Ka Nupepa Kuokoa, Volume XXIII, Number 9, 1 March 1884 — Ke kamelo nalowale. [ARTICLE]

Ke kamelo nalowale.

HE HOOMAKEAKA. E hele huakai s ana kekahi mau kanaka kalepa mawaena o ka waoakua me ka laua kamelo i kaumaha me na waiwai, a hoea laua ma kekahi ponaha laau uliuli i ke ano ana aku o ke ahiahi, hooholo iho la laua e hooluolu malaila 110 ia po. Ala laua ma ka wanaao ae o kekahi la, a hoomakaukau no ka hele, aka, ua kahaha loaia ko laua manao i ka ike ana aku aole ka laua kamelo. Huli hele aku la laua e hookolo ana ma na meheu kapuai maluna o ke one, a liuliu iki halawai laua me kekahi kahuna moneka. He kamelo anei ka olua i nalowale ? wahi ana i na kanaka kalepa. Ae wahi a laua. He makapo anei kona maka akau, a ua oopa anei kona wawa hema hope ? Ae, wahi a ka pane. Ua hemo anei kekahi o kona mau niho. Ua hemo no, wahi hou a laua. ? He hone ame ka huita anei kana mau ukana ma kela a me keia aoao? wahi a ka moneka me ka hoomau ana i ka niele. He oiaio ia, e ke keonimana, ina ua ike lihi iki oe e oluolu oe e hoike mai ia maua. E na hoa'loha, aole au i ike i ka olua kamelo, a aole hoi i lohe nona mai kekahi mea e ae, aka, ia olua no. He wahi mea kupanaha ia, wahi a laua, aka, auhea la na momi kekabi hapa o kona maii waiwai ?

Aole loa au i ike i ka olua kamelo lelepali aole hoi i na momi wahi a olua. No ia mea, hali aku la laua i ka moneka imua o ka lunakanwai a hooia aku la no na kumu hoopii e hoopai iaia, ma ka hoike wahahee a ma ka aihue paha. He kumu pale no anei kekahi nou iho e ka lawehala ? wahi a ka lunakanawai. Ia wa ku ae la ke kahuna moneka me ka mino aka a kamailio aku la me |ka leo haahaa: "Ua haohao loa au i keia hikilele koke ana o kuu mau hoa'loha; aka, ua noho loihi au ma keia wahi me ka loaa ole o kekahi mau hiona nno e ma na wahi akea nana e hoomoali iki ma ke ala o ka noeau; aka, ma ka waoakua wale no. "la'u e holoholo ana i kekahi kakahiaka ma ka waoakua, ike iho la au 1 na kapuai holoholona maluna o ke one a ma ko'u hoomaopopo pono ana, he kapuai no ia no ke kamelo i nalow?le mai kona kahu aka, no ka mea, aole he.mau kapuai kanaka kekahi. I

' "Ma ko'u hakilo pono ana, ike iho la au i na kapuai ekolu ua poopoo loa ia ma ke one, a o ka ha, ua mama ae no ia maluna o ke ona; a hoomaopopo iho la au ua oopa kekahi o kona mau wawae. Aole no hoi ia i hoololi ae i kona wahi i ai ai i ka mauu ma ke ala, oiai ua ai wale no oia ma ka aoao hema; pela au i manao ai he makapo kona maka akau. " Ike iho la au ma kela a me keia wahi ana i nahu ai i ka mauu he wahi o-pu mauu uuku ke koe na, a hoomaopopo iho la au ua hemo kekahi o kona mau niho. Hookolo hele aku la

au a loaa kahi i moe ai, ma kekahi aoao e lawe ana na nalo i na kulu hone i haule iho ma ke one, a o na naonao hoi e halihali ana i na hunahuna huita i helelei iho, a puana ae la au iloko iho o'u he kamelo makapo keia i oopa kekahi o kona mau wawae, a i hele ma ke ala e ai ika mauu ka pau pono ole, a a moe ino iho paha ilalo e hooluolu no kona kaumaha a helelei na kulu hone me na hunahuna huita; aka, imua ou eke kahu kanawai aole loa au i ike i ko laua kamelo aole i na momi a aole hoi i lohe mahui nona, mai kekahi mea e, aka, mai ia laua mai no." " Ua lanakila oe e ka moneka me ka maikai;" ka olelo hooholo a ke kahu kanawai.