Ka Nupepa Kuokoa, Volume XXIV, Number 9, 28 February 1885 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXIV, HELU 9.

 

Honolulu, Po’ano, Feberuari 28, 1885

 

NA HELU A PAU, 2013.

 

NA HOOLAHA KUMAU

 

JP. Hanaaumoe

He loio a he kokua ma ke kanawai ma na aha hoomalu a apana o keia aupuni.

E loaa no au ma Puna, Hawaii.

 

EG Waller (Wala)

Mea kaai io bipi ma Alanui Puowaina, ma ka hale kapaia "Kawaiahao Market," malaila e @a ai na io bipi momona, a e hoolawa ia a ka makemake o na makamaka. 2006-1y.

 

Chas H Pulaa

@koloa a he kokua ma ke kanawai

A e loaa no au ma Honomakau, Kohala Akau, Hawaii. 2001-tf.

 

John Mahiai Kaneakua

Loio a he kokua ma ke kanawai ma na aha hookolokolo a pau o keia aupuni.

Koena hana me Hon. E. Preston (lolo Pelekane ma Alanui Kaahumanu, Honolulu.

 

Cecil Brown

Loio a he kokua ma ke kanawai.

Ahe agena hoolaio palapala no ka mokupuni o Oahu.

Keena hana: Helu 8 alanui Kaahumanu-tf.

 

Richard F. Bickerton.

Pekekona

Loio a he kokua ma ke kanawai.

Keena hana: Helu 27 alanui Kalepa, tf.

 

C Brewer & Co

Burua ma

Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuau mai i ko iakou mau ILI me makou, a e haawi no makou i ke KUMUKUAI KIEKIE LOA o ko kakou Makeke. tf.

 

Wa Kini

Loio, loio, loio.

Keena Hana: Helu 15 Alanui Kaahumanu, Honolulu. tf.

 

Wo Smith

Loio, loio, loio.

Keena Hana: Helu 36 alanui Kalepa. tf.

 

Wr Kakela

Loio a he kokua ma ke kanawai.

He luna hoolaio palapala. tf.

 

A Rosa

Akoni

Loio a he kokua ma ke kanawai.

He luna Hooiaio palapala.

Keena Hana: Ma ke Keena loio kuhina. tf.

 

S B Dole.

Loio, loio, loio.

He luna hoolaio palapala.

Keena Hana: Ma alanui kaahumanu.

 

James M. Monsarrat

Maunakea

Loio a he kokua ma ke kanawai.

He luna hooiaio palapala kuau, palapala hoolimalima, a me na palapala pili kanawai e ae ma ka olelo Hawaii.  Dala no ka hoaie ma ka moraki ma na waiwai paa.

Keena Hana: alanui Kalepa. tf.

 

GL Fitch, Kauka Pika

Ua wehe ae nei au he keena lapaau ma alanui maunakea, Honoulu, Helu 70, a e loaa no au ma ke kaena ma ka hora 9 a ka hora 19 o ke kakahiaka o kela a me keia la, hora 3:30 a i ka hora 7:30 ahiahi.  20007-y.

 

W.C. Akana

Kalauki

He mahele a unuhi-olelo ma ka olelo ma ka olelo pake ma ka olelo Hawaii.  Ua makaukau no hoi e hana i na palapala kuai a hoolimalima a pela aku mawaena o na pake a me na kanaka Hawaii.  E loaa no au ma ke Keona Helu 7, Alanui Moi, ma kahi a kokoke ana i ka @meapo o Haaliliamanu. 2010-1y.

 

Wilder & Co

Waila Ma

Mea kuai papa a me na lako kukulu hale o na ano a pau, a me na me na pono a pau no ka hale.

Kihi Alanui Moiwahine me Papu. tf.

 

William Auld

Luna Hoolalo palapala kepa paahana no ka Apana o Kona.

Keena Hana: Ma ke keena Wai o Honolulu. tf.

 

SH. Meekapu.

Tela humuhumu lole.

Hale Hana: Helu 11 aianui nuuanu.

 

Jno. M. Kealoha

Luna hoolaie palapala kepa paahana no ko apana o kawaihau, Kawai. He agena no ka hooialo ana i na palapala no ka apana o kauaipau, Kauai. he komoloina palena aina no ka apana o kawaihau, Kauai, a he luna hooko mare no ka pae aina holookoo. 1168-1yr.

 

HE MOOLELO KAAU NO

 

Ka Mahina Malamalama

 

Ke Keiki Alii o ka welau anu o keaupuni o Hinedu, ka Hiapaiole o na waoakua kanaka ole o Puricalia, a o ka naita hoi nana i ulupa na lua huna o na powa.

 

(Kakauia no ke KUOKOA.)

 

I ka pilikua e hoomoe nei i kana hau`na pahi maluna o ke koa opio oiai oia ma ke kulana kupilikii, ua puiwa koke ae la ua naita pilikua nei i ka nakeke ana mai o na mea kaua mailo ko mai o ke ana, a na ia mea i hookaua iki iho i ka haule koikoi ana iho o kana pahikaua nui maluna o ka naita opio oiwi nani e paa ae ana i kana pahi no ke pale ana ae i kona ola, a oiai kona maka e nana ana ma kahi o ka nakeke ana i lohi aku ai, ua eu koke ae la ke koa opio me ka nehe a me ka eleu nui a ku aku la ma kahi e, a na ke kapalulu o ka lio o ka naita opio i hoohahu hou mai i ka pilikua a nana iho la kana pio, aole ma kona kulana mua, aka, aia oia ma ke kulana hou a me kona lio, a e ku mai ana oia me ka maakaukau no na wa a pau.

 

O ka nakeke o na mea kaua a ka pilikua i lohe ai, no kekahi mau hoa naita pilikua no ona he umi, oiai ua lohe aku la lakou i ke pohapoha o na medala kila i ka wa a ke koa opio i kaili ae ai i ke ola o ka lua o na kiai puka, a ike pu iho la lakou i ke kino make e waiho ana.  Na wai i hana i keia karaima maluna o kekahi o ko kakou naita, wahi a ke alakai o ua poe nei i ke kiai puka.  Hai aku la ke kiai puka, me ke kuhikuhi ana ae i ke koa opio e ku ana me kona @aahu @hahai holoholona.

 

Ia wa no i hulili ae ai na maka o ua alakai nei a huli ino ae la me ka nana hoomakue ana aku maluna o ka kakou eueu a pane mai la: E ka lapuwale! ina ke kanaka oe e ku mai nei i loaa na hoohanohano ana o ka inoa naita ia oe, a he mana kupua paha kou i hiki ke pale ae i ka makou mau makakila, alaila, eia ka wa nou e pale ai me ke kali ole.  Ia wa no i kena koke ae ai ua alakai nei i kona mau naita e lele aku maluna o ke koa opio a lawe koke ae i kona ola; me ka upuupu ole iho, holo like aku la lakou ma kahi a ka naita opio e ku ana, a e iho makawalu ana mao a maanei ona, aka, e ike mau ia ana oia e lele ana i o a ianei i ka wa o kela a me keia hauna pahi e hahauia aku ana, a e lele ana hoi imua me ka haawi ana i ka make maluna o kela a me keia o lakou e hookokoke aku ana iaia, a ua like oia me ka uwila ka hikiwawe, oiai he ani wale no kana pahi, a na ka puupuu ka make; he ani wale ana no hoi ka kona lima, na ka peku ka make; a ina hoi na ka wawae ka hoana, na ka huini auanei o kana makakila e kaili ae i ke ola o lakou, a iaia hoi ke kohu o keia wahi olelo, “He wili`na na ka pahi, lele liilii ke poo, he iho`na na ka puupuu, puu ka ihu, a he pii`na hoi na ka peku, kapakahi ka papa auwae.”

 

Iloko o ka wa pokole loa a ka naita e ulupa nei i na pilikua, ua pau loa iho lakou i ka make, oiai, ua hao aku la ua eueu la i na mea make, hele ka wai hele ka ala.  Ku iho la ka opio naita ma kahi o na heana e waiho kau a kau ana a pane iho la: Aole au i moeuhane mua a lawe ae i na mea kaua a hookane aku i ko oukou mau koko, aka, no ko oukou kue ino ana mai ia`u, nolaila, ua hoopokoleia ko oukou ola.  Kau ae la oia ma kona lio a komo aku la ma ka puka o ke ana huna e hamama ana.

 

Hele aku la laua a hala ka mile hookahi, aole he mau helehelena kanaka i ike ia, aka, ke komo loa aku la laua nei i ka loa aku a me ka laula o ua lua huna nei, a ke nalo aku la ka malamalama o ka la mai ko laua alahele aku, a ia wa i hookuu aku ai ke koa opio na kona lio ke alakai ana a hahai aku la oia mahope.  He hapalua hora paha keia hele ana, kaa ae la ke koa opio mamua o kona lio a hoomau aku la no i ka hele ana, a he pouli panopano hoi keia wahi.  Hiki aku la oia ma kekahi wahi, a hoomaopopo iho la no keia he pali ia, hapapa aku la kona mau lima a loaa aku la ke kae o ka pali, a kulou iho oia @ilalo e hoolono ana.

 

 

Iaia e hoolono ana, lohe aku ia oia i ke kupinai mai o na leo hanehane o ka poe i pau i ka lukuia ma ia pali, a o kekahi keia o na wahi huna maloko o ia lua huna, a malaila e lukuia ai na naita i hoao mua e lawe pio ia wahi.

 

Kau hou ae la keia maluna o kona lio a hookuu hou aku la na ka lio ke alakai ana; huli ae la ua lio nei ma ka aoao akau o ua pali nei a hele aku la.  Pela no kona hoomau ana i ka hele a hala hope mai la ua pali make nei, ia wa no i ike aku ai ke koa opio i kekahi wahi malamalama e uiuiki mai ana ma kahi mamao mai ia laua aku, nolaila, lele hou iho la oia ilalo a kai aku la i kona lio; hoomau aku la no laua i ka naku hele iloko o ka aaki o ka pouli a hiki i ke kokoke loa ana ma kahi o ka malamalama a ke koa opio i ike ai, nolaila, hoomaopopo iho la ke koa opio ke lihi launa aku nei laua i kahi o na pilikua, ia wa i unuhi ae ai oia i kana pahi a hoomau hou aku la i ka hele ana.

 

I keia wa i hoopuiwa koke ia ae ai ke koa opio i kekahi leo nui kalakala i ka pae ana mai mamua pono o kona alo, a pane mai la iaia: He keu oe a ke koa a me ka wiwo ole i komo mai i ko makou home; aole he mea hookah nana i komo a hehi ku i ko makou mau paia kapu nei mai ka wa mai i ko makou kupunakane kuakahi a hiki mai ia makou kane poe mamo, a o oe wale no ka mea i mahaoi mai nei i ke komo iloko nei.  A no kou komo kino ana mai nei, nolaila, e hoi uhane aku no oe i kou home, a waiho iho i kou kino i lepo no keia lua huna.  Anehe mai la na pilikua e lele mai maluna o ka naita opio, aka, ua poha e aku la kona leo iaia i pane aku ai: E like me ka awahia o na olelo i puka mai nei, pela auanei e kau aku ai ia mau olelo maluna o oukou a me ko oukou alii, a maluna auanei o na tausani nunui ka mulea awahia o ka make, no ka mea, ke pae mai nei ka leo o ke koko o ko oukou @mau @ma @a @waiho @la @ma @ka @ o ko oukou home nei, e akahele o ukali pu aku ma ia ala hookahi.

 

Lilo ae la keia mau huaolelo a ke koa opio i mea nana e hoopiena loa i ka manao o na pilikua, a ia wa i wawalo like ae ai ko lakou mau leo ahiu a paiakuli ae la hoi na paia o ko lakou home; holo mai la lakou me ka puapuahulu nui, e hoouna ana i na elele a ka make maluna o ka kakou eueu, aka, ua palamimo aku la no ke koa imua a hahau aku la ma ke poo o ke alakai o ua poe nunui la a haule a make aku la.

 

He wa hahana loa keia o ka hoouka kaua mawaena o lakou oiai aia ka naita opio ke ulupa nei i na pilikua a e poha ana na medala kila, e paapaaina ana na hauna pahi, a e wawalo ana na leo, a na ke kani oeoe o ia mau mea i hoouna loa aku i ka lohe ma na pahukani o ko lakou alii, oiai hoi na hauna pahi a ke koa opio e haule ana maluna o na enemi me ka hala ole, e haule ana kela me keia o lakou he luahi na ka make malalo o na kapuai o ke koa opio.  He hapalua hora paha ka loihi o keia hakaka ana, aole hookahi o na enemi pilikua i ike ia aku e ku mai ana imua o ke alo o ka kakou eueu, a ku iho la ia iwaena o na kino heana i make, me kona kapa i hele a paumaele i ke koko o na enemi; pii ae la ka hohono maea o ko lakou koko i hookaheia me ka mainoino e ka naita puuwai ahi, a paoa ae la na paia kapu o ko lakou home huna a na ka maea hoi i kono aku i ke koena o na nunui e noho ana ma ko lakou mau wahi e hele mai e ike kumaka i ka eueu o Inia, a emoole lohe aku la ke koa puuwai wiwo ole i ka haukawewe o na mea kaua ma kahi kokoke loa iaia, a oiai oia e nana pono ana ike aku la ia he mai mea kino e ku mai ana, a me ka pane leo ole, huli hou aku la laua a holo aku la me ka mama.  O keia mau mea i hele mai ai, he mau elele laua i hoounaia mai e ko lakou alii.

 

Me ka leo haalulu laua i pane aku ai no na hiona weliweli a laua ike ai i ka Moi, E ko makou haku, wahi a laua, aole o Kolopapela me kona mau naita.  Aia ma ka Puka o ka Weli ko lakou mau kino kahi i ahu mokaki ai, a e halana ana ko lakou mau koko ma na wawae o kekahi opiopio i hele a haukae kona kapa i ke koko.  O! he weliweli ko lakou mau hiona i hanaia.

 

Ia wa no i pane koke mai ai ua ahii nei oia o Do Palado i ua mau elele nei e kii aku i eha tausani o na naita pilikua e noho ana ma na pali laumania a me na palikui o ua lua huna la a e makaukau mai i ka Manawa pokole loa, a he imo ana na ka maka, nalo aku la laua i ka naele polikua o ko lakou home, a e wawalo ana hoi @ leo kalahea ma na poopoo o ua mau @inukani nei i luakaha ai.  (Maanei e @ hoa kaunu o keia nanea, ua hoike @ana ka mea kakau he 58 ka nui o na pilikaa ma kekahi o na helu i hala, oia ka nui o na pilikua i ka @wa i hakaka ai, @aole aku ka nui iloko o na lua huna a @pe na awawa.

 

E haalele aku kakou i na elele a ke alii Do Palado e kii ana i ka nui manu a e hoi ae kakou a nana aku i ka olali o Inia.  Oiai na elele i huli aku ai a ku imua o ke alii, ua hahai aku la ke koa opio mahope o ko laua meheu me kona lio mahope e hahai ana, a no ko laua pakela mama loa, no laila, aole oia i lihi launa aku.  Nolaila, hele aku la keia a hiki ma kekahi puka e kiaiia ana e kekahi o na ihukani.  Iaia e hookokoke aku ana ma kahi o ka puka, o ka wa no ia i holo mai ai ua kiai nei a kukuli iho la mamua o ka naita opio a pane mai la me ka haalulu, E ka mea i hookau mai i ka weli maluna o`u, ka oi lua ole o ka ikaika nana i ulupa o Kolopapela me kona mau koa, ano, eia au he pio na ka ui hopo ole e ku nei imua o`u, a he pio hoi na ka make a me ke ola, a i pane mai oe iluna ke alo, e hooko koke no au, a ina hoi e loaa mai ke kala ia e hou ihiihi e ola au, alaila e lilo no au i kauwa nau a mau.

 

E ku ae, wahi a ka naita opio, e kai aku ia`u imua o kou alii, ua loaa ke kala ia nou e ola.  Ku ae la ke kiai a kai aku la i ke koa opio ma ke ala e hiki aku ai i kahi o ke alii e noho ana, a ua kapae ae ia ke kiai puka i ke kanawai paa i kau ia maluna o lakou.

 

He mau minute @loihi ko laua hele ana ma na ala kikeekeeia hiki i ke kokoke ana ma kahi o ke alii i noho ai, a hookuu aku la ke kiai i ka naita opio e hele mamua, a ma kekahi hookee`na o ke ala a laua e hele nei, huli ae la ke koa opio i kona lohe ana aku i kekahi leo nui i ka pane ana mai, E ku iho, e ka mea auwana wale, ka hookano nui, he enemi ino oe no`u e moe ole ai kuu maka, aole keia he wahi nou e ola ai, e kali malaila o kou hopena a loaa aku ina paha no ka make a no ke ola.  Ia oe hoi e ke kiai manao palaho wale, o kou ola ka makamua a ka oi o kuu makakila e kaihi ae ai, a e ukali aku ma kou meheu ke ola o kou naita e ku mai nei imua o`u a i lanakila kou naita maluna o`u a me kuu mau tausani niuhi pololi e noho mai nei, alaila, o ko olua ola no ia, aka, he uila ke ola no olua.

 

Pii paumi ae la ka ikaika o kona inaina a hakukoi aw la na koina a kona mau manao leleiona e hookau koke aku i ka make maluna o laua, nolaila, hopuae la ia i kana pahikaua nui a owiliwili ae la i ka lewa, a na ka hu o ka makani o ua pahi la i hoopuehu liilii ae i na mea a pau e kokoke mai ana; pane ae la oia, ko wai poo la o olua e lele mua ana i ka`u hauna pahi.  Nee mai la ua Do Palado nei imua o ke koa opio ma ke kulana he elua anana ke kaawale, a ia wa no i hoomoe mai ai oia i kana pahi maluna o ka opio me ka ikaika, aka, e waiho ae ana o Ka Mahina Malamalama i kana pale i maa o Wehekapili`na, a haki pu ae la ka oi o ka pahi a ua alii nei, ia wa i nee hou mai ai ua alii nei a hui hou ae la laua iloko o ka hahana o na mea kaua, e puko ana na huna ahi o ka laua mau mea kaua, a e hoike ana hoi ia laua he mau keikikane maopopo i loko o ke okooko o na makakila, a ua lehia maoli no laua ma ka nana aku.  Eia ke koa opio ke alo nei, ke pale nei, a ke hoopa lihi wale aku nei no i ke kino o ke alii pilikua me ka huini o kana pahi, a na ia mau kikoni hana mao ole a ke koa eueu i hooi loa ae i ka wela o ua alii nei, oiai kekahi kiai e kilohi ana i na pale me na hauna akamai a ka naita opio.

 

Ike maoli iho la no ke alii i kona hoohokaia ma na hauna pahi a pau ana e hahau aku ai, nolaila hooholo iho la ia i hookahi ana hauna pahi i koe a i like pu me mamua, alaila, e kii koke ia i kana kou kaua, a malia o pahua iho ke akamai o ka opio, nolaila, hapai ae la ia i kana pahi a kiekie, a hoomoe iho la maluna o ka naita opio me ka lana o kona manao o ka panina hope loa ia o ka make maluna o ke koa opio puuwai hopo ole, aka, ua kihihewa loa ia mau manao ana, oiai ua alu iho la keia ilalo a pupuu hoolei loa, noho ana ma ke kua o kana pahi a ia waiho `na no, lele ana ke poo i kahi e.

 

 

 

KA MOOLELO KAAO O

Kahanuopaineki

 

Ke Keiki Alii o ke aupuni o Italia .

Ka Olali o na Waoakua o Arabia, Na Naita nana i kuekaa na lua huna o na Powa.

 

I ka hiki ana mai o ka la e li ia ai o ke keiki alii Puliana a me kona alii powa, ua akoakoa mai la he anaina nui o na makaainana makaikai, na keo nimana hanohano, na Moi a me na alii hanau o ka aina, ma kahi i hoomakaukauia ai o ka amana li kanaka.  I ka hiki ana ae i ka hora 10 o ua la nei, ka manawa hoi i kukalaia`i no la li ana i na pio, ua puka mai la ka emepera o Arabia me ka Moiwahine a me ka Moi o na mauna hui me ka Ui Lalinia o Sepania, maluna o ko lakou kaa alii i @kinohinohiia me na mea hoonani o kela a me keia ano, e ukali ia ana hoi e na puali kaua lio he elima haneri, a mahope mai ke kaa o na keiki alii a me ka Barona.  I ka nana aku i ka anaina , hewa i ka wai o ua mea o ka nani a me ka nui o ka poe i akoakoa mai ma ua la nei.  No ka mea, ua huliamahi na kanaka o Arabia mai kela a keia pea o ka aina, a ua ala mai na elemakule a me na luahine e ake ana o ka ike maka aku i ka li ia ana o ke keiki alii o Palani.  I ka hiki pono ana ae i ka hora 12, ike ia aku la ke kaa o na alii opio he uki ia ana e na paa lio he 12, e ukali ia ana hoi e kona mau ukali ponoi a me na puali kaua lio o kona aupuni hui.  I ka hiki ana aku o ua mau alii opio nei ma ko laua wahi i hooomakaukauia ua ku like mai la na alii a me na makaainana a haawi mai la i na hoomaikai palena ole me ka panai pu ana mai me na leo huro no ko lakou mau haku alii opio, a lele iho la laua a hele aku la a noho ma ko laua wahi i hookaawaleia`i me ka hoopuni ia e kona mau ukali, a e ku makaukau ana hoi lakou i na manawa a pau no ka malama ana i ke ola o ko lakou mau Moi opio @no na poino e hoea mai ana.

 

He hapaha hora ko laua noho ana iho, ua ku mai la kahi aikane a Kahanuopaineki, ka Ilamuku nui o ka la, a pii ae la ia a ku ma kekahi anuu, kahi hoi i hookaawaleia nona, a me ka olu waipahe a me na nanaina hoohie, wehe ae la oia i kekahi owili pepa a heluhelu mai la oia i keia mau huaolelo:

 

“Imua oukou e na alii a me na maka hanohano, na tausani o na makainana o Arabia nei, mai ke nui a ka liilii, a mai na elemakule a me na luahine, ka poe hoi i akoakoa mai ma keia kahua ma keia la.  He la nui keia, a he la hoi e hauoli ai no kakou no ka haule pio ana o ko kakou enemi malalo o ko kakou mau kapuai, ka mea hoi i hoopiha i kona naau i ka haakei a me ka hookiekie, a puana ae la oia me na huaolelo o ka awahua, e hoolilo i ko kakou aupuni i puulehu na kona inaina; aka, i keia hora, he pio oia a me kona mau tausani naita na ke aupuni o Arabia nei.  A i keia la, e ike auanei na mea a pau aia o Puliana a me kona alii powa, kona puuhonua hoi ana i manao ai e palekana ana oia, aka, ua ko ole kana mau kamailio ana pela; a nolaila, ke kauoha aku nei au i ka mea nana e li, ano ka manawa no kana apana hana, - Me ka mahalo.

 

Hoi aku la ia a noho iho la, a ke kakali aku nei hoi o ka hookoia o kana mau kauoha, a pela pu no hoi me ka lehulehu hoolookoa.  Ikeia aku la he puali naita nui e kai mai ana mai ka halepaahao mai, a e kai pu mai ana hoi me na pio iwaenakonu o na puali naita.  I ka hiki ana mai o ua mau pio nei i kahi i hoomakaukauia no laua, ua noho iho la laua ilalo, a o ka wa no hoi ia i ku mai ai ka Ilamuku nui o ka la a pane mai la imua o na pio, ma ke ano e noi aku ia laua e kamailio aku imua o ke anaina ina manao ko laua, oiai ko laua manawa e ola ana.  Ia wa ua pane mai la`ke keiki Puliana: Aole o`u manao e hai aku ai i ka lehulehu, aka, o ka mihi wale aku no ka hoopai e kau mau ana maluna o`u a me kuu alii powa.  Ua konoia aku no hoi ke alii powa e hoike mai i kona manao imua o ke anaina ina he manao kona, a ua ae mai la oia.  Me na waimaka e hiolo makawalu ana ma kona mau papalina, ku ae la oia, a me ka oluolu oia i pane mai ai: E na alii o ke aupuni o Arabia nei, ka poe hanohano a pau, a me na makaainana aloha o ka aina, a -- maluna o ke alii opio ko`u aloha palena ole, ka pale umauma hoi e kau ia ai ka weli o Europa holookoa a hala loa aku ma na pea mawaho o ka honua.  Aole au i manao e hele mai e kue i kuu alii a me kuu haku, oia hoi kona makuakane, ka mea hoi e noho Moi ana no na mauna hui o Arabia nei, aole hoi e hiki he koi na na poo o ko`u aupuni i noho aku ai: a nolaila, o keia ka wa e molia ia ai ko maua mau ola no ka hewa a ko maua mau lima i hana ai, a o ka uku hoi o ka mea hookiekie i manao ai e lawe pakaha i ke ola makamae o ke alii opio o Arabia nei, a oia mau manao palaualelo ana o maua, ua ili mai no ia haawina maluna o maua, a hookahi ka hoi mea aloha o ka wahine a me ke kaikamahine, ke lohe aku laua ua make kona papa, a e hooneleia ana hoi oia i ka papa ole.  A ina he aloha ko ke alii opio i keia mau iwi, a e lawe aku no hoi i wahi kanaka nona, alaila ke hoohiki paa aku nei au, aole e lalau ko`u mau lima i ka`u pahikaua a haliu kue aku i ko`u haku, a o kana mau kauoha a pau oia ka`u e hooko ai i na manawa a pau, a aia no hoi au malolo o kona mau kapuai i na wa a pau; a o ka palena hope keia o ko`u manao, a li aku ia`u elike me ka makemake o kuu haku opio, --Aloha oukou.  Ua noho iho la oia ilalo me ka palulu ana ae i kona mau maka oiai na waimaka e hiolo ana ma kona mau papalina.

 

I ka lohe ana o ke alii opio Kahanuopaineki i keia mau olelo a ke alii powa o na kakai mauna o Palani, aia hoi ua hoopihaia kona puuwai me ke aloha nona, no kana mau huaolelo hoalohaloha, a iloko no hoi o ia wa i hiolo makawalu mai ai na waimaka mai ko ke alii opio mau maka mai, e hoopulu ana hoi i kona mau lihilihi uliuli a hee loa iho ma kona mau papalina ula ohelohelo, a nolaila, ua komo mai na manao aloha iloko ona no ua alii powa la, a pane aku la oia i kana aikane, ka Ilamuku nui hoi o ka la: E hookuu aku i ke alii powa me ka laelae me ka manao ole ai he hoopai nou aku maluna ona, a e hookuu pu aku hoi me kona mau tausani naita i koe mai ke kahua kaua mai, a e hoi oia i kona aupuni me ke keakea ole ia.  I ka lohe ana o ke alii powa i keia mau olelo a ke alii opio aia hoi, ua nalohia aku la na haawae o ke kaumaha e hoalii ana maluna ona, a ua hoi iho la ka manao a iliwai like, a puapuai mai la na manao hauoli a me ka mahalo no ke alii opio, a mahope aku e ike ai kakou e na makamaka heluhelu i ka pili paa o keia alii powa me Kahanuopaineki, a me ka lilo ana o ua alii powa nei i hope nona ma ke kalaunu, a hooponopono aupuni hoi o Palani ma keia mua aku.

 

O ke keiki alii Puliana hoi, ua lawe ia mai la oia a malalo o ka amana li kanaka, a malaila oia kahi i hoouhiia ai i na pono li kanaka.  I ka makaukaua pono ana o keia mau mea, ua hoopaaia aku la ke kaula li ma ka puai o ua keiki alii Puliana nei, a kena ia aku la ke kahunapule e pule, a i ka amama ana, ua ku mai la ke anaina himeni a mele mai la i kekahi himeni i ku i ke aloha; a i ke kuu ana iho o keia mau leo mele, o ka wa no ia i huki ia ae ai o na kaula a lewalewa ana ua keiki alii nei, a he hapalua hora ke kau ana ua hookuuia mai la ke kino ilalo.  Ua hoolewaia kona kino kupapau i ka ilina me ka hanohano nui mamuli o ka hele kino ana o na puali naita a pau no ka hoolewa, a o na Moi a me alii opio hoi kekahi i komo pu ma keia huakai hoolewa, a i ka nalo ana aku o ke kino o ke keiki alii Puliana, ua huli hoi aku la ka huakai alii no ka hale alii, a o na pio hoi, na naita hoi o ke keiki alii Puliana, ua hoopaahaoia lakou no na makahiki loihi.

 

Ia oukou e o`u mau hoa puni moolelo e noho ana mai ka la hiki a ka la kau, ua pau ko kakou hoomanao ana no ke keiki alii Puliana, a e huli ae kakou a kamailio hoi no ka hoomakaukau mare o naalii opio.

 

I ka hiki ana aku o ka huakai alii i ka hale alii, ua hoonaneaia lakou e na mea kani a hiki i ka wale i ka manawa no ka hoopiha ana i ka lua o ka inaina a i pau ana o ka paina, ua huli hoi aku lakou no ka rumi hookipa.  I ka akoakoa ana mai o na alii a pau, ua ku mai la ka Moi a pane mai la: Ia oukou e na alii a me na kaukau alii, aohe mea e a kakou e nana aku ai ma keia mua aku, no ka mea, ua haule pahu aku la ko kakou enemi malalo o ko kakou mau kapuai, a o ke aupuni o Arabia, ua kau ia ka weli maluna o na aupuni a pau o ke ao nei; a o ko`u manao, e hoohui ia na alii opio ma ka berita mare iloko o keia mau la aku ke ae ke alii opio i keia noi.  I ka lohe ana o na alii hanau o ka aina, o ko lakou wa no ia i hooho like mai ai: E mare ia laua e pono ai! Ia wa, me ka hanohano ku mai la ka makuakane o Kahanuopaineki a pane mai la: Elike me ka manao o ka Moi i hai ae nei imua o oukou, pela no hoi ko`u manao; ke kaumaha nei au no ko laua mare ole, a @oukou makemake nui e hoohui ia laua ma ka berita mare.

 

Ia manawa, hoouna ia aku la ka haku puuku e kii aku i na alii opio, a e hele mai no ka rumi hookipa.  Emoole, ku ana keia imua o na alii opio a pane aku la me ka haahaa: E ke alii e, i hoounaua mai nei au e ka ohana aliii e kii mai ia olua e hele aku ma ka rumi hookipa o ke kuka ana no na mea e pili ana no ka hooponopono aupuni, a o kou makua, ua makemake loa oia e hui me olua i keia wa.  I ka lohe ana o ke koa opio i keia mau olelo, ua aw aku la kela a pane aku la: O hoi a mahope hele aku maua.  Aole no hoi i liuliu iho, ua komo aku la laua iloko o ka rumi kahi o ka ohana alii e kali mai ana no laua.  Ku mai la ke anaina a hoomaikai mai la me ka panai ana mai me keia mau huaolelo hoohiluhili: E ola mau na alii opio i ke Akua, a e mau ka pae ana o ko laua mau inoa a kau i ka pua aneane, a pela pu aku no hoi me ka olua pua, ka mea hoi e puka mai ana mai ko olua puhaka, a oia auanei ka mea nana e paluku i ke poo o na kupua a pau o ka lewa a me ka honua, a nolaila, e ko makou mau haku alii opio, e noi aku ana makou i ko olua oluolu a me ko olua ahonui, oia hoi keia, e mare koke ia olua iloko o keia mau la iho me ke kali hou ole aku i manawa hou aku, oia ka makemake o ko olua mau makaainana nei.  I ke kuu ana iho o keia mau mapuna olelo, o ka wa no ia i ku ae ai ke alii opio a pane mai la: O ko oukou makemake e na alii a hooko aku ana no maua ma keia mua aku, aole hoi i keia la, aole no hoi i ka la apopo, no ka mea, o kuu manao, aole owau wale no ke mare ke ole e loaa ka wahine a kuu aikane, nolaila e kali kakou no keia mau pule: e palapala ae au i kana wahine, no ka mea, ua loaa mua no kana wahine, oia hoi ke kaikamahine alii o Rusia, ka mea hoi i kapaia “Ka Wehi o Rusia.” Nolaila, mai keia la aku, e hoouna no au i kekahi o ko maua mau moku kaua, e kii i ka hooilina o ke kalaunu o Rusia i wahine na kuu aikane, a pokii hoi no`u ma kekahi aoao.  A o oukou a pau, e hoomakaukau oukou no ko oukou mau aahu a me na mea e pono ai o ka papaaina e lawa ai na wahine elua, e lealea ai, a e kauoha pu aku no hoi i na aupuni a pau e hele mai i ke aupuni o Arabia nei no ka lealea ana iloko o na mahina elua mai ka la e mare ia ai makou, a e kauoha pu aku no hoi i na naita kaulana e hele mai e hookuku me ko`u mau ukali helu ekahi, ka poe hoi i kapaia “na Liona hopo ole i ka maka o na mea kaua, a o na kae`ae`a hoi o na mauna hui o ka maua aupuni.”

 

I ka lohe ana o na alii, na kaukau alii, a me ka poe i akoakoa mai, ua haawi like mai la lakou he mau leo huro o ka hauoli i panai pu ia mai me na huaolelo hoohiluhilu: "E ola mau na alii opio i ka Akua a kau i ke ahe pua aneane, a e mau hoi ka pae ana o kona inoa a puni ke ao holookoa he opio nona ka puuwai hopo ole a o ka umauma hoi i lalapaia e ke ahi o ka wiwo ole, a i kauua hoi ka weli maluna o ke ao holookoa."  I ka meha ana iho o keia mau leo uluoa, ua ku mai la ka elemakule Moi a pane mai la: E na alii hanau o ka aina, ua lohe ae nei no kakou i na olelo a na alii opio, oia hoi, e hoomakaukau oukou ia oukou iho me na aahu a me na pono a pau, a eia paha ka mea hai aku ia oukou, e noonoo kakou no na malihini, no ka mea, ke kuahaua ia nei na aupuni a pau, a me na naita kaulana o kela a me keia aupuni, e hele mai me ko lakou mai lako kaua no na lealea e hanaia ana iloko o ia mau la, eia wale no ka`u olelo hope ia oukou, e hoomakaukau kakou i na mea ai a nui no ka ohana alii o kela a me keia aupuni e hiki mai ana.

(Aole i pau)

 

He mau lono e lohe ia mai nei, e malama ia ana he Fea ma ke kulanakauhale nei, a o na pomaikai a pau e loaa ana, e hoolilo ia ana no na pono o ka Luakini hou o Kaumakapili.