou, a ia makou hoi e pahola aku nei i keia helu o ka NUPEPA KUOKOA no keia makahiki, ke haawi hou aku nei makou i na kini lehulehu o na makamaka heluhelu i ko makou Aloha HAPENUIA
O ke aloha, ka lokomaikai, ka maluhia, me kakou ia a pau mai keia mau la mua a hiki i na la hope. He wa kupono loa keia o kela a me keia e noonoo nona iho no kana mau hana iloko o keia makahiki. He mea hiki ole ke hooleia e lawe mai ana ke au o ka manawa i na pomaikai like ole imua o ko kakou mau alo. No kela a me keia ia mau pomaikai : aole nae no ka poe hoopalaleha a lima lewalewa, aka, no ka poe mikiala a hana.
Aole e kahe wale mai ana na pomaikai imua o ke alo o ke kanaka a kali nona. Aole pela; e hoea mai ana no na pono a maalo hou aku. He au a he manawa ko na mea a pau. I hana nau ponoi iho e ke kanaka. I hana kuokoa nau ponoi iho, a e noho iho oe maluna o ua hana la me ka mikiala a me ka hoopono; pela e pono ai kela a me keia i keia makahiki hou i haawi lokomaikaiia mai. O ko makou ake mau ia e loaa ka pomaikai i kela a me @ @ aole ia i ko hei poho lima aku aka, ina iho no iloko o ko kakou mau poho lima. Aole ia hai aku ko kakou make aka, ina iho no iloko o na lawelawe kuloko ana o na hana pili aupuni. Pololei a holopono na hana pili aupuni a pau. a moukahi like na noonoo ana mai ka poe e noho ana ma na wahi kiekie a hala loa ilalo i ka poe lopa, alaila o ke ola iho la no ia o ka lahui. Kekee a hoolapuwaleia na lawelawe ana o na oihana aupuni a pau, a moekahi like ole na noonoo ana, alaila o ka poino iho la no ia. Mokuahana a kue aku a kue mai kekahi aupuni iaia iho no, pilikia oia aole e mau. Pela kakou e ka lahui Hawaii e ku nei i keia wa. Ua mokuahana ; ua kue iho no oia iaia iho : ua hoolapuwaleia a ua kuhinuia me na ea maea hohono. Ke punohu nei ka uwahi o ua ea maea hohono nei, ua kamoe aku kona mau welau ma na pea a pau o ko kakou aina kulaiwi a ua hala loa aku i na pea o ko na aina e. Pehea kakou e Hawaii poho lima uuku? E aha ana kakou? E ku maloeloe mai o ke kanaka makua, ku mai o ke kanaka o ka oiwi kila, a hoohaliu iho na poho lima ilalo a lawelawe paka no ka pono o ke one oiwi. He elima hebedoma i koe me na la keu alaila e konoia mai kakou e hana a e lawelawe i ka mea ku i ka mahaloia ma ke koho ana i na Lunamakaainana. E koho kakou i ka mea @ kupono. Ka mea i @ikela he ola o ka lahui aia ma kana mau lawelawe ana a me kona mau noonoo ana. E nana pono i ke kulana o ke kanaka i manaoia e koho i Lunamakaainana : nanaia kona moa me kana mau hana. E ola no kakou ia kakou iho.
No ka La Koho.
AOLE e liuliu na la i koe a e konoia ma ana kela a me keia o ka poe i kupono no ke koho balota o kela a me keia apana. e hele aku ma na wahi i hooka@waleia a i hoolahaia ma na nu pepa o ke kulanakauhale nei a e ikeia no ma kekahi wahi e ae o ko kakou pepa, a hookomo i na balota no ke kanaka a mau kanaka paha a lakou i manao ai he wahaolelo kupono no ko lakou aoao iloko o ka Ahaolelo Kau Kanawai o ka Pae Aina nei. Heaha auanei la na hiohiona o ia poe Lunamakaainana? Heaha auanei la ka moto o ko lakou mau noonoo ana i kumu e hamau loa ai na leo kupinai pilikia e okuku mai nei imua o na nanaina o ka lahui uuku? Heaha auanei la ko lakou kulana, a ma ka aoao hea auanei la lakou e ku mai ai imua o ka lehulehu ma ka Hale Ahaolelo? Owai ke kuailo mai ka puana a ka moe? Owai la? Ane kanalua ka makou makapeni a hiki pono ole ke kuailo i ka puana a ka moe nona ponoi iho, nolaila, na kela a me keia e kaana nona iho, aole me ka puapuahulu, aka, me ke akahele loa. O ka Lunamakaainana. he kauwa ia na ka lehulehu - - he hana oia na ka lima o na makaainana. E hana oia i ka mea e pono ai na makaainana a o na mea a pau. Aole no e nalo ke kulana akamai, kuokoa, a me ka mikioi o ke kanaka, mamuli o kana mea e hana ai me kona lima a me kona noonoo: pela no na wahaolelo o ka lehulehu e noho mai ana i ka Ahaolelo. Ua hoopukaia mai lakou mamuli o ke koho ana a na makaainana he poe hoike lakou no ke ano o ka lahui nana lakou i koho a hoonoho ma ia wahi kiekie. Elike me ke ano o ka lahui pela ke ano o na lunamakaainana e kohoia mai ai. Ma ka hua e ikeia ai ke ano o ka laau. Pela no ma ka hana a ke kanaka e ikeia ai kona kulana kuokoa a hoopilimeaai ole. A ina e hoohua mai ana na kumulaau MAKAAINANA i ku ma ko kakou aupuni i na hua kupono ole elike me na hua i okuia mai ai imua o ka lehulehu i kela kau aku nei a makou i ike lea ai. he mea ia e loaa ole ai na hoapono ana ma ka aoao o na makaainana, a e loaa ole ai ka mea i pauleleia e loaa mai ana ma o ka lakou mau hana ana. Alaila, heaha la auanei ka hana ma ka aoao o na makaainana e loaa ai na apono kupono ana? Eia, e i ae kakou na makaainana, haawiia aku na balota no ke kanaka kuokoa, no ke kanaka hoopono, no ke kanaka nona ka inoa maikai a aala i hilinaiia e ka poe kiekie a me ka poe haahaa, alaila, ku ae kakou a maloeloe a i hou iho, ua ola, ua palekana, ua pomaikai, ua lanakila; ua maha na manao pihoihoi; ua akakuu na manao ooloku, a e loaa ana ka inoa hanohano kaulana o na apana e hoopuka mai ana i na poe o ia ano.
Maanei ke kono ikaika aku nei ko makou mau noonoo a me ko makou mau lunaikehala e hooikaika kela a me keia apana koho nona iho a e hoouna mai no keia kau Ahaolelo i na kanaka no lakou na kulana i like me ia i hoike ia ae la maluna. Aole ia hai aku ko kakou ola a me ka make, eia iho no iloko o ko kakou mau poholima.
Na Kii Makana.
Iloko o na la mua o ka makahiki 1878, ua lilo mai keia pepa malalo o ka makou lawelawe hooponopono ana no ka wa mua loa, mai ia makahiki mai a komo loa mai nei iloko o keia makahiki ka mau o ka makou hoopo@ @ ke ano panai ma kona aoao, aka, ma ka helu hope ua hoopukaia he hoolaha e i ana e haawi makanaia ana ke kii o ka moiwahine Vitoria i ka poe a pau e hookaa ana i na dala elua o ka pepa o ka makahiki 1879. O ka moiwahine Vitoria ka makana o ia makahiki, ka moiwahine kanemake Ema ko ka 1880, Kenela Kalani ko ka 1881, ka ohana alii o Beritania nui ko ka 1882, Peresidena @Gafila ko ka 1883, a o ka HAKU NELEKONA ko ka 1884 nei. Ma na kii makana o na makahiki i hala, ua nui ka ohohia o ko makou poe heluhelu a ua hookaa pau mai ka hapanui o ka poe lawe pepa, a ua koe kakaikahi na kii ma ke keena. I kekahi mau makana mai ua hapa mai ka laweia a ua koe nui na kii ma ke keena.
Maanei e hoakaaa pokole makou. Aole makou i manao o ka laweia ana mai o keia mau makana a hoopili ae ma ke ano he lala ia o ka pepa nei i kumu e ohohia ai ka poe lawe a lawe nui i ka pepa, a loaa iho la he pomaikai nui ma ko makou aoao. Aole no makou i lawe mai i na kii makana ma ke ano he maunu e pakali ana i kumu e apoia mai ai. Aole loa pela ko makou manao e na makamaka. Ina iwaena o ko makou poe heluhelu he mea i komohiaia me keia mau noonoo ana, he kuhihewa loa ia ona, a ke uwalo aku nei makou e kapae loaia ia mau noonoo ana. Aole makou i lawe mai ia mea he kii makana i mea imi pomaikai no ko makou aoao, aole no makou i lawe mai i maunu pakali. AKA, i lawe mai makou i mea e pomaikai ai ka poe e lawe ana i ke kino maoli o ka pepa. I mea hoonani no na home, he hoailona ia e hoike ana, aia maloko o na poai o ia mau ohana na manao o keia pepa kahi i heluheluia ai. No ka poe e lawe ana i KEIA PEPA me ka hookaa mua i na dala elua ka pomaikai oiaio a aole no makou. A elike me na hoakaka ana maluna ae, pela no ko makou manao no ko kakou kii makana o keia makahiki. Ua iini makou i keia pomaikai nui no oukou ka poe lawe. No ka poe e hookaa mua ana i na dala elua, a nolaila, eia ka wa oiai aole i hala ka wa no keia pomaikai nui, a ma ka hale hana moe a me na mea like o J. H. Bruns Opio ma Polelewa e loaa ai na laau a me ke aniani a maluhia keia pomaikai nui o oukou, no $1.75 wale no
Ua lulu dala ae ka puali Makai o ko kakou kulanakauhale nei he puu dala nui no ke kokua ana no na hemahema o ka luakini o Kaumakapili, a e ike no ko makou poe heluhelu i ko lakou mau inoa a me ka lakou kokua ma kekahi kolamu o ka pepa o keia la.
Ma ke Kauoka. @
NO KE KOHO ANA I NA LUNAmakaainana no ke Kau Ahaolelo e hiki mai ana. e malamaia ana ma kela a me keia Apana Koho o ke Aupuni Hawaii, ma ka
POAKOLU. FEBERUARI 6.1884.
E weheia ana ka Pahu Palo@a o kela a me keia Apana Koho ma ka hora 8 A. M. o ka la i hoikeia maluna, a e poniia ma ka hora @ P.M.
O na wahi i hoikeia malalo iho, oia kahi i hookaawaleia no ke Koho ana.
HAWAII.
APANA O HILO.
Kahi koho mua Hale Hookolokolo, Hilo
Kahi " elua Hale Hookolokolo, Lau@pahoehoe.
Na Luna Nana.
G.W.A. Hapai L.K. Hoomalu.
E. Kekoa Luna Helu.
R.A. Lyman, Laun Auhau.
APANA O HAMAKUA.
Kahi Koho mua Hale Hookolokolo Ho@nokaa.
Kahi Koho elua Hale Hookolokolo, @ Waipio.
Na Luna Nana
I. P. Miau, L.K. Apana.
George Bell, Luna Helu.
J. K. Kaunamano, Luna Auhau.
APANA O KOHALA.
Kahi Koho mua Hale Hookolokolo, @ Waimea, Kohala Hema.
Na Luna Nana.
S. H. Mahuka, L.K. Apana.
J. Stupplebeen, Luna Helu.
L. Paakiki, Luna Auhau.
Kahi Koho elua Hale Hookolokolo, @Kapaau, Kohala Akau.
Na Luna Nana
J. B. Kaohi, L. K. Hoomalu.
J. P. Kamauoha, Luna Helu.
J. Kaai, Luna Auhau.
APANA O KONA AKAU.
Kahi Kolo Halekula ma Kailua.
Na Luna Nana
J. G. Hoapili, L. K. Apana.
A. K. Hoapili, Luna Auhau.
APANA O KONA HEMA.
Kahi Koho Halekula ma Hookena.
Na Luna Nana.
C. W. P. Kaeo, K. Apana.
D. H. Nahinu, @Luna Helu.
D. Kamakainai, @Luna Auhau.
APANA O KAU.
Kahi Koho Halekuai o S@er ma Ho@nuapo.
Na Luna Nana.
J. H. S. Martin, L.K. Apana.
J. N. Kapahu, Luna Helu.
J. Kauhane, Luna Auhau.
APANA O PUNA.
Kahi Koho Hale Hookolokolo Pohoiki.
Na Luna Nana.
J. M. Naeole, L.K. Apana.
T. K. Kaaihili Luna Helu
D. B. Wahine, Luna Auhau.
MAUI.
NA APANA O LAHAINA OLOWALU U@
@
Na Luna Nana.
D. Kahaulelio, L.K. Hoomalu.
J. A. Kaukau, Luna Helu,
J. A. Nahaku, Luna Auhau.
NA APANA O KAHAKULOA A ME KAANAPALI.
Kahi Koho Halekula, Honolua.
Na Luna Nana
.
@M. Meheula,
D.H.Kaialiilii,
Manuela Sylva.
NA APANA E HOOMAKA ANA MAI WAIHEE A HIKI I HONUAULA; ME KE KOMO PU ANA O NA APANA I HOIKEIA MALUNA.
Kahi Koho Hale Hookolokolo, Wailuku.
Na Luna Nana.
L, Aholo L.K. Hoomalu.
G. E. Richardson, Luna Helu.
W. B. Keanu, Luna Auhau.
NA APANA E HOOMAKA ANA MAI HAMAKUALOA A HIKI I KULA, ME KE KOMO ANA O NA WAHI I HOIKEIA MALUNA.
Kahi Koho Hale Hookolokolo, Ma@kawao.
Na Luna Nana
W. F. Mossman, L.K.Apana.
J. Nakookoo Luna Helu.
A Fornander, Luna Auhau.
NA APANA E HOOMAKA MAI KAHIKINUI A HIKI i KOOLAU, ME KE KOMO PU ANA O NA APANA I HOIKEIA @
Kahi Koho Hale Hookolokolo @, Hana.
Na Luna Nana.
S. W. Kaai, L.K. @ Apana.
J. K. Hanuna, Luna Helu.
P. @ Kamai, Luna Auhau.
NA APANA O MOLOKAI A M@ LANAI.
Kahi Koho mua Hale Hookolokolo, Pu@ko @ Molokai.
Na Luna Nana.
S. K. Kupihea, L.K. Apana.
J. A. Kaukau, Luna Auhau.
Kahi Koho elua Halekula ma Kaohai, La@nai
Na Luna Nana
S. Kahoohalahala, L.K. Apana.
OAHU.
APANA O KONA.
Kahi Koho Aliiolani Hale.
Na Luna Nana
R. F. Bickerton, L.K. Hoomalu.
F. H. Hayselden Luna Helu.
Geo. H. Luce, Luna Auhau.
APANA O EWA ME WAIANAE.
Kahi Koho mua Halekula ma Waiawa.
Na Luna Nana.
H. N. Kahulu, L.K. Apana.
E. R. Friel, Luna Helu.
A Kauhi, Luna Auhau.
Kahi Koho elua Hale Hookolokolo, @ Waianae,
APANA O WAIALUA.
Kahi Koho Hale Hookolokolo, Waialua.
Na Luna Nana.
S. K. Mahoe, L.K. Apana.
J. Amara, Luna Auhau.
APANA O KOOLAULOA.
Kahi Koho Halakula ma Hauula.
Na Luna Nana,
J. Kaluh@ L.K. Apana.
J.W. Ka@ Luna Helu.
J. Paukia@ Luna Auhau.
APANA O KOOLAUPOKO.
Kahi Koho @ Halekolokolo, Kaneohe.
Na Luna Nana
J.L. K@ L.K. Apana.
A. Kauli@ Luna Auhau.
KAUAI.
APANA O WAIMEA.
Kahi Koho @ Halekula ma Waimea.
Na Luna Nana.
E. Kahale@ L.K. Apana.
Liwai Kau@ Luna Helu.
S. F. Kau@ Luna Auhau.
Kahi Koho @ Halekula ma Niihau.
Na Luna Nana
F. Sinclai@ Lunakanawai Hoomalu.
A. Kauk@ Luna Helu.
J. W. Pun@ Luna Auhau.
APANA O PUNA.
Kahi Koho @ Hale Hookolokolo, @ Lihue.
Na Luna Nana.
R .S. Hapai@ L.K. Hoomalu
J. Kala. Luna Helu.
S. Naauao. Luna Auhau.
Kahi Koho @ Hale Hookolokolo, Koloa.
Na Luna Nana.
A. W. M@ L. K. Apana.
I. W. K@u, Luna Helu.
Jacob Ka@ Luna Auhau.
@APANA O HANALEI.
Kahi Koho @ Hale Hookolokolo, @ Hanalei.
@Na Lnna Nana
R. Puuki L.K. Apana
Jas. W. @ Luna Helu.
G. B. Paloha @ Luna Auhau.
Kahi Koho@ Hale Hookolokolo Kapaa.
Na Luna Nana.
J. H. Kaiwi, L.K.Apana.
S. Kaiu@ Luna Helu.
L. K. Kaun@ Luna Auhau.
CHAS. T. GULICK,
Kahina Kalaiaina.
Keena K@, Dekemaba 29, 1883.
1153-tl@
AHA K@ DEKEMABA 27,1883.
KE KA@ aku nei, mahope aku o ka la @ o Ianuari A. D. 1884, ua makemakeia e @ iho muaia mai na dala EHA no na kei@ ke Kakauolelo o ka Aha ma na hihia e ho@ aia ana i ka Aha Kaapuni o Oahu, e ka @ nana ka hoohalahala imua o ia Aha, a m@ ma ae hoi o ka hoopaaia ana o ka hihia ma @ Papa Hihia o ka Aha.
Ua Kauoha @ ia ke Kakauolelo e hoike aku i keia kauoh@ i ka Lunakanawai Hoomalu a me na Luna@nawai Apana o Oahu nei, a e noi aku ia @ ou e hai ae i keia kauoha i ka poe e manao@ na e hoohalahala.
Ma ke K@ a ka Aha,
WILLIAM FOSTER,
Kakauolelo.
1153- @
HOOL@ A HUI ; O na mea nona na @ lo iho, ke hoolaha aku nei, ua hooh@ ia laua iho no ka lawelawe ana i kekahi @ na Honolulu, Oahu, elike me ia malalo ih@
I Na Dala @ ING CHONG me HOW CHUNG no Honolulu. @ Ka hana, kuai liilii i na mea ai Pake@ . Inoa hui: KWONG WA ON & Co. @ Kahi hana, Helu 94 Alanui Nuuanu. Honolulu. 1153-2t.
KUAI @ DALA NUI AIWAIWA
MA HAIKU, MAUI,
Poaono, Ianuari 5, 1884.
MA KA HORA 10 A. M.
E kuai kudala nui aku ana o CHAS. H. DICKEY (KALE KIKE) ma ka
POAONO, IANUARI 5, 1884,
i na waiwai like ole o kona halekuai ma Haiku, oia na waiwai
LOLE O NA ANO A PAU,
NA LAKO HAO LIKE OLE,
NA LAKO MEA AI HE NUI,
NA PAA LOLE NA PAA LOLE.
&c., &c., &c., &c.,
He kuai aiwaiwa keia, he kuai nui, he kuai hoopomaikai keia i ko Maui poe, ma ke kuai nui a liilii. E malama i na dala a hiki mai ua la nei alaila hele nui a kuai.
HE NUI ANEI KOU MAKEMAKE I NA
MIKINI HUMUHUMU LOLE !
Ina pela, e kipa mai no ma ka Halekuai o
Kakela & Kuke!
A malaila oukou e ike ai a makaikai i na ano
Mekini a WHEELER a me WILSON
mai ke@ $40 a hiki i ke $50 ke kumukuai ka mea hookahi.
NA MIKINI A SINGER !
mai @ ke $50 pakahi me ke ano
MIKINI A WILCOX ME GIBBS
ma ka $30 a hiki i ke $50 ke kumukuai.
I mea e pau ai ko oukou kana@ua e na makamaka no ke kupono o keia mau Mekini, e naue mai no me ke ku@e ole, a e ike no oukou iha.
@ tf
S N. EMER@ON, (EMEKONA)
LUNA Hoo@io Palapala Kepa Paakumu@ no ka opana Waialua, Oahu. A@ena no ka Hooi@io na i na Palapala no ka mokupuni o Oahu.@
Ua makaukau @ hoi oia e ANA AINA nou na @ahi @mau i makemakeia.
Waialua, Oahu, @ 10, '83. 1148-3ms.
NA HOOLAHA HOU.
AHA HOOKOLOKOLO KIEKIE O KO HAWAII PAE AINA. Ma ka Hooponopono Waiwai. Ma ka Waiwai @ KALUA@AOLE (k.) o Molokai i make kanaka ole. Imua o ka Lunakanawai B. H. AUSTIN.
Ma ka heluhelu a me ka waiho ana mai o ka Palapala Noi a Henry J. Hart o Honolulu, e hoike mai ana o Kaiuapihaole (k.) no Kupeke, Molokai. na make kauoha ole ma Kupeke i oieluia@ ma ka la 6 o Novemaba M.H.1883, a e noi ana e haawiia ka Palapala Hookohu Lunahooponopono Waiwai kekahi mea kupono.
Ua kauohaia o ka POAKAHI ka la 28 o IANUARI M.H. 1884 ma ka hora to kakahiaka oia ka manawa i kohoia no ka hoolohe ana i ua noi la. imua o ua Lunakanawai la. ma ke Keena Hookolokolo o keia Aha ma Honolulu. a ma ia manawa a ma ia wahi no e hele mai ai na mea a pau i pili e hoike mai i ke kumu. ina he kumu oiaia ko lakou e ae oleia ai ua Noi la. A o keia olelo kauoha e hoolahaia ma ka olelo Hawaii me Beritania i ekolu pule ma ke KUOKOA me Hawaiian Gazette he mau nupepa ma Honolulu.
Kakauia ma Honolulu ko Hawaii Pae Aina
Ianuari 2 M.H. 1884.
B. H. AUSTIN,
Lunakanawai o ka Aha Kiekie.
1153-3t.
HOOLAHA HOOKO MORAKI ME KE KUAI:-Mamuli o kekahi @oana kuai i hoikeia maloko o kekahi palapala moraki i hanaia mawaena o H. C. Sheldon o ka aoao mea, a me Mrs. C. B. Andrew o ka aoao elua, ma ka la 6 o Mei 1883, i kakau kopeia ma ka buke 60 aoao 216, a mamuli o ka uahiia ana o na kumu aelike o kela moraki, nolaila ke hoolahaia aku neie ka mea nona ka aoao elua o ua moraki nei e hooko ana oia ia mana kuai, a ma ia hooko ana e kudala akeaia ana ka aina i hoikeia ma ia moraki, ma ka
POAKAHI IANUARI 24,1884,
ma ke Keena Kudala o E. P. Adamu ma Honolulu ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 19 o Dekemaba, 1883.
MRS. C. B. ANDREWS,
Mea Moraki Mai.
Penei na aina e kudalaia ana:
Hoolimalima no kekahi apana aina e waiho la ma Halawa, Kohala, Hawaii.
1 H. Hook ia H. C. Sheldon kopeia ma ka ka buke 60 aoao 30 a me ka aina kuai.
2 S. Kilauea ia H. C. Sheldon kopeia ma ka buke 60 aoao 31, a e kuai puia aku ana no hoi me na hale a pau maluna, me na mea hana amara a pau loa a ua H. C. Sheldon nei.
A he kulana maikai loa ma Kohala no ka mea lawelawe oihana o ia ano. 1152-4t.
HOOLAHA HOOKO MORAKI ME KE KUAI;- Mamuli o kekahi mana kuai i hoikeia maloko o kekahi palapala moraki i hanaia mawaena o J. W. Makanui o ka aoao mua, a me Mrs. C. B. Andrews o ka aoao elua, ma ka la 29 o Maraki 1879, i kakau kopeia ma ka buke 60 aoao 166, a mamuli o ka uhaiia ana o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai a ma ia hooko ana e kudala akeaia ana ka aina i hoikeia ma ia moraki, ma ka
POAKAHI, IANUARI 24,1884,
ma ke Keena kudala o E. P. Adamu ma Honolulu ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 18 o Dekemaba, 1883.
MRS. C. B. ANDREWS,
Mea Moraki Mai.
Penei na aina e kudalaia ana :
O kela apana aina ma Makiki ma ke alanui e hele ana i ke kula nui o Punahou, he 28-100 eka. 1152-4t.
HOOLAHA HOOKO MORAKI ME KE KUAI:- Mamuli o kekahi mana kuai i hoikeia maloko o ke hahi palapala moraki i hanaia mawaena o G. Hanley a me Mahoe Har@ o ka aoao @ua, a me Daniel P. True o ka aoao elua, ma ka la 14 o Maraki 1882, i kakau kopeia ma ka buke 72 aoao 389 a mamuli o ka uhaiia o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana e kudala akeaia aku ana ka aina i hoikeia ma ia moraki ma ka
POAKAHI, IANUARI 21, 1883,
ma ke Keena Kudala o E. P. Adamu ma Honolulu, ma ka hora 12 o ia la.
Hanaia i keia la 13 o Dekemaba 1883.
DANIEL P. TRUE,
Mea Moraki Mai.
Penei na aina e kudalaia ana:
O kela apana aina me ke kihi hikina o ke alanui Liliha, Honolulu, e pili ana i ka aina o Pease, he 242 kapuai ka loa ma ke alanui Liliha, a he 244 kapuai ka loa e holo ana iloko. a ma ia apana aina he 7-100 eka he maikai na Palapala. 1150-4t.
HOOLAHA A KA LUNA HOOPONOPONO WAIWAI.-Oiai ua koho ia ka mea nona ka inoa malalo iho i lunahooponopono waiwai no ka waiwai o Paulo, no Punahoa Hilo, Hawaii, i make aku nei.
Ke kahea aku nei au i na mea a pau o ka mea i make i aie mai ai iaia o hookaa koke mai aole kali, a me ka poe ana i aie aku ai, a e waiho mai i ka lakou hooiaio pu mai, iloko o na malama eono mai ka la 21 o Sepatemaba 1883, a hiki ma ka la 21 o Maraki 1884.
J. S. KALANA.
Lunahooponopono waiwai o Paulo i make.
Hilo, Hawaii. @1151-3t*
HOOLAHA LUN@HOOPONOPONO WAIWAI:-Ua hookohu ponoia mai ka mea nona ka inoa malalo i Lunahooponopono no na Waiwai o Robert Love o Honolului mrke.@ O ka poe a pau he mau aie ko lakou i ka mea i make e hookaa awiwi mai mai lakou me ke kaulua ole. O ka poe a pau he mau koina ko i akou i ka mea i make ina ua hoopaaia ma ka moraki a ma kekahi ano e ae paha, e hoike koke mai lakou me na hooiaio kupono iloko o na mahina eono mai keia la aku o hoole mau ia aku lakou.
FANNY LOVE.
Lunahooponopono Waiwai o Robert Love.
Honolulu, Nov. 26, 1883. 1150-4t.
HOOLAHA :-I ka poe mea hanai holoholona ma Kohala, Hawaii. Aia no he 155 eka aina ma ke kiko waena o ka Hui Hanai Holoholona o Kahuwa, oia ka aina i kapala@ o Pahinahina, ua hoakakaia na palena ma ka Palapala Sila Nui Helu 2334, inoa o Makuaote @ine Kekoolani, he aina maikai a kupono no ka m@ea nui o na holoholona elike me S. W. Nawal@ie, Opunui, a pela aku.
E Makemakeia ana paha e kuai a hoolima lima. No na mea @ koe e ninau ia
W. CHAS. ACHI.
Honolulu, Oahu, Dek. 13,1883. 1150-4t.
HOOLAHA : -Owau o AWAI [PAKE] ke hai aku nei au mau ke akea, o kela apana o Halauwai (w.) i kuaiia aku ia Kawaikini a hooliloia ia Kaluapalaoa oia ke kuleana 4270 Sila 8114, ua lilo mai ia'u i ke kuaiia. Nolaila ke hai aku nei a u i na mea a pau, ua kapu i kela a me keia ano kanaka ke hele a noho maluna o kela apana aina i haiia ae la maluna me kuu ae ole aku. A o ka mea kue i keia e hana no au elike me ke kanawai.
AWAI [PAKE:]
Halawa, Kohala Akau. Hawaii, Dek. 21, '83
1152-3t.*
AONA [PAKE.]
HALEKUAI UPENA MA ALANUI MAUNAKEA
HELU 8, HONOLULU.
Malaila e loaa ai no upena o na ano a pau, mai ka maka Kahi a hiki i ka make ha. A malaila e loaa ai na aho o na ano a pau. Ke kono aku nei au i ka poe a pau @nai Hawaii a Kauai e hele mai ma ko'u halei@a1 a e kuai makepono aku no au. 1152-3m@*
J M DAVIDSON.
LOIO ! LOIO ! !
KEENA HANA: Helu 13 Alanui Kaahumanu.
1147-3ms.
NA HOOLAHA HOU.
AHA Kiekie o ko Hawaii Pae Aina. Ma ka Hooponopono Waiwai. Mokupuna o Oahu Hawaii Pae Aina. @ Ma ka Waiwai o JOHN NAKOOKOO i make. Olelo Kauoha e koho ana i la e hooiaio ai ka Palapala Kauoha, a no ka hoolaha ana.
No ka mea. ma ka la 27 o Dekemaba M.H. 1883. ua waihoia mai imua o ka Aha kekahi Palapala i oleloia. oia no ke kaaoha hope loa o John Nakookoo i make aku la: a me ka Palapala Hoopii e noi ana e hooiaioia Kela Palapala Kauoha a e hoopuka hoi ka Palapala Luna Hooke no Naaniani ua waiheia mai e ia.
Nolaila na kauohaia. o ka POALIMA ka la 18 o JANUARI M.H. 1884. ma ka hora 10 A.m: ma ka Kumi Hookolokolo @ ia Aha ma Honolulu ma Aliiolani Hale. oia ka la a me ka hora e hooiaioia ai ia Palapala Kauoha a e hoolohe hoi no ia noi ana mai, o me ka poe a pau i pili e kue ana ia Palapala Kauoha. a me ka hoopuka ana i ka Palapala Luna Hooko.
A ua kauoha hou ia. e hoolaha no ia n@oa @ na pule ekolu iloko o ke KUOKOA he nupepa i paiia a hoolahaia ma Honolulu.
Kakauia ma Honolulu, ke Hawaii Pae Aina. Dek.27,1883. A. F. Judd
Lunakanawai Nui o ka Aha Kiekie.
1152- 3t.
AHA Hookolokolo Kaapuni Apana Ekolu o ko Hawaii Pae Aina. Ma ka hooponopona Waiwai. Ma ka waiwai o PA@A no Kohala Akau, Hawaii, i make kauoha ole. Imua o ka Lunakanawai C. F. Hart.
Ma ka heluhelu a me ka waiho ana mai o ka palapala noi a Kalanui(w.) a me Kaupena. no Kohala Akau, Hawaii, e hoike mai ana, o Pahiha (k.) no Kohala. Hawaii, ua make kauoha ole ma Puuepa M. H. 1870. a e noi ana e haawiia ka palapala hookohu Lunahooponopono Waiwai ia Kalaaniani a me Kaupena.
Ua kauohaia, o ka POAHA, oia ka la 17 o IANUARI M.H. 1884, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo ma Kapaau, Kohala Akau, Hawaii. ma ka hora 10 o ke kakahiaka, a ma ia manawa a ma wahi no e hele mai ai na mea a pau i pili e hoike mai i ke kumu, ina he kumu oiaia ko lakou e ae oleia ai ua noi la.
CHARLES F. HART.
Lunakanawai Kaapuni Apana Ekolu.
1152-3t.
ILOKO o ka Aha Hookolokolo Kaapuni o ka Apana Ekolu o ke Aupuni Hawaii. KALAKAUA, ma ka lokomaikai o ke Akua, o ko Hawaii Pae Aina, Moi.
Ia William C. Parke Esquire, Hamuku o ke Apuni, a i ole i kona Hope iloko o ka Aha Hookolokolo Kaapuni Apana Ekolu. Me ka Mahalo:
Ke kauohaia aku nei oe e kii aku ia Hugh B. Montgomery ka mea i hoopiiia, ina e waiho ana oia i kana pane i kakauia iloko o na la he iwakalua mahope iho o ka hooko ana o keia. e hele mai imua o ka Aha Hookolokolo Kaapuni Apana Ekolu, ma ke Kau o Novemaba o ua Aha la e malamaia ana ma ke Keena Hookolokolo o ka Hale Hookolokolo ma Waimea, mokupuni o Hawaii, ma ka Poaha la 8 o Novemaba 1883 e hiki mai ana, ma ka hora 9 A. M. e hoike mai, no ke aha la e ae oleia ai ke noi a Nancy K. Montgomery ka mea hoopii, elike me ka mea i hoakakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka Mea Hanohano A. Francis Judd, Lunakanawai Nui o ko Makou Aha Kiekie, i keia la 15 o Sepatemaba A. D. 1883.
DANIEL PORTER.
Kakauolelo o ka Aha Kaapuni Apana Ekolu.
I keia Palapala Kii, ua pane ka Hamuku penei:
Oiai ua imi au ia Hugh R. Montgomery i oleloia maloko o keia Palapala Kii, ke hoihoi aku nei au i keia Palapala Kii me ka hooko oleia, no ka loaa ole ana o ua Hugh B. Montgomery la i oleloia iloko o keia Aupuni.
W. C. PARKE.
Ilamuku.
Mamuli o na hoike a ka Ilamuku ma o kona hoihoi ana i ka Palapala Kii, ua ikeia aole i loaa ka mea i hoopiiia oiai @a haalele oia i ke aupuni: nolaila ua hoopaneeia ka hoolohe ana o ka hihia a i ke Kau o Mei o ka Aha Kaapuni no ka Ana Hookolokolo Kaapuni Apana Ekolu e malamaia ana ma Hilo ma ka mokupuni o Hawaii A. D. 1884, a maloko o ia manawa kowa e paiia i kope i hooiaioia o na Palapala Kii la. a e hoolahaia ma na olelo Hawaii me Beritania no Eono manawa, a o ka hoolaha hope ana aole e haule iho malalo o na la he iwakalua mamua o ka la mua e malamaia ai ua Kau la i oleloia.
Ke hoike nei au ma keia, o ka palapala maluna ae, he kope oiaio a pololei ia o ka Palapala Kii i hoopukaia ma ka hihia oki mare o Nancy K. Montgomery kue ia Hugh B. Montgomery, a me ka hoike a ka Hamuku no ia mea, a iloko o ia manawa kowa e paiia i kope oiaio o ua Palapala Kii nei elike me ka mea i hoakakaia ma ke kanawai, e kahea aku i ka mea i hoopiiia e pane mai ma ke Kau o Mei A. D, 1884, i oleloia.
I hoike no ia mea, ke kau nei au i ko'u lima i keia la 25 o Novemaba, A. D. 1883.
DANIEL PORTER,
Kakauolelo o ka Aha Kaapuni Apana Ekolu o ko Hawaii Pae Aina. 1149.6t.
ILOKO o ka Aha Hookolokolo Kaapuni o ka Apana Ekolu o ke Aupuni Hawaii. KALAKAUA, ma ka lokomaikai o ke Akua, o ko Hawaii Pae Aina, Moi.
Ia Willaim@ C. Parke Esquire, Ilamuku o ke Aupuni, a i ole ia kona Hop@ iloko o ka Aha Hookolokolo Kaapuni Apana Ekolu. Me ka Mahalo:
Ke kauohaia aku nei oe e kii aku ia J. E. Shemmen ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kaapuni Apana Ekolu, ma ke Kau o Sepatemaba i ua Aha la e malamaia ana ma ke Keena Hookolokolo o ka Hale Hookolokolo ma Waiohinu, makupuni o Hawaii, ma ka Poaha la 6 o Sepatemaba 1883 e hiki mai ana, ma ka hora 9 A.M., e hoike mai, no ke aha la e a ae oleia ai ke noi a Ellen A. Shemmen ka mea hoopii, elike me ka mea i hoakakaia iloko o ka palapala hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka Mea Hanohano A. Francis Judd Lunakanawai Nui o ko Makou Aha Hookolokolo Kiekie, i keia la 18 o Iulai A. D. 1883. DANIEL PORTER,
Kakauolelo o ka Aha Kaapuni Apana Ekolu.
I keia Palapala Kii, ua pane ka Ilamuku panei:
Oiai ua imi au ia J. E. Shemmen i oleloia maloko o keia Palapala Kii, ke hoihoi aku nei au i keia Palapala Kii me ka hooko ole ia, no ka loaa ole ana o ua J. E. Shemmen la i olelo ia iloko o keia Aupuni. W. C. PARKE,
Ilamuku.
Mamuli o na hoike a ka Ilamuku ma o kona hoihoi ana i ka Palapala Kii, aole i loaa ka mea i hoopiiia oiai ua haalele oia i ke aupuni; nolaila ua hoopaneeia ka hoolohe ana o ka hihia a i ke Kau o Mei o ka Aha Kaapuni no ka Aha Hookolokolo Kaapuni Apana Ekolu e malamaia ana ma Hilo ma ka mokupuni o Hawaii, A. D. 1884, a maloko o ia manawa kowa a paiia ai i kope hooiaio ia o ua Palapala Kii la a e hoolahaia ma na olelo Hawaii me Beritania no Eono manawa, a o ka hoolaha hope ana aole e haule iho malalo o na la he iwakalua mamua o ka la mua e malamaia ai ua Kau la i oleloia.
Ke hoike nei au ma keia, o ka palapala maluna ae, he hope oiaio a pololei ia o ka Palapala Kii i hoopukaia ma ka hihia oki mare o Ellen A Shemmen kue ia J. E. Shemmen. a me ka hoike a ka Ilamuku no ia mea, a iloko o ia manawa kowa, e paiia i kope oiaio o ua Palapala Kii nei elike me ka mea i hoakakaia ma ke kanawai, e kahea aku i ka mea i hoopii ia e pane mai ma ke Kau o Mei i oleloia.
I hoike no ia mea, ke kau nei au i ko'u lima i keia la 23 o Novemaba A. D. 1883.
DANIEL PORTER,
Kakauolelo o ka Aha Kaapuni Apana Ekolu o ko Hawaii Pae Aina. 1149-6t.
NA HOOLAHA KUMAU@@
HALEKUAI HOU
CHAS. J. FISCHER@@
KA WEHE NUI @.
HALEK@AI
Chas. J. Fisher@@
KIHI ALANUI N@
Na Waiwai hou o ka hoea @
ia ma ka mokuahi Ma@
Halekuai h@
Na lake aaha o na Kane @
i ike oleia ma ke k@
mua, a e kuaiia ak@
ka waipahe i ike oleia@
Na Kalakoa hou ! Na Kalakoa @@
Na paa lole o na kane n@
a hiki i ka $30.@
E HELE MAI HOOKAII I@
MAI NO A PAU
CHAS. J. @
Kihi o alanui Nuuanu me Kale
HALEPAI O THOS. G. TH@@
O KA NUPEPA
SATURDAY PRESS me KUOK@@
ALANUI KAAHUMANU, HON @
Malaila e paiia ai na an @
BUKE,
HOIKE O NA K@A.
HOIKE A NA K@
NA HAW @
PAPA KUHIKUHI O N@
HOOLAHA N@
BALOIA, L@
TIK@, @
BU @
@
&c., &c., &c.
Hoko o ka wa po@ le a @
A ma ka halekuai o THOS G @
ma ALANUI PAE @
Kalana kakau o @
Wahi Leta "
Inika "
Penikala "
Mea Hoopip@
Peni gula a @
Kii, a me na @
Buke kii o ka @
Buke kii a na @
Na mea paani @
Kua a na keiki.
Kaa huila lua o @
A he Agena no ke ana h@
Keiki a me na wahi@
No ka hoailona ana i na lo@
e hookoia na kauoha a pau.
ke waihoia ma keia hai@
pu o ka papa inoa i makemake@
ka inoa hookahi me ka ini@
$1.50 ina ma ka papa inoa @
ma ka papa inoa dala $2.
O na kauoha @au m@
hookoia ina e hoouna pu ia @
a me ka moakaka pono o na h@
THOS. G. THRUM.