Ka Nupepa Kuokoa, Volume XXIV, Number 4, 24 January 1885 — HUNAHUNA O NA AINA E. [ARTICLE]

HUNAHUNA O NA AINA E.

Ma ka la 6 o keia mahina i hooiliia ai kekahi kaua hanana mawaena o na pualikoa o na Farani a me na puahkoa o na Pake ma kahi kauhale o Hanoi, a ua kaua wiwo ole aku na Farani me ka hoomanawanui, a iloko o ia mau hooikaika ana, ua lilo mai la ka lanakila o ke kahua kaua ma ka aoao o na Farani me ka hoauhee du aku i na pualikoa Pake. Ua luku aku na Farani he eono tausani o na pake me ka lilo pu mai o ko lakou mau kulana. Ma na waiwni pio hoi, ua lawe mai na Farani he heluna nui o na pu raifela, he mau pukuniahi Kurupa, me na pono ai he nui. Ko Farani poino hoi ma keia kaua, he ekolu mau alii a me 65 koa 1 hoehaia, a he 19 i make. Ua hului pau mai na Farani i na papu a me na wahi hoahu mea kaua a eia ke paa ia nei malalo o ko lakou mana. He lanakila hanohano keia o na Farani imua o na enemi. Ua waiho at v ke Kuhina nui .Ferry o Farani i kana noi ma Belegiuma e haawi ia no Farani kekahi mahele o kekahi mokuaina ma ki hema o Afcrika. Ua loaa aku kekahi kauoha i na pa kapili o Beritania e hoomakaukau koke ia na moku kaua e kapili ia nei ma ia mau wahi no ka hoolana ana aku ma ke kai a e makaukau hoi no ka hui ana aku me na aumoku ma ke Kowa Pelekane no kekahi hana nui. Ua hoea ae he lono mai Katuma aia o kenela Gordon ke lele kaua la maluna o na puali kipi e hoohahani la iaia. Ua hikilele pu ae no hoi o Osman Digma me kona pualikoa no na lono aia na koa Pelekane ke hele mai nei ma na waoakua no ka lele kaua mai maluna ona, Ke lalelale la oia i kona mau koa no ke keakea ana i na Pelekane.

Ma ke kulanakauhale iho nei ka hope makai o Makawao, a huli hoi aku la no ma ka Likelike ma ka Poakahi nei. E nana ae e na makamaka i na hoolaha hou e puka aku nei, ua hele makou a piha pono.