Ka Nupepa Kuokoa, Volume XXIII, Number 6, 9 February 1884 — He hana ku i ka mahaloia. [ARTICLE]

He hana ku i ka mahaloia.

Ma ko makou ano he makee i ka pono, ua hauoli inau ia ko makou manao i na wa a pau e loaa ana na lono, no kekahi mau hana maikai nana e kokua i ka noho alii ana p ua pono lā nialuna o ka aina. Ma kekahi 0 na la i aui hope aku la, ua lawe pololeiia mai ia makou kekahi mau hoike oiaio, mai kekahi mea i lohe pono me kona mau pepeiao, i na huaolelo ao o ke ano kanaka makua a Capt Wm. H. Tell, i kekahi la i hala

ae nei, imua o ka Puali Makai e noho nei malalo o.kana mau alakai ana.

Ua lohe ke kapena Tell, aia mawaena o na makai malalo ona, he lehulehu wale lakou ke noho nei ma ke ano manuahi me ka lakou mau wahine, aole hoi ma ke ano maemae malalo o ka herita hemolele o ka mare; a oiai, o ka oihana makai, he oihana malama ia i ka maluhia a me ka pono; a oiai, ke hoao nei oia e alakai ia lakou ma ke ala o ka pono, ma ka hoolauna ana aku ia lakou maloko o na anaina haipule, kahi o ka maemae a me ka hemolele; nolaila, ua lilo i mea hookahaha i kona manao me ke kaumaha, ka hoomaopopo ana, aia ka mawaena o ka puali makai o ke kulanakauhale nei 1 kaa hoi ka hanohano oke alakai ana maluna o kona hokna, ke noho nei ka me ka haumia. Xolaila, ua haawi oia i kana kauoha paa penei: "E hoolohe oukou ena makai e noho manuahi nei, ke haawi nei au 1 ke kauoha paa ia oukou, mai keia la mua aku o keia mahina, (Feberuari i) a hiki i ka la hope, e mnre ai oukou i ka oukou mau wahine, a o ka poe e hooko ole i keia kauoha ma ia la hope oka mahina, e hoihoi koke mai i ke pihi o ka.oihana makai oke aupuni a paa ma ko'u lima; a na ke aupuni ka lawelawe ana no oukou rna ia hope aku no ka hooko ana i ke kanawai." Aole e hiki ia makou ke hookuu aku i keia mau olelo ao maikai a ku ika naauao me ka haawi ole ana ika mahalo ia Capt. Tell; no ka mea, o kekahi keia o na hoike lehulehu wale ma kona aoao e. hoike īnai ana, aole oia he kanaka kupono wale iho no ma keia oihana o ke kiai i ka maluhia o ka lehulehu, aka, he kanaka kupono oia no ka hooko ana i ua kanawai o ka aina, a ua oleloia e ka poe naauao o na aina naauao—o ke aupuni i hooko oleia o na kanawai, aole e noho ka maluhia; aka, o ka aina i hookoia na kanawai, e noho £llii auanei ka maluhia." He mahalo ko makou no keia hana maikai.

Kahikina Kei.ekona. Ua ae aku makou i keia makamaka e hoopuka i kona manao elike me kana i hoike ae maluna. Ma ka makou noonoo nae, ua oi loa aku ka pono ke aoia na makai ma na mea e makaukau ai ma ka lakou oihana ponoi, mamua o ka paikau hoikeike ana ia lakou iho iloko o ka hale o ke Akua, a me ka hoomale ana aku i ka poe manuahi. Ua loaa anei ka mea nana i pepehi ka wahine ma Kulaokamaomao i Maui ? A pehea hoi o Uilama Bakala ? Ke paipai nei makou.e nowelo aku a loaa ka poe e hana nei na hihia nui a e waiho i muliwaa ka mare wahine me ka hele luakini o ka oihana makai. Na ke Kuokoa.