Ka Nupepa Kuokoa, Volume XXIV, Number 5, 31 January 1885 — He mau Ilikini ola loihi. [ARTICLE]

He mau Ilikini ola loihi.

Ua hoike ae o Kauka L. E. Geogi o Tucson i ke ano 0 kekahi poe īlikini e ola loihi la a hiki i keia wa ma ka akau aku o ka mokuaina o Arizona penei: Oiai oia a me kekahi poe he lehulehu wale e kaahele ana ma na kapawai 0 ka muliwai Colorado, a ma na awawa hoi, ua loaa aku la ia lakou kekahi lahui ilikini e noho ana ma na awawa i kapaia Wayoyao, a he lahui kuokoa lakou mai kekahi mau lahui mai. Malaila i loaa'i īaia kekahi poe e ola ana i oi aku maluna 0 ka haneri makahiki o ke ola ana, a 0 ka heluna haahaa loa hoi mai ke kanawalu a pii aku i ka 110 a hiki ika 175, a hookahi wahine e ola nei he 182 makahiki. 0 ke Kumu oke ola loihi o lakou, wahi a ke kauka, oia no ka loaa ana ia lakou na ea kupono no ke ola kmo ana, a pela lakou i noho loihi ai no na huina makahiki loihi o ke ola ana e like me keia.