Ka Nupepa Kuokoa, Volume XXIII, Number 11, 15 March 1884 — Na lono o na Aina e. [ARTICLE]

Na lono o na Aina e.

O kekahi o na lono ano nui a kaumaha i pahoiaia ma Amerika Hui. oia no ka pii o ka wai o ka muliwai Oh.lo a halana mao a maanei o kona mau palena, aole o ka wai wale no o keia muliwai, aka. o na muliwai eae no kekahi e kahe ana iloko ona, a o ka pii ana no hoi keia o ka wai i oi ae ke kiekie mamua o na pii ana a pau. Iloko ona )a hope o Feberuari keia pii ana. He mau miliona dala ke poho o kela a me keia waiwai 'ike oie, a o na kulanakauhale aia malalo oka wai. A ke paholaia !a na kokua ana he nui no ka poe i pilikia. No na lono e pili ana no ke Kuikahi mawaena o Amenka me Hawaii, he maikai a holopono na lawelaweia ana. Aole he mau lono ano nui i loheia a i paholaia mai, koe wale no he lono i paholaia e i ana ua olelo ke kuhina Pohakuhauoli imua o ka hale ahaolelo 0 na makaainana, e uku ana o Enelani 1 na lilo no ka hoouna ana i na koa Inia i Soudana. Na lono i no Farani, oia no ke kauoha ana oke aupuni ika RearAdimarala Kimo e noho mana ana maluna o na aumoku Farani ma ke Kaiwaenahonua ike kulanakauhale o Parisa, no ka noonoo ana i na hana kupo--110 no ka hoomakaukau hoomahuahua ana ika mana ikaika o kona mau aumoku kaua. Ahe lono no hoi kekahi e i ana, ua kauoha ka Bey o Tunisi i kekahi o na eneginia Farani a e haawi ana i ka mana iaia e hooko aku i kona manao no ka hoolilo ana i ka waoakua o Sahara i loko moana nui.

No Geremania v ua hoala hou ke aupuni i ka hoopii hookolokolo o kekahi kāhuna K£ltoTika i hoopii a hookoloko lo īa i ka makahiki 1879, ake hoala hou ia nei i keia wa, a no keia kumu ua uluku ae na noonoo ana o ka poe kahuna Katolika a me na hoahanau. Ua hoouna pu aku no hoi ia aupuni ma o kona Papa Ola la i kekahi mau Komisina kauka i Inia a me Aigupita, no ka imi a noii ana i na kumu r puka ai ka mai kolela, a ua hoouna mai ia mau Komisina i ka laua hoike i ke aupuni ma ka hoike ana no 'loko mai o na opilopilo wai a me na luawai ino ke kumu i lahi ai o ua mai kolela la. He lono ano lauahea ka i loheia mni Italia mai e i ana no ka hoaoia ana luai nei e powa ke ola o ko laila Moi oia o Humbert oiai oia maluna o ke kaa ahi. O na lono no hoi e pili ana no kela kenela l J ake oia o Gordon's i kona hi ki ana i ke kulanakauhale 0 Kahaiuma ma Soudana, oia no ka hele lehulehu ana mai o na kanaka e honi i kona Ii-

ma a me na wawae a me ke kapa pu ana aku iaia oia ka Suletana o Soudana. No keia mea ua pane aku ua kenela la penei: Aole au i hele mai nei me na puali koa, aka, ua hele mai nei au rae ke Akua ma ko'u aoio e hoopololei ina hana hewa. Aole au e kaua aku ana me kekahi mea kaua, aka, e hana aku ana au ika pono kaulike. O kekahi hana aua kenela nei, oia kona hoouna ana a puni ka aina i kona manao ma ke ano he kuahaua akea. O keia mau lono a pau maluna ae, o na lono ia I loheia, paholaia, ai hiki mai no hoi i o kakou nei ma ka mokuahi M<iripQsa i ka Poaono o kela pule malalo o ka la 20 o Feberuari, a malalo iho hoi e ike pu ana ko makou poe heluhelu ina lono makamaka oka la 27 o ia mahina.