Ka Nupepa Kuokoa, Volume XXIV, Number 2, 10 January 1885 — No Kauka Weba. [ARTICLE]

No Kauka Weba.

Mr. Lunahooponopok : —

No ko'u lohe i ke kuihe ia o ke Kauka Weba e kekahi poe, a mahalo ia e kekahi, ua ulu mai ko ? u manao e hookomo ma kou mau kolamu i keia mau wahi lalani e hoikeike ana no keia Kaoke Aupuni. He oiaio, aole kakou e mahalo wale ana a e hoino wale hoi i ke kanaka a ke aupuni i hoonoho ai ke ole he kumu, aua ike no au o kou manao no ia, e mahalo ma kahi ku 1 ka mahalo, a e ahewa ma kahi no hoi i kupono ole o na hoonohonoho oihana ana a me ke ano 0 na hana a ke aupum. He Kauka o Weba i hoomakaukau iaia iho i ka oihana lapaau ma kekahi o na Mokuaina 0 Amenka Huipuia. Ke ole au e kuhihewa, ma Nu loka ama ia Kulanakauhale oia kahi i lawelawe ai 1 kana oihana he mau makahiki ma na Haukipila 0 kela a me keia ano mai a hiki i kona holo ana mai i Hawaii, a mamuli o keia ua hoopuipui ia aku kona ike lapaau, i ao ai a ike, e lawelawe kino maoli ana i na mai 0 kela ame keia ano. He kanaka ano opiopio no ke Kauka Weba, he oluolu a mahamaha, he kanaka hooikaika i ka lawelawe ana i kana oihana lapaau iwaena oka poe mai i hilinai mai kona ike Ua kamaaina au i kona lawelawe ana i kekahi mau māi a me kona kipa mau ana i ko'u wahi mai i kona hiki mua ana mai i Hawaii nei. Ua mahalo au i ko'u ike ana ua kohoia oia i Kauka lapaau no na mai Lepera, 0 ke aupuni, a mamuli o ko'u hoomaopopo ana i kona mau ano a pau, ua hilinai au i kona makaala a hooikaika ma kana oihana, ua kupono ko ke aupuni koho ana iaia, ao ka mea kupono ia kakou e nana aku i kana mau hana ma keia mua aku. He hana nui kana; he hana kaumaha ka lawelawe ana i na mai e waiho la ma ka Haukipila ma Kakaako. Nolaila, ua manao au e hoopuka aku i keia mau wahi olelo nona a e noi aku 1 kou lokomaikai e hookomo iho ma kou nupepa, i ike mai kekahi poe aole wale oe e kue a e kanalua ana 1 ka hoolaha ana aku i ka manao mahalo i ke kanaka ke kupono a i ke aupuni ke hoopono i kana mau hoonohonoho ana i ka pono o ka lehulehu. He Kamaaina.