Ka Nupepa Kuokoa, Volume XXIII, Number 47, 22 November 1884 — MOOLELO O KA AHAHUI EUANELIO KUIKAWA O HAWAII KOMOHANA. [ARTICLE]

MOOLELO O KA AHAHUI EUANELIO KUIKAWA O HAWAII KOMOHANA.

Halawai ka Aha ma ka luakini o Kahikolu ma Napoopoo, Kona Hema, Hawaii, hora 10 a. m.

Ua weheia na hana e W M. Kalaiwaa ke kakauolelo o ka Aha me ka himeni a me ka pule a Rev. A. O. Polepe. Ma ka ba!ota ana, ua kohoia o Rev G. W. Waiau i lunahoomalu. Hoomaopopoia na lala i hiki mai. No Hamakua Hikina, W M Kalaiwaa, Kona-wa-ena & Kealakekua, S L Desha haiolelo o Mataio ka elele. No Pukaana, Rev. G W Waiau. Na lala mau, Rev J. D. Parisa, Rev. A O Polepe, Rev. S VV K Makaike. Noi mai oA O Polepe, e hoike mai ke komite i ke kumu o keia halawai ana.

Hai mai o Rev. J D Parisa e noho keia Aha e ninaninau ia S. L. Desha no kona kupono i ka oihana Kahu Ekalei 0 ka uuku ona iala Phiki raai ua kohoia na lala a pau o ka Aha i komite ninaninau.

Ua haawiia ia G W Waiau ka ninau ana i ke kumu o ka makemake a me ka manaoio.

Ia S W K Makaike ka ninau ana i ka Moolelo Ekalesia. la J D Parisa ka ninau ana i ka Mooleio Baibala. Ia A O Polepe ka ninau ana i ka Hoikeano Akua.

Ua loihi ka manawa i pau no keia hana, ua paneia no nae na ninau me na haina pili pono ame ka eleu. Ua hookaawaleia ka mea i ninau ia mawaho.

Ua noho ka Aha e kuka, ua hooholo iakou, ua kupono ka mea i ninauīa e lilo 1 Kahu Ekalesia no na Ekalesia hui o Kona-waena & Kealakekua. Ua hoi mai o S. L. Desha, ua pane aku ka lunahoomalu, ua apono ka Aha i kou ninauia ana, a e poni ia oe i ka la apopo Sabati Nov. 16.

Kamailio mai o Rev. A O Polepe i ke ano oka hookohu ia ana. Ma keia hope aku e haawi mua ia ka palapala haiolelo i ka mea i kaheaia mamua o ka hookohu ana, e like me ka rula.

Eia na hoolala ana no ka poni ana i ke Sabati, Nov. 16 : Himeni hoonani. Pule pol.ole ia Polepe. Olelo hoakaka a ka lunahoomalu. Himeni mua ia Polepe. Heluhelu Baibala, Pule loihi, ia S W K Makaike, Himeni elua, Haiao, Himeni, ia Rev A O Polepe. Ninau Kumukanawai, Ninau i ka Ekalesia, pule hoolaa, ia G- W. Waiau. ' Lima akau aloha ia W. M. Kalaiwaa. Na olelo ao i ke Kahu Rev, J. D. Parisa. Na oklo ao i ka Ekalesia Rev. A. O Polepe Himeni hookuu, pule hookuu, it S. L Desha. Heluheluia ka moolelo, a hooholoia e hoouna i ke Kuoko

Hoopanee ka haīawai me ka himeni a me ka pule a ka Lunahoomalu, a ha* bwai hou ma ka hora 11 oke Sabati 16 ae.

Ma ka hiki pono ana ika hora 11 jl m. o ke Sahati ae 7 ua akoakoa Biai he heiuna nui o na hoahanau, a he anaina makee Kahu i ka nana aku.

Ua laweUweia na hana e Uke me ka papa kuhikuhi maluna. Ku i ke anoano ka eehia, ka ihiihi o na hana i lawelaweia.

Ma ka hoomaopopo ana, ua launa pu mai no ka Uhane Hemolele; no ka mea, aia maluna ona papalina o ke anaina naikulu waimaka o ke aloha. Aia no hoi na waimaka e hioio ana ma ka papalina oka mea i poniia, e haioiloi ana me ka eehia nui, a me he mea ia aia ma na paia o Kahiko ! u halepule, e kuku mai ana o Polepe Makua a me Kapiolani, ka poe nana i kukulu kona mau paia iaahia, a me kona kahua paa e ku nei, e apo mai ana i ke Kahu hou oko lakou mau pulapula mahope nei» Ua hookuuia na hana me ka maluhia oke anaina oiai, ua nui a loihī ka manawa i lawelaweia ai o keia hana. W. M. Kalaiwa*.