Ka Nupepa Kuokoa, Volume XXIII, Number 13, 29 March 1884 — Page 2
| This text was transcribed by: | Kerri |
| This work is dedicated to: | no na kupuna |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki. . . . . $2.00
No Eono Maina. . . . . 1.00
KUIKE KA RULA.
Poaono. . . . . . Maraki, 29, 1884.
No komo hale powa.
O ka pule i hala kekahi o na pule i mauniaua na hana komo hale powa ma ke kulanakauhale nei, a he elua mau komo hale powa i pakele ai ka mea aihue me na waiwai aihue. O ka hale mea i komoia ai oia no ka hale kuai o Mikela e ku nei ma na kihi o alanui Moi me Alakea, ma keia halekuai i komo ai ka mea aihue ma kekahi puka aniani mahope, a me kekahi pahi oia i okioki ai i ka pake o kekahi aniani a hemo a loaa aku la ke pana o ka puka aniani a hemo ae la ka puka aniani, a komo aku ia ua mea aihue nei iloko o ka halekuai. Iloko o ka halekuai, hoiliili mai la ka mea aihue i na lole, na hamaka kilika, na komo lima a me na mea like a me kekahi mau mea e ae i hiki aku ka huina dala 1,000 a oi, a ma ka puka aniani i hemo mua ai ka puka i hemo ai a puhalahio ua mea aihue la; a iloko o ka pupuahulu o ua mea aihue la e puka iwaho o ka hale, ua poina he pahi mahope.
Ua hoike o Mikela ka on a o ua hale kuai la, he mea maa iaia ka hiamoe mau iloko o ka halekuai, a i keia po hoi aku la oia a i ka hale o kona kaikuahine a moe ilaila. A o ka makai hoi oia huina ua hoihoiia i ka hale keaka, a he makai okoa ka i hoonohoia malaila, a o ia makai hoi, hele pu aku la oia i ka hale keaka a ua hamama ka puka a malaelae ke alanui o ua mea aihue la; a no ia haalele wale ana a ua makai la i kana huina ua hoopauia oia mai ka oihana aku.
Me keia komo hale aihue, ua kauoha ka hope luna makai e huliia ka hale o Waiaha, kekahi o na mea lawelawe o ka halekuai e oleloia nei a o keia Waiaha, kekahi ia o na kanaka i hilinai nui ia e Mikela, a ma ia huliia ana, ua loaa aku la kekahi mau lole a me kekahi mau hamaka, i ka hale o Waiaha, aole nae o na lole i aihueia ma ka po i oleloia, aka, he mau waiwai ia i aihueia a i nalowale mamaua aku, a no ia mea ua hopuia o Waiaha a hoopaaia i ka Halewai, a o na waiwai i aihueia ma ka po i oleloia, aole i loaa. O keia ae la na lono no keia halekuai, a o keia malalo iho he lono ia e pili ana no ke komo aihueia ana o kekahi hale Pake holoi lole:
Ma ke kakahiaka nui poniponi o ka Poalima o kela pule, komo aihueia iho la ka hale o kekahi Pake ma ke alanui Moi, a he hale kahi i waiho ai na lole lepo o kekahi poe no ka lawe ana e holoi, a lilo aku la he mau palule maikai, na uhi moe, na pale koki o na wahine, a me na kakini a pela aku, a aole i loaa ka mea komo hale aihue.
A ma ia la hookahi no, komo koloheia iho la kekahi halekuai Pake ma ke alanui Ema, aole nae he mea i lilo, no ka mea ua ala e ka Pake on a o ua halekuai la, a pau nui aku la ua poe kolohe nei i ka puhee holo mahuka.
A ma ia po no, komo aihueia iho la ka hale mu rama Key Stone e ku nei ma na kihi o alanui Moi me Papu a lilo aku la he mau haneri dala mahope iho o ka wawahiia ana o ka pahu hao. Ua loaa he hookahi o laua ma o ka hopuia ana a pakele kekahi, a i ka wa e laweia ana o ua haole la i paa i ka hopuia i ka Halewai, holo mahuka iho la oia mai ka makai nana e lawe ana i ka halewai a pakele aku la. Aole nae i mau ia kulana pakele on a, no ka mea ua hopu hou ia oia i ka la Sabati nei a me kona kokoolua a hoopaaia, ua hookolokoloia laua imua o ka Aha Hoomalu a ua ae laua i ko laua hewa. Ua hoopaneeia ko laua hookolokolo piha a i ke kau o Aperila ae nei.
Ka lawaia me ke Giana
Pauda.
Ma kekahi wahi e ae o ka pepa o keia la e ike ai ko makou poe heluhelu i kekahi mau manao mai na mokupuni mai e pili ana no ka poe i poino ma o ko lakou hookuli a hoomano ma ka lawaia ana me ke giana pauda. Ke heluhelu iho ia mau manao, he ku maoli no i ka menemene a manaonao na hopena i ili iho maluna o ke kanaka. Ma ka hoike a kauka Kamika o Koloa ia makou a o ia hoike e ikeia no ma kekahi wahi e ae o ka pepa o keia la o ka eha iho la ia o na kanaka ana i oki ai i ko lakou mau lima weluwelu mai keia mea hookahi o ka lawaia me ke giana pauda, iloko o na manawa like ole, a he hoike ana ia he hana keia i lawelawe nui ia iloko o kela a me keia manawa like ole ma Kauai, a me kekahi mau apana e ae he lawelawe mau ia; ma ka nana ana i na hiohiona holookoa o keia kukulu manao ana, he mea maopopo lea a he hiki ke hooiaioia he hana ka lawaia me ke giana pauda i lawelawe nuiia ma na apana kua aku nei, a he mea maopopo no hoi na palaleha na makai o ke aupuni i ka hooko ana ia apana hana o ka lakou hana, a ma kekahi mau apana paha, he @ko piha a hapa paha, a mai kekahi mau apana e ae he hooko ole maoli no.
Pehea la i hoopaialehaia ai keia kumu pilikia kekakahi o na kumu hoopoino ola kino a hana haihai kanawai maopopo o ka aina? He nui na lono i puapuai no keia hana hookahi he lawaia me ke @ana pauda mamua aku nei, a ke puapuai mai nei no i keia wa, aka, aole makou i lohe iki a mahui iki ua lawelaweia kekahi hana ma ka aoao o ke aupuni e hoonalo ana i ka lawelawe nuiia ana o keia hana a hoopio loa paha mai ka ka lawelawe hou ia. Ina o keia iho la ke ano hana e hoomauia aku ai e ke aupuni ma o kona oihana makai la, alaila he mea maopopo he manawa o keia mua iho a hoea mai, e puapuai mai ana no ia lono hookahi e e i ana o mea ua poino i ke gaina pauda ma ka lawaia ana, a pela aku.
Ke kumuhana keia a makou i manao ai he kupono loa i ke aupuni ke lawelawe a hooko piha aku i kulike ai me ke kanawai e ku nei keia wa, aole o ka hooko malani wale ae no, aka, e hooko piha a kau na haawe o ke kanawai i ka poe e lawelawe ana ia hana a ike lakou i ka hua o ia hana a lakou, alaila loaa paha ka manao mihi a hoo pau loa paha ia hana. O ka hooko kokeia aku ka pono, mamua o ka poi no hou ana o na lala o ia ola uhane, a ka makua lani i manawalea wale mai ai.
Hoku Ao Hou.
Ua lono mua ia iloko o keia mau pule, e kapiliia ana he moku "Hoku Ao Hou." a ua manao ia he mokuahi keia moku hou.
Ma na lono i loaa mai i kela Poaono i hala iho nei, ua hai maopopoia mai, ua hooholoia ka olelo aelike mawaena o ka Papa Misionari o Bosetona a me kekahi hui kapili moku o Bath, ma ka mokuaina o Maine, a ua kakau inoaia, no ka hana ana i moku Misionari hou.
O keia Hoku Ao hou he 425 tona, ua like ia me ka hapalua o ka moku Hoku Ao e holo nei. A e hoomakaukau ia ana keia moku hou me na lako mokuahi, i mea e hakalia ole ai kana hana i ka wa makani ole, a me ke komo ana i na kuaau a me na wahi haiki o na Pae Aina o Maikonisia.
E hoolakoia ana ka moku me na rumi kupono no na misionari me na Kumu.
E haalele ana paha o Hoku Ao hou ia Bosetona ma ka la mua o Novemaba o keia makahiki. O na lilo a pau no ka hana ana i manaoia, ma kahi o ka 45,000.
Ke lulu nei na keiki Kula Sabati o Amerika Hui no keia moku, a me na poe e ae kekahi.
He mea hauoli no hoi no makou, ka hoike aku ua ae ia kamalii Kula Sabati o hawaii nei e komo pu iloko o ka lulu ana a kuleana pu hoi me na mea e ae iloko o "Hoku Ao hou,"
Na lono o na Aina e.
Ma ka mokuahi Alameda i ku mai ai i ka Poaono o kela pule iloko o na la holo he 6 me na hora keu mai Kapalakiko mai, ua loaa mai ia makou na lono makamaka o na Aina e, a oia keia malao iho penei:
Ma Ladana, ua loaa mai nei kekahi puolo lole eleele o ke ano lole i hanaia ma Amerika ma ke kahua hookio o na kaa ahi i kapaia Lidagate Hila, a maloko o ua puolo la i loaa ai he kanaha kumamakolu puolo mea hoopahu a me kekahi uwati hookapalulu o ke ano Amerika. A o kela a me keia puolo mea hoopahu ua hoonohonohoia a puni ua uwati hookapalulu nei, a me ua uwati nei hoopaaia he pu panapana i piha i ka poka a i ka wa e emi ai ka ikaika hookapalulu o ua uwti nei, alaila e kani no ua pu panapana nei a e loaa aku no na mea hoopahu, a na ia mea e hoopahu loa ae i na mea hoopahu i hoonohonohoia a puni ka uwati. A ma kekahi wahi hookio e ae o na kaa ahi i loaa ai ai i na makai he pahu ili me kekahi mau mea hoopahu o loko, a na kekahi mau haole Amerika mai Nu Ioka aku i waiho i ua pahu ili la i ua wahi hookio la o na kaa ahi.
A o na lono e pili ana no kela pahu ana o na mea hoopahu ma kekahi wahi kahua hookio o na kaa iloko o ka mahina o Feberuari ua hoikeia na lono ua ike lihi ia he elua mau haole Amerika Irelani ma kekahi hotele me kekahi paiki, a ua manao waleia he mea hoopahu ka ukana o loko.
Mai ladana i hoikeia ae he lono no ka holo ana aku o ka moiwahine Vitoria i Geremania iloko ae nei o ka mahina o APerila, a me ke lono e i ana no ka onawaliwali o ke ola kino o ke kuhina nui Pohakuhauoli.
A no na lono e pili ana no kela nene kaua ma Soudana i Aferika, ua hoike ia mai Suakima mai he lono e i ana no ka lanakila ana o na mahele koa a me na koa marina Beritania mal@na o ka enemi me ka ho@uhee ana ia lakou, mahope iho o kekahi hooili kaua hahana mawaena o na aoao a elua.
No na lono o kela nene kaua mawaena o Farani a me Kina, ke mau la no na nune kaua ana. Ua kauoha aku nei ke kuhina nui o Farani i ke aupuni o Kina e hanaia i kuikahi mawaena o laua me ka lilo ana o ka apana aina o Batina no Farani, a e hoopau ia na hoonene kaua ana. No keia maluna ae aole i loaa ka pane kupono ma ka aoao o ke aupuni o Kina.
Ana o Amerika.
Ua palapala mai nei kekahi makamaka i noho he mau pule ma Honolulu nei ma ke ano makaikai, a hoi aku nei no kona home ma Sana Louis, o Mr. Geo. H. Rea kona inoa, he nui loa ke anu a me ka waikahe ma ko lakou wahi. I Wasinetona aku nei oia, a ma kana hoolohe i na lono no ke Kuikahi Panailike he maikai no. I kona hoi ana no kona home ma Sana Louis, aia kona alanui mawaena aku o o ke kulanakauhale o Cincinnati, ma ka mokuaina o Ohio, a i ka hiki ana ilaila ua piha na alanui i ka wai a e holo ana na waapa, a maluna oia o ka waapa o ka holo ana a kau ma kela aoao o ke kulanakauhale.
He kiona manaonao.
Ma kekahi hale hookio o na kaa ahi ma ke kulanakauhale o Ludalo ma ka mokuaina o Kenetuke, ua loaa mai nei i kekahi poe paahana lawelawe o ua hale hookio la i kekehai la o kela pule aku nei, iloko o kekahi kaa hali ohua, he kanaka negelo ua muumuu kona mau wawae a elua, a mai na palapu mainoino o kona mau wawae i puapuai mai ai na ea polopolona maea inoino loa; penei ka moolelo pokole e pili ana no ka loaa ana o keia haawina poino i keia negelo:
O keia kaa e oleloia nei, he kaa ahi hali ia i na kanaka paahana o ka laina kaa ahi o ua mokuaina la, a no kekahi mau pule ae nei, ua hookomoia ua kaa la iloko oka hookikeena no ka mea aole he hana nui o ke alanui hao, a ua paniia a lakaia ka puka, a mamuli o ka manao haupu iloko okekahi kanaka paahana e wehe i ka puka o ua kaa la, he mea e kona puiwa hikilele mao ka puai ana mai o na ea polopolona maea mai loko mai o ua kaa la, a ma kona nana pono ana aku iloko, ike aku la oia he kanaka negelo ko loko a ua muumuu kona mau wawae, elike me na hoike ana maluna. Ua laweluwe koke ia na hana a pakele ai na palapu o ua negelo la, a mamuli o na konoia ana o ua negelo la e hoike i ke kumu o ka loaa ana o ia haawina poino iaia, ua hoike oia penei:
Ua komo au iloko o keia kaa iloko o kekahi i mau pule ae nei e hiamoe ai, a ia'u e hiamoe ana ua lakaia iho la ka puka me ko'u ike oleia eia au iloko nei, a me ko'u ike ole ae no hoi i keia lakaia ana o ka puka. Aole o kana mai o ke anu o ia po a na ke anu i hoomaeele i ko'u mau wawae, a no elua pule mahope mai ko'u waiho ana me ia ano pilikia me ka hiki ole ia'u ke oni mao a maanei, a pela au i noho ai a hiki i ka popo ana o kuu mau wawae a moku kaawale mai ko'u kino holookoa. O keia ae la ka moolelo e pili ana i keia negelo a me ka haawina poino i loaa iaia.
He mau manao hoalohaloha kai loaa mai ia makou no ka hoolaha ana, ua kapaeia.
Hon. Simona K. Kaai.
Ma ke kakahiaka o ka Poaono o kela pule aku nei i pahola awiwiia ai ka lono ma ke kulanakauhale nei no ka make ana o ka Hon. Simona Kaloa Kaai ma kona home ma Kapalama. No eha la wale no kona kaa ana i ka mai a hala aku la ma kela aoao. He kanaka Hawaii o Simona Kaloa Kaai i kamaaina nuiia kona ano a me kona kulana a me kana mau hana mawaena o na poai like ole o kakou a ma kekahi mau hana i lawelaweia e ia, ua mahaloia a ua hoapono pu ia, a aole no makou e hewa ana ke olelo ae ua hilinaiia kekahi o kana mau hana lawelawe aupuni ana ma na au i hala ae. He kanaka no hoi o Simona Kaai i noho he kuhina no ke aupuni iloko o na manawa likeole he nui, he lala no hoi oia no ko ke alii Aha Kukamalu. Ma ka la Sabati nei i hoolewaia ai kona kino a kanuia ma ka ilina o Kawaiahao. Ua hala o Simona Kaai ma kela aoao, a ua haalele ho oia he wahine a he ohana a he kaoo nui o na makamaka a me na hoa'loha e noho u a kanikau aku nona ma keia aoao. Aloha ino!
T. G. Thurston.
Ma ka Poaono i hala iho nei i hiki mai ai ka lono walohia no ka make ana o Rev. T. G. Thurston, keiki muli loa a Kakina kahi o na makua mua o ka malamalama ma Hawaii. Ma kekahi kahawai ma ka mokuaina o Karolina Akau, Amerika Hui, kahi a Kakina i make ai, e hoao ana oia a me kana kaikamahine makahiapo e hoau i ko laua lio me ke kaa ma ka muliwai, a ua lilo i ka wai. Ua loaa aku na kino make i kahi la iho.
Aola paha i poino i ko Wailuku Maui, ko Kakina noho kahu ana no ka ekalesia haole ma ia wahi, a ua kokua nui oia i hana maikai iwaena o na Hawaii. He makuakane oia ma ka hanauna no Lolena Kakina e noho loio nei ma Honolulu nei. Elua ana mau kaikamahine e ola nei o Mele Hao eia iHawaii nei a o Pakeke aia i Kaleponi. Ua haalele oia he wahine a me na keiki liilii elua. Aloha na makamaka.
Ua lono wale mai makou, he nui ka pilikia o kekehi mau apana no ka hoaa i ka ai, ua kaki mai no hoi na Pake he kala hapaha ko ke kini ai he pilikia nui keia e na makamaka.
NA HOOLAHA HOU.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka mahele ana o MOKAE 1, 2, 3, Hana, Maui.
Ua heluhelu ia a ua w@ ka palapala hoike a @ a na Ku@ina na mea i k@ h@ no ka mahele o ka aina i @pa@. M@kau 1, 2, 3 ma Hana, maui, e noi ana e hooponoia k@ k@ hoike a mahele hoa.
Nolaila ke kanokaia ku nei na kanaka a pau ke p@--o I. K. Hanuna. Kekuahu, Kekahawalu,. Hehike. Nakuina. Ka@ne. Kuehu (w). A Unna. Kekuaiwahie. Kalanahou (w) H. K. Haumea. Maewaewa (w), Kukana (w), Maiana (w) a me Kuhaupio. Iakou a o ke @ mau hope a kokua--o ka POAKAHI, ma ka la ia o APERILA 1884, ma ka hora o kakahiaka ma ka hale hookolokolo ma Hana: oia ka la a me kahi i kohoia no ka hoolohe ma ia, a me na kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Honolulu, Maraki 18, 1884. 1164-30
HOOLAHA HOOKOMORAKI ME KE KUAI:--Mamuli o kekahi ma @a kuni i hoikeia maloko o kekahi palapala moraki i hanaia mawaena o SIN MOI e malama oihana ana maialo o ka inoa KWONG HOT WAI COMPANY, o ka aea@ mua, a me Kwong Mau Yuen & Company o ka aoao elua, ma ka la 10 Augate 1882 i kakau kope ia ma ka buke 75 aoao 298 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua morake nei, e hooko ana ola ia mana kuai, a ma ia hooko ana, e hudala akea ana ia i ka aina i hoikeia ma ia moraki ma ka POAKAHI la 21 o APERILA 1884 ma ke Kaena Kadala o E. P. Adams, ma Honolulu, ma ka hora @ o ia la.
Aia ma kahi o W. R. Kakela na olelo hoakaka no keia mea.
Hanaia i keia la 17 o Maraki 1884.
KWONG MAU YUEN & COMPANY,
Na Mea Moraki Mai.
Penei na waiwai e kudalaia ana:
O ka Mahi Raiki o ka mea o ka aoue mua ma Kaneohe, Koolaupoko, he aina nui me ke kuleana wai maikai loa, ua mahi ponoia a ua kanu ponoia, o na aina i hoolimalimaia he mau wa loihi koe, ha lehulehu na hale maikai, na papa hehi raiki, na hipi, na lio, na mea hana o na ano a pau e lili ana i ua mahi raiki la.
1164-4t
OLELO HOOLAHA;--E malama ia an ake koho balota no ke koho ana i ka Hoa Ekolu o ka Papa Kula Apana o ka apana o Honolulu, mokupuni o Oahu, ma ka halekula AUpuni o Kawaiahao, i ka POAKAHI, la 31 o keia malama o MARAKI e hee nei, iwaena o ka hora 10 o kakahiaka me ka hora 2 o ka auina la. O ka poe wale no i paa ko lakou mau inoa ma na pepa helu inoa i kakauia, a i waihoia ae i ka Luna Kula, e na kumu o na kula apana ma ka olelo Hawaii, ka poe e ae ia e koho.
W. JAS. KAMIKA
Luna Kula o Honolulu.
Oihana Hoonaauao, Maraki 14, 1884. 2t
OLELO HOOLAHA:--E ike auanei na kanaka a pau ke nana mai i keia Hoolaha. O maua o na mea nona na inoa malalo iho nei. Malalo o ka mana o kekahi mau Palapala kuai i hanaia a i kakau inoaia e UILAMA BELL (k.) i make, a me MRS. WAINEE UILAMA BELL (w.) e ola nei, o Kehena, Kohala Akau nei. Ke papa, a ke hookapu, a ke hoole loa aku nei maua aole pono i ka poe mea dala ke hele e kuai i kekahi waiwai a mau waiwai paha ma ka inoa o Uilama Bell a me kekahi mea e ae paha. Oiai ua lilo mai ia maua na waiwai lewa a pau, a me na waiwai paa ma ke kuai me na mea nona na inoa maluna ae, koe nae ke kuleana waiwai pau o Wainee Uilama Bell i kona wa e ola nei.
Ina o na waiwai lewa i kuaiia mamua aku nei, a ma keia hope aku aole loa mana ma ia kuai ana, e hoolohe i keia o poho oukou. O maua no me ke aloha.
CHARLES ANDERSON. (KALE)
MRS. MELE C. ANDERSON.
Waikane, Kohala Akau, Mar 13. 1884.
1164-4t*
HOOLAHA:--O ka poe a pau he mau bipi, lio, a me @ p@a e holo ana ma na aina o Honokohau a me Honolua ma Kaanapali, Maui, ke hoikeia aku nei ka lohe ia lakou e hookaawale koke lakou ia mau holoholona mailuna ae o keia mau aina ma ka la 1 o APERILA, a mahope aku o ia la e hopuia no na holoholona e loaa aku ana maluna o ua mau aina la no ka hele hewa.
THOS. CAMPBELL
Maraki 7. 1884. 1164-2t.
OLELO HOOLAHA:--E ike auanei na kanaka a pau @a papaia aole e hele wale na kanaka ma na kula a me na kuahiwi o Kapaa, Waipouli, a me Olohena, ke ae ole ia mai e ka mea nona ka inoa malalo @o, a o kona hope paha. A e hopuia auanei a e hoopii ma ke kanawai na mea a pau i loaa ma keia mau aina me ke kuleana ole.
GEO. H. DOLE,
Luna Nui o Kapaa.
Kapaa. Maraki 19, 1884. 1164-3m.
OLELO HOOLAHA:--E ike auanei na kanaka a pau ua papaia aole e hele wale na kanaka ma na kula o Kealia, Kamalamalo, a me Anahola, ke ae ole ia mai e ka mea nona ka inoa malalo iho, a o kona hope paha. A e hopuia auanei a e hoopii ma ke kanawai na mea a pau i loaa ma keia mau aina me ke kuleana ole.
WM. BLAISDELL,
Luna Nui o Kealia.
Kealia. Maraki 19. 1884. 1164-3m.
KA HUI KEAKA LIO A
SEREMENA!
NA LIO HANA KEAKA KUPAIANAHA. A ME
KA HUI KEAKA LIO O EUROPA.
E weheia ana ma Ainahou ma ke alanui Likeke, Honolulu nei. ma ka
POALIMA. MARAKI 14, 1884.
---a me---
POAONO MARAKI 15, 1884.
no ka manawa mua loa nei, a e kuu pau ia mai ana na hana e keke ai na niho a e mamae ai na iwi aoao i ka ua mea o ka maikai a nani o na hana e kuupauia mai ana; penei na hoomaopopo ana:
POROPEKA JOHN SEREMENA a me kona mau Lio kaulana o ke ao holookoa nei oia o
TOMMY, BARNEY, a me JACK.
I hui puia me na hooholo lio a me na mea hooikaika kino kaulana a akamai.
WILLIE O. DELL,
Ke pookela o na mea ma ke kawalawala ana maluna o na lio eha.
MISS MABLE ST. CLAIRE,
Me kana hana akamai i hele a paulehia.
CHARLES MOROSCO,
Me kana hana akamai ma ka pii kaula uwea.
SCOTT me LA MONDU.
Me ka laua hana lele kuwali ma ka lewa.
HOAHANAU WALTER, HARRY.
Na Hoabanau Kukini hooikaika kino kaulana@
GLORIA UUKU.
GEORGE THOMSPON.
Ka H@akeaka kaulana.
Ke keiki uuku kupaianaha a me kona mau lio liilii o Shetland. DUKE me DUCHESS.
@ Uku komo, . . . . . .$1.
Na Keiki, . . . . . . . . . . . . . .50.
C. & J. SHERMAN,
Na on a.
E. M. JEWELL, AGENA.
116@-4t*
NA HOOLAHA HOU.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o LAHAINA (w) o N@anuakoa. Kau@o, Maui i make.
Ua heluheluia a ua waihoia ka palapala mai a P@kau'a @ e noi ana e hooponoponoia ka waiwai o Lahaina (w.) no N@ Kaup@ Maui. i make, a e hooholoia i na @a.
Nolaila ke kauohaia 'ku nei na kanaka a pau ke pila. o ka POAKAHI. oia ka la 31 o MAKAKI 1884. ma ka hora 10 kakahiaka. ma ka hale hookolokolo ma Lahuna, ma ka la a me kahi i k@hoia no ka hoolohe ana i ua non@ la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Lahaina, Maraki 8. 1884 1163-4t
MA KE KEENA O KA LUNAKANAWAI KAAPUNI Apana Elua o ko Hawaii Pae AIna. Ma ka waiwai o KUAANA (k.) no Lahaina. Maui i make.
Ua heluheluia a ua waihoia ka palapala noi a Kuawa (k) e noi ana e hooponoponoia ka waiwai o Kuaana (k.) no Lahaina. Maui. i make, a e hooholoia i na hoo@ina.
Nolaila ke kauohaia 'ku nei na kanaka a pau ke pili, o ka POAKAHI, oia ka ia 31 o MARAKI 1884, ma ka hora 9 kakahiaka, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Lahaina, Maraki 8. 1884. 1163-3t
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o MAULE (k.) no Honokohau, Maui, i make.
Ua heluheluia a ua waihoia ka palapala noi a L. W. Lonohiwa e noi ana e hooponoponoia ka waiwai o Maule (k.) i make, a e hooholoia i na hooilina, a e maheleia ka waiwai iwaena o na mea no lakou ke kuleana ilaila.
Nolaila ke kauohaia 'ku nei na kanaka a pau ke pili, o ka POAKAHI, oia ka la 31 o MARAKI 1884, ma ka hora 11 kakahiaka, ma ka hale hookolokolo ma Lahaina, oia ka ia a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNDADNER.
Lunakanawai Kaapuni Apana Elua H. P. A.
Lahaina, Maraki 8, 1884. 1163-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o KAHULIAIKAUA (k.) no Moakea, Molokai, i make.
Ua heluheluia a ua waihoia ka palapala noi a Kala Akamukoi (w.) e noi ana e hooponoponoia ka waiwai o Kahuliaikaua (k.) no M@akea, Molokai, i make, a e hooholoia i na hooilina.
Nolaila ke kauohaia 'ku nei na kanaka a pau ke pili, o ka POAONO, oia ka la 5 o APERILA 1884, ma ka hora 9 kakahiaka ma ka hale hookolokolo ma Puko@, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Lahaina, Maraki 8, 1884. 1163-3t
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o KAAIHUE (w.) no Waialua, Molokai, i make.
Ua heluheluia a ua waihoia ka palapala noi a Mose Ehu e noi ana e hooponoponoia ka waiwai o Kaaihue (w.) no Waialua, Molokai, i make a e hooholoia i na hooilina.
Nolaila ke kauohaia 'ku nei na kanaka a pau ke pili, o ka POAONO, oia ka la 5 o APERILA 1884, ma ka hora 10 kakahiaka ma ka hale hookolokolo ma Pukoo, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNDANDER,
Lunakanawai Kaapuni Apana Elua H. P. A.
Lahaina, Maraki 8, 1884 1163-3t
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o POHEPOHE (k.) no Hana, Maui, i make.
Ua heluheluia a ua waihoia ka palapala noi a J. Gardner ka Lunahooponopono o ka Waiwai o Pohepohe (k.) no Hana, Maui, i make, a Kahu o na keiki on a i oo ole, e noi ana e hoaponoia kona Moo-Waiwai, a e hookuuia mai ka oihana, a e hooholoia ka Waiwai i na hooilina.
Nolaila ke kauohaia 'ku nei na kanaka a pau ke pili o ka POAHA, oia ka la 10 o APERILA 1884 ma ka hora 9 kakahiaka, ma ka hale hookolokolo ma Hana, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Honolulu, Maraki 18, 1884.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o T. LYONS, no Hana Maui, i make.
Ua heluheluia a ua waihoia ka palapala noi a J, E. Lyons, e noi ana e hoonoho iaia i kahu no na keiki oo ole o T. Lyons no Hana, i make.
Nolaila ke kauohaia 'ku nei na kanaka a pau ke pili, o ka POAHA, oia ka la 10 o APERILA 1884 ma ka hora 10 kakahiaka, ma ka hale hookolokolo ma Hana, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Honolulu, Maraki 18, 1884. 1163-3t
HOOLAHA HOOKO MORAKI ME KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o PUU (k.) o Kalihi mokupuni o Oahu o ka aoao mua, a me THOMAS R. LUCAS o ka aoao elua, ma ka la 13 o Mei 1882, i kakau kopeia ma ka Buke 72 aoao 431 a me 432, a mamuli o ka uhaiia ana o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei e hooko ana oia ia mana kuai, a ma ia hooko ana e kudala akea ana ia i ka aina i hoikeia ma ia moraki elike me na hoakaka ana malalo iho, ma ka
POAKOLU APERILA 9, 1884,
ma ke keena kudala o Lyons & Levey, ma Honolulu, ma ka hora 12 o ke awakea o ia ia. No na mea i koe e ninau ia J. M. Monsarrat Loio ma ke kanawai.
THOMAS R. LUCAS,
Mea Moraki.
Honolulu Maraki 12, 1884.
O ka aina e kudalaia ana he aina mahi raiki maikai e waiho la ma Kumuula Kapalama mokupuni o Oahu, i hoakakaia na palena ma ka Palapala Sila Nui Helu 991, Palapala Hoona Kuleana Helu 918 o ka apana 2 i haawiia ia Upai nona ka ili he 4-10 o ka eka. 1163-4t
HOOLAHA:--Ua hookohu ponoia ka mea nona ka inoa malalo i LUnahooponopono Kuikawa no ka waiwai o COl. W. CLAUDE JONES o Wailuku i make, e ka Hon A. Fornander, Lunakanawai Hookolokolo Kaapuni Apana Elua, ma keia ke hoikeia aku nei ka lohe i ka poe a pau i aie i ka waiwai o ka mea i make, e uku koke mai lakou i ka mea nona ka inoa malalo, a o ka poe a pau he kuleana ko lakou i ka waiwai o ka mea i make in a ma ka moraki a ma kekahi ano e ae, e hoike koke mai lakou i ka lakou mau palapala hooiaio kupono i ka mea nona ka inoa malalo ma kona keena oihana ma Wailuku, iloko o na mahina eono mai keia la aku, o hoole mau ia.
THOMAS W. EVERETE,
Luna Makai o Maui.
Wailuku Maraki 7 1884 1163-4t
OLELO HOOLAHA:--E ike auanei na mea a pau, owau o Nanea Kapahu ka wahine mare a Kapahu k. o Kapaa, Kauai, ke hoike aku nei ma ke akea, ua haalele kum@ ole mai oia ia'u a me k@ mana hela nolu, a aia poha oia i ka hulahulei, eia ka pilikia, aole mea nana e malama ko'u ola, a e hoi mai oia e malama ia'u iloko o ekolu mahina mai deia la aku o nele auanei. NANEA KAPAHU.
Mo@a, Kauai, Dek. 31, 1883.
1161-8t*
NA HOOLAHA HOU.
AHA HOOKOLOKOLO KEIKEI O KO HAWAII PAE AINA. Ma ka hooponopono Waiwai. Ma ka hana o ka waiwai o KAUO (k.) o N@pa, Honolulu, Oahu i make kauoha ole. Ma ke k@ mua o ka Lunakanawai L. McCULLY.
Ma ka heluhelu a me ka waihona ana mai o ka Palapala Noi a J. H. Keanu, e olelo ana @ make kauohe @ Kauo (k.) i oleloia, a ke waih@ nei ka waiwai o ka mea make me ka hooponopono @ ia. a e keia ana hoi ka mea noi @ ka hooilina o na Kano ia i make a e noi ana e hooholo ka Aha pela, a e hoopau ia ka noho na hooponopono o ia waiwai, i e ka peha e maheleia ka waiwai i na mea i kuleana malaila.
Nolaila ua kauohaia, o ka POAKOLU, ka la 27 o APERILA M.H. 1884, ma ka hora umi o kakahiaka, imua o ua kanakanawai ia. ma ke Keena ma ka Hale Hookolokolo, ma H@, oia kahi a me ka manawa i kohoia no ka hoolohe ana i na Noi la, a me ka hooholo ana i na mea i kuleana a o ka poe a pau i p@ malaila e hele mae a e hoike i ke kumu. in a he kumu i@ ko lakou, e ae ole ia ai ua @ ia, a malaila e hoike mai ai na hoike o na mea i kuleana maloko o ka waiwai @ia. A e ke@ ka@ha ma ka olelo Hawaii, e paiia maloko o ke KUOKOA @ nupepa i pai a hoolahaia ma Honolulu, i ekolu p@l@ mam@ ae o ka manawa @ no ka hoolohe ana.
Kakauia ma Honolulu, ko Hawaii Pae AIna, i keia la 12 o Maraki M. H. 1884.
L. MC. CULLY,
LUnakanawai o ka Aha Kiekie.
Ikea: HENRY SMITH.
H@e Kakauolelo o ka Aha Kiekie. 1163-3t.
HOOLAHA HOOKO MORAKI ME KE KUAI.--Mamuli o kekahi mana kuai i hoikeia maloko o kekeahi palapala moraki i hanaia mawaena o SAM. K. KAPO o ka aoao maa, a me S. ROTH o ka aoao elua, ma ka la 28 o Ialai 1883 i kakau k@peia ma ka buke @ @ 4@4 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea mona ka aoio elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 21 o APERILA 1884 ma ke Keena Kadala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 21 o Maraki 1884.
S. ROTH
Mea Moraki Mai.
Penei na aina e kudalaia ana:
1 O keia apana aiana a pau loa i hoolihoia io Kaeo i oleloia mai a Kamakauila mai ma ka Palapala kuai i kopeia ma ka Buke 34 aoao 432. 1.05 uka ma Waikiki, Oahu, he aina kale a mahi iaiki maikai.
2 O ke kuleana hapalua i mahele oleia a Kaeo i oleloia ma kela apana aina i hoakakaia ma ka Palapala Sila Nui Helu 2570 ma ka mea o Kahanaumaikai he 31.45 eka, he hapa hoi o ua apana aina la he aiana kupono i ka mahi kalo a me ka mahi raiki. 1165-4t
HOOLAHA HOOKO MORAKI ME KUAI.--Mamuli o kekahi mana kuai i hoikeia maloko o kekahi palapala moraki i hanaia mawaena o SAM. K. KAEO a me MIKAHALA kana wahine o ka aoao mua, a me WM. A. BOWEN of ka aoao elua, ma ka la 10 o Mei 1884 i kakau kopeia ma ka buke 82 aoao 42 a mamuli o ka ohaiia ana o na kuma aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooku ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 21 o APERILA 1884 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 21 o Maraki 1884.
WM. A. BOWEN.
Mea Moraki Mai.
Penei na aina e kudalaia ana:
O kela apana aina i hoakakaia ma ka Palapala Sila Nui Helu 4184 a kuleana Helu 9001 ma ka inoa o Kahakai, a ma ia apana he 2.96 eka ma Waikiki, Oahu, ke mahiia nei, a he uku hoolimalima maikai. 1165-4t.
HOOLAHA HOOKO MORAKI ME KE KUAI:--Mamui o kekahi mana kuai i i hoikeia maloko o kekahi palapala noraki i hanaia mawaena o JOSE BARNAS o ka aoao mua, a me CASTLE & HATCH o ka aoao elua, ma ka la 18 o Maraki 1879 i kakau kopeia ma ka buke 58 aoao 401 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia maua kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI la 21 o APERILA 1884 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 17 o Maraki 1884.
W. R. KAKELA a me F. M. HAKI.
Na mea Moraki Mai.
Penei na aina e kudalaia ana:
O kela apana aina ma Auwaiolimu, Honolulu, a he aneane akahi eka aina maikai, ua pa ia a he hale maikai ko luna, a he Home maikai loa a he wahi kupono hoi no ka hanai puaa ana &c. he maikai ke ea. 1165-4t.
HOOLAHA HOOKO MORAKI ME KE KUAI.--Mamuli o kekahi mana kuai i hoikeia maloko o kekahi palapala moraki i hanaia mawaena o E. Z. ALAPAI o ka aoao mua, a me KALE T. KULIKA Kahu Waiwai o Collins o ka aoao elua, ma ka la 18 o Novemaba 1880 i kakau kopeia ma ka buke 69 aoao 251 a mamuli o ka uhaiia ana o na kumu aelike o kela moraki, nolaila, ke hooiahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI ka la 21 o APERILA 1884 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 21 o Maraki 1884.
KALE T. KULIKA.
Mea Moraki Mai.
Penei na aina e kudalaia ana:
He 6 84-100 eka aina ma Niulii, Kohala Akau, Hawaii, ua hoakakaia na palena ma ka Palapala Sila Nui Helu 795 ma ka inoa o Ala@ai. 1165-4t.
OLELO HOOLAHA:--Owau o MRS. ANA NAHAU, ke hoolaha aku nei au aole he mana o Nahau kuu kane mare, maluna o kuu mau aina e waiho la ma Puunui a ma Kawaiahao, a o kekahi mea e ae, a ke kauoha aku nei au i ka poe i hoolimalima mai i ua mau aina la o'u e hookaa pono mai no ia'u, ao e i kou kane mare, no ka mea ua haalele kumu ole mai oia ia'u i na makahiki eha, aole malama mai ia'u.
MRS. ANE NAHAU.
Honolulu, Maraki 24, 1884. 1165-2t*
OLELO HOOLAHA:--Owau o ANE ZABALAN ka wahine mare a Joapaina Zabalana. Ua ike au i ka olelo hoolaha ma ka nupepa ka Elele Paikolu la 12 o Mara ki Helu 11 me ka manao in@, e papa ae ana i ka poe waiwai aole lakoa e hoale mai ia'u ma kona inoa.
Aole au e kuai aku i ko maua waiwai ponoi. Eia kalu, he mau keiki no ko'u omaimai, ko'u holo ana mai i Honolulu nei loaa ka ikaika e pono ai.
ANE ZABALAN.
1165-3t*
OLELO HOOLAHA.--E ike na mea a pau, ma keia Olelo Hoolaha, ke papa aku nei au i na Pake, Pakiki, Haole, a pela aku, aole e hoale i kua wahine mare ia Mrs. Kekuni liilii Ahina, ua haalele k@n@ ole mai ola ia'u, a aole au e hookaa i na aie a pau ana e ale ai ma kuu inoa. Aole hoi e malama iaia o pilikia auanei. Owau iho no.
AHINA (PAKE.)
Kaneohe, Koolapoko, Oahu, Maraki 20, 1884
1105-3t.
NAHOOLAHA HOU.
AHA HOOKOLOKOLO @ Ko hawaii Pae Aina. @ @ waiwai. Ma @ @ SIMON KALOA KAA@ make kauoha ole. Im@ Nui A. F. @.
Ma ka heluhelu a me ka @ ka Palapala Nui W@ poe e ae, no p@ i a@ia e @ ke mai ma ua make k@ Kaai i oleloia ma Honolulu ma @ M. H. 1884, a e N@ ma @ pala Hookoh@ Luna H--@ F. M. Hatch.
Ua kauohaia o ka POALUA @ APERILA M. H. 1884 @ ka manawa i kohoia @ nei la, anua o ua L@ na Hookolokolo o keia. Aha, @ ma ia manawa a ma @a w@ @ na me a pau i pa@ e hoike @ he kumu oiaio ko lakou, @ la. A o keia olelo kauoha e @ olelo Hawaii me beritania @ KUOKOA a me Hawaiian Gazette @ nupepa ma Honolulu.
Kakauia ma Honolulu @ H@ Maraki 24, 1884. A. @
Lunakanawai Nui @
Ikea: HENRY SMITH,
Hope Kakauolelo.
AHA HOOKOLOKOLO @ ko Hawaii Pae Aina. M@ pono waiwai. Ma ka hana @ GEORGE N. HARBOTTLE @ @waii i make kauoha ole. Imua @ @nawai L. McCULLY.
Ma ka heluhelu a me ka wa@ ka Palapala N@i a Kua@le@ pio, kana kane, o Honollu, @ mai ana o George Harbottle @ @waii, ua make kauoha ole ma @ ma ka la 10 Feberuari M. H. 1884, @wai paa a waiwai lewa kona @ Honolulu a me Kohala, a @ N@ ka Palapala Hookohu Luna H@ Waiwai ia David Dayton, a e @ kohu ia i Lunahooponopono W@
Ua kauohaia a ma keia k@ David Dayton @ Lunahooponopono Kuikawa ke waiho mai @ P@ @aeia no na dala elima h@ hou ia o ka POAKOLU k@ @LA M. H. 1884, oia ka m@ ka hoolohe ana i na noi ia, @ @nawai la, ma ke Keena Hook@ Aha, ma Honolulu, a ma @ @ wahi no e hele ma ai na mea a p@ ike mai i ke kumu, ma he ku@ kou, e ae ole ia ai ua Noi la. A @ kauoha e hoolaha ia ma k@ @ Beritania i ekolu pule ma ke K@ Hawaiian Gazette he mau nupepa @ @lulu.
Kakauia ma Honolulu, ko Hawaii @ Maraki 20, M. H. 1884. I. M@
Lunakanawai o ka A@
Ikea: HENRY SMITH,
Hope Kakauolelo.
AHA HOOKOLOKOLO KIEKIE @
Ko Hawaii Pae Aina. M@ hooponopono Waiwai. Ma ka hana @ J. KAAUAPA. o Kaneohe, K@ Oahu, i make. Olelo kauoha ma@ a ke Lunahooponopono Waiwai @ ana i kekahi Waiwai Paa. Imua @ kanawai Kiekie A. F. JUDD.
Ma ka heluhelu a me ka waih@ ka palapala noi a A. Rosa, Luna@ o ka Waiwai o J. Kaauapa o K@ @laupoko, Oahu, i make e n@i ana @ kuai ia kekahi waiwai paa o na mea @ e waiho la ma Kaneohe i oleloia @ ma ka Palapala Sila Nui Helu 982 @ ka ana i kekahi mau kumu ka i ke k@ aeia i e kuaiia na waiwai paa la.
Ua kauohaia e hele mai ka poe @ ua mea la i make me na mea a pau @ ua waiwai la imua o keia Aha, ma @ @LUA ka la 8 o APERILA M. H. 188@, @ hoia 10 o ke kakahiaka, ma ke Keena @ @lokolo, ma Honolulu, ma ia @a a @ e hoike mai ai, in a he kumu kekahi @ ole ia ai ka olelo kauoha e kuaiia ua @ A ua kauoha hoa ia e hoolahaia k@ k@ olelo kauoha no ekolu pule mamua @ e hooloheia'i i oleloia, iloko o ke KUOKOA nupepa i paiia ma Honolulu i oleloia.
Hanaia ma Honolulu. ko Hawaa P@ Maraki 20, M. H. 1884. L. MC.CULLY.
Lunakanawai o ka A@
Ikea: HENRY SMITH,
Hope Kakauolelo. @
AHA KIEKIE O KO HAWAII @ AINA. Ma ka Hooponopono @. Ma ka hana o ka Waiwai o AP@ Kailua, Koolaupoko, Oahu i make @ Kauoha e koho ana i la e hoolalo @ palapala Kauoha, a no ka hoolaha ana.
No ka mea, ma ka la 27 o Maraki @ 1884 ua waihoia mai imua o ka Aha @ Palapala, i oleloia, oia no ke K@ Loa o Apike (w.) i make aku La@ palapala Hoopii e noi ana e hoo@ ia @ palapala Kauoha a e hoop@ka ia hoi @ Luna Hooko no Manuel Rodrigue @ mai e Manuel Rodrigue i oleloia.
Nolaila, ua Kanohaia o ka POAKOLU ka la 23 o APERILA M. H. 1884, @ hora 10 kakahiaka ma ka @au H@ o ia Aha, ma Aliiolani Hale Ho@ @ la me ka hora, e hooiaio ia'i i@ Palapala @ha, a e hoolohe ia ai hoi ia noi ana n@ ka poe a pau i pili, e kue ana ia Palapala kauoha, a me ke hoopuka ana i ka Palapala @ na Hooko.
A ua Kauoha hou ia, e hoolaha ia @ na pule ekolu iloko o ke KUOKOA h@ @ paiia a i hoolahaia ma Honolulu.
Kakauia ma Honolulu, ko Hawaii Pae Aina @ Maraki 27 1884. L. MC. CULLY.
Lunakanawai o ka Aha K@
Ikea: HENRY SMITH,
Hope Kakauolelo 11@
AHA KIEKIE O KO HAWAII PAE AINA. -- Ma ka hana o ka W@ C. AKAI, o Honoapo, Kau, Hawaii @ nokorupa.
No ka mea ua hooholoia i keia la@ korupa o C. Akai i oleloia, ma ka @ ana o ke noi a Jos. Hyman a me ke@ @ne imua o ka Lunakanawai Nui A. @ ua kauohaia e haawi ia ka lohe i ka @ e ua C. Akai la, e waiho mai i ko @ palapala a e hooia mai ia mau mea: @ ha ia'ku keia lohe ao ekolu pule @ KUOKOA a me Hawaiian Gazette he @ nupepa.
Nolaila ke haawiia 'ku nei ka l@ o ka POAHA oia ka la 17 o APERILA @ ki mai ana, ma ka hora 10 kakhiaka @ Hale hookolokolo ma Aliiolani Hale Honolulu, oia ka manawa a me kahi e @ o ia poe i hoaieia e hooia mai i ko lak@ na.
Kakauia Honolulu, ko Hawaii Pae Aina. Maraki 25, M.H. 1884.
NA KA A@
HENRY SMITH,
Hope Kakaolelo. 11@
AHA KAAPUNI APANA EHA @ HAWAII PAE AINA. M@ Hooponopono Waiwai. Mokupuni o K@ Hawaii Pae Aina. @ Ma ka Waiwai @ KUAPUU, no Waimea, mokupuni o @ make. Imua o ka Lunakanawai Ka@ ke keena.
No ka mea, ma ka la 14 o Maraki @ 1884 ua waihoia mai imua o ka A@ Palapala, i oleloia, oia no ke K@ Loa o S. K. Kuapuu i make aku @ Palapala Hoopii e noi ana e hooia@ palapala Hauoha a e hoopaka hoi @ Luna Hooko no Kahionaku Kuap@ ia mai e ka mea noi.
Nolaila, ua Kauohaia o ka POAONO ka la 26 o APERILA M. H. 1884. @ 10 kakahiaka, ma ka Romi H@ Aha, ma Koloa, oia ka la me ka @ aio ia'i ia Palapala Kauoha, a e @ no ia noi ana mai, a me ka poe @ kue ana ia Palapala Kauoha, a m@ ana i ka Palapala Luna Hoo@.
A ua Kauoha hou ia, e hool@ no na pule ekolu iloko o ke K@ pa i paiia a i hoolahaia ma Honolulu.
Kakauia ma Koloa, ko Hawaii @ Maraki 14, 1884.
JACOB H@
Lunakanawai Kaapuni Ap@
11@