Ka Nupepa Kuokoa, Volume XXIV, Number 7, 14 February 1885 — Make i aloha nuiia. [ARTICLE]

Make i aloha nuiia.

E ka Nupepa Kuokoa e, Aloha o< E oluolu oe e hookomo iho ma kahi kaawale o kou kino lahilahi, i ike mai ai na kini makamaka e noho ana mai ka la oili i Haehae aka welo'na i ke kakai olu o Lehua, i ka make ana o Mrs. Hariata Kawahine i ka la i o Feb. 1885. Ua hanauia oia i ka aina nona ka ua loku o Hanalei, 1 ka A. D. 1839. Ua hoohuiia ma ka berita mare me J. Kaipu ika A. D. 1850. Ua hookomoia oia i ka Ekalesia o Waioli i ka wa 0 loane, 1 ka makahiki 1853 ma ka hoike manaoio. I ka malama 0 Augate, 1865, ua kau ae la maluna o ka moku u Mele" no ka hoio ana e noho me kana kane ike Kula Kahunapule ma Waiiuku, Maui; a i ka la 10 o Sepatemaba, hoohiki aku la laua ilaila, a malaiia laua i noho ai me ka hoolohe ana i na olelo-ao a ka makua Rev. W. P. Alekanedero iloko 0 elua makahiki a oi, aua kamaaina ka poe pono malaila, i kona ano i no--1 ho ai malaila i ka aina malihini. He 14 ana mau keiki, aka, ua lawe aku no ke Akua i ka nui a hookahi no i koe e ola nei. He wahine akha kane, ohana, he oluuiu a he heahea i na malihini, a ua malama oia i ka haiolelo i na mahina elima i kaa hope ae nei, a hiki i kona h&ule ana aku la iloko o ka muliwai eleele o ka make. He lala oia no ka Ahahui Opiopio o Anahola, he hoa hooikaika pu no ka Ahahui Hooulu Lahui o Anahola, a he kokua ikaika no na hana pono aka Haku ma ka Ekalesia o Anahola a me Koolau. Aua make hoi oia me ke aloha nuiia e na puuwai i ike maka i kana mau hana maikai. "Nana no i haawi mai, a nana no i lawa aku; e hoomaikaiia ke Akua." Sam'l. Kaiapa. Anehola, Kaual