Ka Nupepa Kuokoa, Volume XXIV, Number 5, 31 January 1885 — Hoohokaia e ke Dala Hawaii. [ARTICLE]

Hoohokaia e ke Dala Hawaii.

Ma kekahi la o keia pule, ua hele aku la kekahi wahine ma ko kakou Hale Aupuni ae nei me kana eke dala Hawaii e wawahi ai me ke dala gula a me kc dala gepa, ma o kona lohe ana he ino keia e laha nei ma ka aina. laia i hiki aku ai malaila, ua hoike aku la oia i kona makemake a pau a waiho aku la no hoi i kana eke dala me ka manaolana e loaa mai ana e like me kona iini, aka nae, ua hooleia mai la aole e laweia ia ano dala no ka panai ana mai i ke gula a me ke dala pepa. Huli hoi mai la ka wahine me ka hoka loa a hoolei iho la i ua eke dala nei ma ka papahele o ka hale a pane iho la ; "Aole maikai o keia dala." Aole o keia ka makamua loa 0 ka poe i noohokaia e keia dala, aka, he lehulehu wale, a ua nui ka poe i holo hele ma kela a me keia hale no ka panai ana mai me ke gula a i ole ia me ke dala pepa, a ua paupauaho.