Ka Nupepa Kuokoa, Volume XXIV, Number 7, 14 February 1885 — Na olino o ka lai Ehu. [ARTICLE]

Na olino o ka lai Ehu.

Hoike Kula Sabati. Ma keSabati l ; eb. i i hala, ua malamaia ka hoike ona Kula Sabati o Keauhou, ma ka luakini o K.aisareia nia ka aekai o Ma-' kalawena, ma ke kauoha a ke Kahu Kula Sabati Nui J. G. Hoapili F.sq.! Aole i hiki mai ke Kahu Kuia Sabati j Nui, na ke Kahu Ekalesia a me na Kahu Kula Sabati Apana i malama i ka j hoike. Ekolu no kula i hiki mai ma . keia hoike ana. i—Kula o Kealaula, o IX P. Keoahu ke Kahu, ao J. Kaailuwale ame J. W. H. Isaac na alakai. i 2 —Kula o Kaisareia, o J. W. H. Kukapu ke Kahu; a oia no me K. M. Kaihemakawalu na alakai. 3—Kula o Kohanaiki, o C. K. Kapa ke Kahu; a oia no me J. K. Kahali na alakai Ua malamaia na hana me ka maluhia a me ka maikai. O keia hoike ana, ua oi iki ae ia i ko na hoike mua i hala, ake paipaiia aku nei na kula Sabati a pau o' Keauhou nei, e ala mai ka hiamoe loihi ana no ka wa loihi. Ua kohoia no hoi he mau Elele Kula Sabati i ka Ahahui e noho ana ma Waiohinu i Kau, iloko ae nei o ka pule mua o Maraki. Eia na elele i kohoia : J. K. Kaholi no ke Kula Sabati o Kohanaiki; K. M. Kaihemakawalu no ke Kula Sabati o Kaisareia; J. W. H. Isaac Kihe 110 ke Kula Sabati o Kealaula. NO KA MAKANI A ME KE KAI. He mau la makani keia o ua lai-ehu-kai nei, ke hele la ka moana a hakukoi, a kai koo no hoi; oiai ua pii ke kai i kumu pali, a aohe wahi mea loaa mai, i ka ua mea o ka inoino; a ke akakuu mai nei nae hoi i keia mau kakahiaka. o ka i.a. He oia mau no kona anee ana, aohe ua iki; aka, he wahi kilihune wale iho no i ke kakahiaka o ka b 3 iho nei, a pau no. He oi keia o na makahiki kau papaa la nui wale 0 na Kona nei, ke hele la a uwe 0 Kanepuniu i ka wela a ka la; a ua nalo pu no hoi me na hoailona ua o ua aina kupolua nei ika lai. Aia ke ao opua ma ka moana, ameke ao papalaoa iluna o Hainoa; aka, aia no he wa e hiki mai ai, oiai, he wa ko na mea a pau. j. W H. Isaac Kihi:.