Ka Nupepa Kuokoa, Volume XXIII, Number 22, 31 May 1884 — Page 2
| This text was transcribed by: | Kaonohi Kai |
| This work is dedicated to: | XenoType Technologies |
Ka Nupepa Kuokoa
KE KILOHANA POOKELA NO KA LAHUI HAWAII.
@@ ka Makahiki $2.00
No Eono Mahina 1.00
KUIKE KA RULA.
@@@@@@@@@@@@@ Mei 31, 1884
Kela me Keia.
Ua hoala iho nei kekahi p@a lima aloha o Hamakua, Hawaii, he @@@ekula hou, a ua manaoia e wehe ana @ kula Beritania @ @@ia wa @ ke @@@ k@ kumu kupono, a e m@@@ a p@ @@ ana na halawai hoomana o na la Sabati. Ua kokua nui ko laila poe makamaka i keia hale ma ko lakou dala ponoi, a ua paa me ke kokua ana aku no hoi a kahi poe makamaka o Honolulu nei. O na lako o loko o ka hale koe, oia na pakaukau, na noho a me na papa eleele o ka halekula. Ina he poe aloha i keia hana, e pono e kokua i pau na wahi hemahema i koe, e hoouna aku na makana ia R. A. Lyman, ma Paauhau, Hawaii. Ua kapaia ka inoa o keia hale hou o Honokaa Lycuem. Hanohano no ka inoa, a pela no auanei e nani ai ka aina kahi e ku la a me kona mau hana a pau.
Ke paipai nei keia pepa i kona poe heluhelu a pau e makaala i kekahi poe e auwana wale nei maluna o ka aina malalo o ka inoa hoomana, a e pahele ana i ka poe puna wale me ka lakou mau olelo alapahi. He lapaau ma ke ano hoomana ka olelo ana, a o ka uku o ka lapaau ana a ola, oia no ka huli aku ma ia aoao hoomana. He lehulehu wale ka poe i lapaauia ma keia apana o Kona, Oahu, aole nae i ola. Ua ola kakaikahi kekahi poe, a mahope nae o ka huli ana aku i ka aoao i oleloia, mai hou iho la. He ano hoopuipuni wale no keia mau hana, aole hiki ke hilinai ia e ka poe maikai. O ka poe hupo no ke puni wale. Ke kau leo aku nei keia pepa i kona poe heluhelu a pau e makaala, no ka mea ua kaulana mua ka inoa o ko lahui ua naauao, aole hiki ke hoi hou i na hana o ka pouli, o lilo auanei ka nani i loaa mua, a lilo hoi ka malamalama iloko ou i pouli.
He mau pule i hala ae nei ikeia aku la he wahi keiki Hawaii i ka po iloko o kekahi o na halekuai waiona o keia kulanakauhale. Unuhi ae la oia he hapalua a kuai aku la he omole, a ua manaoia e hoihoi ana ke keiki i kana omole i ka makuakane paha i kauhale. Aole nae pela, olelo aku la oia i ka pakipa e wehe i ka umoki, a ua wehe ia ae la; noi aku la ke keiki i mau kiaha i ekolu. Ninini iho la oia i ka waiona, a kahea aku la i na wahi hoahele ona, he mau keiki Hawaii no elike no me kona mau makahiki, a inu ae la lakou a pau ka waiona o ka omole. Ea, e na keonimana o ka hale Ahaolelo, aole anei o oukou wahi koena aloha no na keiki Hawaii, ka io o ka io hookahi, a hooponopono iho hoi i ke kanawai o ke kau o 1880, i pakele na kamalii i keia ahi weliweli e hele nei maluna o ka aina? E pau pu no anei na keiki uuku me na makua? Auhea ke aloha?
Ua hoopuka hou iho nei ka Papa Hawaii i ka helu elua o na Himeni Euanelio i unuhiia e Laiana makua. He buke maikai keia nona na aoao he kanawalu a oi. He kanaono himeni kupono no na aha halawai a me na Kula Sabati. He hapaha ke kumukuai, a e loaa ana ma ke keena buke o ka Papa Hawaii.
Kaupaonaia ka Kanaka me na Hunahuna Ai.
Ina he oiaio na lono e laulaha nei, ka hanaiia nei maloko o ka hale o ke Kuhina o ko na Aina E i ke awakea o kela a me keia la, he hana i ku ole i ka hanohano o ka poe e hele mau nei ilaila. Ua kaulana na ka ahaaina awakea i haawiia e ke kuhina nio na hoa o ka Hale Ahaolelo. I hele mai nei anei na Lunamakaainana i keia kau ahaolelo e ai i ka ai pono ole, ka mea e hewa ai ka waha, a hewa pu me ka hana i waihoiia maluna o lakou e ka lehelehu? Aole pela ka mea i manaoia. A e ninau paha auanei kekahi poe: he aha ka hewa ke ai i ka ai a ke kuhina? Eia, ua manaoia o na lunamakaainana, he poe ku kaawale loa lakou ma ke aho he hoike no ka mana o na makaainana iloko o ka Hale kau kanawai; o lakou ka leo o na makaainana. Aole hiki ia lakou ke lawe wale a lawe mau i ka hai ai me ka hana ewaewa ole i ka hana a ka poe nana i koho i mau lunamakaainana. Ina e puni lakou i na meaono o ka papa ahaaina a hele mau ilaila, alaila nanakee auanei lakou i ka aoao o ko lakou poe haku.
Eia kekahi, ina he makee ko na luna makaainana no ko lakou inoa a me ko lakou hanohano iho, aohe hiki ia lakou e haawi i na inoa hanohano o lakou e ku poai i ka papa aina o ke Kuhina i kela a me keia la a pau ke kau ahaolelo. ua oi aku ka waiwai o ka inoa maikai mamua o keia kumukuai e hanaia mai nei imua o na hoa Ñ he ai a he mea inu. Ua oi aku ka waiwai o ke kulana kanaka hanohano mamua o na pomaikai o na wahi hunahuna ai o ka papa kaukau o ke Kuhina o ko na Aina E. Ma keia mau olelo a apau ke makee nei keia pepa i ka inoia maikai o na makaainana Hawaii ma o na lunamakaainana la o lakou. E ninau mai paha kekahi, heaha ka hewa o ka hookipa? Aole hewa ka hookipa. Aohe nae keia he hookipa; he okoa loa ka hookipa. Ma ka nana ana o ka lehulehu, he hoao ana keia e hoolapuwale i ka noonoo kuokoa o na luna makaainana, oia ka manao o ka lehulehu o ka poe noonoo o ke kulanakauhale nei, e ike maka nei i keia mau hana.
Eia ou no keia manao: he mea minamina ka ike ana aku i kekahi o na luna aupuni kiekie e hoao ana i keia mau hana imua o ko Hawaii nei poe Hanohano o ka Poeikohoia. He mea hoohilahila i ka inoa o ke aupuni. He mea no hoi e kanalua ai na makaainana i ka oiaio a me ka pololei o ka lakou mau lunamakaainana.
No ke Dala.
O ka ninau no ke dala kekahi o na ninau koikoi e waiho nei imua o ka Ahaolelo. Ma ka noonoo akahele a me ka hookolo ano naauao wale no e pono ai keia aupuni ma ka lawelawe ana i keia ninau ano nui. O na ninau pili dala. ua pili no ia i na mea a pau; no ka mea o ke dala, he pomaikai ia no na mea a pau, a he mea e pono ai na hana o na poe a pau mai ka poe waiwai a hiki aku i ka poe uuku o na loaa. Ina e poho ke dala, he poino no ia no ka lehulehu, no ka mea he poe imi dala ka lehulehu holookoa.
Ua laweia mai nei e kekahi hui imi waiwai he mau haneri tausani dala keokeo iloko o keia aupuni, a e manao ana lakou e hoomau ka lawe ana mai a piha paha ka alue miliona. O keia dala nae, ua emi kona waiwai, aolei piha ka haneri keneta a ke dala hookahi. Mai ke kanahiku a keu a hiki i ka kanaiwa a keu keneta, oia ka waiwai o keia mau dala. Nolaila, ua maopopo epoho ana kekahi mea, a mau mea paha, mamuli o keia mau dala piha ole. Ke koi nei ka hui nana keia mau dala i lawe mai e ukuia lakou ma na bona o ke Aupuni Hawaii. O keia mau bona he waiwai piha ko lakou elike me ke dala gula o Amerika, a ma ke gula no hoi e hookomoia ai ua mau bona nei, pela ka hoakaka ana o ke kanawai. Ina e aeia keia koi, alaila ua maopopo maluna o ke Aupuni Hawaii ke poho nui, he mau haneri tausani dala, elike me ka mahuahua o ke dala keokeo piha ole a keia hui a lawe mai ai no ke aupuni. A ina maluna o ke aupuni ke poho, alaila o kaili ae no ia o ka haawe kaumaha maluna o ka lehulehu a pau e noho ana ma keia paeaina.
ua hoakakaia ma ke kanawai no na bona o ke Aupuni Hawaii, he waiwai ko lakou elike me ke gula o Amerika Hui. Ina e hiki i ka wa e hookaaia ai o keia mau bona, ma ke gula no e hookaa ai; nolaila he panai like ole keia a keia hui e koi nei, e lawe mai i ka lakou dala keokeo piha ole no Hawaii, a e ukuia aku ma na bona Hawaii pika elike me ke gula; a ua hoole no hoi ke kanawai aole e hoemi ka waiwai o na bona o ke aupuni.
Nolaila pehea la e hiki ka keia hana? Ke hooikaiak nei ka hui e hooholoia kekahi bila kanawai iloko o ka Hale Ahaolelo e hoohui ana ia lakou ma ke ano Hui banako, a e hoomanaia e ke aupuni e hoolilo aku i na bona Hawaii i ua banako nei. Aole no paha e nele ka ike o ko makou poe heluhelu, ke noonoo pono iho, a ikea ka puana a ka moe. Aia no nae ka noonoo ana i ka Hale Ahaolelo.
Mamuli o ka lawe nuiia ana mai o keia dala keokeo, ua hoano e ia ka waiwai o na mea kuai, a ke hoomaka e nei ka lehulehu e ike i ke kaumaha. Ua hoolaha e mai nei kekahi mau hui kalepa e hoopii ana lakou i na kumukuai o ka lakou mau ano waiwai a pau. O ka uku hoolilo o ko Honolulu poe kalepa no na dala a lakou e hoolilo ai i na aina e, ua pii ae mai ka elua a me ka ekolu keneta a ua hiki i ka ewalu keneta a oi i keia wa. Mamua ina makemake kekahi mea e hoolilo aku i elima tausani dala i Amerika Hui, he hookahi haneri dala a hiki i ka haneri me kanalima, oia ka uku o ka hooili ana mamua. Aka, i keia wa ua hiki i ka eha haneri dala ka uku hooili o ia mau dala elima tausani. Ina he umi tausani dala ke hooiliia, he ewalu haneri dala ka uku no ka hooili ana, a e hookau ana ka poe kalepa i na auhau hou iho maluna o ka lakou mau mea kuai i mea e pani ai keia poho. Nohea mai ke ia kaumaha? No ka like ole o ka waiwai o ke dala o Hawaii me ko na aina e. O na mea kuai o Hawaii i laweia aku i na aina e a e kuai ai, ua ukuia mai ma ke gula; aka, o na mea kuai o ko na aina e i laweia mai i Hawaii nei e kuai ai, ua ukuia ma ke dala keokeo i piha ole kona waiwai, e lilo ana i a i mea e kaumaha ai ka poe kuai.
Ua lawe mai ka Lunamakaainana o Lihue me Koloa oia o Mr. S. B. Dole, he bila kanawai iloko o ka Hale Ahaolelo, e pili ana no ke dala; a ina e hooholoia ia bila a lilo i kanawai, he mea ia e pale ai na hihia a me na kaumaha e omamalu nei maluna o keia wahi aupuni uuku. Maloko o ia bila ua hoakakaia no na hookaa dala a pau maluna aku o ka elima dala e ukuia no ma ke gula. Ina e holo keia bila pomaikai ka aina. Aia no nae ia i ka noonoo o ka Ahaolelo.
Na keia mau ninau e pili ana i ke dala i hoala i na nune he nui wale iwaena o ko ke kulanakauhale nei poe kamaaina, o na haole a me na kanaka maoli. Ua lohe pono keia pepa i ka pane ana a kekahi haole kamaaina kahiko, a he hoa'loha maopopo oia no ko Hawaii nei: he aneane kanaha makahiki o kona noho ana ma ka oihana kalepa, a eia kana pane: "Mai mua mai a hiki i keia la, aohe ninau nana i hoonioni i ke kahua o ko Hawaii nei mau pono kuokoa elike me keia ninau no ke dala e hanaia nei." O ka olelo keia a ke kanaka i oo ka noonoo iloko o na hana kalepa ma keia paeaina, a he hoa'loha paa oia no keia aupuni. Pomaikai ke aupuni a na Kamehameha, a Lunalilo a me Kalakaua, ke ike iho ka Hale Ahaolelo i ke ano koikoi o keia ninau, a hooholo iho lakou ma ke ano naauao a me ka hoopono.
O ko Hawaii nei ikaika, aia wale no ma ka pololei a me ka pono o kana hana imua o na maka o ko ke ao nei a pau.
Me he mea ala ke aneane aku nei i ka panina hope na hana noii a ke Komite Waiwai iloko o na keena Aupuni, a me he mea la no hoi aole no i loihi loa aku na la i koe a e ike ana kakou i ka lakou hoike.
Ke nana ia aku nei ka lakou hoike ma ke kau nuiui, a ma ka lakou hoike e maopopo ai ke kahua pololei o na mea i hoolahaia ma na kolamu o kekahi mau nupepa o ke Kulanakauhale nei, a aole no makou e hopohopo ke hoike ae, e ko ana i amau mea i hoolaha mua ia. Aole o keia pepa wale ka i komohia malalo o ia manao, aka, o kekahi mau nupepa e ae no kekahi o ke kulanakauhale nei.
He mea maopopo loa elike me na mea i hoolaha mua ia, ua uhaai maopopoia na dala o ka lehulehu, ua malama kapulupuluia na buke Aupuni, a ua hookaaia kekahi heluna dala nui no kekahi hana i apono oleia.
Aole keia he mau manao haku wale, aka he mau manao keia i loaa na hoapono kupono ana, a ke waiho mai ke komite Waiwai i ka lakou hoike, alaila e ike ana kakou, a e ike pu ana kakou, aole he wa iloko o ka moolelo o Hawaii nei i ikeia ai na hana uhaai i ke dala o ka lehulehu.
AHA KAAPUNI Apana Eha o ko Hawaii Pae Aina. Ma ka Hooponopono Waiwai. Mokupuni o Kauai SS. Ma ka Waiwai o KEONI k. o Waimea, Kauai, i make. Olelo Kauoha e koho ana i la e hooiaio ai ka Palapala Kauoha a no ka hoolaha ana.
No ka mea, ma ka la 16 o Mei A. D. 1884, ua waihoia imua o ka Aha kekahi Palapala i @@@@@@@@@@@@@@@@@@@@@@@@ i make aku la, a me ka Palapala Hoopii e noi ana e hooiaioia kela Palapala Kauoha a e hoopuka ka Palapala Luna Hooko no S. Aukai, ua waihoia mai e W. G. Kealawale.
Nolaila ua kauohaia, o ka POAKOLU oia ka la 23 o IUNE M. H. 1884, ma ka hora 10 kakahiaka, maka Rumi Hookolokolo o ia Aha ma Koloa, Kauai, oia ka la a me ka hora e hooiaioia ai ia Palapala Kauoha, a e hoolohe hoi no ia noi ana mai, a me ka poe a pau i pili e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia e hoolahaia no na pule ekolu iloko o ke KUOKOA he nupepa i pai a hoolahaia ma Honolulu.
Kakauia ma Koloa Mei 21 1884.
J. HARDY,
Lunakanawai Kaapuni Apana Eha.
1174-3t.
Aha Hookolokolo Apana Eha o ko Hawaii Pae Aina. Ma ka Hooponopono Waiwai. Ma ka Waiwai o KAUAKAHI k. o Waipouli, Kauai, i make kauoha ole. Imua o ka Lunakanawai Kaapani ma ke Keena.
Ma ka heluhelu a me ka waiho ana mai o ko Palapala Noi a Kela w. o Wailua, Kauai, e hoike mai ana o Kauakahi k. no Waipouli, Kauai, ua make kauoha ole ma Waipouli i oleloia ma ka la 10 Aperila M. H. 1867, a e noi ana e haawiia ka Palapala Luna Hooponopono Waiwai ia A. K. Mika.
Ua kauohaia, o ka POAKOLU ka la 25 o IUNE M. H. 1884 i ka hora 10 kakahiaka, oia ka manawa i koho no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu io ko lakou e ae oleia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke KUOKOA nupepa ma Honolulu.
Kakauia ma Koloa, Mei 21, 1884.
JACOB HARDY,
Lunakanawai Kaapuni Apana Eha.
1174-3t.
Ma ke Keena o ka Lunakanawai Kaapuni Apana Elua o ko Hawaii Pae Aina. Ma ka waiwai o J. KAHINU k. no Lahaina Maui i make.
Ua heluhelu a ua waihoia ka palapala noi a A Pali a me Kaiwa k. e noi ana e hoonohoia laua i mau Lunahooponopono o ka waiwai o J. Kahina k. no Lahaina Maui i make.
Nolaila ke kauohaia aku nei na kanaka a pau ke pili, o ka POAKAHI oia ka la 16 o IUNE 1884, ma ka hora 10 kakahiaka, ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Lahaina, Mei 20, 1884
1174-3t.
HOOLAHA: Ñ E kuai kudalaia ana ma ka la 13 o IUN 1884, na bipi kauo kaa a me kekahi mau bipi e ae o ka waiwai o R. P. Kuikahi, ma ka pa holoholona o Mr. S. Parkar makai o ke alanui aupuni maluna o ka aina o Kawela. E hoomaka ana ke kudala ma ka hora 10 kakahiaka. He kuai kupono loa keia no ka loaa ana o na bipi kauo kaa a me na bipi hookawowo, a mawaena o hookahi me elua haneri Bipi e kudalaia ana. I ka wa kudala e hoakakaia ai ke ano o ke kuai ana.
R. A. LYMAN,
Luna Hooponopono Kuikawa o R. P. Kuikahi.
Paauhau, Hamakua, Mei 23, 1884
1174-3t.
OLELO HOOLAHA: Ñ E ike auanei na kanaka a pau, ke papa a hookapu loa aku nei au i kuu aina kuleana e waiho la ma Kalaupapa Molokai, nona ka inoa Palawai, i kuleanaia ma ka inoa o Haaea k. i hoikeia ma kona Palapala Sila Nui 4151 kuleana helu 8946. Aole o'u makemake e hanaia kekahi alanui maluna o ia aina ke ole au e ike a me na mea a pau e hele ana maluna o ia apana aina, aole mana ke aupuni e hoohana maluna o kuu aina, ua kapu loa ke hooholo pu ole ka ae me a'u. Owau no me ka oiaio i na aha a me ko'u mau hope.
MELEANA (w.)
Mana, Honolulu, Mei, 1884
1174-3t.
UA hookohuia i keia la o S. R. HAPUKU Esq. i Lunakanawai Apana no ka apana o Lihue, mokupuni o Kauai.
SOLOMON NAAUO.
Hope Kiaaina o Kauai.
Keena Kiaaina o Kauai.
Lihue, Kauai, Mei 10, 1884.
1173-3t.
UA hookohuia o JAS. H. K. KAIWI i keia la i Lunakanawai APana (no ka manawana) no ka apana o Kawaihau, mokupuni o Kauai.
SOLOMON NAAUAO.
Hope Kiaaina o Kauai.
Keena Kiaaina o Kauai.
Lihue, Kauai, Mei 12, 1884.
1173-3t.
MA KE KAUOHA: ÑÊO ka POAKOLU ka la 11 o IUNE, ka la hanau o Kamehameha I, e malamaia ana he ka kulaia aupuni, a ma ia la e paniia ana ipuka o na hale oihana aupuni a pau maloko o ke aupuni.
CHAS. T. GULICK,
Kuhina Kalaiaina.
Keena Kalaiaina, Mei 12, 1884
1172-3t.
HOOLAHA LUNAHOOPONOPONO WAIWAI: Ñ Ua hookohuia ka mea nona ka inoa malalo i Lunahooponopono Waiwai no ka Waiwai o W. C. JONES o Wailuku i make kauoha ole. Ma keia ke hoolahaia aku nei, o ka poe a pau i aie i ka waiwai o ka mea i make e hookaa koke mai, a o ka poe a pau he kuleana ko lakou i ka waiwai o ka mea i make, e hoike koke mai lakou iloko o na mahina eono mai keia la aku, a i ole pela, e hoole mau ia lakou.
W. A. KINNEY,
Lunahooponopono o ka Waiwai o W. C. Jones i make.
Honolulu, Mei 24, 1884.
1174-6t.
HOOLAHA LUNAHOOPONOPONO WAIWAI: Ñ Ua hookohuia ka mea nona ka inoa malalo i Lunahooponopono Waiwai Kuikawa no ka Waiwai o ROBERT P. KUIKAHI o Kukuihaela, Hamakua, Hawaii, i make, ma ke kauoha a Hon. Charles F. Hart, Lunakanawai Kaapuni o ka Apana Ekolu. Ma keia ke hoikeia aku nei ka lohe i ka poe a pau he kuleana ko lakou i ka waiwai i oleloia, e hoike mai lakou me na hooiaio kupono iloko o na mahina eono mai keia la aku, a i ole pela, e hoole mau ia lakou. A o ka poe a pau he mau aie ko lakou i ka waiwai o ka mea i make e hookaa koke mai lakou i ka mea nona ka inoa malalo.
R. A. LYMAN,
Lunahooponopono Waiwai Kuikawa no ka Waiwai o R. P. Kuikahi i make.
Paauhau, Hamakua, Mei 22, 1884.
1174-2m.
AHA HOOKOLOKOLO KIEKIE O Ko Hawaii Pae Aina. Ma ka Hooponopono waiwai. Ma ka hana o ka Waiwai o GEORGE WOOD o Honolulu, Oahu, i make. Imua o ka Lunakanawai Nui A. F. JUDD.
Ma ka heluhelu a me ka waihoia ana mai o ka Palapala Noi a me ka Papa Hoike a Ghas. T. Gulick, Lunahooponopono Waiwai me ka Palapala Kauoha, i pakuiia o ka waiwai o George Wood no Honolulu, i make, e noi ana e apono ia na hoolilo he $13,267.16, a e hoike ana o na mea i loaa mai iaia he $12,845.11, a e noi ana e nana a e apono ia kela mau mea, a e kauoha ia e hookuu iaia a me kona mau hope ma ko lakou noho ana ma ia ano.
Ua kauohaia o ka POALUA ka la 17 o IUNE M. H. 1884 ma ka hora 10 o kakahiaka imua o ua Lunakanawai Nui la, ma ke Keena ma ka Hale Hookolokolo, ma Honolulu, oia ka hi a me ka manawa i kohoia no ka hoolohe ana i ua Noi la, a me na Papa Hoike i oleloia a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ua noi la. A o keia kauoha ma ka @@@@@@@@@@@@@@@@@@@@@@@@@@@@@ KUOKOA a me Hawaiian Gazette he mau nupepa i pai a i hoolahaia ma Honolulu.
Kakauia ma Honolulu, ko Hawaii Pae Aina i keia la 19 o Mei 1884.
A. F. JUDD,
Lunakanawai Nui o ka Aha Kiekie.
Ikea: HENRY SMITH,
Hope Kakauolelo.
1173-3t.
HOOLAHA A KE KAHU MALAMA Waiwai. Ua hookohuia mai ka mea nona ka inoa malalo e ka Mea Hanohano A. Fornander, Lunakanawai Kaapuni Apana Elua o ko Hawaii Pae Aina, i Kahu no ka waiwai o na keiki oo ole a Nahia (k) a me Kaonaona (w.) i make, no Honokohau, Kaanapali, Maui, ma ka la 17 o Aperila1884, a he waiwai i hoopaa ia e Nahia i kona wa e ola ana malalo o ka moraki imua o W. R. Kakela no ekolu makahiki, e hoomaka ana ma ka la 19 o Feberuari, 1884.
Ke kauohaia aku nei na kanaka a pau e paa ana i na waiwai Paa ame na waiwai Lewa o Nahia a me Kaonaona, e hoike koke mai a e hoihoi iloko o ko'u lima mai keia la aku.
J. W. M. POOHEA.
Kahu malama Waiwai o na keiki oo ole a Nahia me Keonaona.
Wawaia, Molokai, Mei 13, 1884.
1173-3t.
OLELO HOOLAHA: Ñ E ike auanei na kanaka a pau. O ka mea nona ka inoa malalo, ua hoonohoia mai e ka Mea Hanohano A. Fornander, Lunakanawai Kaapuni Apana Elua o ko Hawaii Pae Aina, i Lunahooponopono ma ka waiwai o Kahuliaikaua (k), ke kauohaia aku nei ka poe a pau e paa ana i ka waiwai o ka mea i make, e hoihoi koke mai lakou iloko o kuu lima iloko o na malama 6 mai keia la 7 aku o Aperila 1884, a ke hoomalu aku nei au i na kanaka a pau o kela a me keia ano, aole e kii wale i na hua o na mea kanu e ulu ana maluna o ka aina o hoopii ia lakou e a'u ma ke kanawai.
J. W. M. POOHEA.
Lunahooponopono Waiwai o Kahuliaikaua.
Wawaia, Molokai, Mei, 13, 1884.
1173-3t.
E NANA I KEIA!!
IUNE 11, 1884.
NO KAPIOLANO PAKA 25 KENETA.
E haalele ana ka mokuahi MONTAGUE me kekahi moku kuna kokua mai ka uwapo aku o ke alanui Papu ma ka hora 8 o ke kakahiaka.
11 IUNE, 1884.
no Kapiolani Paka, a ma ka huli hoi ana mai e haalele ana ia Kapiolani Paka ma ka hora 3 auina la.
He 25 keneta auhau o ka ohua hookahi malalo aku nei a pe@a maluna mai.
MA KE KEENA O KA LUNAKNAWAI KAAPUNI Apana Elua o ko Hawaii Pae Aina. Ma ka Waii o ALONSO JACKSON no Makawao, Maui, i make.
Ua heluheluia a ua waihoia ka palapala noi a W. P. A. Brewer, ka Lunahooponopono o ka waiwai o Alonso Jackson no Makawao, Maui, i make, e noi ana e haawi iaia i laikini e kuai i ka waiwai paa o ka mea i make i mea e hookaa ai kona mau aie.
Nolaila ke kauohaia ku nei na kanaka a pau, o ka POALUA, oia ka la 27 o MEI 1884, ma ka hora 10 kakahiaka, ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER.
Lunakanawai Kaapuni Apana Elua H. P. A.
Lahaina, Mei 3, 1884.
OLELO HOOLAHA: Ñ E iek auanei na kanaka a pau ua papaia aole e hele wale na kanaka ma na kula a me na kuahiwi o Kapaa, Waipouli, a me Olohena, ke ae ole ia na hope paha. A e hopuia auanei a e hoopii ma ke kanawai na mea a pau i loaa ma keia mau aina me ke kuleana ole.
GEO. H. DOLE,
Luna Nui o Kapaa.
Kapaa, Maraki 10, 1884.
1164-3m.
OLELO HOOLAHA: Ñ E ike auanei na kanaka a pau ke nana mai i keia olelo hoolaha, aole k@ au e ae e hookaa i kekahi aie i hoaieia ma kuu inoa ke ole e loaa aku na hoapono ana mai ia'u aku. A no ka oiaio o keia, ke kau nei au i ko'u inoa i keia la 16 o Mei, 1884.
JOSE ESPINDA.
Lahaina, Maui.
1173-4t.
AHA HOOKOLOKOLO KIEKIE O Ko Hawaii Pae Aina. Ma ka Hooponopono Waiwai. Ma ka hana o ka Waiwai o MANUHI (w.) o Koolauloa, Oahu, i make, kauoha ole. Imua o ka Lunakanwai B. H. AUSTIN.
Ma ka heluhelu a me ka waihoia ana mai o ka Palapala Nui a Uha (k.) a me Kaina (k.) o Koolauloa, Oahu, e hoike mai ana o Manuhi no Koolauloa i oleloia ua make kauoha ole ma Koolauloa no ma ka la 1 o Sepatemaba M. H. 1883, a e noi ana e haawi ia ka Palapala Hookohu Luna Hooponopono Waiwai ia Kaina (k.) i oleloia.
Ua kauohaia, o ka POAKAHI ka la 2 o IUNE M. H. 1884, ma ka hora 10 o kakahiaka, oia ka manawa i kohoia no ka hoolohe ana no ka hoolohe ana i ua noi la, imua o a Lunakanawai la, ma ke Keena Hookolokolo o keia Aha, ma Honolulu, a ma i manawa a ma ia wahi no e hele mai ai na mea a pau i pili e hoike mai ke kumu, ina he kumu oiaio ko lakou e ae ole ia ua Noi la. A o keia olelo kauoha e hoolaha ia ma ka olelo Hawaii ekolu pule ma ka NUPEPA KUOKOA he nupepa i paiia ma Honolulu.
Kakauia ma Honolulu, ko Hawaii Pae Aina Mei 14, 1884.
BENJ. H. AUSTIN,
Lunakanawai o ka Aha Kiekie.
Ikea: HENRY SMITH,
Hope Kakauolelo.
1172-3t
AHA HOOKOLOKOLO KIEKIE O KO HAWAII PAE AINA. Ma ka hoopnopono Waiwai. Ma ka hana o ka waiwai o MOSES KUAEA o Honolulu, Oahi i make kauoha ole. Imua o ka Lunakawai Nui A. F. JUDD.
Ma ka heluhelu a me ka waihoia ana mai o ka Palapala Nui o a Mrs. Tamar Kuaea o Honolulu e hoike mai ana o Moses Kuaea no Honolulu ua make kauoha ole ma Honolulu, Oahu, ma ka la 5 o Mei M. H. 1884, a e noi ana e haawi ia ka Palapala Hookohu Lunahooponopono Waiwai iaia, a me ka hookohu iaia i Kahu malama waiwai no na keiki oo ole, a me ka hoomana iaia e kuai aku i kekahi waiwai paa o ka mea i make no kekahi mau kumu kupono.
Nolaila, ua kauohaia, o ka POALUA, ka la 3 o ITNE M. H. 1884, ma ka hora umi o kakahiaka, oia ka manawa i kohoia no ka hoolohe ana i ua noi la, imua o ua Lunakanawai Nui la, ma ke Keena Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ola ie ai ua Noi la. A o keia kauoha ma ka olelo Hawaii, e hoolaha ia maloko o ka NUPEPA KUOKOA i ekolu pule, he nupepa i paiia ma Honolulu.
Kakauia ma Honolulu, ko Hawaii Pae Aina, i keia la 13 o Mei M. H. 1884.
A. F. JUDD.
LUNAKANAWAI NUI O KA AHA KIEKIE.
IKEA: HENRY SMITH,
Hope Kakauolelo o ka Aha Kiekie.
1172-3t.
AHA KAAPUNI APANA EHA O KO Hawaii Pae Aina, ma ka hooponopono waiwai.
Mokupuni o Kauai, SS.
Hawaii Pae Aina.
Ma ka waiwai o WAIHOWALE (w.) no Mahaulepu, Kauai, i make. Olelo Kauoha e koho ana ia la e hooiaio ai ka Palapala Kauoha a no ka hoolaha ana.
No ka mea, ma ka la 8 o Mei 1884, ua waihoia mai imua o ka Aha, kekahi Palapala i oleloia, oia no ke Kauoha Hope Loa o Waihowale (w.) i make aku la; a me ka Palapale Hoopii e noi ana e hooiaio ia kela Palapala Kauoha a e hoopuka hoi ka Palapala Luna Hooko no Lihilihi ua waihoia mai e ia.
Nolaila, ua kauohaia o ka POAKOLU oia ka la 18 o IUNE, 1884, ma ka hora 10 kakahiaka, ma ka Rumi Hookolokolo o ia Aha, ma Koloa, ma Kauai, oia ka la me ka hora e hooiaio ia ai ia Palapala Kauoha, a me ka hoopuka ana i ka Palapala Luna Hooko.
A ua kauoha houia e hoolaha no ia mea no na pule ekolu iloko o ke KUOKOA he nupepa i paiia a hoolahaia ma Honolulu.
Kakauia ma Koloa @@@@ @@@@@@
Lunakanawai Kaapuni Apana Eha.
1172-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o W KAAI no Wailuku, Maui, i make.
Ua heluheluia a ua waihoia ka palapala noi a W. H. Cornwell kekahi o na Lunahooponopono o ka waiwai o W. Kaai (k.) no Wailuku, Maui, i make, e noi ana e hoapono ia kona Moo-Waiwai, a e hookuu ia mai ka oihana a e hooili ia ka waiwai i na hooilina.
Nolaila ke kauohaia aku nei na kanaka a pau ke pili, o ka POALUA, oia ka la 3 o IUNE 1884, ma ka hora 11 kakahiaka, ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoike ia.
ABR. FORNANDER,
Lunakanawai Kaapuni Apana Ekolu H. P. A.
1172-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o G. D. SYLVA, no Lahaina, Maui, i make.
Ua heluheluia a ua waihoia ka palapala noi a J. A. Nahaku, kekahi o na Lunahooponopono waiwai o Geo. D. Sylva no Lahaina, Maui, i make, e noi ana e hoapono ia kona Moo-waiwai, a e hookuu ie mai ka oihana, a e hooholo ia ka waiwai i na hooilina.
Nolaila ke kauohaia aku nei na kanaka a pau ke pili, o ka POALIMA, oia ka la 6 o IUNE 1884, ma ka hora 8 kakahiaka, ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la, a me na mea kue ke hoike ia.
ABR. FORNANDER,
Lunakanawai Kaapuni Apana Elua H. P. A.
Lahaina, Mei 8, 1884.
1173-3t.
OLELO HOOLAHA:Ñ Ua loaa ia'u kekahi Nota mawaena o Kaaawa a me Makaua i kakauia ma ka inoa malalo Auna, nolaila e kii mai ka mea nana keia nota iloko o na la he 18 me ka uku pu mai no kuu malama ana a me ka uku o kuu hoolaha ana, a i ole ia e lilo loa no ia'u. O ka huina o na dala maloko he 20.
ROSE HOAPILI.
Kualoa, Koolaupoko, Oahu.
1173-3t*
OLELO HOOLAHA: Ñ I na lala a pau i loaa ke kuleana apana hui i ka hapalua o Waimea, Koolauloa, Oahu. E akoakoa mai na lala a pau o ka hui ke hiki aku i ka Poaha hope o Mei, 1884. E hele mai no hoi na lala me ka makaukau i ke dala no ka lawe ana i ka hapalua o ka pa ma ke kauoha a ka hui i ko lakou luna.
D. KAHALEPOUOLE.
Waimea, Mei 9, 1884.
1172-3t.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o S. KAULIA (k.) no Hokukauo, Kau, Hawaii, i make.
Ua heluheluia a ua waihoia ka palapala noi o W. B. Komaka, ka Luna hooponopono no na waiwai o S. Kaulia (k.) no Hokukauo, Kau, Hawaii i make,e noi ana e apono ia kona hoike hope a e hooholo ia na waewai i ka hooilina, a e hookuu iaia me kona mau hope mai ka oihana Luna hooponopono waiwai me kahu malama no ka hooilina i oo ole, oiai ua oo i keia manawa.
Nolaila ua kauohaia na mea a pau i pili, o ka POAONO, oia ka la 31 o MEI 1884, i ka hora umi o kakahiaka, ma ka Hale Hookolokolo ma Waiohinu, Kau, oia kahi a me ka manawa i kohoia no ka hoolohe ana i ua noi la me na mea kue ke hoikeia.
F. S. LYMAN,
Lunakanawai Kaapuni.
Hilo, Hawaii, Apr. 21, 1884.
1170-3t
OLELO HOOLAHA: Ñ E ika auanei na kanaka a pau, owau o KANOENAPAKU (Pake) e noho paahao la i Kawa, no kona hana ana i kekahi hewa karaima ma ka apana o Lahaina, nolaila ua hoopaiia oia no eono makahiki.
Nolaila ua noho iho au na hai h malama i ko'u oia a pela pu hoi me ka maua keiki. A mamuli o ia ano, nolaila k emanao nei au me keia hoolaha hookaawale ia ko maua mailoko ae o ka laahia hanohano o ka berita mare.
MRS. KANOENA PAKU,
Kahalapalaoa, Lanai, Apr. 1, 1884.
1170-3t.*
NA HOOLAHA HOU.
AHA KIEKIE O KO HAWAII PAE AINA. Ma ka Hooponopono o Waiwai. Ma ka hana o ka Waiwai o JNO. DEESING o Kahaluu. Koolaupoko, Oahu i make. Olelo Kauoha e koho ana i la e hooiaio ia ai ka Palapala Kauoha, a no ka hoolahaana.
No ka mea, ma ka la 24 o Aperila M. H. 1884, ua waiho mai imua o ka Aha, kekahi Palapala, i olelo ia, oia no ke Kauoha Hope Loa o John Beesing i make aku la; a me ka Palapala Hoopii e noi ana e hooiaio ia kela Palapala Kauoha e hoopuka ia hoi ka Palapala Luna Hooko no Catherine Steward ua waihoia mai e Catherine Steward.
Nolaila, ua Kauoha ia o ka POAKOLU oia ka la 28 o MEI M. H. 1884, ma kahora 10 kakahiaka a ka Rumi Hookolokolo o ka Aha, ma Aliiolani Hale ma Honolulu, oia ka la me ka hora, e hooiaio ia'i ia Palapala Kauoha, a e hoolohe ia ai hoi no ia noi ana mai, a me ka poe a pau i pili, e kua ana ia Palapala Kauoha, a me ka hoopuka ana i ka Palapala Luna Hooko.
A ua Kauoha houia, e hoolaha no ia m ea @ na pule ekolu iloko o ke KUOKOA me Hawaiian Gazette he mau nupepa i paiia a i hoolahaia ma Honolulu.
Kakauia ma Honolulu, ko Hawaii Pae Aina Aperila 24, 1884.
LAWRENCE MC. CULLY,
Lunakanawai o ka Aha Kiekie.
Ikea: HENRY SMITH,
Hope Kakauolelo.
1170-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o na keiki oo ole o B. F. SNIFFIN no Kula, Maui, i make.
Ua heluheluia a ua waihoia ka palapala noi a G. E. Miner ke Kaha o na keiki oo ole o B. F. Sniffin, no Kula, Maui, i make, e noi ana e hoapono ia kona Moo Waiwai a e hookuu ia mai ka oihana.
Nolaila ke kauohaia 'ku noi na kanaka a pau ke pili, o ka POALUA, oia ka la 3 o IUNE 1884, ma ka hora 9 o kakahiaka, ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER,
Lunakanawai Kaapuni Apana Elua H. P. A.
Apr. 25, 1884.
1172-3t.
MA KE KEENA O KA LUNAKNAWAI KAAPUNI Apana Elua o ko Hawaii Pae Aina. Ma ka Waiwai o WM. RUTHERFORD no Makawao, Maui, i make.
Ua heluheluia a ua waihoia ka palapala noi a G. E. Miner, ka Luna Hooponopono o ka Waiwai o W. Rutherford no Makawao, Maui, i make, a Kahu no kona keiki oo ole, e noi ana e hoapono ia kona Moo-Waiwai a e hookuu ia mai ka oihana.
Nolaila ke kauohaia 'ku nei na kanaka a pau ke pili, o ka POALUA, oia ka la 3 o IUNE 1884, ma ka hora 10 kakahiaka, ma ka hale hookolokolo o Makawao, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER,
Lunakanawai Kaapuni Apana Elua H. P. A.
Apr. 25, 1884.
1172-3t.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o GEO. PRACHT, no Kau, Hawaii i make.
Ua heluheluia a ua waihoia ka palapala noi o G. W. C. Jones, e noi ana e hooiaio ia ka palapala kauoha hope loa a George Pracht no Kau, Hawaii, i make, a e hoonoho ia i Luna Hooko no ia palapala kauoha hope i waihoia mai imua o keia Aha.
Nolaila ua kauohaia na mea a pau i pili, o ka POAONO, oia ka la 31 o MEI 1884, i ka hora 1 awakea, ma ka hale hookolokolo ma Waiohinu, Kau, oia kahi a me ka manwa i kohoia no ka hoolohe ana i ua noi la a me na mea kue ke hoike ia.
F. S. LYMAN,
Lunakanawai Kaapuni.
Apr. 21, 1884.
1170-3t.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o PUHI KUAHIWA (k.) no Naalehu, Kau, Hawaii i make.
Ua heluheluia a ua waihoia ka palapala noi o W. B. Kamaka, ka Luna Hooko no ka Palapala kauoha hope a Puhi Kuahiwa (k.) no Naalehu, Kau, Hawaii, i make, e noi ana e apono ia kona hoike hope a e hooholo ia ka waiwai i na hooilina a e hookuu ia oia me kona hope.
Nolaila ua kauohaia na kanaka a pau i pili, o ka POAONO oia ka la 31 o MEI 1884, i ka hora umi kakahiaka, ma ka Hale Hookolokolo ma Waiohinu, Kau, oia kahi a me ka manawa i kohoia no ka hoolohe ana i ua noi la me na mea kue ke hoike ia.
F. S. LYMAN,
Lunakanawai Kaapuni.
Hilo, Hawaii, Apr. 21, 1884.
1170-3t.
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o TOMA MARTIN Opio no Kau, Hawaii, he keiki oo ole.
Ua heluheluia a ua waihoia ka palapala noi a D. W. Kaaemoku, e noi ana e hoonoho ia oia i kahu malama no Toma Martin Opio, he keiki oo ole no Kau, Hawaii.
Nolaila ua kauoha ia na mea a pau i pili, o ka POAONO, oia ka la 31 o MEI 1884, i ka hora 9 kakahiaka, ma ka Hale Hookolokolo ma Waiohinu, Kau, oia kahi a me ka manawa i kohoia no hoolohe ana i ua noi la me na mea kue ke hoike ia.
F. S. LYMAN,
Lunakanawai Kaapuni.
Hilo, Hawaii, Apr. 21, 1884.
1170-3t.
[POO AUPUNI.]
ILOKO o ka Aha Hookolokolo Kiekie o ke Aupuni Hawaii.
KALAKAUA, ma ka lokomaikai o ke Akua, o ko Hawaii Pae Aina, Moi,. Ia William C. Parke Esquire, Ilamuku o ke Aupuni, a i ole i kona Hope. Me ka mahalo.
Ke kauohaia aku nei oe e kii aku ia ARTHUR A. B. ELLIOTT ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia palapal kii e hele mai imua o ka Aha Hookolokolo Kiekie ma ke Kau o Ianuari o ua Aha la e malamaia ana ma ke Keena Hookolokolo o ka Hale Hookolokolo ma Honolulu Mokupuni o Oahu, ma ka POAKAHI la ehiku o IANUARI e hiki mai ana, ma ka hora 10 kakahiaka, e hoike mai i ke kumu e ae ole ia ai ke noi a Kipola (w.) ka mea hoopii, elike me ka mea i hoakakaia maloko o ka palapala hoopii i pakuiia me keia. A e hoihoi mai oe i keia palapala kii me ka hoike o kau mau hana ma ia mea.
Ikea ka Mea Hanohano A. FRANCIS JUDD,
Lunakanawai Nui o ko Makou Aha Hookolokolo Kiekie, ma Honolulu, i keia la 13 o Maraki M. H. 1884.
(Inoa) HENRY SMITH,
Hope Kakauolelo.
{Sila}
Ua imi pono ia o Arthur A. B. Elliott ka mea i oleloia ma keia palapala, a no kona loaa ole maloko o keia Aupuni, ke hoihoi aku nei au i keia palapala kii me ka hooko ole ia.
(Inoa) W. C. PARKE,
Ilamuku.
Honolulu, Novemaba 23, 1883.
KO HAWAII PAE AINA,
Oahu.
} SS
Ke hoike nai au ma keia, o ka palapala maluna ae, he kope oiaio ia o ka palapala kii hoopukaia ma ka hihia oki mare o Kipola kue ia Arthur A. B. Elliott, a me ka hoike a ka Ilamuku no ia mea, a ua kauoha ka Aha Kiekie ma ka la 12 o Aperila M. H. 1884 e hoopanee i ka hihia a ke Kau o Iulai M. H. 1884 o ka Aha Kiekie, a e hoolahaia ka Palapala Kii i oleloia e like me ka mea i hoakakaia ma ke kanawai.
I hoike no keia ke kau nei au i ko'u lima a me ke Sila o ka Aha Kiekie ma Honolulu i keia la 12 o Aperila M. H. 1884.
{Sila}
WILLIAM FOSTER,
Kakauolelo, Aha Kiekie
1169-6t.
NA HOOLAHA HOU.
[POO AUPUNI.]
ILOKO o ka Aha Hookolokolo Kaapuni @@@
Aupuni Hawaii.
KALAKAUA, ma ka lokomaikai @@@
o ko Hawaii Pae Aina. @@@@@
Parke Esquire, @@@@@@@@
kona hope. Me ka ma@@@@@@@
Ke kauohaia aku nei @@@@@@@@@@@@@
GRACE BROWN ka mea @@@@@@@@@@@@@
mai ana oia i kana pane @@@@@@@@@@@@@@
la he iwakalua mahope @@@@@@@@@@@@@@@
keia palapala @@ e hele mai @@@@@@@@@@@@
Hookolokolo Kiekie, ma @@@@@@@@@@@@@@
ua Aha la e m@@@@ ana ma @@@@@@@@@@@
kolokolo o ka Hale H@@@@@@@@@@@@@@@
@@@@ mokupuni o Oahu, @@@@@@@@@@@@
o APERILA e hiki mai ana @@@@@@@@@@@@
kanaka, e hoike mai i ke kumu @@@@@@@@@@@
ka noi a Robert Brown ka mea @@@@@@@@@@@
me ka mea e hoakakaia m@@@@@@@@@@@@@
hoopii i pakuiia me ke@@@@@@@@@@@@@@@
keia palapala kii me ka hoike @@@@@@@@@@@
nana ma ka mea.
Ikea ka mea Hanohano @@@@@@@@@@@
Lunakanawai @@@@@@@@@@@@@@@@@@
Hookolokolo K@@@@@@@@@@@@@@@@@
keila la 11 o Maraki M. H. 1884.
(Inoa) HENRY SMITH,
Hope Kakauolelo.
Ua imi pono no au ia @@@@@@@@@@@
BROWN ka mea i oleloia m@@@@@@@@@@@
pala kii oiai aole @@@@@@@@@@@@@@@@
Aupuni nolaila, ke @@@@@ aku @@@@@@@@
palapala kii me ka palapala hoo@@@@@@@@@@
me ka hooko ole ia.
(Inoa) W. C. PARKE,
@@@@@@@@@@
Honolulu, March 19, 1884.
KO HAWAII PAE AINA.
Oahu.
} SS
Ke hoike nei au ma keia, o ka @@@@@@@@
luna ae, he kope oiai@@@@@@@@@@@@@@@
hoopukaia ma ka hihia @@@@@@@@@@@@@@
Brawn kue ia Louisa @@@@@@@@@@@@@@@
hoike a ka Ilamuku @@@@@@@@@@@@@@@@
Aha Kiekie ma ka la 1@ o Aperila @@@@@@@@@
e hoopanee i ka hihia a @e @@@@@@@@@@@@
1884 o ka Aha Kiekie, a e @@@@@@@@@@@@
pala kii i oleloia e like me ka mea @@@@@@@@
ia ma ke kanawai.
I hoike n@ keia ke kau nei au @@@@@@
me ke Sila o ka Aha K@@@@@@@@@@@@
nolulu i keia la 12 o Aperila @@@@@@@@@@
1884.
WILLIAM FOSTER, Kakauolelo @@@@@
kie
@@@@@@@@@
[POO AUPUNI]
ILOKO o ka Aha Hookolokolo Kiekie @@@
Aupuni Hawaii.
KALAKAUA, ma ka lokomaikai o ke @@@
o ko Hawaii Pae Aina, M@@@@@@
Ia William C Parke Esquire, @@@@@@@@@
Aupuni, a i ole i kona Hope. Me ka @@@@@@@@@
Ke kauohaia aku nei oe e kii @@@@@@@@
LIA WISEMAN ka mea i hoopiiia @@@@@@@@@
mai ana oia i kana pane i kakau@@@@@@@@@@@
la he iwakalua mahope iho o ka hoo@@@@@@@@@
keia palapala kii e hele mai imua o ka Aha
Hookolokolo Kiekie, ma ke Kau @@@@@@@@@@
ua Aha la e malamaia ana ma ke K@@@@@@@@
kolokolo o ka Hale Hookolokolo ma Hono
lulu mokupuni o Oahu, ma ka @@@@@@@@@
o IANUARI e hiki mai ana, ma ka hora @@@@@
kahiaka, a e hoike mai i ke kumu @@@@@@@@
ke noi a JOS. E. Wiseman ka mea @@@@@@
like me ka mea i hoakakaia m@@@@@@@@
pala hoopii i pakuiia me keia. A @@@@@@@
mai oe i keia palapala kii me ka hoike @@@@@
kau mau hana ma ia mea.
Ikea ka Mea Hanohano A. FRAN@@@@
Lunakanawai Nui o k@@@@@@@@@@@@
Hookolokolo Kiekie, ma Honolulu
keia la 5 o Dekemaba M. H. 1884.
(Inoa) WILLIAM FOSTER,
Kakauolelo
Ua imi au ia EMELIA WISEMAN ka mea @@
oleloia maloko o keia Palapala Kii, a @@@@
loaa ole maloko o keia Aupuni nolaila @@@@
hoi aku nei au i keia palapala kii me k@@@@@@
ole ia.
@@@@@@@
Honolulu, Dekemaba 28, 1883.
KO HAWAII PAE AINA,
Oahu.
} SS
Ke hoike nai au ma keia, o ka palapala @@@
luna ae, he kope oiaio ia o ka palapala @@@
hoopukaia ma ka hihia oki mare o J @@@@@@
man kue ia Emelia Wiseman, a me ka @@@@
Kiekie ma ka la 12 o Aperila, M. H. 1884 @@@@
hoopanee i ka hihia a ke Kau o @@@@ M. H.
1884 o ka Aha Kiekie, a e hoolahaia ka pala
pala kii i oleloia e like me ka mea @@@@@
ma ke kanawai.
I oike no keia keu nei au i keia @@@
me ke Sila o ka Aha Kiekie ma Ho
nolulu i keia la 12 o Aperila M. H.
1884.
WILLIAM DOSTER, Kakauolelo, Aha @@@
kie.
1169@@@@
[POO AUPUNI]
ILOKO o ka Aha Hookolokolo Kiekie @@@
Aupuni Hawaii.
KALAKAUA, ma ka lokomaikai o ke A@@@@
o ko Hawaii Pae Aina, Moi. Ia William @@@
Parke Esquire, Ilamuku o ke aupuni, @@@@@
kona Hope. Me ka mahalo:
Ke Kauohaia aku nei oe e kii aku ia @@@@
(P.) ka mea i hoopiiia, ina e waiho mai@@@
oia i kana pane i kakauia iloko o na la he iwa
kalua mahope iho o ka hookoia ana o keia Pa
lapala kii e hele mai imua o ka Aha Hookolo
kolo Kiekie, ma ke Kau o Ianuari o @@@@
e malamaia ana ma ke Keena Hoo@@@@@
ka Hale Hookolokolo ma Honolulu @@@@
o Oahu, ma ka POAKAHI la 7 o @@@@@
hiki mai ana, ma ka hora 10 kakahiaka @@@
ke mai i ke kumu e ae ole ia ai ke noi a @@@
Kamohai ka mea hoopii, e like me ka @@@@
hoakakaia maloko o ka palapala @@@@@@
kuiia me keia. A e hoihoi mai oe i @@@@
pala kii me ka hoike piha o kau mau hana @@@
ia mea.
Ikea ka Mea Hanohano A. FRANCIS @@@@
Lunakanawai Nui o ko Ma@@@@@@
Hookolokolo Kiekie, ma Honolulu @@@
keia la 12 o Maraki M. H. 1884.
(Inoa) HENRY SMITH,
Hope Kakauolelo.
Mahope o ka imi pono ana ia Alina P@@@@
mea i oleloia ma keia palapala aole @@@@@
iki, oiai aia oia mawaho aku o keia A@@@@@
elike me ka mea i hoikeia ma ka leta.
(Inoa) W. C. PARKE,
Ilamuku.
Honolulu, Feberuari 9, 1884.
KO HAWAII PAE AINA,
Oahu.
} SS
Ke hoike nei au ma keia, o ka@@@@
maluna ae, he kope oiaio ia o ka palapala @@@
hoopukaia ma ka hihia oki mare o @@@@@@
mohai kue ia Alina (Pake.) a me @@@@@@
ka Ilamuku no ia mea, a ua kauoha @@@@@
Kiekie ma ka la 12 o Aperila M. H. 1884 @@@
hoopanee i ka hihia a ke Kau @@@M. H.
1884 o ka Aha Kiekie, a e hoolahaia @@@@
pala kii i oleloia e like me ka mea @@@@
ia ma ke kanawai.
I hoike no keia ke kau nei au i @@@
me ke Sila o ka Aha Kiekie ma Ho
nolulu i keia la 12 o Aperila @@@@@
1884.
WILLIAM FOSTER,
Kakauolelo, Aha @@@@@
kie.
@@@@@
OLELO HOOLAHA.
E ike auanei na kanaka a pau ke nana mai @
keia Olelo Hoolaha, owau o Apoe @@@@
kaina ponoi o Iakoka (Pake) ua hoo@@@
noia mai au i hope malama a hooponopono @@
kona mau waiwai a pau, oiai ua hoi aku @@
oia i Kina. Ma keia ke hoolahaia aku @@@
ka poe a pau i aie iaia, e hookaa koke @@@
kou i ko lakou mau aie ia'u iloko o na @@@
elua mai ka la e puka aku nei keia Olelo Hoo
Laha, a i ole, e hoopiiia no lakou ma ke @@@@
wai. Eia kekahi, aole loaa au e ae e ho@@@
kekahi aie i hoaie ia ma ko'u inoa, ke ole @@
aa aku na hoapono ana mai ia'u aku. E @@
keiai kanawai mai keia la aku.
Hanalei, Kauai, Iune 11, '83.
11@@@@@