Ka Nupepa Kuokoa, Volume XXIII, Number 50, 13 December 1884 — He mau mea hou. [ARTICLE]

He mau mea hou.

He malama i hala ae nei, ua hopuia 0 Kalili k. a me Kaapuni w. a ua hookolokoloia imua o J. G. Hoapili aku ka hewa ia laua malalo o ke kanawai, a ke hana nei o Kalili malalo o Hoapili i mea e kaa ai kona uku hoopai. A o Kaapuni hoi ua uku ma ke dala maoli a koe na koina oka aha. I keia wa, lohe iho nei ke Kahukula Sabati o Helani, (a he komite hoeueu hoi ika A O. I. P. K. o Pahoehoe) i na dala i koe oua wahine la, nolaila, lawe mai nei oia i ka manao imua o na lala o ka Ahahui Opiopio o Pahoehoe, a olele* mai la; " E lawe kakou i na dala uku Koina o ko kakou hoa hui Opiopio o keia Ahahui. " Ia wa, ua hooholo like na mea a pau, a ekolu wale no mea i kue i kela manao i hapai ia. A ua luluia na dala; aua hai ia mai ia'u, ua haawi īa aku ma ka lima oka lawehala. He mau kumu kupono ko na inoa ekolu i hoole ai i keia lulu ana. I—o1 —0 ka hewa i hanaia, oia ka hewa a ke Akua i papa mai ai ma ke Kanawai o kona mau Kanawai. 2 —Aole no hoi laua he mau hoahanau no ka Ekalesia o Karisto ma Helani. He mau kumu maikai loa ka keia mau kanaka ekolu i ae ole ai i ka manao o ke Kahukula Sabati o Helani, i hapai ai e kokua i keia wahine i ahewa ia e ke Kauawai o'ka aina. Pehea la ko oukou manao ena A. H. O. I. P. K., e ae o keia Pae Aina 1 ka hana a keia Ahahui i hoike ia ae la maluna. Manao * wau, he mea hou keia. —I keia mau la, ke hele ino nei ka humuhumu ana o ka lole o na wahine no ka Makahiki Hou a me ka M. H., e pau ana. Ua nele kekahi poe ika lole ole, a ke kauoha hou nei i Honolulu. Ke hoouna nei ke dala a kekahi poe i ko lakou mau makamaka i Honolulu, e kuai mai i lole. Laki nae na hale Hui i keia mau la iho neL —He M. H. Kope ole keia o Kona A. nei, ua nele maoli kekahi poe i kahi hua ole, He 14 Ceneta o ke Kofe ma na hale Hui. —Ke liuliu nei ke Kula Sabati o Helani no ka la Hoike Kula Sabati e htki mai ana, i ka pule hope paha o Dec., i ka la Hape Nuia paha. A pehea la o Kailua ? Ke lohi apa mai nes no j>aha. —Ua hoolaha ae ka haku aina hou o na aina hui o Kahaluu a me na Keouhou, o ka la 16 o oia ka la e hui ai na hoa-aina a pau oua mau aina 'la ma ka Luakini o Helani ma Kahaluu» no ke kakau inoa ana malalo o ke Kumukanawai o ua mau aina la, ame ka hookaa pu ana i ka uku hoolinialima. A ua poha ae kona leo, e malama ia kekahi la, i la Ahaama no na lala a pau o ua Hui Ama la, i la hoomanao no ko lakou Kuokoa ana maluna o ko iakou aina oiai hoī, ua pau ko lakou noho ana n\alalo o hai He wahi manao maikai o)e kela a ka haku aina hou. He mea hoonaukiukf i ka manao o kekahi mea okoa. £ aho no ka noho maiie tho, ua lilo ae no hoi ka aina ia oukou. Kauauiui. Kona Akau.