Ka Nupepa Kuokoa, Volume XXIV, Number 8, 21 February 1885 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

NA HOOLAHA KUMA.

 

J P. HANAAUMOE.

 

He Loio a he Kokua ma ke kanawail ma na

Aha Hoomalu a Apana o keia Aupuni.

 

@aa no au ma Puna, Hawaii

 

E G. WALLER (WALA)

Mea kuai io bipi ma Alanui Puowaine, ma ka hale i kapeia “Kawaiahao Market,” malaila e @ bipi momona, a e hoolawa ia a @ makemake o na makamaka.   2006-1y.

 

CHAS H PULAA.

 

@ HE KOKUA MA KE KANAWAI

 A e loaa no au ma Honomakau, Kohaia Akau, Hawaii 2001-tf.

 

JOHN MAHIAI KANEAKUA.

 

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.

K@na Huna me Hon. E. Preston (lolo Pe@une) ma Alanui Kauh@manu, Honolulul

 

CECIL BROWN.

 

LOIO A HE KOKUA MA KE KANAWAI.

 A he Agena Hoolalo Palapula no ku Mokupuni o Oahu

KEENA HANA: Helu 8 alanui Kaahumanu tf.

 

RICHARD F. BICKERTON.

(PKKEKONA.)

 

I@O A HE KOKUA MA KE KANAWAI.

KEENA HANA: Helu 27 alanui kalepa. tf.

 

WILDER & CO. (WAILA MA.)

Mea kua@ papa a me na lako kukulu hale @ na ano a pau, a me na me ne pono a pau @ ka hale.

Kihi Alanui Moiwahine me Papu.    tf.

 

WILLIAM AULD.

Iana Hoolalo Palapala Kapa Paahana me ka @@ KEENA HAN@ Wal o Hohululu.  tf

 

S H. MEEKAPU.

Tela humuhumu lole.

HAL@ HANA: Helu I I aianui Nuuanu.

 

C BREWER & CO. (BURUA MA.)

            Ua makemake ia ka poe mea ILI KAOMALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no ma K@u i ke KUMUKUAI KIEKIE LOA o ko kakou Makeke.            tf.

 

J NO. M. KEALOHA.

 

LUNA Hoolaio Palapala Kepa Puahana no ku apuna o K@ihau, Kauai. He Agenn no ka Hooiaio ana i na Palapala no ka apana o Kaueahau, Kauai. He @ isinn Palena Aina no ka apana o Ka@aihaw, Kauai, a he L@na Hooko Mare no ka Paao Aina holookoa.  1163-1@

 

JAMES M. MONSARRAT.

(MAUNAKKA.)

 

@OIO A HE KOKUA MA KE KANAWAI.

He Luna Hoolaio Palapala.

E hana ia no na Palapala Kuai, Palapala Hoolimalima, a me na palapala pili kanawai e a@ ma ka olelo Hawaii. Dala ma ka hoaie ma @a moraki ma na waiwai paa.

KEENA HANA: alanui Kalepa.                 tf.

 

GI  FITCH,  (KAUKA PIKA.)

Ua @ehe ne wei au he Keena Lapaau ma Alanui Ma@akea, Honolulu, Helu 70 a @ Keena @ ka horo 9 a ka horo 18 o ke kakahiaka o kel@ me keia la, hora 5.30 @ hora 7.30 @  2007-y

 

W. C. AKANA (KALAUKI.)

He Wahele a @0olelo ma ka olelo Pake me ka olelo Hawaii. @ makoukou @ hoi e hana i ma Palnpala Kuai, a Hoolimalima a pelu aku @ o na Pake a @ na ku@ Hawaii. E loaa no au ma ke K@ Helu @ @ ma kahi e kokoke @ i ka @ o Haalili@   2010-15

 

W. A. KINI

LOIO, LOIO, LOI.

KEENA HANA: Helu 15 alanui, Kaahumanu, Honolulu.     tf.

 

W O. SMITH

LOIO, LOIO, LOIO.

KEENA HANA: Helu 36 alanui, Kalepa.     tf.

 

W R. KAKELA.

LOIO A HK KOKUA MA KE KANAWAI.

He Luna Hool@ Palapala      tf.

 

A ROSA. (ARONI.)

LOIO A HE KOKUA MA KK K@NAWAI.

He Luna Hoolaio Palapala.

KEENA HANA: Ma ke Keena Loio Kuhina.   tf.

 

S H. DOLE.

LOIO, LOIO, LOIO.

He L@na Hoolaio Palapala

Keena Hana: Ma Alanui Kaahumanu.

 

 

HE MOOLELO KAAO NO

KA-MAHINA

 

MALAMALAMA

 

Ke Keiki Alii o ka welau anu o ke aupuni o Hinedu, ka Hiapaiole o na waoakua kanaka ole o Puricalia, a o ka naita hoi nana i ulupa na lua huna o na powa.

 

(Kakauia no ke KUOKOA.)

 

OIAI ka naita opio e kulou ana a e halo ana mao a maanei me ke ake nui e ike i ke ano a me ke kulana o ka enemi, ua hooi loa ia ae ke kani a me ka piena o na lio, a aole no hoi he puoho ae o ka Moi a me ka puuku no keia mau leo hoailona a na lio, aole no hoi he hoala aku o ka naita opio ia laua; a huliu loa poha hou mai la ka leo o ua mau lio nei i oi ae i ko ka wa mua, a na keia mau leo i hoopuoho ae ia laua a kaakaa ana na maka me ka pihoihoi nui a ninau aku la i ke koa opio: Heaha keia, e kuu keiki? He mau hoailona na lio e hoolale mai nei: he enemi, wahi a kekoa opio.

            I ka lohe ana o ka Moi a me kona puuku i keia mea, ua kau e aku la na haha ana o ka makau a me ka weli hoi o ka hopohopo maluna o laua, no ka mea ma keia huakai a ka Moi, aole ia i hele pu me kona pono kaua a pela pu me kona mau hoa hele, a o no pono a pau e pili ana i ka uhai holoholona oia ka i lako me lakou. Kulou iho la ka Moi ilalo a liuliu ea ae la iluna a pane aku la: Ua manao au o na naita pilikua paha keia he 58 e nohoalii la maluna o na awawa kapu o Heletela, a ua kapaia lakou he poe pilikua mai ka po mai; ina hoi ua komo mai lakou ma na palena o ko’u aupuni nei alaila ua kuka hewa ma ko lakou aoao, a e lilo auanei ko lakou mau apahu kino i mau pauku laau popopo no loko o keia ululaau, ke kii ia aku ko’u mau liona pololi @ noho mai la iloko o na lua huna, a na lakou auanei e haehae i keia mau kupuino i ka wa pokole.

            I keia wa a ka Moi e kamailio nei, wawalo hou mai la ka leo o ua mau lio nei me ka pinapinai, a hoomaopopo ae la lakou nei ua kokoke loa ka enemi, a emoole no hoi lohe aku la lakou i kekahi halulu nui me he kikiao makani la mai ka akau mai, a ku ae lakou iluna me na hiona o ka weli maluna o ke ahi a me ka haku puuku, oiai ka halulu e hookokoke loa mai ana ia lakou ma ke ano poia puni. Ia lakou e kuku ana maloko o ke a na iloko o ka aaki a ka pouli, aole he mau hiona o ka makau maluna o ke koa opio, aka, e ku olohelohe ana me ka nele i na mea kaua e pale aku ai i na enemei no ko lakou ola iho, a he wa kupilikii loa keia no lakou a me he halulu ana la no ka lapu, lohe aku la lakou i ka nehe o kekahi kaina wawae ma ka puka o ke a-na, a ia wa no i unuhi like ae ai ka Moi a me kona puuku i ka laua mau newa pepehi holoholona, a o ka naita opio hoi i kana pahi puhaka pokole, a me he olapa ana a ka uw@la ua pa pono aku la ka Moi i kekahi hauna newa ikaika a kekahi o na pilikua a haule aku la i ka honua me ka oni ole. Hala-hu ae la keia hauna newa ma ka aoao o ka puuku a ia wa i nee koke aku ai ua puuku la ma ke kulana o kona alii i haule aku la a hakoko aku la me ka pilikua nana i ku lai aku i ka Moi. Eia hoi ke koa opio ke nana mai nei iloko o ka pouh nui me ka ike pono ole mai, aka, lohe mai la oia i ke poha ana o ka hauna newa a me ka leo ehaeha o kona makuakane iaia e haule iho ana i ka honua, a o ka wa no ia ona i lele mai ai imua me ka ikaika a hookui pu mai la me ka naita e hakoko ana me ka haku puuku, a na keia hookui ana i kulai aku i ua pilikua la ilalo a loaa aku la hoi i ka hauna newa a ka haku puuku a waiho oni ole ana ua pilikua la i ka honua.

            Halawai hou aku la ka naita opio me ka lua o na pilikau, a waiho mau mai la oia i kana hauna newa, aka, mamua o ka pa ana o ke kino o ke koa opio, ua paa aku la kona opi aoao i na @ma hao kila o ke koa opio a opeapea ia ae la i ka lewa me he opala la a kiolaia aku la ma ka puka o ka a-na. Ma o keia kino i haule mawaho i hoomaopopo koke iho ai ka hapanui o na pilikau aia ka eu lua ole o ka ikaika iloko kahi i noho ai, a ua haohao nui lakou no ka mea nana i hoopio mai i kekahi o ko lakou mau pukaua ikaika; nolaila, uwo ae la lakou me ka leo nui, a kupinai ae la hoi na leo ahiu ma na paia pouli o ke a-na, a komo nui aku la. Aia no hoi ka naita opio maloko mai kahi i hoolono mai ai, a mahope koke iho no ona ka haku puuku, a ia e hoolono ana i ka haluku o na pilikau me ka ike pono ole mai i ko lakou mau kino, o ka wa no ia i paa mai ai ua aoao o ka naita opio i ka umii ana a kekahi mau manamana lima nunui, a hoao iho la e kulai, aka, ua like ke koa opio me kumulaau i kela wa, nona hoi ke aa mole i kolo pakaawili aku ilalo lilo o ka honua, a o kona kino hoi ua like ka pauku hao ka w@kani, a e hoike ana hoi na maka i ka weli me he maka la no ke tiga inu koko iloko o ka pouli.

            O keia pilkua e hakoko nei me ke koa opia, ua nele oia me kana laau newa, a ke kulai nei oia me kona mau lima kakauha i ke koa opio, aka, he ole ka hina iho. I keia wa a na manamana lima o ka pilikua e umii nei ma ka aoao o ke koa opia, ua lele aku la ua naita la imua me ka ikaika nui, a na ia lele ana i hoohina pu aku i ka pilikua e paa ana iaia, a hemo ae la na lima mai ke kino mai o ke koa opio, a no ia mea huli koke ae la ke koa opio i hope a ike poliuliu aku la i kona enemi e ku ae ana, nolaila  lele hou aku la oia me ka hikiwawe imua o kona enemi a pa hu pololei aku la i kana pahi pokole i ka puuwai o ka pilikua, a ia wa no i newa aku ai ia a haule aku la i ka honua he kno puanuanu. Ia wa no i hahan loa mai ai na pilikua ma ko ianei wahi e ku ana, a e hu ana ka makani o ka lakou mau laau newa ma kona mau aoao a pau. Loaa aku la i ke koa opio kekahi newa e waiho ana ilalo, paa ae la ia ma kona lima akau,a o kana pahi hoi ma kona lima hema, a me ia mau mea oia i lele hou aku ai iwaena o ke aluka @ pilikua, a @ aku la @ a maanei o lakou, a ikeia aku la ko lakou hiolo ana me he mau laau la, a o ka lakou mau laau hoi, e hahau aku ana no maluna iho no o lakou, a na lakou pilikua no lakou e luku iho.

            I ke koa opio e hoomau ana i ka luku i na enemi me ka hoomau no i ka nee ana imua, a e haawi ana hoi i ka elele a ka make maluna o kela a me keia mea e maalo ana ma kona alo, ua lohe aku la oia i ka leo o ke koena iho o na pilikua, e hooho ana me ke kuwo leo nui, e kahea ana hoi i ka inoa l@ahia o ko lakou kupunakane, a o ka lakou mea hoi i hilinai nui ai a i loaa ai ko lakou waiwai malalo o ua inoa la, a penei ka lakou kalahea ana: E Do Balado e, ka deragona kupua o na naita i ke au i hala aku la, ano, eia makou ke hakoko nei no kou pono a me ka lanakila malalo o kou inoa ihiihi, a i loaa ia na kokua ana ma ou la, e papahi auanei kakou i ka lanakila, ka hanohano, a me na pomaikai he nui. I ka makou uwalo a kuu iho e, o kou lanakila kamakou ia, Amamau—e.

            Ia lakou e hoopuka ana i ka huaole lo hope, ke mamau hele la ka pahi a ke koa opio i ka puuwai o kela a me keia pilikua e loaa aku ana i ka wini o kana pahi pepehi holoholona, a o kana laau hoi e pohapoha ana ma na iwipoo, e kakele ana hoi i kona mau lima elua me ka puahi nui, a e lele ana mao a maanei me he liona pololi la, a e niniu ana kona kino me he huila la i ka la makani, a hiki i kona hoomaopopo ana iho ua kauliilii kona mau enemi, nolaila, holo pololei aku la oia no ka waha o ke a-na kahi ano maamaama iki, aka, ike aku la ia he elua o no pilikua e puhalahiu ana, a akai aku la ka pupuhi no ka ululaau. Ku lohaloha iho la ke koa opio me ka nalu nui ana no na pilikua e ahai la ka pupuhi, a e kololio ana me he kikiao makani la, a kia pololei ana hoi no na awawa kapu o Heletela, kahi o ko lakou alii e noho ana me na manaolana no ka lanakila o kona mau naita pilikua.

            I ke koa opio e nalu nei, hooholo koke iho la ia e hahai aku mahope o na pilikua i holo aku, nolaila, holo aku la oia ma kahi e ku ana kona lio kau ae la i na pono a pau @ holo aku la ma hope o ka meheu o ka enemi. Hoomau aku la oia i ka holo ana me kona ike ole aku i na hiona o ua mau pilikua nei, pela no kona hele imi ana a hiki i ka wehewehe ana mai o kaiao, a e hanu hele ana ka lio o ke koa opio i ka meheu o na lio o kela mau pilikua e holo mahuka la. I ke koa opio i nana pono iho ai maluna o ka lepo, ike iho la oia i na meheu makemake hou e waiho ana, a ua ike pu no hoi kona lio i keia meheu, nolaila, kuupau aku la ia i ka holo o kona lio, a me he imo ana la na ka maka, haule hope ae la na lae laau a iho ana laua nei ma @ awawa kapu o ua mau kae’ae’a la.

            Ma keia wahi e hoomaopopo iho ai na hoa heluhelu eia ka kak@ koa ma ka meheu o na pilikua, oiai @ e holo ana me na pono wa@ no o ka hahai holoholona, a e paa ana hoi ma kona lima kekahi pahikaua nui, a oia pahi, na kekahi no ia o na naita pilikua i haule pio mai ma kona mau lima kakauha. Iaia e iho nei ilalo, ua kaa pono aku la keia i ka polikua o ua mau awawa nei, alawa ae la oia iluna a ike aku la iloko o ke koliuliu i ka malamalama o ka la e uiuiki mai ana ma na pali a e oni ae ana kekahi mau ohuku pali iwaho ma kela a me keia aoao o ke awawa a ke koa opio e iho nei, a ua aneane e hookui ae i kahi hookahi, a o ka hihipea a ke koa opio e naku hele nei, he wahi i kau ia ka weli e kekahi poe i lalapaia ko lakou umauma e ke ahi o ka wiwo ole, aka, aole ia mau hiona i ike ia maluna ona , oiai oia e hele malihini ana ma ia mau ala pohihihi.

            I ke koa e hele nei, ke lohe pu nei oia i na leo hanehane lapu e walaau ana a he ku i ke anoano a ilihia, a he hooweliweli maoli no, aka, aole loa e komo ke kauwahi o ka wiwo iloko ona no keia mau hana hoopahaphao. Hoomau aku la kona lio i ka ukali ana ma ka meheu o kela mau pilikua, a o ka lua huna o ua mau kupino la ka pahu hopu o na iini o ke koa opio, a ma ka nana iho a ke koa opio i kona lio, me he la ua maa wale ma ia mau wahi huna me ka paulehia pu no hoi.

            I ka hala ana o na mile eha iloko o ka hihipea, hoea aku la oia ma kekahi ponaha poepoe nui iwaena o ka ululaau a hele loa aku la keia a ma ka lihi o waho loa o ua ponaha nei @ aku la maluna o kona ili laula. O keia wahi a kona maka e nana nei, oia kahi e paikau ia ai ua mau ihukani la o ia mau awawa, na eueu lae oo o na pali pohaku paa a laumania hoi o Kakopila a o na iwikani hoi o na alanui pohaku pio he 12 o Kakelapolo, a o ka home kulaiwi hoi o ua mau naita pilikua nei mai ka po mai. Ike aku la ke koa i na alanui poepoe like ole he 25 e hoopuni ana i ua ponaha la a nona hoi ke anawaena he ekolu mile, a ma keia mau alanui e paikau ia ai na naita he elima tausani. Hele hou aku la keia me ka hoomau no o ka nana ani i keia mau hiona hoopahaohao a me na paia pali laumania e ku poai puni ana, puiwa ae la oia i ke kani ana ae o ka ihu o kona lio no hookahi manawa, a e hoike ana hei ia i kona haku ua kokoke laua i ka ka puka o ka lua huna.

            Hookokoe loa aku la keia ma na paia o ka pali e ku mai ana mamua, a e halo ana hoi na maka mao a maanei me ke ake nui e ike i na helehena a i ke kulana hoi o na enemi. Eia ke koa ma ke kulana he elima anana ke kaawale mai na paia mai o ka pali a aole loa hemau hiona o na piliua, a nolaila hoomaka ae la keia e hoohuli i kona lio, a oia no ka manawa i lele oloio mai ai na pua maluna o kona kino mai na paia mai o ua pali la, a e iho makawalu pu mai ana na pohaku maa maluna ona, aka, ua lilo ae la ia i wai auau nona, a hoohuli hou mai la oia i kona lio no ka paia pohaku, oiai ua ike mai la oia i ka hemo ana ae o ua paia pali nei, a hamama ana ka puka o ua lua huna la, a ike pu aku la oia ia elua naita e oili mai ana,ka wa ia i lele aku ai ka naita opio me kona lio mawaena o laua a hahau aku la ma ke poo o kekahi o laua me ka hikiwawe, a lele ana ke poo i kahi e; mao ae la na pakaua o na elele a ka make e hiolo makawalu mai ana maluna ona a poha mai la ka leo o ka pilikua kiai me ke okalakala i ka pane ana mai:

            Owai oe a nohea mae oe? Pane aku la kekoa opio, E ka mea e ku nei mua o kuu alo, e hoihoi i kou mau lako kaua ma ko lakou wahi, a e alakai aku ia’u imua o kou alii, a me kou mau hoa pilikua, a ilaila auanei e lohe ai oe i ka haina a ka mea e papa leo pu nei me oe. Aole loa au e ae aku ana, no ka mea, ke hea mai nei ka hanehane o ke koko o ko’u hoa i hala aku la e panai aku i kou ola no ia ala hookahi; ia wa hapai ae la ia i kana pahi a hahau akau la maluna o kekoa opio, a i ke koa opio i hapai ae ai i kana pale, hina pu iho la kona lio ilalo a paa iho la kona wawae malalo o ka lio, oiai ka hauna pahi a ka pilikua e haule iho ana ma ka poohiwi o ke koa opio.

 

KA MOOLELO KAAOO

Kahauuopaineki,

Ke keki alii o ka aupuni o Italia

Ka Olali o na Waoakua o Arabia,

Ka Natia nana i kuakaa na i ua

huna o na Powa.

 

HOLO mai la ua alii powa nei maluna o kona lio me ka eleu nui a e paa ana hoi ia i kana koikaua oi lua ma kona lima akua; i kona kokoke ana mai ma kahi a Kahanuopaineki e luku nei i kona mau enemi me ka hoopuehu liilii ana hoi ia lakou, hapai ae la ua ‘lii powa nei o Palani i kana koi a pane mai la me ka leo weliweli: E kahi pupule a me ka hehena, e emi aku i hope a e haawi pio mai hoi e na wahi keiki ai waiu imua o ka mea e ku aku nei imua ou, o kau aku auanei ka hoopai weliweli maluna ou, a e ike auanei kou uhane, na na manu e ai i kou kino me ka mainoino, a o kou mau iwi, e lawe no au i ko’u aupuni, a e puhi ia hoi i ke ahi. I keia wa a ua alii powa nie e kamailio nei, aohe hoolohe ia mai e ka opio; ua hoomau aku la no ua koa opio nei i ka luku ana i na enemi, a ia wa no i pii malie ae ai ka inaina wela iloko o ka puuwai o ke alii powa, a holo mai la ia me ka makaukau no ka lawe ana i ke ola o ke koa opio ma ka maka wini oi o kana koi. Hapai ae la ia i kana koi a uhau mai la maluna o ka opio, aka, me ka eleu nui ua opio nei i hopu mai ai i ke koi, a lilo aku la i ka naita opio, a hokahoka wale iho la no ua alii powa nei, ike iho la ia ua nele ia i ke koi kaua ole, unuhi koke ae la ia i kana pahikaua a hoomoe mai la maluna o ka opio, aka, ua pale ae la ua opio nei me ke koikaua a hala-hu aku la ia puu make; hapai hou no ua alii powa nei i kana pahikaua no ka lua o ka manawa a uhau mai la ma ka puhaka akau o ka opio, aka nae, me ka hikiwawe loa, ua hemo ae la ka ianei pahikaua, a pale ae la no keia: hoomoe hou no ke alii powa i kana pahikaua maluna o ka opio, aka, me he imo ana la na ka maka, pela no o Kahanuopaineki i uhau ai i kana pahikaua a loaa pono aku la ka pahi a ua alii powa nei, a haki pu ae la mawaenakonu. No keia nele hou ana o ua alii powa nei i kana mea e hoohana aku ai me ke koa opio, nolaila, ua ike iho la ia aohe ona wahi e pakele ai, no keia kumu, hoohuli ae la ia i kona lio me ka manao e holo a haalele hoi i kona mau tausani naita na lakou no e imi i wahi no lakou e pakele ai. Aka nae, mamua ae o kona manao ana e hooko i kana mea i upu ai, ua paa e aku la kona pu-a-i i na lima wikani hao sila o Kahanuopaineki, a lewalewa ana kona alelo iwaho. Hapai ae la o Kahanuopaineki i ke alii powa a kiekie a waiho aku la iaia i ka ih honua, aia hoi e waiho a make ana ia me ke umi ana i kona hanu i kuhihewa ia ai ua make; aka, kauoha ae la ke koa opio i kona mau ukali e lawe aku i ke pio a e hoopaa ma ka halepaahao, a e kiai makaala loa ia hoi laua me ka hoohemahema ole ia, a e lawe ae hoi i kana mau mea kaua mai kona kina ae. No keia kauoha, ua hookoia no ka manawa pokole. O na naita aku i koe ua haawi pio mai la lakou a pau imua o ka naita opio, a e waiho mokaki ana hoi ka lakou mau mea kaua i ka honua

            Kauoha ae la o Kahanuopaineki i kona mau ukali e ku laina koke i no pio a e kai aku ka huakai no ke kulanakauhale alii o ka Ui Pua Rose. I ka hiki ana aku o ka huakai i ka pa alii, ua holo mai la ua ui nei a kukuli mai la imua o kekoa opio (kana aloha) a puana ae la: E na lani e, nani kou malama maalahi ana i ke ola o ka’u mea i aloha ai. Ku ae la o Kahanuopaineki a hele aku la ma ka rumi auau no ka hoomaemae ana i kona kino, a i huli hoi ana mai, ua hele loa aku la ia e ike i ka ohana alii. A mahope iho o keia ike alii ana, ua kauoha ae la o Kahanuopaineki i kona mau hoa naita e liu@ a e makaukau i ka papaaina no ka hoopiha ana i ka lua o ka inaina; a mahope iho o ka pau ana o ko lakou paina ana, e huli hou aku ai lakou no ke kahua kaua, no ke kanu ana i na kino make o na Palani, a o na naita i loaa i na palapu, e hoihoi mai la lakou maloko o na halemai e lapaau ia ai. E hana hoi i keia mau mea me ka naau aloha, aole o ko lakou lilo ana i mau enemi a hana aku ia lakou, aka, e kanu i na enemi a hana ino aku ia lakou, aka, e kanu i na enemi meka puuwai i hoopihaia me ke aloah, pela auanei e kaulana ai ko kakou mau inoa a puni ke ao holookoa no ka kakou mau hana maikai la wa no i paiakuli ae ai ka lewa i na leo huro o ka hauoli mai kona mau naita mai, a i ke kuu ana iho o keia mau leo hauoli, ua makaukau na mea ai a hoomaka iho la lakou e paina, a oiai lakou e paina ana, aia hoi na ma@aainana o ka Ui Pua Rose ke nana mai nei e ake ana o ka ike aku i na helehelena o ka naita opio ka mea hoi nana lakou i hoopakele ae mai ke keiki alii Puliana mai, aka nae, he ole ka ike lihi ia aku, no ka mea, aia keia iloko o ka hale alii kahi i luakaha ai me kana aloha a me ka ohana alii hoi, a me ka lehulehu o na maka hanohano i konoia. I ka pau ana o ka paina ana o na kae’ae’e o na mauna hui, ua hoi hou aku la lakou i ke kahua kaua elike me ke kauoha a ko lakou haku alii opio, a iloko no hoi o ia wa i kauhaua ia aku ai ka lohe ma na kihi a pau o Arabia e hele mai no ka pa ahi, no ka hooholo ana i ka make e kau aku ana maluna o Puliana a me kona alii powa, oiai ua waiho aku ke alii opio na na makaainana e hooholo i ka mea a lakou e make

make ai; he make paha, a i ole he hookuu ‘ku paha ia laua e hoi i ko laua aina.

            Aole i hala he hapalua hora, ua lohe ia aku la na elele e kala hele ana ma na huina alanui i na makaainana e hele ae i ka pa alii elike me ka mea a ke “lii opio i makemake ai. He manawa ole, ua piha mai la ka pa alii i na makaainana me ka haawi ana i na leo hoomaikai no ke koa opio, a e mele ana hoi i na mele i hakuia e lakou no ko lakou pakele ana mai ka make mai a na enemi. Ia wa no i oili mai ai ka makuakane o ka Ui Pua Rose a kuka leo nui mai la: Imua o oukou e o’u mau makaainana aloha o Arabia nei, ke kona aku nei au i ko oukou hanohano, e hoi aku oukou ma kahi i hookaawaleia no ka hana ano nui a ke alii opio i kauoha aku ai ia oukou e hele mai, a malaila auanei oukou e ike ai i ko kakou hoola. Ua haawiia kekahi rumi nui o ka hale alii i wahi no na makaainana e hooluolu ai a hiki mai ka manawa. I ka hiki ana mai o ka manawa, ua piha ae la ka rumi hookipa i ka ohana alii a me na makaainana, a o ka wa no ia i oili mai ai o Kahanuopaineki me kana aloha, a ia wa koke no i mele ia mai ai ke mele lahui o Arabia, na mea kani o kela a me keia ano e uhene ana, a oiai hoi na leo o keia mau mea kani e hoalii ana iloko o ka rumi hookipa, ua ku mai la ke anaina iluna me ka haawi ana mai i na hoomaikai palena ole imua o na alii opio; a i ke kuu ana iho o keia mau leo hoomaikai, ua noho iho la ke anaina me ka malie, a e kali ana hoi o ka puai mai o na hualelo waimeli mai na lehelehe ula lelo mai o ka opio. I ka meha ana iho o keia mau leo a me na hamumu, ua kie ia aku la ua opio nei i ke ku ana ae a haawi mai la i kona mau hoomaikai ana imua o ke anaina, a haiolelo mai la: Imua o oukou e na alii hanau o ka aina, na maka hanohano i hiki mai, a me na makaainana aloha o ka Moi, aole a’u mea nui e hai aku ai imua o oukou, aka, he hookahi wale iho no, a oia hoi keia: Ma ka hooili kaua mawaena o makou a me na enemi, ua lilo mai ma ko makou aoao ka lanakila hanohano o ke kahua kaua, a no ka hopena o kekaua ana, ua lawe pio mai au i ke keiki alii Puliana, a me kona alii powa. A no laua hoi ke kumu nana i kono mai ia’u e kauoha aku ia oukou e akoakoa mai maloko o ka hale alii nei, no ka hoopai e hookau aku ai maluna o laua; a ke waiho aku nei au na oukou e hooholo i ka hoopai a oukou i ike ai he pono; e li paha ma ka amana, a i ole e hoola paha. Ia wa no i puai mai ai na leo o na makaainana: E li ia oia e pono ai @ Ia wa i ku mai ai ka makuakane o ka kakou eu a ninau mai la: Ina o ka poe i hooholo i ko lakou ae he make ka hoopai e kau aku ai maluna o na pio, e ku mai lakou iluna; ia wa ua ku mai la ke anaina holookoa iluna. A i ko lakou noho ana iho, ua ninau hou aku la ua olo mana nei no ka poe ma ka aoao e hookuu ana i na pio, a ua ku mai la kekahi wahi luahine a kamailio mai la imua o ke ahi opio: Ano, e kuu Moi opio aloha, ke noi aku nei au imua o kou ihi kapu, e hookuu aku i ke keiki alii Puliana a me kona alii powa me ka laelae, a he mea hoi ia e waia ole ai kou inoa a me ka inoa o kou aupuni, a e kaulana auanei kou inoa a kau aku i kau mamo he alii puuwai aloha. Ke ike nei no hoi au, ma ko’u ano he kilo nui no ke alo ali nei, a i kou wa auanei e hooko ai i kou inaina maluna o laua ma ka lawe ana i ko laua ola, e ala mai auanei ke koko o kou makuakane o Puluka a uhau mai i ka make mainoino maluna ou, a oia auanei kou wa e ike iho ai, o ka mea au e hookau aku ai i ka make, he pokii oinio loa ia nou.

            Ia wa no i huli ae ai ke kama @ hine ka Ui Pua Rose a kamailio aku la imua o kana kane: Ano e kuu aloha, he aikane no hoi kau i ike i na mea huna e hiki mai ana, a nolaila ke haawi nei au nana e hooko a e kaana hoi i ka mea a kona lunaikehala e koho ai he pono, a malia o kana paha ka oiaio, a o ka keia kilo paha. Ku mai la kahi aikane a Kahanuopaineki a pane mai la: Mamuli o ka hanohano i hooiliia mai maluna o’u, no ka hooholo ana i hoopai e kau aku ai maluna o na pio, a ke hai aku nei au i ka mea pokole: He elua pule mai keia la aku, e li ia o Puliana a me knoa alii powa maluna o ka amana, i mea e loliahili ole ai na hana. No keia mea, ke hoopokole nei au i kau kamailio ana, a na ke au o ka manawa e hoike mai i na wanana a ke kilo akulana o maua. I ka lohe ana o kahi luahine kilo i ka hoopai e kau aku ana maluna o Puliana a me ke alii powa, na mea hoi i komo iloko o kona koko ponoi mai kona mau kupuna mai, ua uwe kapalili ae la oia a holo mai la a puili ae la i na wawae o ke koa opio, a pane mai la: E ke alii, ke noi hou aku nei au i kou hanohano, e hookuu aku i kona ola, no ka mea aohe ou mea e pio ai, a elike hoi me ka’u mau hoikeike ana iho nei no kou pili i ua keiki la, a he pokii oiaio loa hoi nou. Oiai o ka makuahine o kela keiki, he kaikuahine ponoi loa ia no kou makuakane, a pehea la oe e manao nei e hookau aku i ka hoopai maluna o kou pokii? I ka kuu ana iho o keia mau olelo a ka luahine kilokilo, ua ku ae la ke alii opio a pane mai la: Ke manao nei au ma keia, e kali au i ka hoopai o keiki alii Puliana, malia he oiaio na wanana a ka luahine.

            Ku hou mai la kahi aikane a Kahanuopaineki a pane mai la: Auhea oe e kuu aikane aloha, ke hai aku nei au ia oe, aole o oe e kuu haku opio ka pili ponoi o Puliana elike me ka wanana apuhi wale a ka luahine kilokilo e hoike nei imua o kou hanohano; o ka oiaio a’u e hai aku ai, o ua luahine kilokilo la ka mea i pili ponoi loa aku i ke keiki alii Puliana, a ke makemake nei oia e ola ua keiki la, i mea nana e hoonaueue mau ka noho maikai ana o ka Moi a me na makaainana. Nolaila, ma k@ olua haawi ana mai i ka hanohano o ka hooko ana i ka hoopai o na pio maluna o’u, ke hai aku nei au, e make laua maluna o ka amana li kanaka o Arabia nei mahope iho o ka hala ana o na pule elua mai keia la aku, a mai hoolohe hoi i na olelo apuhi a kela kilokilo. Ia wa ku koke ae la ka luahine a pane mai la ma ka leo o ka inaina: E kahi keiki pupuka, ka mamo hoi a ka poe e hoomana ana i na manu o ka lewa, aole anei oe i ike owau ke kilo kaulana a puni ke ao, a o ka’u mau kamailio ana a pau he ko wale no. Nolaila e kau aku ana au i ka hoopai weliweli maluna ou, a ina he nui kou mana a me ka ikaika, a i uuku hoi, e hoolilo no au ia oe i amu kina holoholona o na ano like ole, a e hoi auanei oe me lakou e noho pu ai

            I ka lohe ana o kahi aikane a Kahaunopaineki i keia mau olelo a kahi luahine kilokilo o na mauna o Alerata, ua pane koke mai la oia: Aole au e ike, aka, o oe no ke ike ana i ka hopena awahia o ka make e kau aku ana maluna o kau mea e pai nei. O ko’u manao paa, e hooko ia ka make maluna o na pio. A mahope iho o keia ua hookuuia aku la ke anaina e hoi i ko lakou mau home iho, aka ua paa ko lakou manao e li ia o Puliana a me kona alihikaua, a ke kali nei hoi lakou o ka hoea mai o ua la nei.

            Mahope iho o ka hookuu ana o ke anaina, ua haalele iho la o Kahanuopaineki i kana aloha a me ka ohana alii iloko o ka rumi hookipa, a puka aku la ia e hui pu me kona mau naita,a i kona hoea ana aku imua o lakou, ua haawi mai la lakou i na hoomaikai imua o ko lakou haku alii opio, a ua ninau aku ia i ka mea ana i kauoha ai e hele ina paha ua hooko ponoai ao’e paha; aka, ua pane like mai lakou: O na kauoha a pau a ko makou haku alii opia, ua hooko ponia.