Ka Nupepa Kuokoa, Volume XXIV, Number 5, 31 January 1885 — He mau kanaka nalowale. [ARTICLE]

He mau kanaka nalowale.

Ma ka la 6 o ka mahinao Dek. 1884, ua nalowale iho la he elua mau kanaka me ka ike ole ia 0 ko laua wahi i nalowale ai. Ua haalele iho la keia mau kanaka ia Honolulu nei ina ka la i hoikeia ae la maluna o kekahi waa, • o ka uwapo o Hooliliamanu ko laua awa hope loa, a holo aku la no ka lawaia ma kahi kokoke i ka lae o Kalaau, a ma keia holo ana ua nalo ioa a hiki i keia la, aole he mau lono no laua i loheia. Ona inoa o keia kanaka, o Jas. Pakele a me Kanohokula. Ke noho nei ka ohana me ka haohao no laua, ua make paha, a i ole ua hala loa paha i na aina e.