Ka Nupepa Kuokoa, Volume XXIV, Number 6, 7 February 1885 — Kula ao Kanawai o ka Pakipika Akau. [ARTICLE]

Kula ao Kanawai o ka Pakipika Akau.

Ma ka po 0 ka Poaono i hala, lan. 31, i hoike ae ai na haumana kula Kanawai o l:a Pakij)ika Akau no ka ma nawa mua loa i alakaiia malalo o ke ao ana a kekahi 0 na loio opio Hawaii ili ulaula Jno. M. Kaneakua, ma ka hale kula o Akaneki Ailela ma Kaakopua. Ua konoia kekahi mau hoa o ka oihana loio a me kekahi mau makamaka no ka makaikai ana aku i na hana hoike a na haumana.. Ma ka hora 7 a oi, ua komo mai la lakou maloko o ke keena hoike i hoomakaukauia me na luhiihu o ka wao, a ku mai la in ua o ke

anaina me na maka hoihoi, a ma ka nana aku me he la he poe i makaukau e ale aku i ka uwa'ni pauda a ka enemi a e komo hoi i ke okooko ahi enaena o ke kahua kaua. Ia lakou eku ana me ka makaukau, ua haawiia mai la he hoailona, a emoole kani pohapoha ana ka leo o ke alakai himeni me he leo la no !ka o-le a ka haku puuku o ka Moi Lo Eiliona, a ia wa i kupinai like ai na leo tenora a me ka aleto, i ukali pu ia mai e ka leo nukupeu o ka baso, a e oiliiii ae ana hoi na huaolelo "Komo ae, iloko o lerusalema pomaikai &c." Ika pau ana o keia mau hanehane kupinal, ua haawiia he mau hua pule hoomaikai a o ka wehe ana ia o na hana.

Ua ku mai la ka lakou kumu a hoike mai la he uuku loa ka manawa i ao ia no lakou, ua piha pono ia lakou na hora kula he 48 iloko o na mahina elua a iloko 0 na haawina i hoikeia, me he la ua loihi loa ko lakou manawa o ke

ao ana, ua pane pono la na haawina a pau me ka makaukau a me ka eleu pu. Mahope iho o na haawina, he mau ninau kekahi i haawiia mai i na haumana mai kekahi mau lala o ka oihana loio, aka ua lilo la mau ninau me he pepa la ka haehaeia, a me he iwi kamumumu la ka nakeke iloko o ka waha, a 0 ka oi aku paha 0 na ninau, oia no ka ninau kuai puaa, ke hele la ka haina a ' puehu liilii ke one.' Ua hookuuia na hana mahope iho o na leo paipai a na makamaka, a imua hoi o ke anaina nui 1 akoakoa ae i paholaia mai ai he papaaina i luluu i na mea ai, a haupa iho Ia a lawa, a inu hoi a ko'u.

Ma na hiona o na hana, aole i hewa ka mea kakau ke kaena iho, o oukou ka hikimua ma ke kulana o ka holomua, ma ka eleu a rae ka makaukau, oiai oukou iloko o ka hapalua kauna la wale no o ke ao ia ana, a peia au e pa hola aku nei i na mahalo ana no oukou ma o ko oukou hoomakaulii ana e loaa ia oihana hanohano nui, a pela ka lahui e mahalo ai ke ike mai 1 kona io ponoi e ku ana ma ia kulana..

Ua hiki ole hoi ke huna iho i na mahalo kiekie ana no ka lakou kumu, ka mua loa 0 na opio Hawaii ponoi i hoao e hapai i kona io ponoi ma na anuu kiekie o ka hanohano, a o kahi hoi e ku nei oia he loio opio, a he makua opio hoi ma ke kanawai. Makaikai.