Ka Nupepa Kuokoa, Volume XXIII, Number 38, 20 September 1884 — Anoai o Waikapu. [ARTICLE]

Anoai o Waikapu.

Ke oioio mai nei na makua naea keiki o ua makani kaulana nei he kololio, ika hoohiwahiwa i na la hanau o ka lakou mau lei nani ma ka lauahi ana ma o a maanei ina mea ai no ka hoomanao ana i ko ke Akua lokomaikai. I keia la 13 o Sept, nei, ua hoala ae o Mrs. Helewale he paina hoomanao no ka la hanau o kana hiapo, ua hele no hoi a hiluu na papaaina i na mea ai o kela a me keia ano; ma ke ahiahi ana iho ua hiki ae ka poe ohe keleawe malaila, malalo 0 ka noho kumu ana o Mr. Kanihomauole. Ua huai ae nei o Bila Konuela (VV. H. Cornwell) he lua wai hou, no ka imi hou ana i na pomaikai o ka aina, a no ka hoopalahalaha ana i na wahi kanu ko. Ua hoomaha iho nei ka wili ana o ka wili o VV„ikapu nei, a he mau mahina koe, alaila, e pua hou ana ka uahi, oiai ke ko'eoke mai nei ka manawa e ohi ai ka mahiai i na hua ohaha o ka honua. Ua paa loa ae nei ka hale kahu o ka ekalesia o Waikapu, aole nae i maemae o loko. S. K Kekuewa.