Ka Nupepa Kuokoa, Volume XXIV, Number 9, 28 February 1885 — HE MAU HANA HOOHILAHILA. [ARTICLE]

HE MAU HANA HOOHILAHILA.

Ma ka po Poakahi nei, ma Ewa aku 0 ka uwapo o Kamika, ua ikeia aku kekahi mau wahftiejj , oe kekahi kane iloko o ka hale laau i pani ia ka puka a paa, e hana ana lakou i kekahi mau hana ku ika hilahila, oiai ko lakou mau puka aniani e hamama ana no me ka malamalama i ke kukui, a e puulu ana hoi na kanaka ma ka puka aniani, E paa aoa lakou me na kiaha rama ma na lima me ka hoopuka ana i na mele hula ma ko lakou waha, me ke ku ana iluna e hula ku'i ai, hana i na hana ku Ika hilahila, ahe hora paha a oi aku ko lakou hana ana i keia mau hana. Mahope iho o ia mau hana, ua ulu mai la he haunaele, me ka hoopuka ana i ka huaoleh holina.

Ma ka nana aku, ua Ulo kela hale he wahi e hoolakalaka ia ai na hana pono ole; o na alakai o keia mau hana hoohilahila, o ke kane a me ka wahine no, na mea nona ka hale. Ahe mau keiki liilii no hoi kekahi e noho pu nei me laua, a ke minamina nui nei makou no ia mau opio, malia e Uio ana kela mau keiki liilii i mau haumana malalo o na hana a keia kane a me kana wahine. A he mea pono ke hoomalu koke ia keia hale aole e hana hou i na hana o ia ano, mahope o lilo na keiki liilii e noho pu ana ma ia hale i mau keiki pono ole i ko lakou wa e nui ai; a pela e pii liilii ai ka noho'na o ka lahui a lilo i lahui hiki ole ke malama ? n*aluhia a me k* pono.