Ka Nupepa Kuokoa, Volume XXIII, Number 50, 13 December 1884 — Page 2
| This text was transcribed by: | Jeannette Kotrys |
| This work is dedicated to: | To my HEART -Kalani Kotrys, Jr.- From all of me, G |
Ka Nupepa Kuokoa
KE KILOHANA POOKELA NO KA LAHUI HAWAII.
No ka makahiki $2.00.
No Eono Mahina 1.00.
KUIKE KA RULA.
Paoono Dekamaba 13 1884.
Na La Hope o ka Makahiki.
Eia kakou i ka welau hope o ka makahiki 1884 e hele nei. Pokole ke ao, loihi ka po. Liuliu aku ka manawa heluhelu nupepa o na ahiahi, a ae no kukui i ka hora eono o ke ahiahi. Ikolo no o kei mahina e hoea ana ka la pokole loa o ka makahiki. A hala ia, huli hou ana ka la no ka akau, a loaa aku na la loloa o ka makalii, ka wa e ika ika ai ka ulu ana o na mea ulu a pau o ka aina. He wahi ano hoomaha ko na mea ulu i ka hoolio. Aka, aohe hoomaha ana no ke kanaka, mau no ka hana mai ka hooilo a i ke kau.
Heaha na mano maikai no na la hope o ka makahiki? O ka mua, he manao aloha a hoomaikai. Hoomaikaiia aku ka Mea Hookahi nana i karaunu mai i na makahiki me kona lokomaikai; nana hoi i haawi mai ke kau a me ka hooiolo, ka la a me ka ua, ka wa kanu a me ka wa e ohi ai ka hua. He nani loa Oia, he lokomaikai, he ahonui a he aloha no hoi i kanaka Ua lokomaikai nui ia mai oe, e Hawaii, iloko o keia makahiki. Ma na aina e--ma kahi o ia mau aina, he haunaele, he kaua a me ke ahulau. Aka, maloko o na palena o kei pae moku he maluhia a he ola maikai ka makana i haawiia mai. Ua ike ka poe hana i ka hua maikai o ka lakou hana ana, a au pomaikai na mea a pau, koe ka poe palaualelo.
Eia kekahi manao no na la hope o ka makahiki. Elike me keia mau la pokole e nee palanehe ae nei a neo iho, pela no hoi ke kanaka e kiola ai na wahi apulu kahiko o na hana kohu ole a waiwai ole no hoi. Ua hanaia ke kanaka he waihona no na mea nani, a me na mea e oluolu ai oia, no na hana maikai e pono ai a e waiwai ai; no luna ke kanaka, aohe no lalo; no ka malamalama, aohe no ka pouli; aia iloko o ka malamalama a me na hana o ka malamalama kona pono a me knoa ola e pono ai-he make ka iloko o ka pouli. Nolaila, luia aku na hana kahiko i @keia he kohu ole, a o na hana maikai ke hoopaa iho. E pono i na o na la hope o keia makahini, oia no na la hope o na hana ino. A kaa hope ka makahiki i hala me kana mau hana, i ano hou ae ko ka makahiki hou.
Pokole na la hope o ka makahiki; he koekoe a he anuanu. Aka nae, he ou li keia mau la o ka hooilo, no ka nani o ka makahiki hou e hiki mai ana, hoi ka la i ke kukulu akau. P@la n@ hoi kakou e noho nei ma ka honua. O na la hope keia, he au hou a hoea mai. E helelei ana kahi pupupu hale kahiko, au komo ka ua a me ke anu. Aka, ua makaukau ka hale nani o ke au hou no ka poe e makemake ana. Ke paipai nei keia pepa i kona poe heluhelu a pau e nana iluna aohe ilalo. E nana i ka makahiki hou a me ke au hou e hiki mai ana. E hookanaka, e hoonui i ke aloha a me ke ahonui. E hoopono, e haalele i ke ipo, a e hoopili ae i ka maikai; no ka mea, aohe noho ana pono aohe no hoi he hana pono i nele i kona hopena maikai.
Halawai ma Kawaiahao.
I ka po la Sabati i hala i kamailio ai o Mrs. Leavitt ma Kawaiahao. No ka ua a me ka poeleele aole i nui loa ka poe i hele ae. O ke kumu hana i hapaiia mai, oia no ka papaia ana o ke kuai waiona e ka aupuni. Ua kukuluia ka waiona maluna o ke kulana hookahi me ka opiuma, a me na mea make a ae, he mau mea ia e poino ai ka lehulehu; a nolaila he mea pono i ke Aupuni e hookapu, a@@@ o kekahi hana o ke aupuni oia no ka malama i ke ola o ka lehule@u.
O keia ninau no ka waiona a keia wahine haole e hapai nei, kekahi o na ninau ano nui ma Amerika a me Beritania i keia mau la. Ke ulu mahuahua nei ka poe hoole waiona ma ia mau aina, a ke hooikaika nei lakou e lawelawe ia mau aupuni me ko lakou mana aupuni e kinai i keia mea e hoopoino nei i ka lehulehu.
Ua hala aku nei o Mrs. Leavitt no Hawaii, aia a hoi mai e holo loa aku ana oia i Auseteralia.
He Kanaka Hana
O Manele e noho mai la i ke awawa o Nuuanu kekahi o na kanaka hana o keia wa. Aohe o kona ano elemakule he mea ia e manao ai oia e waiho ka hana na ka poe opiopio, aole loa pela. E ike mau ia ana oia me kona mau oho hina a me knoa @@i@mi loloa keokeo, e lawelawe ana i ka hana me knoa mau lima ponoi iloko o na loi ai ma Niolopa. Ma ka mahina, ke kumu hoohalike kupono o Manee no na kanaka e ae o kona lahui. Ke ku la kana mala maia mauka o Luakaka, a makai ae hoe o Niolopa na loi kalo. He mau loi nunui keia ma ka aina o ka Moiwahine Emma, a ma ka aina o Ha@lele@ kekahi.
No ke aha @a i'lilo nui ai ke kanu ana o ke kalo @ i keia wa ma ka lima o @@ Pa@e, a nele ka Hawaii? Aole anei no ka haawi wale aku a ka Hawai@ i kona kuleana mahiai ia hai, no kahi pomaikai ike maka a pau koke? Ae, pela io no. O ka oihana i haawi mua ia ia Adamu. ola ka i haawi ia i ko Hawaii, e mahi i ka aina a e ai i ka hua o ka honua.
Aka, ma ka makou hoomaopop an@ ke haawi nei ka hapanui o ko Hawaii poe i ka lakou hana ia hai. Hauoli no nae ka manao ia Manele, a me na Hawaii a pau e hoohalike ana me ia ma ka mahiai. Aohe oihana i oi ae ka hanohano mamua o keia, o ke kanu ana i na hua iloko o ka lepo, a hoohua mai ka honua i kona hua.
[KAKA@IA NO KE KUOKOA.]
E like me ka makou i hoike mua ai i na wa a a pau o keia Aha Kuhina noho oihana ana, he @a e hiki mai ana mahope, nana e hooia mai i ko makou kanalua a me ko makou hilinai ole i ke alakai o ka Papa Kuhina. Ua hoole makou mai kinohi mai aole he kupono o Kipikona no ke alakai aupuni anan, a e ike ia no, mamuli o kona hemahema. he mau poino e loaa ana i ke aupuni Hawaii. Iloko o keia mau la ke ikea nei na hopena a makou i wanana ai no na hemahema @ hawawa maoli no ka hookele ia ana o ka hoaie aupuni; ke pu nei iluna a ilalo ke dala; ke hoea mai nei na hoopii poho mai ke aupuni Beritania no na hana maewaewa a ke aupuni Hawaii i kekahi o kona poe a me ka poe a lakou i lawe mai ai malalo o ko lakou hae. He mea maopopo ia makou e koi mai ana o Enelani i keia Aupuni e uku aku no na hana launa ole i hanaia aku i kekahi moku lawe ohua malalo o kona hae, i ku mai ai i ko kakou awa newi, me na ohua le lehulehu maluna ona, oia ka Madarasa. Ua hiki mai ka leo koikoi o na Kuhina o ka Moiwahine o Enelani, mamuli o ka hooholo ana o ka Aha Kuhina o ia aupuni, e koi poho mai i na dala he 30,000 a oi aku no na poho i loohia i ka moku Madarasa. Ua hoolaha mua aku makou i ka moolelo o na hana i hanaia aku i keia moku, aka, no ka hoomaopopo hou ana i ke ano o na hana kamalii a ka Peresidena o ka Papa Ola, e hoike pokole hou aku makou i hiki ai i na hoa heluhelu nupepa ke hakilo iho i ke ano o na hana e hoonana ia aku ai a i ulu mai keia koi poho. Ua ku mai ka moku Madras me na ohua i loohia i ka mai ahulau; o kekahi mau ohua no keia awa, a o kekahi mau ohua no kekahi awa e aku. I ka ike ana o ka Peresidena o ka Papa Ola he mai ahulau ko luna o ka moku, ua hoopaa koko ia aku ka moku e ku mawaho o ke waw, a malaila kahi i ku ai a hala he elua mahina. Ua noi mai ke Kapena o ka moku e hoopai mai i na ohua mai ole o keia wahi ma kahi a ke aupuni e hoomalu mau ana i na ohua o ia ano, e like me ke ano mau, a e holo aku ka moku ma kona alahele. Ua hoole aku ka Peresidena Kipikona o ka Papa Ola, aole e komo mai. Aka he mau mahina mahope iho o keia hana ana a Kipikona, au ae aku la oia i ka mea i nonoi ia mai i ka la mua e ke Kapena. He mea kamahao no keia mau ano hana a ke Kuhina Kipikona, me he la, ua oi aku ka noonoo kanaka makua o kekahi keiki opio mamua o keia. + + + + He mea nui ke kipa ia ana mai o ko Hawaii awa kumoku e na moku i loohia i na ulia e like me ke ano i loaa i a Madras a kipakuia aku. Ua lawe kei aupun i kein wa i na kanawai o na aina naauao i alakiai nona, a mamuli o kona h@@inai ia ana mai e hookele ana oia i kona noho aupuni ana malalo o ia mau kanawai i hookipa ia aku ai oia he Aupuni iloko o na Aupuni o ka honua nei. Mamuli o keia hilinai ia ana i mau ai ko Hawaii kuokoa. O keia ka hana nui o na alakai aupuni i hooikaika ai a loaa mai, a au makaala loa lakou e malama ia kulana hanohano i loaa mai ia Hawaii, ma ka hahai ana i na kanawai a me na noonoo malamalama o keia au holomua, i onipaa ai keia kulana o ke aupuni iwaena o na poai aupuni o ka honoua nei. He lili loa ia poe Kuhina a he akahele loa i ka lakou mau hana; iloko o ia mau la he nui na hana ano e i hana ia mai is @ Hawaii i kona mau la mua, aka, ua hookeleia aku oia me ke akahele a me ka hanohano, a ua pakele mai kona kuokoa. Na k@@li wale a Lo Keoki, na haunaele a kue a ka Frani he mau hana nui keia e pio kahiko ai ko kakou kuokoa ana, ina aole na hookele aupuni aloha @o ia Hawaii e noho pu ana me ke alii. Aka, pehea la kakou i keia mau la? Ke hookele naauao ia anei ko kakou aupuni e keia Aha Kuhina malalo o na alakai ana a Kipikona? He kanalua piha ko makou mai mua mai, a au hooia mai na hana a keia mau Kuhina i ka pololei o ko makou hilinai ole ana ia lakou. Eia ke pinapinai mai nei na hopena hoopilikia ia kakou, i ka lehulehu, mamuli o keia mau hana hawawa. Ma na noonoo maikai ana, au oi aku ka pomai kai o na aoao a elua ina i ae aku ke Kuhina Kipikona e hoopai e na mai o ka moku Madras ma Kahakaaulana e malama ia ai, kahi akea a kupono, a kahi no hoi i hookaawale ia e na noonoo malamalama, he wahi no na poe i loohia i na poino mai ahulau. Oia maoli no ka pono a me ka pololei, a oia no na hana i ae ia aku e ua Kuhina la he eiua mahina mohope ino. Ina e ae ia ke noi a ke kapena i nonoi @u mai ai. aole e niu kona mau pilikia a aole no hoi e puka mai keia mau leo mai ka Aha Kuhina mai o Enelani, he kupono e kokua ia na koi ana a ke aupui no na poho o ka moku Madras. O kekahi keia o na poino o ka lehulehu mam@@ o na hana, a Kipikona,-na ka hana, na kakou e uku na poho. Aole keia o ka palena, eia hou aku no, a eia iho no iwaena o kakou e hua mau nei.
Nu Hou o ko na Aina E.
KE KAUA MA SOUDANA.
Ua hoea aku kekahi elele me Cairo mai ke kahua kaua o Katuma a hoike aku la i ka nuhou no ka loaa ana ia Kenerala Gordon he mau kokua ikaika, oia ke komo pu ana aku me kona wahi Pualikoa uuku he 2,000 kanaka Tureke, 6,000 lahui Paele, a he heluna mahuahua o na Arabia. Ua lawa pu no hoi i ka ai a me na pono kaua a pau, a ua maalahi oia ma kona alahele; ke puhee niu la na kanaka o ke Kaula Mahdi ma na ululaau a me na kiekiena a he kulana nawaliwali ko au Kaula wahahee la.
Ua hoike hou ae au kanaka la, aia ua Kaula la ma kekahi kulana maikai e kokoke la ia Katuma, aka nae, ke luku la ka mai ikaika i kona mau kanaka, ma kahi paha o ka haneri ka make i kela me keia la. Ke nee mua la no hoi na Pualikoa Beritania ma ke kahua kaua, a ua hoea pu ae la no hoi o Sheikh Morgana me kona Pualikoa niu no ka haawi ana i na kokua no Gordon.
KE KAUA MA KINA.
He huina mahuahua o na koa pake k i lele kaua mai maluna o elua mau moku Farani hoopahu; oiai laua ma na kapa o ka Muhwai o Claire; he hookahi o na sela i make a me ewalu i hoehaia. Ua hoike ae kekahi nupepa, aia he ekolu moku kaua o na pake o ka papa ekahi a hoea ae ma na ae kai o Kina.
Oiai na moku kaua o na Farani e hoopui ana ia Formose, au pahu ae la ka Ipuhao Mahu o kekahi moku kaua Farani, a ua make he 13 mau kanaka.
I keia mau la koke mai nei, ke ikeia la ke kulana ikaika o na pake me ke kahua kaua, a nolaila, ua hoouna koke ae o Adimarala Coubeta i na kauoha ma Paris e hoouna koke aku i mau kokua nona me ka hookaulua ole aku he manawa.
Pau ole ka Hoopunipuni
Eia ma Kapaka, Koolauloa nei, he wahine, o Kaloa ka inoa, i mare ia Kalona kekahi kanaka kupono o keia aina a ua nohoia oia e ka uhane hoopnnipuni, a ke wahahee nei oia imua o kekahi poe, a ke hele nei kekahi mau kane, wahine, a me na keiki, i kona wahi ma ke ano he hoola mai no ka poe a pau i loaa i ka mai a me ka nawaliwali, a o ka poe a pau i loaa me ia mau haawina, e hele aku i o na la a e lawe pu aku lakou i na makana, he awa a me ka omole koniata, a i ka hana ana au holo i Kapua---a eia ka mea apiki a'u i lohe mai ai, e noho mau ana kela akua o Wahineaua ka inoa iluna o Kaloa i na manawa a pau, i ka po a me ke ao, a ua loaa no hoi he mai keiki hookama na ua akua nei, oia a J Hale o Puheemiki a me L K Naone o Kaluanui, ka hope kumukula haole o Hauula mamua iho nei, a ua kapa aku oia i ka inoa o ua mau hanai nei ana o Waipuilani Johh Hale, me Lihau L K Naone, a ke wanana nei oia, e hoi mai ana kekahi hoola e ae, o Laka, he aikane nana, a hele loa ana oia aole hoi hou mai, a o keia Laka iho la kona hope, pela oia i olelo ai ma ka po o ka la @ iho nei o keia mahina. Aka, aole ia i hooko i kana olelo, ke noho nei no ua laupwale nui nei o ka wahahee, a he minamina niu ko'u no keia wahine iu maikai i ka lilo ma keia hana molowa a me ka palaualelo, aole hoi o ia wale, o ke ao ole aku o kana kane e hoopau ia mau hana hoopunipuni. He hoohalike no paha e like me ke ano o ko lakou hoomana Moremona. KALIUWAA.
Poho ka manaolana no ke Kauka.
E MR. LUNAHOOPONOPONO:--I ka malama o Oct. i hala, au pahola mai ka mai maluna o ko'u kino, ua kali au no ka hiki mai o ke Kauka, a i ka hiki ana mai au haawi mai kela ia'u i ka laau, aka, mahope mai, au palua hou ia ka eha i ko ka mua, me ka lana o ka manao e hiki hou mai ana ia; aka, ua hoopoho ia ka manaolana, aole loa oia i hiki mai a hiki i keia la. Nolaila, ma keia mea, ke hoikeike aku nei au imua o ke akea; oiai, eia no wau iloko o ka nawaliwali me ka loaa ole o ka laau kupono. Aole no hoi o ka moi hookahi keia i hoohoka ia e keia Kauka, ua nui loa mai e noho nei aole maka ala o ke Kauka.
Eia kekahi, ua lohe au, aole ka ia e hele mau ana e nana i ka poe mai no ka uuku o ka dala. E ka Peresidena o ka Papa Ola, e nana ae i ka hana a ke Kauka o ka apana o Hana, oiai, ke uku nei ke aupuni iaia i na dala maikai mai loko ae o ka waihona o ka lahui; me keia anei e hana ia ai ka poe mai, ka poe nana e hanai aku i kahi apana berena; he kupanaha ke hana a keia Ka@ka, ke noho nei ka apana o Kipahulu a me Kaupo. Aohe mana ia, ke waiho mai la ka apana o Koolau, a eia no keia i ka apana o Hana nei kahi i holo lio ai, e ka@ ana o ka pau ae o ka h@p@ha kikoo ana na lima i ka puu dala. Auhe no hoi he olelo ana ia he makaala ma kana apana hana. E hoopau iaia e pono ai, e hoonoho i kanaka makaukau me ka makaala i ola ka lahui. Owau no me ka oiaio.
JOHN NECK.
Hana Ma@.
E Kui lima pu hou ana.
E ka poe lawe i ke "Kilohana Pookela o ka Lahui Hawaii," na hoa kuili o keia makahiki o hala iho, eia hou no o Simeona Mile K. Nawaa, ua oluolu, a ua waipahe hou oia e kakele me kona lio holo peki imua o oukou o ke "Onekuilima," me ke ano, ke kauwa a he lima kokua no oukou e ike koke ai i na Nuhou mai ke "Kilohana" "ku me ka makamaka loa.
Eia ka Rula no S. M. K. Nawaa.
Rula 1 E loaa mai ke dala ke ola o ka pepa, oia ka wa e loaa aku ai ka pepa.
Rula 2. Aole he la lawe pepa ka la Sabati, una aole i pau ka pepa i ke ahiahi Poaono.
Rula 3. E hele mai ka poe makemake i ke "Kilohana" e kamailio pu me kona Papa.
E liuliu ! E makaukau!! Oiai, Eia ke 'Kilohana' ua makaukau me na makana maikai loa, no ka poe a pau e hoolele pau ana i kinohi i na pohaku elua.
E hooipo mau ana oukou me Kahanuopaineki a me Keaomelemele &C.
O maua no me ka oiaio.
NA LUNA {S. M. K. NAWAA. SAM. P. K. NAWAA.
Waipio, Ewa.
Kaheawai ka Rama ma Kualoa!
MR. LUNAHOOPONOPONO:--Eia ma na Poaono e kii ia nei ka waiona ma Honolulu, a ma na la e ae no kekahi, o na Poaono nae ka oi. He imi wahi opala i-a ko na la e ae, Poaono, ke pii la i Honolulu i kahi o ka pohaku, a o na pa-kipa aku la no ke aho. Kuai pahu ka kekahi, hapa kakini hoi kekahi, aia ma ka hale noho o Mr. N----ma Apua, ko Kualoa ia, ko Hakipuu hoi ma kahi o K------, a ua manao no hoi au ua pulelo loa aku no ma Waikane.
Auhea oukou e na makamaka o ka rama a kakou e makemake nei, he ino loa ia, he ilihune, nolaila mai hoolilo i na wahi apana dala i kahe ai ka hou o ko oukou mau lae. JONAH PAELE.
Hoike Kula Sabati.
E hoike ana ke Kula Sabati o Kal@hi a me Moanalua, ma ka la 25 o Dekemaba nei, maloko o ka Luakini "Ka Hau o Heremona."
Ma ia po iho, e wehe ana lakou he Aha Mele, me ke kokua pu mai o ke kileo Bipi Bulu o ka H@@ Wailohoi, Jno. K----
A ma ka la 28, oia ke Sabati, e lulu ai ka Ekalesia a me ka hoike a na komite i haawiia ka lakou mau Palapala Noi Dala, me kela a me keia pea o ka aina. E ku iluna, e ala mai e na makamaka, e papahi i ka lei o ka hanohano; imua a lanakila. O na loaa a pau o ia mau hana, e haawiia no na pilikia o ia Ekalesia. S. PAALUHI.
Na hiona o Kilauea.
Ke hoomaka nei ka wili o ke ko o ka mahiko o Kilauea nei i keia mau la me ka holopono, a ke hao nei na wahi kaa-ahi i ke kauo i na kaa ko he r8 a oi i ka manawa hookahi
O na kaa mahu palau hoi keia ke noke mai no hoi i ka eku i na mahakea a ke komo aku la iloko o ke kuaniwi; o ka nui o na palau e hoohanaia nei, he io, aole he like me mamua he 6 wale no, a ua hooholo pono ia na hana apau e ka ikaika o ka mahu.
He welawela ino ka la o keia mau pule iho nei, aole he wahi kulu pakaua, a o na aekai hoi o Kilauea a hala loa aku ma kela huli, he nalu, nui ke kaikoo, ahoe he hoona ana ma kehakai a manao ae e loaa kahi mikomiko, i ahona i kahi io pipi, ola na paahana pukiki o ua mahiko nei.
Ke hoohahana mai nei ka wi ma kei wahi, aka, ke hooikaika nei na kamaaina e paeli hou i ko lakou mahakea.
H. K. KAHOLOLIO.
Kilauea, Kauai.
AHA KIEKIE O KO HAWAII PAE Aina:--No ka mea o ka la no keia mahina no ka noho ana o ka Aha Kaapuni o Oahu, oia no ka la Karisimaka: nolaila, ua kauohaia e noho ia Aha ma ka Poalima aku ka la 26 o Dekema@@, 1884.
Na ka Aha.
W.M. FOSTER.
Kakauolelo.
Honolulu, Dec. 8, 1884 2002-2t.
HOOLAHA A KA LUNAHOOPONOPONO WAIWAI:-- Ua hookohuia ka mea nona ka inoa malalo iho i Lunahooponopono Waiwai no ka waiwai o FRANKLIN H. ENDERS M. D. i make, a ke konoia aku nei ka poe a pau i aie i ka waiwai i oleloia, e hookaa koke mai lakou; a me ka poe a pan he mau koina ko lakou i au waiwai la i olelo ia, ina ma ka moraki a ma kekahi mau ano e ae paha, e waiho mai i ka lakou mau hooiaio kupono ma ka Hale Hookolokolo ma Wailuku, Maui, iloko o na mahina eono mai ka la e p@ka aku nei keia hoolaha, a i ole pela, e hoole mau loa ia lakou.
JNO. W. EVERETT.
Lunahooponopono WaiWai o F. H. Enders M. D.
2002-@t.
NA HOOLAHA HOU.
AHAHOOKOLOKOLO Apana @@@ @ @@ Hawaii Pae Aina. Ma ka @@@@@@@@@@@ Wai@@. ma ka hana o ka waiwai o LANIKAULA (@) i make kauoha ole. Imua o ka Lunaka@awai Kaapuni, ma ke Keena.
Ma ka heluhelu a me ka waiho ana mai o ka Palapala Noi a PAKOLE @ e hoike ana o Lanikaela (@) no Wailua@@@, Kauai, @@ make kauoha ole ma ia wahi, ma ka la 10.0 M@@ 1884. A e noi ana e haawiia ka Palapala hookoho Lunahooponopono Waiwai ia @. N. Pukalo, no Wai@@@@@, Kauai.
Ua kanohaia, o ka POAHA, ka 15 of @A-NUARI. 1885, ma ka hora 10 A. M. oia ka manawa i hooholoia no ka hoolohe ana i na poi la, imua o ua Lunakanawaila, ma ke Keena hookolokolo o keia Aha, me Koloa, a ma ia manawa a ma ia wahi no e hele mai @ @ mea a pau i pili, e hoike mai i ke kumu, @@@ he k@@@ oiaio ko lakou e ae ole ia ai ua nei la. A o keia olelo kauoha e hoolaha ia ma ka olelo Hawaii, i ekolu pule ma ke KUOKOA he nupepa ma Honolulu.
Kakauia ma Koloa, Kauai. Dec. 5, 1884.
JACOB HARDY
Lunakanawai Kaapuni Apana Eha.
2002-3t.
KUAI A KA LUNAHOOPONOPONO I NA WAIWAI PAA:--Ua haawiia mai ka mana i ka mea nona ka inoa malalo iho a Lunahooponopono o ka waiwai o WM. HODGE, no Wainiha, Kauai, i make, e ka Lunakanawai Kaapui. J. Hardy, Apana Eha, e kuai aku i na waiwai paa a pau a me na hale o ka mea i make ma ke kudala akea ma Wain@ha, i hoike ia ae la: a o na hoakaka ua hoike ia ma kekahi Palapala mai ia S. N. Castle he Luna Hooko ia no ka hooilina o J. H. Morse ia Wm. Hodgei olelo ia, a i kakauis ma ka la 21 of Feberuari, 1872, a i kakau kopeia hoi ma ke Keena kakau kope o ke Aupuni, ma ka Buke 34-aoao 237--38, a ia ana ia hoe e S. P. Kalama a hanaia ma ka la 26 o Sepatemaba, 1868, e hoike ana i na palena o ua waiwai la penei : N. W. ma ka aina o Keaka; S. ma Kealaloa o Haena; E. ma na aina Kononiki; W. ma ka muliwai o Wainiha: a he 5 eka a emi mai paha, a ma ia aina he 8 loi, hookai hale noho, a me elua mau hale a ae.
O na hoakaka ana maluna ae no na waiwai, he kupono loa ia no ka noho' na ohana a ma kekahi ano e ae; a ke ake nei kekahi mau Hui Pake e hoolimalima i ka aina no ke kupono loa i ke kanu Raiki. E hoolilo pu aku ana no hoi au ia hookahi mahele o ka Hui O Wainiha.
E malamaia ana keia kuai ma ka Hale Hokolokolo ma Hanalei, Kauai, ma ka la 10 JANUARI, 1885, ma ka hora 12 awakea. He kuike ke dala mahope iho o ke kuai.
O na lilo no na Palapala me ka mea kuai. JAS. M. GISBON.
Lunahooponopono Waiwai o Wm. Hodge.
Kikiula, Hanalei, Dec. 3, 1884 2002-3t.
ILOKO o ka Aha Hookolokolo Kaapuni o ka Apana Ekolu o ke Aupuni Hawaii. KALAKAUA, Ma ka lokomaikai o ke Akua o ko Hawaii Pae Aina, Moi.
Ia Jno. H. Soper Esquire, Bamuku o ke Aupuni, a i ole i kona Hope iloko o ka Aha Hookolokolo Kaapuni Apana Ekolu. Me ka Mahalo:
Ke kauhaia aku nei oe e kii aku ia PETER VALENTINE ka mea i hoopii ia, ina e waiho mai ana oia i kana pane i kakauia iloko o na la he iwaklua mahope iho o ka hookoia ana o keia, e hele mai imua o ka Aha hookolokolo Kaapuni Apana Ekolu, ma ke Kau o Novemaha o ua Aha la e malama ia ana me ke Keena Hookolokolo o ka Hale Hookolokolo ma Waimea mokupuni o Hawaii ma ka Poaha, ka la 6 o Novemaba e hiki mai ana, ma ka hora 9 A. M., e hoike mai, no ke aha la e ae ole ia ai ke noi a AKANA VALENTINE ka meal hoopii e like me ka mea i hoakakaia iloko o ka Palapala Hoopii i pakuiia. A e hoihoi mai oe i keia palapala me ka hoike piha o kau mau hana mamuli o keia palapala.
Ikea ka mea Hanohano A. FRANCIS JUDD Lunakanawai Kiekie o ko makou Aha Hookolokolo Kiekie i keia la 21 o Okatoba, A. D. 1884. DANIEL PORTER. Kakauolelo Aha Kaapuni Apana Ekolu.
I keia Palapala Kii, ua pane ka Ilamuku penei: Oiai ua imi au ia Peter Valentine i Oleloia, aka aole oia i loaa ia'u maloko o keia Aupuni. A nolaila ke hoihoi aku nei au i ka Palapala Kii me ka hooko ole ia i keia la 29 o Okatoba, 1884.
J. H. SOPER. @@amuku.
Mamuli o na hoike a ka Ilamuku ma o kona hoihoi ana mai i ka Palapala Kii, nolaila, ke hoike nei au ma keia, o ka palapala maluma ae, he kope oiaio a pololei ia o ka Palapala Kii i hoopukaia ma ka hihia oki mare o Akana Valentine kue ia Peter Valentine a iloko o ia manawa kowa e pai ia i kope oiaio o ua palapala Kii nei i oleloia, ma ke KUOKOA a me Hawaiian Gazette iloko o eono pule e like me ka mea i hoakakaia ma ke kanawai, e kahen aku i ka mea i hoopii ia e pane mai ma ke Kau i oleloia. I hoike no keia, ke kau nei au i ko'u lima i keia la 12 o Novemaba A. D. 1884. DANIEL PORTER.
Kakauolelo o ka Aha Hookolokolo Kaapuni Apana Ekolu, o Hawaii. 2001-6w.
WAIWAI PAA MAIKAI NO KE KUAI
Ke haawi aku nei ka mea nona ka inoa malalo, no ke kuai he eha mau apana aina, me na hale maluna o ia mau aina, e waiho la ma Leleo, Honolulu, oia hoi ka waiwai o James Keau Esq.
Apana @-He 98 kp. ma alanui Moi, a he 111 kp. mahope, a he 75 kp. ka hohonu, a he hale noho maluna o ua aina la 32x36 kp., he elima rumi, rumi kuke a me ka rumi ai. He paa maikai ia hale, a ua hoolimalimaia no 240 dala o ka makahiki ma ka uku mahina me ka uku mua au hoolimalimaia i ka la mua o Sepatemaba 1883 no elima makahiki, a e kuai ia'ku ana keia aina me ka hale, koe nae ka hoolimalima. Hoopaaia ma ka Hui Panai no $1,000 e pau ana i June 25, 1885.
Apana 2-He 112 kp. ka loa, a he 52 kp. ka hohonu, a he hale iluna ilalo, he 4 rumi o luna a he hookahi o lalo a he $20 ka hoolimalima no ka malama, aole i hana palapala hoolimalima ia. Ua paa maikai ka hale a he 3 make, ke kahiko, a he 36x32 kp., a he mau hale ohua he eha rumi. Hoopaaia ma ka Hui panai no $750, e pau ana i June 25, 1885.
Apana 3-He hale noho maluna o ia aina, he 39x34 kp., a h@ 117 kp. loa, a he 58 ka hohonu, malalo o ka hoolimalima no $35 no ka malama. Ua hoopaaia ma ka Hui Panai o 500 dala e pau ana i June 1885.
Apana 4-He hale iluna ilalo, 30x32 kp. He 107 kp. ka hohonu, a he 58 kp. laula, aole i hoolimalima ia. Ua hoopaaia i ka Hui Panai no $250 e pau ana i June 25, 1885.
He mau aina maikai loa keia, a he elua alanui e hiki ai ilaila ma ke alanui Moi aku. E kuai ia aku ana ma ke kuai pakahi, a i ole, o ka pau loa i hookahi. Ua pa ia keia mau aina pakahi. No na mea i koe, no na kii o ka aina a pela aku, e loaa no ma ke Keena maluea ae o ka Baneko o Bibopa ma. W. C. PARKE.
Honolulu, Dec. 3, 1884 2001-tf.
AHA HOOKOLOKOLO KAAPUNI
Apana Ekolu o ko Hawaii Pae Aina. Ma ka hooponopono waiwai, ma ka waiwai o KAEA k. o Kohala Akua, Hawaii, i make kauoha ole imua o ka Lunakanawai Chas. F. Hart.
Ma ka heluhelu a me ka waiho ana mai o ka palapala noi a D H HIikikoki o Hilo, Hawaii, e noi ana e haawi ia ka palapala hookohu Lunahooponopono Waiwai ia kekahi mea kupono.
Ua kauhaia o ka POAKAHI oia ka la 15 o DEKEMABA 1884, oia ka manwa i kobo ia no ka hoolohe ana i au noi la, imua o ua Lunakanawai la ma ke keena hookolokolo o keia Aha ma Kapaau, Kohala Akua, Hawaii, ma ka hora 10 0 kakahiaka, a ma ia manawa a ma ia wahi no e hele mai ai na mea a pau i pili e hoike mai i ke kumu, una he kumu oiaio ko lakou e ae ole ia ai ua noi la.
Kakauia ma Kohala Akau, Hawaii, ko Hawaii Pae Aina, Nov. 17 1884 CHAS. T. HEART.
Lunakanawai Kaapuni Apana Ekolu. 2001-3
HOOLAHA HOOKAPU:--E ike auanei na mea a Pau, ma keia ke hookapu loa ia a @ nei na aina a pau ma Kahua, Kohala, (Kahua Ranch) a e hoopii ia no ka poe e kue ana i keia. O ka poe a pau e makemake ana e hookaiwale i ko lakou mau pipi mau ka aina aku, e loaa no na jauoha i na Poakahi o kela a me keia pule ke hele ae i ka mea nona ka inoa malalo iho, a i kona Luna paha, A@le no hoi e ae ia kekahi mea e hele ma ia mau aina o Kahua me na I@o. GEO. F. HOLMES. Kahua, Kohala Nov. 7, 1884. 1198 4ts.
AHA HOOKOLOKOLO Kaapuni Apana Ekolu o ko Hawaii Pae Aina, ma ka hooponopono Waiwai. Ma ka waiwai o KAEA (@) no Kohala Akau. Hawaii, i make kauoha ole, imua o ka Lunakanawai C. F. HART.
Ma ka heluhelu a me ka waiho ana mai o ka Palapala No@ a D. H. HITCHCOCK, o Hilo. Hawaii, e hawiia ka Palapala Hookohu Luna hooponopono Waiwai i ke kekahi mea kupono.
Ua kauohaia o ka POAKAHI, oia ka la 15 o DEKEMABA, 1884. oia ka manawa i kohoia no ka hoolohe ana i au noi la, imua o ua Lunakanawai la a ke Keena Hookolokolo o keia Aha ma Kapaau, Kohala Akau. Hawaii, ma ka hora 10 o kakahiaka: a ma ia manawa a ma ia wahi no e hele mai ai na mea a pau i pili e hoike mai ke kuma una ke kumu oiaio ko lakou, e ae ole ia ai ua noi la.
Kakauia ma Kohala Akau, Hawaii, ko Hawaii Pae Aina, Nov. 17, M. H. 1884. CAS. F. HART
Lunakanawai Kaapuni Apana Ekolu. 2000-3t
OLELO HOOLAHA:--Mai ka la @ aku o DEKEMABA, o na ohua o hope a me mua e kau ana maluna o na mokuahi o ka HUI MOKUAHI HOLO-PILI AINA, e kuai mua lakou i ko lakou mau Pepa Uku moku (Tickets) ma ka Hale Oihana ma ka Uwapo. A o ka poe a pau i loaa ole na Pepa Uku moku, e auhau kalele ia.
Ma ke kauoha.
J. ENA Jr.
Kakauolelo.
Honolulu, Nov. 24, 1884. 2000-4t.
OLELO HOOLAHA: E ike auanei na kanaka a pau, owau o KALUAHINE (w,) ka wahine mare a Ke (Pake,) ke kauoha aku nei au iaia e hoi mai e noho pu maua, oiai au haalele kumu ole mai oia ia'u iloko o na makahiki he umi i hala ae nei, aole oia i hoi iki mai a hiki i keia la a'u e hoolaha nei e hoi mai. Ina eia no oia ke noho mai nei ma na wahi o keia Pae moku: a ina aole oia e hoi mai iloko o ka mahina hookahi, alaila, e manao ia no ua make oia, a ua hele paha i na Aina e, alaila, e hiki no ia'u ke mare hou i kane hou na'u i mea nana e malama i ko'u ola a me na pono kino.
Owau iho no me ka oiaio.
KALUAHINE (W.)
Niuhi, Kohala Akau. 200-4t
OLELO HOOLAHA:--E ike auanei na kanaka a pau, owau o SEE SING (Pake) ke papa ia aku nei na mea holoholona e hookuu wale ana maloko o ka Pa o Kapiolani Paka, aole e hele wale maloko. Ina e loaa na holoholona e hele wale ana maloko, e lawe ia no ma ka Pa Aupuni. A ke papa pu ia aku nei no hoi ke ku ana o na kanaka i na hua kiawe a lawe, ina e loaa kekahi e ohi ana a lawe i na hua kiawe, e hoopii ia no.
A ke papa pu ia aku nei aole e hoohamama i ka puka pa mauka o Kapiolano Paka, a in a e ike ia ana kekahi e wehe ana a hoohamama, e hoopii ia no, aka, e wehe a hoopaa hou.
SEE SING (Pake.)
2000-4t
HOOLAHA KUDALA:--E kuai kudala ia aku ana 2 Lio, ke hiki aku i ka la 2 o DEKEMABA, hora 12 awakea, oia ka POALUA, ma ka Pa Aupuni ma Koholaloa, Honolulu. Lio (k,) keokeo kukaenalo, elua ka maa mamua, hema J-S-P. Lio (k) ulaula, hema A-E-T.
A. B. KAAUKUU.
Luna Pa Aupui.
Koholaloa, Nov. 28, 1884. 2000-@t
HOOLAHA LUNAHOOPONOPONO WAIWAI. Ke hoolaha aku nei ka mea nona ka inoa malalo, ua hookohuia oia i lunahooponopono no ka waiwai o Cpat. Thos. Spencer o Hilo Hawaii, i make; Nolaila ke kauohaia aku nei ka poe a pau he mau koina ko lakou e hoike koke mai me na hooiaio kupono iloko o na mahina eono mai keia la aku, a i ole ia, e hoole mau ia aku no lakou. A o ka poe he aie ko lakou i au waiwai la, e hookaa koke mai. C. S. KITTREDGES.
Lunahooponopono Waiwai o ka waiwai o Thomas Spencer, me ka Hooilina i huiia.
Hilo, Oct. 5, 1884 2000-6m
HOOLAHA LUNAHOOPONOPONO WAIWAI. Ua hookohuia ka mea nona ka inoa malalo i Lunahooponopono no ka waiwai o J. W. Kahuila i make kauoha ole ma Kaneohe, Oahu, a o ke kauoha i kakauia ma ka Ja 11 o Novemaba, 1884, e hoike ana, o ka poe a pua he mau koina ko lakou i ka waiwai i oleloia, a ina paha ma ka moraki, e hoike mai lakou i na hooiaio kupono ma ke keena hana o W. R. Kakela iloko o na mahina eono mai keia la aku, a i ole e hoole mau loa ia aku lakou. A o ka poe a pau he aie ko lakou i ka Waiwai i oleleia, e hookaa koke ae ma kahi i hoikeia ae la maluna, kahi e loaa ai na palapala hookaa.
Kakauia ma Honolulu, Nov. 29, 1884.
Luisa Ahuki w.
W. R. KAKELA.
Lunahooponopono Waiwai o J W Kahuila.
2000-4t.
HOOLAHA A KA LUNA AUHAU. O HILO. Ua weneia ke keena maluna o ka hale hookolokolo o Hilo no ka ohi ana i na auhau ma na manawa i hoikeia malalo nei. Poaha Nov. 20, ma ke keena ma Hilo.
Poalima 21, do do do.
Poaono 22, do do do.
Poakahi 24, ma Paukaa & Papaikou Plant
Poalua 25, ma Onomea & Pepeekeo Plant
Poakolu 26, ma awakea ma Honomu Plant
Poaha 27, ma Hakalau me Honohina
Poalima 28, ma kahi o Likeke.
Poaono 29, ma kahi o D K Pa-Laupahoe.
[hoe.
Poakahi Dec. 1, ma ke keena ma Hilo taona,
Mahope aku o ia la, ma ke keena wale no au ma Hilo e loaa ai i ka poe hookaa auhau a pau. E hoomanao hoi na kanaka a pau i ku i ka auhau, i mea e kulike ai me ke kanawai hou, o ka poe a pau e hookaa ole mai ana mamua ae o ka la 15 o Dek. e uku no lakou he umi pa-keneta maluna o kela a me keia dala i auhauia. A mahope aku o ka la 10 Dek. e hoomaka ai ke kanawai e pili ana i ka hooponopono ana i na dala. F. S. LYMAN.
Luna Auhau o Hilo. Nov. 20 1884 2001-4
HOOLAHA I KA POE AIE--Ke hoike aku nei na mea no laua na inoa malalo ma keia hoolaha, ua hookohu pono ia laua i mau Luna Hooko no-ka Palapala Hooilina o Bernice Pauahi Bihopa i make ma Honolulu, mokupuni o Oahu. O ka poe a pau he mau koina ko lakou iloko o na waiwai la i oleloia, in a ma ka moraki a ma kahi ano e ae paha, e hele mai lakou me na hooiaio kupono ana i na mea no laua na inoa malalo iho iloko o na mahina eono mai keia la aku o ka hoolaha, a i ole pela, e hoole mau loa ia lakou. A o ka poe a pau he mau aie ko lakou i ka waiwai i oleloia, e hookaa koke mai lakou.
CHAS. R BIHOPA, S. M. DAMON.
Honolulu, Dec. 2, 1884. 2001 4t
NA MEA I LOAA NO KA PAPA HAWAII NO KA MAHINA E PAU ANA OKATOBA 31, 1884.
No na Misiona Kuwaho.
Mai ka ekaleuia o Helani-S. W. Kawewehi………………………………………………………………...…………$13.60
Ekale@ia o Kahala-E. Bona…………………………………………………………………..……………..200 00
Ekale@ia o Kankeano-J. A. C@@ran……………………………………………………………,……………… 65 55
Mai na Kiliba@i e@a Kekaha Kaual………………………………………………………………………………. 12 20
Mai ka aina hoolimalima ma Hilo………………………………………………………………………………… 30 00
Mai a L. Kaaua-Vernon Cala……………………………………………………………………………….. 20 99
Mai Ponape, Mortlock, Ruk me Puiglap, ma o Rev. E. T. Donae………………………………… ……………………………………………..72 75
Mai ka Paemoku Kiliba@i-Rev E. A Walkup……………………………………………………………………………. 19 60
_________
$435 70
NO NA BAIBALA AMERIKA
Na heke i kuaiia ma Ponape-Doane……………………………………………………………………………… @5 00
Na @uke i kuaiia i ka Paeaina Kilibati…………………………………………………………………….81 65 5106.70
No ka pomaikai o ka Oihana Pai Palapala ma Kilibati.
Na buke i kuai i kuai ia ma Kilibati……………………………………..…………………………………… 81 65
Huina 624.00
W W HALL-----KAKAUOLELO.
KAKELA & KUKE,
E laa na pahiolo, koi hole,
hamale, koi'nui a me liilii, kila,
wili puaa, @rula, apuapu, kui o na ano
a pau, kala kaa, hao hoopaa puka,
Pohaku hoana, kepa, lei ilio, kaii-
la hao ilio, pahi, upa, pahi umiumi,
kalapu, kope hulu, pulupulu, oepa ka-
lakala, lina hao, ami, keehi, a me @@
------KAULA OPU-----
Palau o na ano a pua.
Oo, ho@ koala, pe kipi-
kua, hao kope, au ho a pe-
la aku, kua bipi, lei bi-
pi, kaula hao bipi, uwea
pa, uwea keleawe. hao pili
plulu, kaa palala, ipuhao, ipu ti
PA-PALAI. MAKAU ME KE AHO
------------------
Ili wai, papa holoi, kopa ala, kaula
kuaina, hu'akai, ehi wawae,
hulu pena, a pela aku.
Pena wali, kini nui a me liilii o na
ano a pau, me ka pepa kuhi-
kuhi, pena keokeo, aila
pena, aila hoomaloo,
vaniki kaa, a me
vaniki moe.
PENA HOOMALOO.
---a me aniani hale---
AILA MAHU, AILA MIKINI, AILA HAMO @@,
AILA KAA, INIKA KAMAA.
PAUDA, KUKUEPELE, KIANA
PAUDA, UIKI IPUKUKUI O NA
ANO HE NUI A LEHULEHU
------
LOLE MAKEPONO
---E laa na---
AHINAHINA, KALAKOA. KEO-
KEO, LEPONALO, HULUMANU,
UWE-WAHINE, KUI HUMUHU-
MU, A ME KA LOPI
Ke @@ike e loaa no ia ma kahi o
Kakela & Kuke !
---
NA MEA PIULA,
----
Mikini humuhumu
Mokini a WHEELER a me WILSON
MIKINI A WILCOX ME GIBBS
NA MIKINI A
----REMINGTON---
He nui loa na mea hao me na ukana e
ae o na ano a pau, aole hiki ke hai pau
ia aku, hewa i ka wai na maka ke ike.
---
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO, LAAU
KUNU, PENIKILA, HUAALE,
PAAKAI, LAAU HOOPAA HI, A
@e pa Laau Hamo a Pela 'ku
Kakela me Kuke.