Ka Nupepa Kuokoa, Volume XXIV, Number 6, 7 February 1885 — Ka lede i makeawelawela ia KA MEA I KAPAIA KE ALIIWAAINE LIMA APAKAU. [ARTICLE]

Ka lede i makeawelawela ia KA MEA I KAPAIA KE ALIIWAAINE LIMA APAKAU.

Mawaena o na ohua o kekahi kaa ahi i haalele aku ai i ke kulanakauhale o Kikako a hiki aku la ma kahi hoolulu o na kaa ahi ma ka hema, kekahi wahine ui a kulana hanohano no hoi; he loihi kona oiwi kino, a nona paha na makahiki ma ke koho wale ana i ke kanakolu a oi. He wahine koko Farani keia, a ma kona lima e hii ana he wahi ilio uuku i kapaia he Sj>aniel. Ua aahuia keia wahine me na lole kumukuai kiekie, e laa na lole silika, a mawaho loa ae o kona mau pono kino a pau he koloka hulu Seal. Ma kona mau pepeiao e lewalewa ana na kula pepeiao daimana, a e anapa mau ana hoi me he mau tausani hoku la, oiai kona mau maka uliuli poniponi e hoike mai ana i kona popohe ftialalo o na lihilihi maka, a he nani kona i hiki ke olelo ae he lede hanohano loa oia a i ole he aliiwahine paha no kekahi aupuni. Oiai, ma na wahi a pau loa a keia wahine e hele ai, e hele pu ana me kona wahme lawelawe.

Haalele iho la laaa no kahi hoolulu 0 na kaa ahi a holo aku la maluna o na kaa holo honua no ka hotele; ku ke kaa malaila a lele iho la laua ilalo no ka no- | ho ana ma ia holele. Komo aku la ua lede la iloko o ke keena hookipa o ka hotele i ukali pu ia ekana kauwa wahine, a hele loa aku la no ka papa kahi e kakau ai na inoa o ka poe e makemake ana i mau rumi moe malaila, a oiai oia 1 lalau iho ai i ka peni no ke kau ana i kona inoa ma ua papa la, ua ike ia mai la oia e kekahi kakauolelo o ua hotelē ia a puka koke mai la oia e HALAWAI PU ME KA LEDR A pane mai la : E ka lede, ua minamina loa au no ka hoike ana aku imua 0 kou hanohano, aole he mau rumi kaawale o ka hotele nei, ua pau loa i ka piha. Me na helehelena hoomakue i huli ino ae ai ua lede nei a hele aku la no kekahi hotele. Me ka hikiwawe loa no hoi, kakau iho la ke kakauolelo nana 1 hoole makawelawela aku i ka lede he wahi apana pepa me na huaolelo e hoike ana penei : : E akahele mai i ke "Kaikamahine Alii," : : Ka mea a'u i hoohoka koke aku la. : Hoouna aku la oia i kekahi o na kiai hotele i* ka pepa i kakauia no kekahi hotele aku, kahi hoi a ka lele e kamoe la. Hiki e aku la ke kiai hotele a haawi aku la i kahi apana pepa i kakauia i ko laila kakauolelo, a pea ae la no hoi ann. Mai keia kanaka hoi, haawi aku la ia i na kauoha i kona mau kiai hotele, e hoole aku i na noi ana mai a kekahi mea a mau mea paha e hoea aku ana. Aka, o ka makamua loa keia o ka poe i hoea aku iloko o ia mau minute no ke noi ana i keena, o keia wahine a me kana kauwa lawelawe, a ua hoole hou ia mai la no elike me na kauoha. Kau hou ae la ka lede no kekahi hotele, a o na mea i hoikeia mai no ka hotele elua, oia no na mea i haiia aku i ka luna nui o ke koiu o na hotele. Hoea hou aku Ia no ka lede ma ia hotele, a ua hoole koke ia mai la no; pii ino ae la ka ukiuki o ka lede, a kauoha aku la i ke kahu kaa e holo aku no kekahi hotele. , Kauoha koke ae la no hoi ka luna nui o keia hotele i kekahi o kana mau kauwa e holo a hai aku i ka lono i ka eha o na hotele aole e hookipa aku i keia lede. Hiki koke aku la ka ahai lono ila t la, a hoike aku la i na mea i hanaia no ka lede. Hoea aku la ke kaa o ua lede nei, a hele aku la oia e noi i keona nona a me kana kauwa wahine, aka, ua haiia mai la, aole he keena i koe no laua, ua pau wale no i ka piha. O ka eha iho la keia o na hotele a ka lede i komo ai, a o ka eha iho la no hoi ia o kona hoohokaia ana. Ma keia hoohokaia ana o ka iede opio, ua hooholo iho la ia i hookahi ana hoao ana i koe a i nele, huli hoi loa oia no kona wahi ma Nu loka, nolaila, holo hou aku la oia no ka lima o na hotele. laia i hiki aku ai malaila, ua hiki mua ka lono ma ia hale, a i kona wa i hoao aku ai e noi

i keena, ua panai pu mai la ka haku hotele e like me ka hana a kona mau mua maluna 0 ka lede opio. Piha ae la ke kauna a keu 0 kona hoohokaia ina, nolaila uwe iho la i?. a huli hoi 'ku ia no kahi hoolulu 0 na kaa, a 0 Nu loka ka ihu. Oke kumu i makawelawela loa ia ai keia lede, oia no ka mea i hoikeia e ke kakauolēlo 0 ka hote\e mua ana i komo ai, i kekahi mea kakau nupepa 0 Piladelepia, a i hooia ia | mai hoi keia mau hoike e kekahi ona ona hotele oNu loka, ma ke ano he LEDE AIHUE KEIA, A o kana mea e hoike ana, oia keia malalo iho : Ua lohe au i kora moolelo, a ua hoomaopopo koke no au a kona ano i kuu manawa i kipaku aku ai iaia; aole au i ike mamua i kona mau helehelena, aka, he haili wale ana ae no ia iloko o'u a kipaku aku la au, oiai 0 na mea a'u i heluhelu ai a i lohe ai hoi no kona ano, oia kekahi mea a kekahi mau ona hotele i hooiaio loa mai ai, a nolaila aole i hookipaia keia lede e lakou ma ko lakou mau hotele. Aka, he makahiki i ha!a ae ne», u hoea mai la keia lede ma keia hotele ma ke ano malihini a hookipa aku la ka ona hotele oiai au aole maanei; iaia i haalele iho ai i keia hale, ua lawe a:hue aku oia he puuwai daimana, a o kela nwnawa ana l aihue ai, oia no ka wa e ai ana mea a pau ma ke keena aina; ua komo hele oia ma na rumi moe a pau a lawe te la i na waiwai makamae, Ua hele kaapuni oia ia Europa, ahe mau makahiki i kaa hope a* nei oia ka wa i hiki ai ke Duke Alexis ma Piladelepia, ua lawe aihue iho la

keia lede he huina dala nui. Ua nui kahi a keia wahine i lawe aihue ai i na waiwai, a ua īke pinepine ia oia ma ke kulanakauhale o NU lOKA ME WASfNETONA, A ua hoike ae kekahi mea malama hctele i kona aihue ana i kekahi mau waiwai daimana, a haalele koke iho ia iaila no ka mokupuni o Cuba. He mau la malaila o kona noho ana, huli hoi mai la oia no Nu loka, a malaila oia i hopuia ai no ka aihue, aka, aole he mau hoike oiaio no kona aihue. Aole no i liuliu, hoea mai la na lono e hoike ana, no ka lawe aihue ana mai o keia wahine i kekahi puuwai daimana. O na leno a pau e hoea ae ana no na inea i aihueia a i hoohuoiia paha ina kahi o keia lede e noho aku ai, aole loa na ona hotele e kuhikuhi aku ana i ka mea e, aka, i keia wahine no, ina paha e lilo ana i ka mea okoa a e noho ana nae keia lede ma ia wahi i lilo ai, a e manao ia no auanei na keia wahine no, no ka mea, o kona moolelo ua laha loa ma Europa a puni, a me kekahi mau mokuaina o Amerika. Nolaila oia i makawelawela loa ia ai e na ona hotele.