Ka Nupepa Kuokoa, Volume XXIII, Number 36, 6 September 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

 

No ka Makahiki          $2.00

 

No Eone Mahina         1.00

 

KUIKE KA KULA

 

Poaono,           Sepatemaba 6, 1884

 

MA KO IESU WAWAE.

(At the feet of Jesus)

G.H. No. 160

Ma ko Iesu wawae,

Kuloa haahaa au,

A hoolohe oia

Kana olelo ao,

Me Mana mamua @,

Me ia wau elike ai.

 

Cho. Ma ko Iesu wawae, kulou haahaa au

A ao ia mai la, ao ia mau a mau.

 

Ma ko Iesu wawae

Lawe aloha au

I kuu mohai ala.

Kou naau a pau.

Me Maria mamua’e,

A apono ia mai.

 

Cho. Ma ko Iesu wawae, &c. &c.

 

Ma ko Iesu wawae

Kaloa a imi au

I ka pono nai.

I ke ola mau.

Me Maria i koho ai

I ka pono e ola’i.

 

Cho. Ma ko Iesu wawae, &c. &c.

Hawaii.

 

Haawina Kula Sabati.

Kumuhana. He mele hoomaikai. Pauku Baibala. Hal. 103; 1-22.

 

E HOOMAIKAI ia iehova, e kuu uhane, a me kona inoa hoano hoi, e ko loko o’u a pau.

            2 E hoomaikai ia Iehova, e kuu uhane, aole hoi e hoopoina i kona lokomaikai a pau.

            3 Ka mea i kala mai i ko’u hala a pau, ka mea i hoola i kou mau mai a pau.

            4 Ka mea i hoola panai i kou ola mai ka lua mai, ka mea i kau maluna ou i ka leialii o ka lokomaikai, a me ke aloha.

            5 Ka mea hoomaona i kou uhane i ka maikai, a hoihoha mai kou wa opiopio, me he aeto la.

            6 Ke hana mai nei o Iehova i ka pololei, a me ka hoopono no ka poe a pau i hooluhiia.

            7 Hoike mai la oia i kona mau aoao ia Mose, a me kana mau hana mana i na mamo a Iseraela.

            8 He lokomaikai o Iehova, he aloha hoi, he lohi ka huhu, a ua nui hoi ke aloha.

            9 Aole ia e hoomau i ka huhu mai aole hoi ia e hookaulua mau loa.

`           10 Aole ia i hana mai ia kakou e like me ko kakou hewa, aole hoi i hoopai mai ia kakau e like me ko kakou hala.

            11 No ka mea, e like me ke kiekie o ka lani maluna o ka honua, pela no ka nui o kona lokomaikai i ka poe i makau aku ia ia.

            12 E like me ka loihi, mai ka hikina a i ke komohana, ua hookaawale aku oia i ko kakou hewa mai o kakou aku.

            13 Me ka makua e aloha ana i kana keiki, pela no o Iehnova e aloha’i i ka poe e makau aku ia ia.

            14 No ka mea, ua ike mai oia i ko kakou ano, ke hoomanao nei hoi he lepo kakou.

            15 O na kanaka, ua like ko lakou mau la me ka mauu, me ka pua hoi o ke kula, pela no kona pua ana.

            16 No ka mea, pa mai la ka makan maluna ona, a ua ole ia, aole e manao hou mai kona waha ia ia.

            17 Aka, o ka lokomaikai o Iehova, mai kahiko loa mai ia, a mau loa aku no, maluna o ka poe i makau aku ia ia a me kona pono hoi, maluna o na keiki a na keiki.

            18 Maluna hoi o ka poe e malama i kona berita, a me ka poe hoomanao i kana mau kauoha, e hana malaila.

            19 Ua hoonoho paa o Iehova i kona nohoalii ma ka lani, a noho alii hoi ko na aupuni maluna o na mea a pau.

            20 E hoomaikai oukou ia Iehova, e kona poe anela, na mea ikaika loa, a i ua hana hoi ma kana kauoha, a ua hoolohe i ka leo o kana olelo.

            21 E hoomaikai oukou ia Iehova, e kona poe kauwa a pau, na mea lawelawe nana, a hana hoi i kona makemake.

            22 E hoomaikai oukou ia Iehova, e na mea a pau ana i hana’i, ma na wahi a pau o kona aupuni, e hoomaikai ia Iehova, e kuu uhane.

            Pauku Gula. P. 2.

            Manao nui. Pono hoomaikai mau aku ia Iehova no ka nui lua ole o kona lokomaikai.

            Na heluhelu la 1. Hal. 103; 1-22.  2. Hal. 105; 1-45.  3. Hal. 106; 1-48.  4. Hal. 136; 1-36.  5. Hal. 145; 1-21.  6. Hal. 146; 1-10.  7. Hal. 148; 1-14.

            Mele, “Pomaikai ke haawi aku,” Hoku Ao Nani. p. 228.

Pule hoomaikai ia Iehova no kona lokomaikai.

KA WEHEWEHE ME KA NINAU ANA.

            He Halelu keia i mahalo nui ia. He Halelu e paipai ana e hoomaikai aku ia Iehova. Na Davida ia i haku, ma kona wa elemakule paha ma ka nana aku.

NA MAHELE

I Ka hoomaikai i ke Akua, no kona lokomaikai ia Davida iho. P. 1-5.

            1 Owai keia e paipai ana hoomai kai ia Iehova? Davida. E paipai ana oia ia wai? I kona uhane, oia hoi oia iho no. E paipai ana oia i kona uhane, aole i kona waha wale no, aka, i ko loko ona a pau, ko Iehova inoa hoano, inoa maikai, hemolele kaulana no ka maikai a no ka hana mana, no ka hanohano.

            2 Heaha ka i papaia? Mai hoopoina. He mea hikiwawe ka hoopoina, ma ke ahiahi, ma ke kakahiaka, ma ke awakea, ma ke kula ana, ma ka noho ana, ma ka hele ana, ma ka moe ana, mai hoopoina i ko ke Akua lokomaikai, kona kokua mau ana.

            3 Ka mea i aha i kou mau hala? A aha i kou mau mai? Ma owai la ko ke Akua kala ana i na hala i keia wa? Ma owai la i kela wa? Ma ka manaoio i ka mea e hiki mai ana, oia hoi ka Mesia. Nana Davida i ke Keiki Hipa i mohaiia i kela la a i keia la, a ike i ke koko e kahe ana, a manaoio he hoailona ia no ke koko o ka Mesia. Aole ke Akua i kala wale i na hala, aia a mihi ia, a manaoioia ma ka mea e hiki mai ana ke kalaia ana. He kauka hoi o Iehova nana e hoola i na mai o ke kino me na mai o ka uhane. Ke ano ia o Iesu.

            4 Ka mea i aha mai ka lua mai? Hoola panai. Ka lua keia o ka hewa, a o ka make hoi. Heaha ka panai? Ka mihi paha, ka make paha o ka holoholona, o ke keiki hipa, ka hoailona o Iesu e hiki mai ana. Ma kona make ana, hiki ke hoola ia. Iesu ka panai ke panihakahaka.

            5 Ka mea nana i aha? I hoomaona i ka uhane i ka maikai, i ka uhane me ke kino pu. A aha i ka wa opiopio me he aha la? E hoomaikai aku i ke Akua no keia mau mea.

            II E hoomaikai aku i ke Akua no na pomaikai i hala. P. 6, 7.

            6 Ke hana mai nei o Iehova i ke aha? A hoopono no wai? No kona poe i hooluhi ia.

            7 Hoile oia i kona mau aoao ia wai?A i kana mau hana mana ia wai? Nana ma Puk. mok. 2-34,

            III Hoomaikai ia Iehova no kona aloha kalahala. P. 8-12.

            8 Heaha o Iehova? Heaha kona huhu? Heaha ke aloha?

            9 Aole oia i hoomau i ke aha? Aole hoi e aha? E hookaulua i ke aloha, e hoopai no i ka hewa. Aole nae e hooloihi i ka hoopai ana. Aloha hou no ke mihi.

            10 Aole oia i hana mai ia kakou elike me ke aha? Aole hoopai elike me ke aha?

            11 Pehea ka nui o ko ke Akua lokomaikai? Ua like ia me ke kiekie o ke aha? Ia wai? I ka poe i makau a malama iaia.

            12 Me ka loihi mai hea a i hea kona hookaawale ana i ko kakou hewa mai o kakou aku? Ehia mile mai ka Hikina a i ke Komohana? Ina e alualu ana i ke Komohana, aole loa e loaa ana. Ke ano o keia, ua hoopauia ka hewa. Ua hoonaloia ke mihi ia. Ua maemae, ua hemolele ka poe i mihi, a manaoio ia Iesu. A hewa hou, e mihi hou no a kala ia.

            IV Hoomaikai i ke Akua no kona aloha Makua. P. 13-14.

            13 Ma ke aha ko ke Akua aloha ana i ka poe makau ia ia?

            14 Heaha ka ke Akua i ike ai, a hoomanao ai no ko kakou ano? Kin. 3;19. Kek. 12;7. A hana oluolu mai.

            V Hoomaikai i ke Akua no ka mau ana o kona aloha. P. 15-18.

            15 Ua like na la o na kanaka me ke aha? A o kona pua ana me ke aha?

            16 Pa mai ka makani a aha ia? Aole i manao hou kona wahi iaia.

            17,18. Pehea nae ka lokomaikai o ke Akua i ka poe makau a malama i kana mau kauoha?

            VI Kaheaia e hoomaikai aku. P. 19-22.

            19 Mahea i hoonoho paa ia ko ke Akua Noho Alii? A noho Alii oia maluna owai?

            20-22 Owai na mea i paipaiia e hoomaikai aku ia Iehova? Aole mea i koe, aole wahi i koe.

KA HOOPILI ANA.

            Pili no i ka poe mea uhane a pau.

            1 He uhane anei kou e ke keiki, e ka ui, e ka makua, e ke kupuna, e ka elkmakule, e ka luahine, e ka mea mahiai, e ka loio, e ka luna aupuni, e ke kumu, e ka mea waiwai, e ka mea hanohano, e ke mea ilihune, e ka Moi? E hoomaikai aku ia Iehova me kou uhane a me kou leo pu.

            2 Na wai i hano a i malama i kou ehane, i kou leo, i kou kino? Nau anei? E hoao oe e hana i uhane, i leo, i kino eline me kou. Hiki anei? Aole. A nawai e hoopaa i ka hanu, i ka uhane iloko o ke kino i ole ia e make? Nau anei? Aole. Pa mai ka makani, kau mai ka mai, maule oe e make iho. Na ke Auka, ea, i hana a hoomau ia oe. E hoomaikai aku, e mililani aku ia Iehova.

            3 Mahea oe e hoomaikai aku ai ia Iehova? Ma kou ohana, ma kahi malu, ma ka luakini, ma ka halawai haipule, me eahi moe, ma ka ala, ma ke kula, ma ka mauna.

            4 Pahea ka poe hoomaikai ole aku ia Iehova? Aole e hiki ia iakou ke komo aku iloko o ka lani. E kipuku ia ana lakou ilalo i ke ahi o Gehena e uwe pu me na uhane ino a mau loa aku.

            Mele, “Hoomaikai e,” Hoku Ao Nani, p. 162.

            Pule hoomaikai aku ia Iehova.

            Haawina no Sept. 28, Hoi hope.

 

Makena wale na aniani!

Ike powehiwehi au. I maka aniani no’u. I maka aniani hoonui i ka hua, i hiki ia’u ke heluhelu i na palapala. Molowa au i ka noho wale me ka heluhelu ole i na buke heluhelu, me na nu pepa. He baibala no ka’u. Ua uhiia nae ka wahi i ka lepo no ka heluhelu ole ia. A ua heluhelu ole ia ia no kuu maka aniani ole. E hoi aku ana au i ka naaupo.

            Pela no kekahi poe e uwe nei. Ua ike no i ka heluhelu mamua. I ke kau ana mai o ka wa elemakule a luahine, a mamua iho paha, ua powehiwehi ka ike ana. Hoao no e heluhelu. Huikau na hua. Loaa kahi, loaa ole kahi. Nui ka lalau ke heluhelu. Ka molowa no ia, a waiho aku i ka heluhelu ana.

            Aia nae na maka aniani he nui wale o kela ano o keia ano ma na hale kuai. E hele oe a kuai i maka nou, e ka mea e uwe ana no ka ike ole. Minamina anei oe i ka dala i lilo i ka maka aniani? E makau oe o makapo loa no keia minamina, a na hai oe e alakai io ia nei.

            He aniani nana hua keia. A o kekahi aniani, he aniani nana i ka helehena. Makemake anei oe e ike i ke ano o kou helehelena, he eleele, he keokeo, he ulaula, he maikai, he ino; ke ano hoi o kou lauoho; e kii i keia aniani a nana iloko. Mahalo paha oe i kou helehelena i kou lauoho; hoowahawaha paha, oluolu paha, huhu paha, hoapono paha, hoahewa paha.

            Ukiuki loa paha a manao e wawahi i ke aniani. Aole nae i hewa ke aniani, aole hoopunipuni. Ua hoike ia i kou ano io. Ina he maka oluolu, ina he maka huhu a haikaika, oia ka ke aniani e hoike mai ai Mai huhu oe i ke aniani no kona hoike ana i ke ino o kou helehelena, a o ka lauoho paha. E hele oe a holoi i kou maka lepo, e kahi i kou lauoho, a e hoololi i kou maka huhu i maka oluolu, i kou maka inaina i maka aloha, a i kou maka kaumaha i maka olioli.

            He aniani kanaka kekahi. He aniani kela kanaka keia wahine, kela ui keia keiki.

            E nana oe i kela kanaka huhu, a hoopuka i na olelo hookonokono e hakaka, na olelo pelapela, kuamuamu, na olelo ino, a hoino, a hailiili, a wahakole a ahiahi, a pekapeka. Malaila oe e ike ai i kou ano i kekahi manawa. Mai wikiwiki e hoahewa aku ia ia o hoahewa oe ia oe iho. Malia paha he kanaka aihue kekahi, he kanaka hoike wahahee, he mea moe kolohe paha, he mea aie wale me ka hookaa ole, he mea lawe i ka kekahi me ka hoihoi ole mai. He kanaka ino, he wahine ino, he keiki ino, hilahila ole, lawe wale i ka hai, kalohe loa.

            Alia; kou ano paha ia i kekahi manawa. Ua komo pu olua iloko o ia hewa hookahi. Nana ma Roma 2; 1. Nolaila, e ke kanaka, ka mea nana e hoahewa aku, aole ou mea e hoapono ia’i, no ka mea, i kou hoahewa ana i kekahi, ua hoahewa oe ia oe iho, no kau hana ana i na mea au i hoahewa aku ai. O oe ke ao aku ia hai, aole anei oe ao ia oe iho? O oe ke papa aku Mai aihue, e aihue no anei oe? O oe ke olelo aku, Mai moe kolohe, e moe kolohe anei oe? Roma 2; 21, 22. He aniani i oe. Nana mai kekahi ia oe, i kau mau hana a ike i kona ano iho.

            Ina kolohe oe, hoike oe ia hai i ke ano o ke kolohe, a oia kona ano iho.

            Aole he aniani hoike i ke ino wale no. O kela kanaka keia kanaka; he aniani hoike i ka maikai kekahi.

            E nana i kela wahine manawalea o Doreka ma Oih. 9;36, 39. Ke hoike nei oia i ke ano o na wahine haipule io. E na wahine haipule Hawaii, ike au ua ikaika oukou i ka humuhumu i na kapa apana, me na lole e ae. E hoohalike me Doreka. E humuhumu i na kapa apana, me na paa lole, na holuku &c., aole no oukou wale iho no aka, no ka poe ilihune, na wahine kanemake, na keiki makua ole, no na misionari o Maikonesia kekahi.

            O ka baibala, oia kekahi aniani. Ina makemake oe, e ka makua, a e ke keiki, e ike i kou ano, e nana oe iloko o keia aniani. Aia kou ano iloko o Eva me Adamu, iloko o Kaina, iloko o na kanaka i ka wa ia Noa. Hooloheno oukou i ka poe hoowalewale. Hele pu no me ka poe i ae i ka hoowalewale ia. Ka pili i ka hewa ia hai, aole ia oe iho. Huahua no, lili no, huhu no e like me Kaina ke manao ole ia, a mahalo ole ia kau hana. A hoopii ia oe no ka hewa, hoole oe, aole hewa, oiai ua hewa io no oe.

            He hale lana no i keia wa, o Iesu Kristo no. Ke kau nei ka make maluna o ka poe hewa. Ua paipai ia oukou e holo, a komo iloko o Iesu ka nale lana i pakele i ka make, a loaa ke ola. Ua hoolohe kekahi e like me Noa ma. Ua komo iloko. Ua maluhia. Aka, o ka nui, hoomaloka no, makau ole, hoole no aole e make ana.

            E nana 1 Tes. 5; 1, 2.

(Aole i pau.)

 

KAU AHAOLELO O 1884

La Hana 67 Poakahu Iulai 28, 1884.

HOIKE A NA KOMITE.

            Hoike mai ke komite pai, ua paiia ka bila e pili ana i na palapala Sila nui, a me ka bila e hoololi i na pauku 38, 38, 40 o ka mokuna 43 o na kanawai o 1882.

            Hoike mai ke komile waiwai no kekahi mau haawina o ka bila haawina, a e noi mai ana e hoohui i ka luna o na hana hou a me ke kivila. Eneginia a e ukuia oia i 7,000 kona uku makahiki, a no kana kakauolelo i 1,800, a o na haawina e ae, e hooholoia no pela. Waihoia a noonoo pu me ka bila haawina.

Na Olelo Hooholo Me Na Bila.

            Ma ke noi, ua aeia aku o Kaupamano e heluhelu mua mai he bila e laikini ai i ka opiuma iloko o keia aupuni. Waihoia no ka heluhelu alua.

            Na Kaulukou he olelu hooholo, e lilo ka bila haawina i hana mau na keia hale i kela a me keia la.

            Hoololi mai o Hikikoki i elua hora i kela a me keia la. Hooholoia ka olelo hooholo a me ka hoololi.

Na Hana O Ka La.

            Ka noonoo ana i ka bila haawina imua o ke komite o ka hale. Ke alii Smith ma ka noho.

            Noi ke Kuhina Kalaiaina, e hookomo hou i kekahi mau haawina hou iloko o ka oihana kalaiaina. Uku hoihoi hou ia Spreckles no ka uku hoolimalima o na pono wai o Hamakua, a e hoopau ia palapala hoolimalima 500 Hooholoia.

            Koena o na auhau alanui i uku oleia. No ka maupopo ole o ka nui o na dala i manaoia e hookomo; nolaila, ua noi o Dole e hoopanee a mahope, hooholoia. Noi o Rowell e hookomoia maanei nahaawina a ke komite waiwai i hoike mai ai i keia kakehiaka, e like me ia malalo iho nei. Luna Nui o na Hana hou a me Kivila Eneginia- 7,000. Hooholoia. Noi ke Kuhina Kalaiaina, e hookomoia maanei. Koena uku o ka luna nui o na hana hou 1,125, hooholoia. Uku kakanolelo no ka luna nui o na hana hou, a me Kivila Eneginia-1,800. Oiai e noonoo ia ana, ua hoomaha ke komite ma ka hora 1, halawai hou ke komite maka hora 2 auina la. I ka ninau ia ana, ua hooholoia.

            Kela a me keia lilo, a me ka uku kaahele o ka Eneginia a me ka Luna Nui o na Hana Aupuni-1,000, hooholoia. Uku o ka Luna nui o ka oihana wai a me ke kakauolelo o ka makeke 4’800, hooholoia. Uku kakauolelo a ka luna wai 2,400 hooholoia. Uku o ke kakauolelo elua o ka oihana wai 1,800, hooholoia.

            Noi o Hikikoki e noonooia i keia wa ka haawina o no alanui a me na alahaka a puni ka pae aina. Hooholoia.

            No Honolulu 40,000. Noi o Kaulukou, e hookomoia maanei, no ka hooloihi ana aku i ke alanui Moiwahine a komo i Kapuukolo i 3,000, hooholoia. Noi hou no oia, na ka hooloihi ana aku i ke alanui Hotele a komo loa i kahawai ma Kikihale e haawiia na ke Kuhina Kalaiaina e noonoo i keia haawina. Hoopauia kekomite a aponoia ka hoike.

            Heluhelu akolu ana o ka bila e kokua ai i ka loaa a me ka nohoia ana o na apana aina liilii. No ka hemahema o ke kakau poepoeia ana, nolaila, ua hoihoi hou ia i ke komite hooponopono bila, a e heluhelu akolu ia ma ka Poaono

            Heluhelu akolu ana i ka bila e hoololi ai i ka pauku 4 o ka mokuna 62 o ke kanawai karaima. Hooholoia.

            Heluhelu alua ana o ka bila e hookohu ana i hope kakauolelo a me ka hope kakauolelo elua o ka Aha Kiekie, hooholoia no ke kakau poepoe a e heluhelu akolu ia ma ka Poaono.

            Heluhelu alua ana o ka bila e hoololi ai i ke kanawai e laikini ana i ka poe e liio ana i Agena i $500. Hoopanee ka hale.

LA HANA 68 Poalua, Iulai, 1884.

NA OLELO HOOHOLO ME NA BILA.

            Na F. Brown he olelo hooholo, e kauoha ana i ke Kuhina Waiwai, e hooloihi hou aku i ka mauawa no ka ohiia ana o ke dute o na waiwai komo mai ma ke dala gula o America a hiki i ka la mua o Dekemaba 1884. Hooholoia.

            Na Kanealii he olelo hooholo, e hapaiia mai ka papa ae keia mau bila malalo iho nei.

            1 Bila e hoopau ana i ka auhau uku kula o na makua mea keiki e hoouna ana i na kula olelo Beritania.

            2 Bila e hoomaopopo ana i na hora hana o na kauwa maialo o na olelo aelike.

            3 Bila e hoopau ai ka mokuna 57 o ke kanawai kaiaima, a oia ka hana o ka Poaha ae nei. Hooholoia.

            Na ke’lii Kamika he olelo hooholo, e heluhelu aluaia ka bila no ka hanako hale leta, ma ke poo, a e waihoia aku i ke komite wae. hooholoia. Koho ka noho i ke’lii Kamika, Rowell. Hikikoki, Aholo, a me ke Kuhina Waiwai.

NA HANA O KA LA.

            Noonooia ka bila haawina imua o ke komite o ka hale, ke’lii Kamika ma ka noho

            Noi o Kaulukou, e hookomoia maanei. No ke alanui o Pauoa 3,000. hooholoia.

            Noi hou no o Kaulukou, e hookomo ia maanei. No ke alanui o Kamehameha IV.,ma ka apana o Kalihi 5,000. hooholoia.

            Koolaupoko 8,000, hooholoia.

            Noi o Kaulia, e hookomoia maanei, ho ka wehe ana i alanui pali ma Nuuanu 80,000, hooleia.

            Noi o C. Brown e hoemiia i 45,000, hooholoia.

Koolauloa        “          4,000.  Hooholoia.

Ewa     “          “          4,500.  “          “

Waianae          “          3,000.  “          “

Waialua           “          8,000.  “          “

            Hoomaha ke komite ma ka hora 12 awakea.

            Halawai hou ke komite o ka hale ma ka hora 2 auina la.

Lahaina Maui              2,500.  Hooholoia.

            Noi o Aholo e hookomoia maanei no ke alanui pali o Lahaina 30,000. Hooholoia.

Kaanapali        “          5,000.  Hooholoia

Wailuku           “          5,500   “          “

Makawao        “          3,000   “          “

Hana    “          “          7,000   “          “

Molokai           “          4,000   “          “

Lanai   “          “            700   “          “

Kohala Ak Hawaii      5,000   “          “

Kohala Hema  “          4,000   “          “

Hamakua         “          5,000   “          “

Hilo     “          “          18,000 “          “

Puna    “          “          2,000   “          “

Kau     “          “          3,000   “          “

Noi o Kauhane i         5,000.  Hooholoia.

Kona Hema     “          2,500   “          “

“          Akau   “          2,000. Noi o Pilipo penei e heluhelu ia ai keia haawina. Hana ana i ke alanui o Kapohakukuimaile ma ka apana o Kona Akau 2,000 Hooholoia.

            Koloa me Lihue 3,000. Noi o Dole a maheleia keia haawina penei; Koloa 1,500, Lihue 1,500. Hooholoia.

            Waimea & Niihau 5,000. Noi o Rowell e hoemiia i 3,000. Hooholoia.

            Kawaihau & Hanalei 6,000. Noi o Palohau, e maheleia keia mau haawina penei; No Hanalei 3,000, no Kawaihau 3,000, hooholoia.

            Noi hou o Palohau, e hookomoia maanei, no ke alahaka ma Moloaa 2,000. hooholoia.

            Kela me keia lilo 3,800, hooholoia.

            No ka pau ana o na hora a, ua hoo pauia ke komite, a aponoia ka hoike a ka luna hoomalu.

            Ma ke noi, ua hookuuia aku ke alii Waila no na la ekolu.

            Heluhelu akoluia ka bila e hoohui ana i na banako lahui, a hooholoia.

            Heluhelu akoluia ka bila e hoomana ana i ke Kuhina Waiwai e uku aku i na uku luna aupuui a me na lilo e ae o ke aupuni ahiki i ka la 31 o Augate a hooholoia.

            Heluhelu aluaia ka bila a ke’lii Paulo Isenberg i lawe mai ai e hoopau loa ana i ke kanawai Luna Hooia a hoopanee loa ia. [O ka mea nana ka bila, aole i hiki mai i ka hale, he mai, aka hapai no nae ka hapa nui e noonoo.] Hapai hou ia ka noonoo a haule.

            Ma keia wahi aku la, ua haalele ka Peresidena i ka noho no ka lawa ole o na hoa. Ua lawe koke o Aholo i ka noho a hoopanee i ka Hale.

La Hana 69, Poakolu, Iulai 30, 1884

            Hoike mai komite hookolokolo, no ka palapala hoopii a ka makua S.N Kakela Makua, e kue ana i ka hoolilo nui ana o ka ahaolelo i na dala ma na kaa lealea. Ua noi mai ke komite e hoolaha ia keia palapala hoopii ma na nupepa haole me Hawaii, a mahope o ia hoolaha ana, e waihoia ka palapala hoopii ma ka papa. Aponia.

            Nana no i hoike mai ka hoike a ka hapanui o ke komite hookolokolo, no ka hoololi ana i ka pauku 20 o ke Kumukanawai e papa ana, aole e koho ia na lunakanawai apana a hoomalu i mau lunamakaainana ; ua manao ka hapanui o ke komite e hooholo aku i ka hoololi aka, ua kue ka hapa uuku o ke komite a ua waihoia a hoike mai ka hapa uuku o ke komite.

            Hoike mai o Aholo i ka hoike a ka hapa uuku o ke komite maluna ae, e apono ana no i ke koho ia ana o na lunakanawai hoomalu a apana i mau lunamakaainana. Waihoia na hoike elua oia kekahi hana o ka la apopo imua o ke komite o ka hale.

            Hoike mai no ke komite hookolokolo no ka bila e hoololi ana i ka moku na 39 o ke kanawai karaima, e pili ana i ka piliwaiwai. Ua noi mai ke komite e hooholo loa aku i ka bila no ke kakau poepoe. Aponoia.

            Hoike mai no ia komite, no ka bila e hoololi ana i ka aha apana o Makawao i aha hoomalu. Ua noi mai ka hapanui o ke komite e hooholo loa aku i ka bila no ke kakau poepoe. Ua kue mai o Aholo a me Hikikoki, kahi hapa uuku o ke komite, a noi mai e waiho i ka bila ma ka papa. Aponoia.

(E nana ma ka aoao maloko)

            Ma Kahalapalaoa Lanai, Aug. 16 1884, hanau he kaikamahine na Mrs. Julia, (hapahaole.)

 

NA HOOLAHA KUMAU.HALEPAI O THOS.  G.  THRUM- O KA NUPEPA -SATURDAY PRESS me KUOKOAALANUI KALEPA.  HONOLULUMalaila a paiia ai na ano a pau o naBUKE,HOIKE O NA KULA.HOIKE A NA KOMITE,NA HAAWINA KULA SABATI.PAPA KUHIKUHI O NA ANO A PAU,HOOLAHA NUNUI A LIILII,BALOTA, LIPINE PAPALE,TIKETA, WAHI LETA,BILA PAI HAKAUKAHOOLAHA KUDALA,&c.      &c.      &c.Iloko o ka wa pokole a me ka auhau haahaa.A ma ka halekuai o THOS. G. THRUMma ALANUI PAPU. e loaa ai naKalana kakau o na ano a pau,Wahi Leta       "        "        "Inika               "         "        "Penikala         "         "        "Mea Hoopipili, buke hoomanao,Peni gula a me kumu gula,Kii, a me na laau,Buke kii a na keiki,Kaa a na keiki,Kaa huila lua o na opio.A he Agena no ke ana lole pepa o naKeiki a me na wahineNo ka hoailona ana i na lole me na inoa ponoie hookoia na kauoha a pau no na papa inoake waihoia ma keia halekuai me ka ukupu o ka papa inoa i makemakeia.  Uku noka inoa hookahi me ka inika a me ka hulu,$1,50 ina ma ka papa inoa keleawe, a inama ka papa inoa dala, $2.O na kauoha apau mai na mokupuni ehookoia ina e hoouna pu ia mai me ke dalaa me ka moakaka pono o na hoakaka anaTHOS. G. THRUM.NU HOU ! NU HOU !Na Waiwai Hou Loa!NA PAIKINI O KEIA AU.E Loaa no ma ka ha Halekuai oDILLINGHAMA  MA,Ma Alanui Papu.Oia na waiwai malalo iho nei:Na Palau, Kaa Huilapalala, Kopala,Piki, Oo, Kui, Koilipi, Na HamareKamana o na ano a pau, Na meaHana a na Kamana, Poe HamoPuna, na Amara a me na meahana o ka Poe Akeakamai a pau.Pena Aila, Vaniki a me na Palaki,Pauda, Poka a me na Kukaepele,Palaki Hamo Puna, Pulumi, Pakeke,Kapu Holoi Lole a me na Papa HoloiLole, na ipuli, na Pa Palai, na Ma kauLawaia, Na Ako Lawaia o na ano apau, na Kaula o na ano a pau, na Pahi,O, a me na Puna, a he nui aku no namea i koe.I KUPONO NO KA HOOHIWAHIWA ANA!NA HALEI hiki ole ia makou ke huai pau aku aka, naoukou no e hele mai a e hoonuuiho.  O keiamaluna ae, e loaa no ma ka halekuai oDilinahama Ma,0136-3m Ma ka helu 37, Alanui Papu  

 

NA HOOLAHA KUMAU.

 

W  O.  SMITHLOIO,  LOIO,  LOIO.KEENA HANA:  Helu 36 alanui Kalepa. tf.W  A.  KINI.LOIO,  LOIO,  LOIO.KEENA HANA:  Helu 15 Alanui Kaahumanu, Honolulu.         tf.W  R.  KAKELA.LOIO A HE KOKUA MA KE KANAWAI.He Luna Hooiaio Palapala. tf.  A  ROSA.  (AKONI.)LOIO A HE KOKUA MA KE KANAWAI.He Luna Hooiaio Palapala.KEENA HANA:  Ma ke Keena S  B.  DOLE.LOIO,  LOIO,  LOIO.He Luna Hooiaio Palapala.KEENA HANA:  Ma ke KeenaLoio Kuhina. tf.CECIL  BROWN.LOIO A HE KOKUA MA KE KANAWAI.A he Agena Hooiaio Palapala noka Mokupuni o Oahu.KEENA HANA:  Helu 8 alanuiKaahumanu. tf.JAMES  M.  MONSARRAT.(MAUNAKEA.)LOIO A HE KOKUAMA KE KANAWAI.He Luna Hooiaio Palapala.KEENA HANA:  alanui Kalepa. tf.RICHARD  F.  BICKERTON.(PEKEKONA.)LOIO A HE KOKUA MA KE KANAWAI.KEENA HANA:  Helu 27 alanuiKalepa. tf.

SN. EMERSON. (EMEKONA)

LUNA Hoolaio Palapala Kepa Paahana

no ka apana o Waialua, Oahu. Agena

no ka Hoolaio ana 4 na Palapala no ka

mokupuni o Oahu.

Ua makaukau no hoi oia e ANA AINA

ma ua wahi a pau i makemakeia..

Waialua, Oahu, Nov. 10 ’83. 1148-@

 

WILLIAM  AULD.Luna Hooiaio Palapala Kepa Paahanano ka Apana o Kona.KEENA HANA:  Ma ke Keena Wai oHonolulu. tf.S  H.  MEEKAPU.Tela humuhumu lole.HALE HANA:  Helu 11 alanui Nuuanu. tf.C  BREWER  &  CO.  (BURUA  MA.)  Ua makemake ia ka poe mea ILI KAOMALOO a me na ILI BIBI, a pela hoi mena ILI MIKO o na ano a pau, e kuai mai i ko lakou mau ILI me makou, a e haawino makou i ke KUMUKUAI KIEKIELOA o ko kakou Makeke. tf.

JNO. M. KEALOHA.

Luna A Hoolaio Palapala Kepa Paahana

no ka apana o Kawaihau, Kauai. He

Agena no ka Hoolaio ana i no Palapala

no ka apana o Kawaihau, Kauai. He

Komisina Palena Aina no ka apana o

Kawaihau, Kauai, u he Luna Hooki

Mare no ka Pae Aina holookoa

1163-1 yr.

 

C  C.  COLEMAN.Amara a he mea hana MekinaKapili Kapuai hao lio.A ME KAHana ana Kaa Lio, etc.,Hale Hana ma Alanui Alii,905-tf   E kokoke la i ke Alanui Papu.          HE NUI ANEI KOU MAKEMAKE I NAMEKINI    HUMUHUMU     LOLE!Ina pela, alaila, e kipa mai no ma ka Halekuai oKAKELA & KUKE.A malaila oukou e ike ai a makaikai i na anoMEKINI  a   WHEEELER  a   me  WILSONmai ke $40 a hiki i ke $50 ke kumukuai oka mea hookahi.NA MEINI A SINGER,ma ke $50 pakahi, ma ke anoMEKINI  A  WILCOX   ME  GIBBS,ma ke $30 a hiki i ke $50 ke kumukoai.mea e pau ai ko oukou kanalua e na Makamaka no ke kpono o keia mau Mekini, e naue mai no me kekuihe ole, a e ike no oukou iho.628 tf

 

PAPA! PAPA!

AIA MA KAHI O

LEWERS & COOKE

(O LUI MA)

ma ke kahua kahiko ma alanui Papu a me Moi.

E loaa ai na

PAPA NOUAIKI

o kela a me keia ano.

 

Na Pana Puka, Na Puka Aniani, Na Olepelepe,

Na Pou, Na O-a, Na Papa Hele, Na Papu

Ku, A me na Papa Moe nui loa

Na Pili o na Hale o na Ano a Pau.

 

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

keia me keia ano Na Aila Hoo-

maloo, helehulehu wale,

Na Aila e ae o na

ano a pau.

NA WAI VANIKI

A ME NA

WAI HOOHINUHINU NANI

O NA ANO A PAU LOA

NO BALAKI ANO NUI WALE.

A ke hai la aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA.

me ka mea e holo ana mawaena o

LAUA a me ka MEA KUAI

E Hele mai ! E no Makamaka

A e lawa no hoi kooukou makemaka

A me ka oluolu ame kamaikai