Ka Nupepa Kuokoa, Volume XXIII, Number 9, 1 March 1884 — He hopena pilikia. [ARTICLE]

He hopena pilikia.

He kanaka hanai puaa ma ka mokuaina o Keokia, (Georgia) Amerika Hui. He heluna nui ona puaa kana o ke ano maikai a kumukuai nui. Eia nae ka mea i kuaiia ai, ua paa loa ko lakou kino i ka uku lele na lakou i akiaki i ke kino o na puaa; ua lohe nae keia kanaka, o ko lakou aila no i huipuia me ke ka ka laau lapaau oia mai; nolaila, i i iho la ua wahi kanaka nei, he aila no hoi ko lakou, a he makehewa wale no ka hamo hou ana aku i ailahou, nolaila ika wale no ka'u e hamo ai. Ia wa, hamo iho la oia i ke ka i kana mau puaa a pau a hookuu aku la ia lakou 1 ke kula; aole he noonoo hou o ua wahi kanaka nei no kana mau puaa, a na ka uhi ana ona eheu okapo i hookomo na hoomanao ana iloko ona; aia kiei ana aku ona mawaho o ka puka, ike iho la oia aole kana mau pu-a puaa aole i hoi mai.

I ke kakahiaka nui o kekahi la ae, hele aku la oia ma ke kula e imi ai a he mea laki loa nae i ka loaa ana aku no o lakou a pau i kahi hookahi; na ka wela okala i hoohehee i ke ka i ko lakou moe ana ma kahi hookahi, pipili ae la ke ka, a pau loa iho la lakou i-ka paa ma kahi hookahi, a me ia kulana lakou i loaa aku ai i ko lakou kahu hana naaupo.