Ka Nupepa Kuokoa, Volume XXIII, Number 35, 30 August 1884 — Page 4
| This text was transcribed by: | Nathalie Coelho Da Silva |
| This work is dedicated to: | No Awaiaulu, great project ! |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki, @2.00
No Eono Mahina, 1.00.
KUIKE KA KULA.
Poaono. Augate . 30. 1884
KE MELE O KE OLA.
(Song of Salvation.)
Gospel Hymn, No. 157.
He aloha no ko Iesu,
He aloha a@lii kamahao.
He manao anei kona @o’u nei ?
Iho mai anei oia no’u nei, no’u nei ?
Iho mai an@ oia @o’u nei ?
Cho. Ae, ae,ae, @o’u nei, no’u nei,
Ae, @e, ae, no’u nei.
Ua iho Ie@u mai ka lani mai no.
He Hooia no no@, a @o’u nei.
A ua l@he au no Iesu,
K@na eha a make ana’e.
Ua haiia nae an@i,
Eha @a @ mak@ no’u nei, no’u nei,
E@a oia a make no’@ nei ?
Cho. Ae, ae, ae, no’u n@i, &c.
L@ au la h@ lani @o
@ @a @ki mai@i a I@su.
He @ anei m@ a@
I h@ la no’u nei, no’u nei.
I h@ la no’u nei ?
Cho. Ae, ae, ae, n@’u @ei, @.
Oli @ la, e I@su e,
He al@ n@ k@ la no’u nei.
Mao@po lea’e la ano
He hoola a lani no’u nei, no’u nei.
He hoola a lani no’u nei.
Cho. Ae, ae, ae, no’u nei, @
HAWAII.
Helu 11, Sabati, Sept.14.
Kumuhana, Ke kali ana no Iehova. Pauku Baibala; Hal. 40:1-17.
Ua kali ahonui aku la au ia Iehova, a maliu mai ia me ka hoolohe i ko’u hea ana.
2 Ua lawe mai oia ia’u mailoko mai o ka lua weliweli, mailoko mai o ka lepo poho, a ua hooku i ko’u mau kapuwai maluna o ka pohaku, a ua hooku pono oia i kuu hele ana.
3 Ua haawi mai oia i ka mele hou iloko o kuu waha, i ka hoolea i ko kakou Akua; e ike auanei na mea he nui, a e weliweli hoi, a e @ilinai aku hoi ia Iehova.
4 Pomaikai ke kanaka i hoolilo ia Iehova i mea e hilinai ai nona; aole hoi i mahalo i ka poe haaheo, aole hoi i ka poe kapae ma ka wahahee.
5 He nui na mea kupanaha au i hana’i, e Iehova kuu Akua, a me ou manao ia makou; aole ia e helu pololei ia ‘ku ia oe; ina makemake au e hai heluhelu aku, ua nui loa ia, aole e pau i ka helu ia.
6 O ka mohai a me ka alana kau i makemake ole ai; o ko’u mau pepeiao kau i hoohakahaka mai ai; o ka mohaikuni a me ka mohai lawehala kau i kauoha ole mai ai.
7 Alaila i aku la au, Eia ke hele mai nei au; ma ka buke palapala i kakauia’i no’u,
8 Ke hauoli nei au i ka hana aku i kou makemake, e ko’u Akua. Oiaio, o kou kanawai hoi eia iloko o ko’u naau.
9 Ua hai aku au i ka pono i ke anaina nui; eia hoi, aole au i hoopaa i kuu mau lehelehe, e Iehova, ua ike no hoi oe.
10 Aole au i huna i kou pono iloko o ko’u naau; ua hai aku no hoi au i kou oiaio a me kou ola. Aole au i hu na i kou lokomaikai, a me kou oiaio, i ke anaina nui.
11 Mai aua mai oe i kou aloha ia’u e Iehova; e hoomalu mau mai kou lokomaikai me hou oiaio ia’u.
12. No ka mea, ua hoopuni mai ia’u na mea ino, aole e pau i ka helu ia ; ua lalau mai ko’u mau hewa ia’u, aole hiki ia’u ke nana iluna. Ua oi aku lakou mamua o na lauoho o kuu poo. Nolaii haalele ai ko’u naau ia’u.
13 E oluolu hoi oe, e Iehova e hoola ia’u, e wiki mai, e Iehova, e kokua mai ia’u.
14 E hoohilahila ia, a e hoka pu ka poe imi mai i ko’u uhane e hoomake mai ia; e kipakuia ‘ku i hope ka poe i makemake e poino au.
15 E hooneoneo ia hoi lakou i uku no ka hilahila o lakou, ka poe i olelo mai ia’u, Aia la, aia la !
16 E hauoli aku a e olioli no hoi ia oe, na mea a pau i imi aku ia oe . A e olelo mau ka poe makemake i kou ola, e hoonaniia’ku o Iehova.
17 Aka, ua haahaa au a me ka nele; hoomanao mai no nae ka Haku ia’u ; o oe no ko’u kokua a me ko’u Hoola ; mai hookaulua iki oe, e ko’u Akua.
Pauku Gula, p. 8. Hoopaa.
Manao nui. Ka poe i kali no Iehova, e hoonuiia ko lakou ikaika.
Na heluhelu la. 1. Hal. 40; 1-17. @. Heb. 10; 1-23. 3. Hal. 130; 1-8. 4 Hal. 6@; 1-12. 5. Hal. 10@; 1-45. 6. Hal. 116: 1-19. 7. HAL. 126; 1-6.
Mele, “Nani ke ao,” Hoku Ao Nani, p.219.
Pule i ala a hele i ka Hale o Iehova
KA WEHEWEHE ME KA NINAU ANA.
Ua akaka na Davida i kakau i keia Halelu; A pili no kekahi hapa ia@, a pili hapa ia Iesu, a ia kakou no hoi.
P. 1 Me he la ua pilikia Davida. A kahea ia Iehova, a kali ahonui i kona hoolohe. A ua hooloheia anei ?
2 Heaha keia lua weliweli, me keia lepo poho ? Ka pilikia nui paha o Davida, he mai nui, he hewa nui, he kaumaha nui, he mihi nui. A pehea o Iehova iaia ? Heaha keia pohaku ? Ke Akua no, me kana olelo.
3 Heaha ka ke Akua i haawi ai iloko o kona waha ? E aha na mea he nui ?
4 Owai ke kanaka pomaikai ? Ka mea nona na mea ehia ?
5 Nui na hana aha a Iehova i hana ai ? Me na manao ia wai ? Pau anei i ka helu ia ? Hiki anei ke kai ia aku a pau ?
6 He wanana paha keia pauku no Iesu. Ua olelo Iesu. O ke aloha ko’u makemake. aole ka mohai. Aole e hiki i na mohai holoholona ke hoola i ke kanaka. Mana ole na mohai ke ole ka malama.O ka hoolohe ka mea i makemakeia. A ua h@wi mai ke. Akua ia Iesu i pepeiao hoolohe iaia. Ua hoohakahakaia kona mau pepeiao e hoolohe.
7 No Iesu keia pauku. Ke hele ne@ Au e hooko i ka mea i kakauia No’u ma ka Buke palapala, ma ke Kauoha Kahiko, mai Kinohi a Ma@aki.
8 No Iesu keia. Hauoli Oia e aha ? A heaha ka iloko o Kona naau ? Pili iki ia Davida, pili loa ia Iesu.
9,10 No Iesu no keia mau pauku. Ma ona la ka hooko loa ana.
11 He pule keia e pili ana ia Davida a ia Iesu.
12 Pili keia pauku ia Davida wale no paha, aole ia Iesu. Aka ua pili paha kekahi hapa ia Iesu. Nui na mea ino i hoopuni ia Iesu. Ua hoopuni ka poe hewa Iaia Aka, aole pili ka hewa Iaia. Na hewa o kanaka, oia ka Iesu i lawe ai maluna iho Ona. Make Oia no ka poe hewa, i ola lakou ke mihi a manaoio Iaia. Na hewa o Davida, ua oi aku i ke aha ?
13 He pule keia e aha ke Akua ? Pili no ia Davida a ia Iesu.
14 Pili keia ia Davida He pule nana no kona mau enemi. Aole Iesu i pule pela no kona mau enemi. E kuu Makua, e aloha mai oe ia lakou.
15 Ka pule keia a Davida, a e ko ana no.
16 Pili keia ia Davida a ia Iesu. Heluhelu mai.
17 Heluhelu i keia pauku. Pili ia ia wai. ?
KA HOO@ @NA.
Ua akaka na pili mua, Davida me Iesu. Aka he poe e ae kekahi i hiki ke hoopi@i ia.
1 Ka poe iloko o na lua weliweli me ka lepo pohopoho. Eia no ma Hawaii nei ia mau lua, na hale kuai rama, inu rama, hoopahupahu, piliwaiwai, hookamakama, hana lealea, kani hulahula.
Ua paa oe e ka ui, paa kou mau wawae. He lua weliweli, he lepo pohopoho, o oe me kou mau hoa. E noi aku ia Iehova, e huki ae ia oe mailoko ae o keia lua, keia lepo pohopoho, hiki no. Ua hukiia mai Davida. Nui hoi na ui me na mea oo i hukiia mai iwaho.
2 E hui a pule pu na haipule no keia poe i paa iloko o na lua weliweli. E wiki o haule i kahi hohonu loa, a hiki ilalo loa i ka loko ahi o Gehena, a hiki ole ke hukiia mai iwaho.
3 Aia a hapaiia kekahi iwaho o na lua weliweli, e hoopihaia na waha me na mele hou, a mele pu me na anela no ka mihi ana, a hoi mai o kekahi mea auwana, a ane nalowale.
4 Nani wale ke aloha o Iesu. Aole hiki i na mohai kahiko, na oihana a Levi ke hoola i na kanaka. Hele mai Iesu e hooko i ka mea i kakauia Nona, e lilo i mohai kalahala ma ka haawi ana Iaia iho e make i pani no na kanaka. Ua puni anei oe i kou mau hewa ? Ua oi aku anei kou mau lawehala i na lauoho o kou poo ? Hiki i ke koko o Iesu ke holoi aku a maemae oe a ola.
5 E hoomanao i ka nui wale o ko ke Akua lokomaikai me ka hoopaanaau. Rom. 2;4.
6 E hoomanao hoi i ka hope o na enemi o ke Akua me ka hoopaanaau. Rom. 2;5.
Mele, “ E ala a mele ae,” Hoku Ao Nani, p. 221.
Pule i ala, a mihi, a mele pu. &c. Haawina no Sept. 21, Hal. 103;1-@.
KAU AHAOLELO O 1884.
( Koena mai ka a@ao ekahi mai.)
Ma ke kapaeia ana o na rula, ua heluhelu mai o Kalua he palapala hoopii mai a J. A. Nahaku, e noi mai ana, e ukuia aku oia me na dala he $150 no kona uku hana no ekolu malama, mai Ianuari a hiki i Maraki o keia makahiki, ma ke ano he Kakauolelo no ka Oihana Mookuauha Alii. Waihoia ma ka papa.
NA OLELO HOOHOLO ME NA BILA.
Heluhelu mai o Kalua he olelo hooholo e noi, ana, e kauohaia ke Kuhina Kalaiaina e hoike mai ma o na hoolimalima no na pono @ai o ka mokupu ni o Hawaii, hoolimalima i ka Ona miliona no 30 makahiki, oiai aole i hoolahaia ia hoolimalima ana ma na Nupepa. Hooholoia.
Ma ke kapaeia ana o na rula, ua wiho mai o Hikikoki he palapala hoopii mai Hamakua, Hawaii mai, e noi ana e hana hou ia na alanui Aupuni ma ia A@ana; i kumu e holomua ai na hana mahi@i ma ia Apana. Waih@ia i ke Kom@e Kalepa.
Ma ke kapaeia ana o na @ia, ua waiho mai o Aholo he palapala hoopii mai 54 inoa, e noi ana e hoomahuahua ae i ka uku o Niagaia. Haawiia i ke Ko mite Malama Ola.
Hoolaha mai ke alii Isenburg he bila Kanawai e hoopau loa ia i ke kanawai e pili ana i ka Luna Hooia o ke Aupuni.
Ma ke noi ua hoopanee ka Hale a hui hou i ka hora 1 P. M. Halawai hou ka hale hora 1 P. M. Ma ke noi ua hapaiia na hana.
NA HANA O KA LA.
Heluhelu alua ana o ka bila Kanawai e pili ana i ka Banako Lahui ma ke noi a Aholo, ua waihoia ka noonoo ana no ka bila a hiki i ka Poaha.
Heluhelu ekolu ana i ka bila kanawai e kokua ai i ka ohi ana i na Auhau. Waihoia ma ka papa a noonoo pu me ka bila i like pu me ia ke ano.
Ma ke kapaeia ana o na rula, ua waiho mai o Rikikini he hoike na ke Komite Kooiaio @ila Kanawai, ua oluolu i ke Alii ka Moi i ke kakauinoa ana i ka Bila e kokaa ana i ka Oihana Lawe Leta, mawaena o keia Aupuni a me Amerika Huipuia.
Heluhelu ekolu ana i ka bila no ka hoohalahala ana i elua manawa imua o na Jure, Ma ke noi a Kamika, ua hoopaneeia ka noonoo ana no ka Bila, a hiki mai ka mea nana ka Bila i lawe mai.
Heluhelu alua ana i ka bila kanawai e hooli ai i ka Pauku 498 o ke kanawai Kivila. Hoopanee loa ia.
Ma ke noi, ua hoopanee ka Hale a hui hou ma ka hora 10 A.M. o ka la apopo.
LA HANA 63, Poakolu, Iulai 23, 1884 Halawai ka Hole hora 10 kakahiaka elike me ka hoopaneeia ana.
HOIKE A NA KOMITE.
Waiho mai o Dole he hoike na ke Komite Hookolokolo, no ka bila kanawai e pili ana i ka Lunakanawai Hoomalu o Honolulu, i waiho aku na lakou e noonoo. Ua manao ke Komite e waiho ka bila ma ka papa. Aponoia.
Heluhelu mai ke Kuhina Kalaiaina i ka pane no ka olelo hooholo e ninau ana iaia e hoike mai, heaha la ka mea i hanaia e pili ana i na dala Auhau Alanui he $47,705.87, e waiho nei ma ke Keena; a pehea la ke ano e hoolilo ia ai ua mau dala la ma kela a me keia Apana ? Waiho pu mai no oia i ka papa kuhikuhi o ua mau dala la. Ma ke noi ua haawiia ka hoike i ke Komite Pai.
NA OLELO HOOHOLO ME NA BILA.
Ma ke noi ua heluhelu mai ke ‘Lii Isenburg no ka manawa mua, he bila kanawai e hoololi a e hooponopono ai i ke kanawai e pili ana i ka hoohui ana o na Hui Banako. Ma ke kapaeia ana o na rula, ua heluhelu alua ia ka bila ma ke poo, a waihoia i hana no ka la apopo.
Heluhelu mai o Dole he olelo hooholo e noi ana, e kauohaia ke Kuhina Kalaiaina e hoike mai imua o ka Hale nei, pehea la e hooliloia ai na dala he 34,307.09, ke koena o na dala auhau alanui i koe aole i hooliloia. Hooholoia.
Ma ke noi a a Kalua, ua hapaiia na hana.
NA HANA O KA LA.
Mamua ae o ka noonoo ana i ka Bila Haawina, ua noi mai o Dole e haawiia ka Bila Haawina mua a me ka Bila Haawiua hon i ke Komite Waiwai.
Rula mai ka Peresidena ; aole e hiki ke noi i keia wa, aia wale no imua o ke komite o ka hale; a na ia komite e hoike aku i ka hale i na mea i hanaia no ka Bila.
Hoomaka ka noonoo ana o ka bila imua o ke Komite o ka hale. Koho ka noho i ke @Lii J. M. Smith ma ka noho Luna Hoomalu o ke Komite.
Noi hou mai o Dole elike me kana i noi mua ai imua o ka Hale. Hoole hou ia.
Ma ke noi ua hoopauia ke Komite, me ka hoike mai imua o ka hale ua hoopauia ke Komite a e noho hou i ka hora 2 P.M. Aponoia.
Ka noonoo ana i ka bila kanawai e kokua ai a me ka nohoia ana o na apana aina liilii. Waihoia no ka heluhelu akolu ana i ka Poaono.
Ma ke noi ua hoomaha ka Hale a hui hou i ka hora 2 P.M.
Halawai hou ka Hale hora 2 P.M.
NA OLELO HOOHOLO ME NA BILA.
Heluhelu mai o Kaulia he olelo hooholo e noi ana e lawe ia mai ka papa no ka bila e hoololi ai i na Pauku 1449 a me 1440 o ke kanawai Kivila, a me ka hoike a ke Komite, a e lilo i hana no ka Poaha e hiki mai anai Hooholoia.
Heluhelu mai o Amara he olelo holoholo e noi ana, e lawe mai ka papa no ka bila kanawai e hoololi ai i na Pauku 386 a me 1457 o ke kanawai Kivila, a e lilo i hana no ka Poaha e hiki mai ana. Aponoia.
Ma ke noi a Kalua na hapaiia na hana.
MA HANA @ KA LA
Heluhelu ekolu ana i ka @ kanawai e hiki ai ke hoohalahala I elua June imua o ka Aha Hookolokolo, me ka hoakaka ole i na kumu. Hooholoia.
Ka noonoo ana i ka bila kanawai e hoolo@ ai i ka Pauku 1. o ka mokuna 23 o na kanawai o 1882, e pili ana i ka Berita m@re. No @ k@ ana o kekahi mau hemahema o ka bila. nolaila. ua haawi ho@ ia ka bila i ke Komite Wae. Koho ka noho ia Kaunamano, Nahinu, Nakale@. Kaulukou, a me Palohau. Ka noonoo ana imua o ke Komite o ka Hale, i ke bila kanawai e hoomaopopo ai i ka uku ana i ka uku makahiki a me na lilo Aha Hookolokolo, i ka wa e pau ai ka haawina i hookaawaleia ma ka Bila Haawina. Koho ka noho i ke ‘Lii Walker, i Luna Hoomalu no ke Komite.
Ma ke noi ua hoopau ia ke Komite, me ka hoike pu mai ua haawiia ka bila i ke Komite Waiwai. Aponoia.
Heluhelu alua ana i ka bila kanawai e hoomaopopo ana i ka loaa hou ana mai o ka waiwai i aihueia.
Ma ke noi ua waiho ka noonoo ana i ka bila a makaukau ka mea nana ka bila i lawe mai.
Ka noonoo ana i ka bila kanawai e kokua ai i ka loaa ana a me ka nohoia ana o na aina lii@ii.
Ma ke noi ua noonoo pu ia ka bila me kekahi bila i like pu me ia ke ano.
Ma ke noi ua hoopanee ka Hale a hui i ka hora 10 A.M. o ka la apopo.
LA HANA 64, IULAI 24, 1884.
Halawai ka Hale i ka hora 10 A.M. elike me ka hoopaneeia ana.
HOIKE A NA KOMITE.
Waiho mai ka Loio Kuhina he hoike e pili ana i na lilo o ka Oihana Loio Kuhina no na hihia a me na lilo kaahele iloko o na makahiki elua i hala, elike me ke noi a ka olelo hooholo i hooholoia e ninau ana iaia e hoike mai. Kauohaia ka hoike o pai.
Mai a Kaulukou mai he hoike na ka hapa uuku o ke Komite 13, no ka Bila Kanawai e pili ana i ka hooponopono hou ana i ka Oihana Makai o ke Aupuni i waiho aku ai na lakou e noonoo. Ua manao ke Komite he mea wono e hooholo ia ka bila. Waihoia ka hoike ma ka papa.
Heluhelu hou mai no ka Loio Kuhina h@ hoike no ka olelo hooholo e ninau ana iaia e hoike mai i na mea a pau e pili ana i ka hoolimalimaia ana o na pono wai ma kekani mau aina ma Hawaii, a ina paha ua ku i ke kanawai ia mau hoolimalima ana. Hoike mai oia, ua nana pono oia i na wa a pau i makemakeia maloko o ka olelo hooholo a ua halawai oia me Mr Spreckles, a ua olelo mai oia iaia e hoopau ana oia ia hoolimalima, me ka hoihoi pu aku nae o ke Aupuni i ka uku hoolimalima ana i uku mua ia e ia, no keia makahiki, he $500,000. Ma ke noi ua waiho ia ka hoike a ka Loio Kuhina, a kauoha ia e hoopau aku i na palapala hoolimalima.
NA OLELO HOOHOLO ME NA BILA.
Heluhelu mai o Dole he olelo hooholo, e noi ana e kauohaia aku ka Loio Kuhina, ina o keia mau hoolimalima ana malalo iho, ua mana ia ma ke kanawai.
O na aina ekolu e waiho la ma Lanai i hoolimalimaia ia W. M. Gibson.
Ma ke noi a ka Loio Kuhina, ua hapai ia ua hana.
NA HANA O KA LA.
Ma noonoo ana ia ka bila kanawai e hoololi a e hooponopono ai i ke kukulu ana i na Hui Banako iloko o keia Aupuni.
Ma ke noi, ua hooholoia ka noonoo ana i ka bila imua o ke Komite o ka Hale. Koho ka noho ia J. Nakaleka i Luna Hoomalu no ke Komite.
Oiai e noonoo pakahi ia ana na Pauku, ua hoomaha ke Komite, a hui hou i ka hora 1:30 P. M.
Halawai hou ke Komite i ka hora 1:30 P.M.
Hoomaka hou ka noonoo pakahi ana i na Pauku o ka Bila. I ka hoopauia ana o ke Komite, ua hoike mai oia imua o ka Hale, ua hooholoia ka Bila me na hoololi- Aponoia ka hoike a ke Komite, a waihoia ka Bila no ka heluhelu akolu ana i ka Poalua.
Noi mai o Kamika e hoopanee loa ia kekahi bila Banako i ano like me keia. Hooholoia.
Ma ke noi ua hoopanee ka Hale a hui hou i hora 10 A.M. o kakahiaka.
LA HANA 65, Poalima, Iulai 25, ‘84.
HOIKE A NA KOMITE.
Ma ke kapaeia ana o na rula, ua heluhelu mai o Palohau he palapala hoopii mai Kauluwela mai, i paipu wai no lakou. Waihoia i ke Kuhina Kalaiaina.
Hoike mai ke Kuhina Kalaiaina i ka hoike a ka papa kuauhau alii i paii ia
Nana no i hoike mai n@ ka pane ana i ka olelo hooholo, e ninau ana i ke koena o na dala auhau alanui i hoolilo ole ia, eia no ke waiho nei ia mau dala me ka hoolilo ole ia.
Noi o Kalua e waiho ia aku ka hoike a ka papa kuauhau alii ma ka lima o ke kekahi komite wae.
Hooholoia, a ua koho ka noho ia Kalua, Lowela, J. Kauhane, Lilikalani, Beka.
Na olelo hooholo me na Bila.
Na hik@koki he olelo hooholo e kauoha ana i ke Kuhina Kalaiaina, heaha la kona kuleana o ka hoolaha ana ma ka nupepa Elele Po@kolu, e hookapu ana i ke kai lawaia o Waiakea ma Hilo waihoia i ke Kuhina Kalaiaina.
Na Kaulukou he olelo hooholo e kauoha ana e hoihoi ia aku na dala he 98.50 i auhauia ia Choncee & Co, no kela hale uwi waiu ma Kapalama. Ua hooleia.
Ma ke noi, ua ae ia aku ke ‘lii Isenberg e heluhelu mua mai he bila e hoopau ana i ka mokuna 23 o na kanawai o 1882, e hoonoho ana i luna hooia no ke aupuni. Waihoia no ka heluhelu alua ana.
Ma ke noi, ua heluhelu mua mai o Dole he bila e hoololi ana i na pauku 14 me 17 o ka mokuna 23 o na ka@awai o 1882, e pili ana i ka luna hooia. Ma ke kadaeia o na rula, ua heluhelu aluaia ka bila ma ke poo, a waihoia i ke komite o ka hale ma ka Poalua.
Ma ke kapaeia ana o na rula, ua heluhelu aluaia ka bila a ke ‘lii Isenberg ma ke poo, a waihoia a noonoo pu me ka bila maluna ae.
Ma ke kapaeia ana o na rula, ua hoike mai ke komite hookolokolo e like me keia malalo iho.
1 Palapala hoopii mai Wailuku mai e hoonoa ia kekahi mau ia o ke konohiki. Ua manao ke komite e waiho i keia palapala hoopii ma ka papa a noonoo pu me kekahi bila. Aponoia.
2 Palapala hoopii mai Waimea, Kauai mai, e uku ia aku kekahi poe hana i ke alanui, aole nae i uku ia. Ua manao ke komite e waiho i keia palapala hoopii i ke Kuhina Kalaiaina.
3 Palapala hoopii mai Honolulu mai e hoonee ia aku ka hale keaka pake mai kona wahi e ku nei. Ua manao ke komite e waiho aku i keia palapala hoopii ma ka papa, a e imi keia poe e hoopii nei i ko lakou pono ma ke kanawai. Aponoia.
Na Kaulukou he olelo hooholo e hoike mai ka Peresibena o ka Papa Ola, ina he mau keiki opiopio me na kino ola maikai kekahi e noho nei ma Kalawao, e pono e hoike ia mai imua o ka hale. Aponoia.
Nana no he olelo hooholo, e hapai ia mai ka papa ae ka bila e pili ana i ka laipila, a oia kekahi hana o ka Poalua e hiki mai ana. Hoihoi hou ia.
Na Palohau he olelo hooholo e kauoha ana i ke Kuhina Kalaiaina, e kauoha aku i ka luna alanui o Lihue, e wehe ia ke alanui makai o Nawiliwili e moe la a hiki i Hanamaulu, a malaila aku a hiki i Kaupena, oiai he alanui kahiko loa ia, a he elima ae nei maka hiki o ke paniia ana e ka hui o Lihue. Hooholoia.
Na Kamika he olelo hooholo e hoike mai ke Kuhina Waiwai, heahea la ke kumu o kona hoolaha ana mahope aku o ka la 1 o Augate e ohi ia ai na dute maluna o na waiwai komo mai ma ke gula wale no ? Hooholoia.
Na hana o ka La.
Ka noonoo ana i ka bila haawina i ke komite o ka hale. Noho ke alii Kamika ma ka noho.
Noi o Hikikoki e hookomoia ma ka bila haawina keia haawina, i 3,000 dala no ke awa pae ma Ookala. Hooholoia.
Noi o Nahinu e hookomo ia no ke awa pae ma Hookena i 500 dala. Hooholoia.
Noi o Lowela e hookomo ia no ka pale wai ma ke kahawai o Waimea Kauai i 2,000 Hooholoia.
Na lilo hooholo o na moku mahu huki moku i 15,000. Hooholoia.
Noi o Kalua e hookomo ia maanei i kokua mokuahi holoholo mawaena o Molokai, Lanai, me Maui 5,200, a ma ka hoakaka ana a ke alii Waila, penei e holo ai: Haalele o Mokolii ia Honolulu nei a ku ma Kalaupapa,Pelekunu, Halawa, a hiki ma Pukoo i ke ahiahi Poalima. Haalele ia laila ma ke kakahiaka Poaono, hora 4, ku ma Lahaina hora 6, holo no Lanai a ku hou mai no i Lahaina ahiahi Poaono; haalele ia Lahaina kakahiaka Poakahi, hoi hou ma Molokai, ku ma Pukoo, Pelekunu, Halawa, Kaunekakai, a ku hou ma Honolulu kakahiaka Poalua. Hooholoia.
Hoomaha ke komite o ka hale i ka hora 12.
I ka akoakoa hou ana, ua hapaiia ka noonoo ana no keia mau haawina:
Na heleuma, a me na mouo, he umi tausani. Hooholoia.
Oihana Kinai Ahi o Honolulu, he 25,000. Hooholoia.
Noi ke alii Ake e waihoia na haawina malalo iho: 1 Kokua i ka Ahahui Mahiai Alii o Hawaii, $5,000. 2 Na hoomaemae laulaha o na kahua lealea, na kuea, a me na wahi hooulu mea kanu, $10,000. 3 Kokua ia Kapiolani Paka, $5,000, ma ka lima o kekahi komite wae. Hooholoia.
Hoolimaiima pa aina ma Aliiolani Hale 283.34, hooholoia.
No ka hoolimalima o Aienui 1,200, hooholoia.
Ka hoolimalima o ka pa aina ma Kaholaloa 700, hooholoia.
Pai palapala aupuni 5,000 hooholoie. Kope ana i ka moolelo o na Luna Hooaa aina 2,400, hooholoia.
Na buke a me na lako kakau no ka Luna Kope palapala 300, hooholoia.
E nana i ke koena o keia La Hana ma ka aoao ekolu.
NA HOOLAHA KUMAU.
HALEPAI O THOS. G. THRUM
O KA NUPEPA
SATURDAY PRESS me KUOKOA
ALANUI KALEPA, HONOLULU
Malaila e paiia ai na ano a pau o na
BUKE, HOIKE O NA KULA, HOIKE A NA KOMITE, NA HAAWINA KULA SABATI, PAPA KUHIKUHI O NA ANO A PAU, HOOLAHA NUNUI A LIILII, BALOTA , LIFINE PAPALE , TIKETA, WAHI LETA, BILA PAI HAKAHKA- HOOLAHA KUDALA,
&@ &@. &@
Iloko @ ka wa pokole a me ka auhau ha@haa.
A ma ka halekuai o THOS. G. THRUM ma ALANUI PAPU, e loaa ai na
Kalana kakau o ua ano a pau,
Wahi leta ’’ ’’ ’’
Inika ’’ ’’ ’’
Penikala ’’ ’’ ’’
Mea Hoopipili, buke hoomanao, Peni gula a me kumu gula, Kii, a me na laau, Buke kii o ka ohana, Buke kii a na keiki, Na mea paani a na keiki, Kaa a na keiki, Kaa huila lua o na opio.
A he Agena no ke ana lole pepa o na Keiki a me na wahine
No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia. Uku no ka inoa hookahi me ka inika a me ka hulu, $1,50 ina ma ka papa inoa keleawe, a ina ma ka papa inoa dala, $2.
O na kauoha @pau mai na mokupuni e hookoia ina e hoouna pu ia mai me ke dala a me ka moakaka pono o na hoakaka ana.
THOS. G. THRUM
NU HOU ! NU HOU !
Na Waiwai Hou Loa ! NA PAIKINI O KEIA AU.
E Loa@ no ma ka ha Halekuai o DILLINGHAMA MA, Ma Alanui Papu.
Oia na waiwai malalo iho nei:
Na Palau, Kaa Huilapalala, Kopala, Piki, Oo, Koi, Koilipi, Na Hama re Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila, Vaniki a me na Palaki, Pauda, Poka a me na Kukaepele, Palaki Hamo Puna, Pulumi, Pakele, Kapu Holoi Lole a me na Papa
Holoi Lole, na Iputi, na Pa Palai, na Ma kau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.
I KUPONO NO KA HOOHIWAHIWA ANA I NA HALE
I hiki ole ia makou ke huai pau aku aka, na oukou no e hele mai a e hoonuuiho. O keia maluna ae, e loaa no ma ka halekuai o Dilinahama Ma, [0136-3m] Mai ka helu 37, Alanui Papu.
NA HOOLAHA KUMAU.
WO. SMITH. LOIO, LOIO. LOIO. KEENA HANA . Helu @ alanui Kalepa.
WA. KINI. LOIO, LOIO, LOIO. KEENA HANA : Hela 15 a@ K@ manu, Honolulu.
WR KAKELA. LOIO A HE KOKUA MA KE KANAW@ He Luna Hooi@i@ Palapala. tf.
A ROSA. (AKONI.) LOIO A HE KOKUA MA KE K@A@ He L@a Hoolalo Palapale. KEENA HANA: Ma ke keena Loio K@ tf.
SB. DOLE. LOIO, LOIO, LOIO. He Luna Hoolalo Palapa@ KEENA HANA: Ma Alanui Kaa@ tf.
CECIL BROWN. LOIO A HE KOKUA MA K@ KA@ A ke Agena Hooialo Pelapal@ @ kupuni o Oah@. KEENA HANA : Helu S aian@ Ka@ tf.
JAMES M. MONSARRAT. ( MAUNAKEA.) LOIO A HE KOKUA MA KE KANAWA He Luna Hooiaio Pa@apa@ KEENA HANA : alanui Kale@.
RICHARD F. BICKEKT@ ( PEKE@NA.) LOIO A HE KOKUA MA KE KA@ KEENA HANA : Helu 27 alanui K@ tf.
SN. EMERSON, ( EMEK@. LUNA Hoolaio Pa@apala K@ @ no ka apana o Wa@alua, o@ @ no ka Hooiaio ana i na Palap@ @ mokupuni o Oahu. Ua makaukau no ho@ @ia @ ANA A@ ma na wahi a pau i @ Waialua, Oahu, Nov.10, S@ @
WILLIAM AULD. Luna Hooiaio Palapala Kepa P@ no ka Apana o Kon@. KEENA HANA : Ma ke Keena @ nolulu.
S H. MEEKAPU. Tela humuhumu lole. HALE HANA : Helu 11 aianui N@
C BREWER & CO. ( BUR@ Ua makemake ia ka poe m@a @ MALOO a me. na ILI BIRI. a @ na ILI MIKO o na ano a pau, @ lakou mau ILI me makou, a e @ kou i ke KUMUKUAI KIEKIE L@A kakou Makeke.
J NO. M. KEALOHA. LUNA Hooiaio Palapala Kepa P@ no ka apana o Kauaihau, K@ Agena no ka Hooiaio ana i n@ P@ no ka apana o Kawaihau, Kaua@ Komiaina Palena Aina no k@ @ Kairaihau, Kauai, a he @ Mare no ka Pae Aina holoo@oa 1163-@yr.
C C. COLEMAN. Amara a he mea hana Mek@ Kapili Kapuai hao lio. A ME KA Hana Kaa Lio ana, etc Hale Hana ma Alanui Alii. 905-tf E kokoke la i ke Al@
HE NUI ANEI KOU MAKEMAKE I @ MIKINI HUMUHUMU L@IE Ina pela, e kipa mai no ma ka H@ Kakela & Kuke A malaila oukou e ike ai a makaikai i na @ M@kini a WHEELER a me Wilso mai ke @40 a hiki i ke @50 ke ku@ ka mea hookahi. NA MIKINI A SINGEE ma ke @50 pakahi me ke a@ MIKINI A WILCOX ME GIBB ma ke $30 a hiki i ke @ ke @ mea @ pau ai ko oukou kanalua e @ kupono o keia mau Mekini, e @ me ke kuihe ole, a e ike no @ @f
PAPA ! PAPA!
AIA MA KAHI O LEWERS & COOKE (O LUI MA) ma ke kahua kahiko ma alanui Pa@ a me @ E loaa ai na PAPA NOU AIKI o kela a me keia ano.
Na Pani Puka, Na Puka Aniani, Na @ Na Pou, Na O-a. Na Papa H@, Na @ Ku, A me na Papa Mo@ @
Na pili o na Hale o na Ano @
Na Pepa Hoonani, Na Pena o na W@ Na Kui mai ke Nui a ka Mak@. Na @ Puka, Na Ami Puka Aniani, Na @ o na ano a pau, Na Aila Pe@, kela me keia ano Na Aiia Hoomaloo, he lehulehu wa@e, Na Aila e ae o na ano a pau.
NA WAI VANIKI
A ME NA
WAI HOOHINIHINI NANI
O NA ANO A PAU LOA. NA BALAKI ANO NUI WALE A ke hai ia aku nei ka lono i na M@ m@ pau, ua makaukau keia mau Makama@ o oukou e hoolawa aku ma na mea a pau e pili ana ma ka laua oihana NO KA UKU HAAHAA LOA. Like me ka mea e holo ana mawaena @ LAUA a me ka MEA KUAI. E Hele mai ! E na Makama@ A e lawa no hoi koo ‘ makemak@ me ka oluolu ame @aikai.