Ka Nupepa Kuokoa, Volume XXIII, Number 9, 1 March 1884 — No na misiona. [ARTICLE]

No na misiona.

Ma ka nana ana i ka misionari Heialā., ua ikeia, ua make kekahi hoa kakauleta no ka Aha misionari ma Bosetona, oia hoi oA. B. C. F. M. Rev. John. O. Meousd ka keia hoa ; he hoa no Kaaka Kalaka, ka mea i hele mai'i Honolulu nei ma ka makahiki luhile, makahiki 1870. Aole i make keia hoa kakauleta misionan no ka nui o kona mau makahiki. No ka mea. ua 62 wale no ona mau makahiki. Aka, ua make oia no ka nui o kana hana.

O kekahi hana nui keia, ka hoomakaukau ana i alanui no lehova ma ke kauwahi o Aferika-waena, ka aina pouli loa. Ma kona ikaika nui ua kukalaia i misiona ma kekahi hapa o ia aina no ka Aha misfcnari 0 Bosetona. Aia no na misionari malaila, e hooikaika ana e loaa ka olelo pohihihi o ia aina, a e kuhikuhi i na Negero olaila 1 ke ala o ke ola.

O kekahi hana nui ana; ua pau na hana ana hoa ona ekolu. No ka hele ana o na hoa elua i Europa e hooponopono i ka oihana misiona ma Turek<i:, ua kau nā hana a na hoa ekolu maluna 0 keia hoa hookahi, alaila ua pakoluia kona kaumaha. 'No ka hookulouia ona malalo iho 0 keia kaumaka kona make koke ana. O kekahi hana maikai loa ana keia. Aloha nui oia i ka misiona ma Maikonisia. No ka ike ana, aole kupono ka moku pea*no na hana ma ia . Paeaina," no ka lolii, no ka pohu, no na makani kue, no na pilikia i loohia pinepineia'i, a ane e poho ka moku, nolaila, ua hooikaika loa keia hoa kakauleia, e hanaia 1 moku hou, i moku mahu.

A ua hooholoia no ia makemake nui ona. Ua noonoo ke komite okaA. B. Q. F. M. no ka moku hou, ina he moku mahu ia. A i ko lakou imi ana i ke kumukuai, ua nianaoia, he 45,000 dala ka nui. Ua waihoia ka imi ana ia mau dala i na Kula Sabati ma Amerika Hui. Nana Kula Sabati i imi i na dala i paa ai ka inoku misionari, 0 Hoku Ao, e holo nei me leona mua aku.

I ka lohe ana ona Kula Sabati eia ia lakou keia hana nui a maika, ua olioli loa lakou i ka hapai ana i keia hana. Ke luluia ana o ke dala, ke haawiia ana, ke laweia ana o na kuleana ilokō o keia Hoku slo hou, Hoku Ao mahu. He rnau tausani dala ka i loaa. A pehea na Kula Sabati Hawaii ? Eku wale anei kakou me ke kokuaole, me lea lawe ole i mau kuleana iloko o keia moku ? Aole no Amenka keia moku; no Hawaii nei me Maikonisia.

Ke lohe nei kakou, aia mawaena o Apeiila ka hoi ana mai o Hoku Ao i Honolulu nei. No ke aha keia lolohi loa ana ? No ka moku pea ka moku holo lohi, hapauea, panauea hiki ole ke paio me na makani me na nalu a me ka pohu. E ala na Kula Sabati Hatvaii, mai kali a kukakuka pu mc ke komite hooko o ka Aha Kula Sabati o Hawaii nei. E hana kuokoa kela Kula keia Kula. He hana wikiwiki keia i Joaa ia moku mahu e holo ai na misionari hou i Maikonisia ma lune lulai paha.

Ua emi iho ke kokua misionari ma Amenka Hui no ka A. B. C. J ? . M. iloko o na malama ekolu $91,000 wale i)p $ 125,000 elala ka'pono 110 kela ano keia hapa oka mak. 1 holo pono na hana a na misio*ari malalo ae 0 ia papa. ' Pehea lee kokua kuwaho o na Ekalesia o Hawaii nei ke emi iho nei. anei ? ke pii ae la paha ? K huli i akaka, emi ana e uuku e hoopii ae ma na malaina 1 koe 0 pilikia aunei na misionari ma Maikonisia a me l ; 'atuiwa, o Kapu ma me Kekela me, ka poe e hoomanawanui

ana i waena 0 na pilikia- a kakou i ike ole ai. He haipule Karisetiano wahine ma Hinedu olelo oia i kona misioneri ua ilihune au aole au dala e haawi no ka oihana misionari. Aka, he alelo no ko'u a he wawae hoi a hiki ia'u ke hele aao aku i na hoalauna e hele i 0 lesu la ka mea a'u e. hilinai olioli nei. Ma ia hana ana.ua huli mai he 1 r hoalauna hoomanakii mamuli o lesu. E na hoahanau ilihune dala ole, e hoolialike oukou me keia wahine H inedu.

He makuakane kaulana naauao rna lapana. Aole oia he Karisetiano, aka, ua hoouna oia i elua kiekikane ana i kekahi Kula Karisetiano nui ma Ame-' ka Hui. Na kekahi Karisetiano laua e malama. E lilo paha auanei Inua i mau kahunapule no lapāna. E na makua Hawaii, ke hoouna nei anei oukou i ka oukou mau keiki i na Kula Karisetiano Euanalio ? £ nana i akaka ke ano o na mea , a ka oukou mau keiki eao nei ma na Kula. Heaha ka hoomana ? ka puleanei ia Marie? ka waiho waleia anei o na hoomana a pau ? ke ake nui nei oukou e ao ia na keiki ma ka olelo haole, olelo Beritaniā. No ke aha ? Ina e loaa ke akamai ma ia olelo me ka nele nae 1 ke ao ia me na mea 'pili ana i ka hoomana io ia lehova, a naaupo lakou ma na mea e ola 'ai ka uhane, heaha ka waiwai ? E malama o lilo ka naauao ma ka olelo haole i mea e mahuahua ai ka poino oka uhane ma ke ahi o Gehena.