Ka Nupepa Kuokoa, Volume XXIV, Number 10, 7 March 1885 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

      Paiia e THOS. G. THRUM ma ka Halepai o ka nupepa "SATURDAY PRESS."  Keena Hoopaa pono, ma na kihi o Alanui Moiwahine me Nuuanu.

     E hoouna muai mai na Olelo Hoolaha ma ke Keena Hooponopono mamua ae o ka hora ia o ke awakea o na Poaha a pau.  Aole e hoopakeia ua Olelo Hoolaha ke laweia mai @hope o ka hora i hoikeia maluna.  E hooko @ aku ana makou i keia rula maluna.

     E hoo@ mai i na leta a pau a me na kauoha a me ka uku pepa ia KA NUPEPA KUOKOA @ Honolulu.  Ina e loaa pono ole aku keia pepa i kona poe lawe, e hai mai me ka hakalia a o i keia Keena.

     O@ uku a keia pepa e haawi ai i kona @ @, he umi keneta no ke dala, koe ka apana o Kona, Oahu, a me kekahi mau apana @ @ kahi nui o ka luhi i ka halihali ana i ka pepa ma ia mau apana, e hooiia ka uku luna.

 

KELA ME KEIA.

     Ua ku aku ka mokuahi Kulanakauhale o Tokio ma Kapalakiko iloko o na @ holo he eiwa mai Honolulu aku nei.

     O ka huina o na waiwai banekarupa @ Aiau, pake kanu raiki o Ewa, ua hiki aku no ia i ka $26,542.14.

     Ua make emoole o P. F. Koakanu, ma kona home ma ka wanaao Poakahi nei.  Aole i maopopo loa ke kumu o kona make ana.

     Ua make ma Anahola, Kauai, o Mr. Makaola i ka po o ka la 24 o Feb. 1885; @ ke 50 a oi makahiki.

     Ua hanau na Mr. Pilipo a me Kahu@ he keikikane, i ka la 25 o Feb. 1885, a Anahola, Kauai.

     Ke kaalo mau mai nei na moku oko@ o na keiki alo anu o Alika mawaho o ka nuku o ke awa i keia mau la.  O ka nui aku paha koe a halulu mai.

     Ua maule loa iho nei ka nupepa Puka La a Laiana ma "Daily Hawaiian," a o ka nupepa puka pule wale no ia e puka aku ana ma keia mua.

     Ke uhi paa ia la na piko o na mauna Haleakala a me Maunakea i keia mau me ka hau.  O na wahi i ike mauia, he @ ka ua iloko o na kau hooilo i hala, @ole nae he ua nui i keia kau.

     Ua holapu ae la ke ahi i kekahi mau hale laina o ka mahiko ma Hilo, Starr Mill, a he ulia laki wale no ka pau ole @ o ka hale wili.  Ua manao ia na @ kolohe keia ahi.

     Ma ka hora 11 a oi o ke kakahiaka nehinei i hoikeike hou ai kela wai kini ahi imua o ka Moi a me na luna aupuni maloko o ka pa o ka Hale Aupuni, a ua holopono.

     Ma ka la 5 o Maraki, 1885, ua make @oole o Eunice Kaleoiki Pa, ma ka @ o ke Kula Kahunapule.  A o kona @ la ma keia ola ana, hookahi maka@, 11 malama, a me elua la.

     Ua komoia ka hale noho o Kapena @ownell ma ke ahiahi Sabati i hala e @ mea aihue oiai ka poe a pau o ka @le ma kekahi wahi.  Ua laweia aku ekahi mau waiwai a me kekahi uwati @la pakeke.

     I ka wanao Poakolu nei, Mar. 4th, @85, ma Aala, Honolulu, ua haawi @akana ia ae ko makou makamaka Edwin Hall, ma o ka hanau ana mai o @na Eva, he kaikamahine nui mohaha @aikai; a o ka makou upu, e hooloihi @ ke o'a o ke kamaiki a lilo i huapala o ke Au Hooulu Lahui.

     E like me ka hoolaha ma ko makou @amu itamu i kela pule aku nei no ke @ ia o na pukuniahi Auseturia hou o @ pualikoa makai o Kalia, au hookoia @ke me ia hoolaha, ma ka Poakahi @i a me ka Poalua a ua ikeia ka ho@ono.

     Ma ka la Sabati nei, ua pau iho la @kahi puulu pake a me kekahi mau Hawaii ponoi i ka hopuia no ka pepa @iwaiwai, a o kekahi poe hoi no ke @ihi opiuma.  Ma ka hookolokoloia @ ua pau nui i ka hoopai ia a hoopa@noia ma  ka hana oolea.

     Ua hihi kino ae ke Alii ka Moi ma @ luakini o Kaumakapili ma ka la Sabati iho nei e like me ka makou i hoo@ha mua aku ai.  Ua haawi oia he hai@elo maluna o ke kumuhana e pili ana @ ke kukulu ana i ka halepule, a ua @i ka mahaloia.

     He umi mau kamaaina o ke kulanakauhale nei i okiia ko lakou mau paipu @i no ke kue i ke kauoha a ka luna@i.  He hoike ana mai keia i ka nana @e ia o na hoolaha e puka ei ma na @pepa haole me Hawaii o keia kulanakauhale.  Eia no ma ko ke KUOKOA @i mau kolamu ia hoolaha hookahi.

     Ua loaa aku kekahi kanaka mauka o @, ma ke kakahiaka Sabati nei ua @ake loa, nona ka inoa Ohiaha.  Ma @ nana ia ana o kona kino aole i ikeia @ mau palapu, a nolaila ua manaoia @ make oia ma o kona inu nui ana i @ rama.  Ma ka Poaono iho no kona @ ana a make koke no i ka la Sabati.  Ua loaa aku ma kona pakeke he @ ka dala e waiho ana.

     @ @ aku ka nunui launa ole o na @ uwa o na kanaka ma ka po Poaono @ i oi ae mamua o ka leo o na pu he @kalua ka nui ke ki ia i ka manawa @okahi ke kau maluna o na noho ala@o o ke poniuniu hou ma ke alanui @tania.  Ina paha he holoholona e @ane iho ana e make, a lohe i keia @u leo nakolokolo, o ka wa no ia e @ loa ai kona h@.

     Ma kela pule aku nei, ua hoolaha pokole aku makou i ka huina nui o na kanaka e like me ka hoike a ka Papa Helu Kanaka o keia makahiki, a ma kahi e kau ana ka huina o na kane wale no, ua anuu iki makou malaila, a o ka pololei he 51,539.  ma kekahi itamu hoi e hoike ana i ka hoololi ana o Kauka i kona manawa hana, a o ka pololei malaila oia no o Kauka Pika.

     Ma ka Poalima o ka pule i hala, Feb 27, ua haule mai mai ko'u pakeke aku he Buke Pakeke ano loihi me kekahi mau ukana ano nui maloko, kupono nae no ka poe ike, a o ka poe naaupo aohe waiwai ia lakou.  E haawi ia no he uku makana i ka mea nana e hoihoi mai i ua Buke la ma ke Keena o ke KUOKOA.  Ua nalowale ma Pauoa, oia ke alanui mai ka hale mai o G. W. Kauiki a hiki i ke alanui o Kalaekao a hala loa mai makai.          T. HOOMAHA.

     Muimuia, puuluulu, puukiuki, akoakoa, piha-u, makena, weliweli, mumulu, ua mea he kanaka e kiloulou, iniiniiki, umii, kihele, ki-lo-lo, kuikui, kuhikuhi ana i na waiapo ma ke kahua o ke "Kaa Hoalu" ma Manamana.  Nana aku ia la, he-he-hene ka aka a ka poe e holo ana.  Nui kela!  Na i-u ke eo.  Ua hiki-haki-no!

     Ua loaa mai ia makou na haina o na ninau Kanawai i hoikeia ma ka Elele, a no ka manao o ka mea nana na haina e ike mua ia ka kekahi poe e ae, nolaila, ua kaomi iki ia iho.

     I ka mea ike kanawai kiekie o ke Aupuni Hawaii, Mr. Peepakaiaulu: -

     He minamina loa hoi ko'u i ka loaa e ana o ko'u wahi Palapala, ina la hoi o oe kekahi o na Lunakanawai Kiekie, a pela la hoi ka pane ana aku i na haina o na ninau, ina la hoi ua loaa ko'u laikini piha; aole hoi ehihi, he keleawe kanikani pahu wai ole, he hanakuli ka loaa.  Nui kou akamai!  Puniuniu ko mau ninau, mea a kii i laikini nou i na L. K. Kiekie i ke kau o Aperila, malia o loaa kou laikini piha, laki ua kanaka.

     O na ninau ua hemahema; oiai he elua ano o na ninau e ku nei, oia hoi, he laula a he haiki.  A owai la o keia mau haina, kau i hookahua ai i kou noonoo; ina paha wau e hai aku ana i ka haina ma ka laula, aia ka oe i ka loa; a ina paha ma ka haiki, aia ka oe i ke akea.

     O ke aloha no ko ua o Peepakaiaulu.

KEKAHI MEA I NINAUIA.

     Ma ka lokomaikai o ka Haku, ua oluolu makou ka Ekalesia o Kalapana, i ke koho ana ia Hon. J. M. Kauwila he komite e hele aku iwaena o na makamaka, na hoaloha a pau, no ke kokua ana mai i ko makou pilikia no ka hale o ke Akua, ma Kalapana, Puna.

     Komite{ J. L. AHIA, S. T. PIIHONUA, T. H. KAAIHILIL.

Nu Hou o ko na Aina E.

NA LONO HOPE LOA.

     Ua paholaia ae he lono ma Parisa mai na aumoku mai o Adimarala Coubeta e hoike ana penei:  Ua lele kaua aku ko'u mau aumoku kaua i ko na pake kulana ikaika ma na kapa o ka muliwai Ningpo, a i kokuaia ma ke kue ana mai ia makou me kekahi mau moku kaua pake, aka, ua loaa i ko'ui mau aumoku ka lanakila hanohano maluna o na enemi me ka hoopihoo pu ana aku ia ekolu mau moku kaua o ka enemi oiai lakou e hoao ana e mahuka mai ko makou alo aku.  O na kanaka Farani a pau e noho la ma Sanahai, aia lakou a pau malalo o ka hoomalu ana a na pualikoa Rukini.

     O ke ala hele o na koa Pelekane no Katuma ua manaoia he nui ka pilikia no ka hela ana.  Ma ka hele ana me ka hoi ana mai o na koa, ma ia mau wahi, e moliaia no he lehulehu o na ola, he mau haneri a piha loa aku paha ke tausani.

     O ko El Mahdi kuhina kaua, oia no o M. Viret.  He kanaka oia i komo iloko o na pualikoa Farani a i loaa hoi iaia ke kulana kapena no kekahi puali.  Ua haalele oia ia puali a hui aku la me El Mahdi iloko o ka makahiki 1882 i hala, a ma ona la i maamaa loa ai na koa Soudana o ua kaula la i ke ano o ka hele ana ma ke kahua kaua me ka wawahi laina aua a lilo i kuea.

     Ua loaa i ko El Mahdi puali ke kulana ikaika ma ka lilo ana iaia na pono kaua o ka papu o Katuma, a ua hoopuipui hou ia kona mau pualikoa.  Ua kuahaua pu ae no hoi oia i na kanaka a pau e noho koke ana malaila e houluulu ae ia lakou a lilo i pualikoa nona e kue aku ai i na Pelekane.

     Ua holo pu ae ka weli iloko o ka lahui Tureke no ka lanakila ana o Mahdi ma Katuma, a ua manao lakou, ina e alahula loa ana kona hele lanakila a hiki hou ma El Hejaz, Arabia, alaila, e oi loa aku auanei kona ikaika, no ka mea, aia malaila ka hapanui o kona mau ukali.

     Ua hoouna leta aku o Mahdi ma o kona elele la ia Colonela Wilesona ko na Beritania alakai ma kahi kokoke i Gubat, a penei na manao o loko:  "E hoea aku ana au e hoopuni ia oe me kou pualikoa.  E hooko mai i keia kauoha ma kou ae ana mai e lilo i Mahometa; a i ole pela, e pulumi aku no au ia oe mai ka honua ae.

     E hoike ana kekahi lono mai Gubat mai oia no ka hoomakaukau nui ana o na kipi e lele kaua mai maluna o na Beritania ke komo aku ma ia wahi.  Ua kukuluia na papu a me na lua i eli ia no ka hoohalua ana i na Beritania.  Ke paniia la a hoolako pu ia no hoi na koa o ua kaula la i na ala kahi e loaa ai ka ai i na Beritania.

     O ka palapala hope a ke kaula Mahdi i hoounaia aku i o Colonela Wilesona la ma o kekahi moneka e hoike ana i ko na lani ae ana mai iaia e luku aku i na ilio hookiekie, oia na Beritania, a ua hoouna mai ke Akua iaia i ka honua nei e hoohuli i ko ke ao holookoa ma ona la.

     He nui ka hopohopoia ma ke keena kaua o Enelani no Col. Buller a me kona pualikoa ma Gubat.  Oiai ke hoohahani mai la ko El Mahdi mau koa nona ka heluna i hiki aku i ka ehiku tausani me elima haneri, a i makaukau pu no hoi me na laka ai a me na pono kaua; e hali pu ana me umi mau pu nunui, a aole hoi o na Pelekane mau pu elike aku me ko na enemi.

     Iwaena o na nune kaua ma ke kahi mau mana nui o Europa, na ia mea paha i kono aku i ko Rusia manao e lawe ae i kekahi hapa o Corea ma ke kau ana ae i kona hae aupuni No ia mea ua holo aku ka maeele ia kina oiai oia kekahi i noho mana ma Corea, a e hoouna ae ana paha o Kina i elele no ka hooponopono ana, a i ole i pualikoa.  Ua manaoia o keia hana a Rusia, oia no kona enemi ana me ke aupuni o Kina iloko o na makahiki elua i hala.  Ke ala mai nei na aupuni nui ma ia no, a me he la o ka hookahe koko ka hopena.

Ka Naita Kamahele o ke kuluaumoe.

     Ma ka hora 9 kakahiaka, Feb. 16, ua hoeu ae la ka huakai a ka naita kamahele, a haalele aku la i kana lede a me na opuu rose o ko laua mau puhaka e luakaha i ka olu o ka home a kau ae la ma ke kaa e hookeleia ana e kekahi lede aoo, a e lawe kiauia ana e ka lio puakea, a he hapalua hora paha ka manawa i poahi nomeia ai e na huila a kaalo ana ke kaa ma na alahele o ke kulanakauhale alii nona ka puana ana, Ua lulu kuu kino malu i ka leo, I ka leo koiuiu i ka uka.

     I ka eha o ke ano ahiahi, ua kau ae la ma ka oneki o ke aliiwahine aukai e kauaheahe ana i ka ilikai mahope iho o ka hemo ana o ka laina, ua oni ae la na mea hana a huahuai ae la ke kai e l-la-o-la ana mahope, a i ka huli pono ana ae o ka uwele-bao no ka nuku kahi o na hunakai nona na hoohenoia ana,

A waho ae o Mamala,

Pulu au i ka hunakai.

I ka pehia ae mamua,

Kiheahea ana i ka ili.

     A ke panee la i hope na kualono, ka uluwehi o ke taona a he wahi moku kuna ke latia pauti ana, e hoopuka iwaho, oiai ke kiu e kolonahe ana i ka ilikai, a oia no ka wa a kekahi keonimana i puana ae ai, nona la i aui aku mao o ke kanalima makahiki, a nona na hooheno a kona leo e kuwili ae ana,

Kohu nuao no hoi na moku pea,

Aohe kohu o ka nu kahiko.

     I ka pulelo ana aku o ka wahine aukai mawaho o ka nuku o ke awa, e waiho alaneo mai ana ka ilikai me he wai la ua lana malie a i ka moku e pua ao ana ka uwahi mawaho ae o Waikiki, ua huli aku la ke alo o kamahele e kilohi aku i ka aekai o Kalehuawehe, e oili mai ana ka huini o Iubile iwaena o na lau niu a me ka uliuli o ke kiawe me he kukuna malamalama la no ka la e olino mai ana iloko o na ao polohiwa, a e hamama pono ae ana ka waha nui o ka liona o ka aekai, me he la e ake ana e inu i na pakaua o Kulanihakoi, a ma kela huli aku e oni ae ana ka lae o Kawaihoa, a e waiho lai mai ana ke kuono o Waialae, me he pualikoa la o Peleiohola@ e hookaha ana i ke kahua kaua.  I ka halii ana mai o ka molehulehu i ka ilikai, ua oili molale mai la na elele ahi o ke kukui o ka lae o Kalaau he mau mile ka mamao, aka, he mau hora helu wale no, ua kaalo ae la ke kaupu Likelike, ma kela huli ae, e moe malie mai ana na ale kuehu o ka moana o Pailolo, a ma ka hora umi, ua pili mai la ka huelo botia ma ka aoao hema o kaLikelike a kau aku la kamahele no Kaunakakai, a e hoaumoe ana o Mokolii no ke kali ana i na pipi a me na ukana, a nolaila, ua ulele koke iho la ke kamahele i leta na kana aloha a ma ka hora 12 ua kau ae la ua naita nei o ke kuluaumoe ma ka lio hulupala nene aukai a kiliopu aku la no Pukoo, e pailata ia ana e Samu a me James.

     He mea e ka nani a me ka malie o ia po, aka, he maeele no nae na kui houhou o ke anu, a e imoimo mai ana na hoku me ka nani; a o na hoku lele ke haupakaki ana me he mea la e paikau ana.  E moe malie ana o Lanai ma ka aoao hema, a o ka hapa komohana o Maui, ua uhi paapuia e ka ohu kewai, a he meha pu wale no ka hele'na o ia Kaha loa.  A hiki i Kamalo, akahi no a ike ia aku he mau kukui o na kauhale e uiuiki mai ana, a ma ka hora 4 a.m. i hiki aku ai i kauhale, e hiolani ana kuu Nohoanu, a ma ka hope o na hoohiolo ana i na mapuna o ka mea pau ole he aloha, ua hoolale aku la ka naita i ke paileta Samu, e pii i kuahiwi lawaia oiai na moa kane e kani ana ke oli, a hookahi no ia kuu'na o ka upena a ka Lawakua make no ke kauna Weke, ai no i ka mea hou o Hina Kuila au.  A ma ka pumehana loa ana ae o ka la, ua hele ka naita e makaikai i ke kahua o ka hana a ua hoolana ia ka manao o ke kamahele e hakoko a e paio me ka enemi a hiki i ka hopena, a ua hoohikileleia na kamaaina no ke ahi a Lonomakua mai ka poka pahu mai a ka naita e ole e haukawewe mai na paka ua o Kulanihakoi no na la ekolu, ina aohe ahailono o na enemi, papapau he kupueu ko ka aina.  Aka nae, ke liuliu hou nei ka naia no ka manawa hope loa me ka manao hope ole e "nee imua a inu i ka wai awaawa" wahi a Kalani Nui.

     Ma ka la 22 oia ke Sabati, ua noho kuene aku la ka naita e kaipuu i na apana berena iwaena o na hipa a me na keiki hipa a ka Haku mailoko mai o ka pahuume a ke keiki kaulana o Tareso i Kilikia malalo o keia ki (key,) "O ke ala hou ana o Kristo mai ka make mai, oia ke ki i hamama ai ka ipuka o ka lani no ka poe manaoio.  A ma ka aluna ahiahi o ka la 27, ua kau aku la ma ka waapa no ka lai o Hauola, a i ka waapa e laiku ana mawaho o Keawaiki he mea e ka huihui o ka puuwai i ka loku maeele a na kulu waimaka i ka ike ana aku i ka uka iu ano o Lahainaluna nani, ka ipukukui pio ole i ka makani he Kauaula, ka home hoonui ike o na manu hulu like o Kaukaweli,

Ke kula nui e,

Hauoli e hauoli,

Ma keia la maikai.

     I ka niau ana aku ma ka aekai o Hauola ua hookipa koke ia ke kamahele e ka puuwai hamama heahea o ka mea kaulana Mr. Haula, a nona ke kakamahele e haawi aku nei i na mahalo piha no kona lokomaikai.  Ua hali'ali'a pu ae no hoi ke aloha o ke kamahele no ka lai o Lele, no ka mea, ua mehameha loa ia o Lahaina i keia wa.  Anoano kahi o ka makua Balauina e waiho helelei ana, a o Luaehu no hoi ka Haie Kau Kanawai mua loa o ke aupuni kahi i kapaia "na Kanawai o Luaehu."  Ua hihipea ia kona mau ipuka e ka punawelewele, a e palauhe ana kona mau lanai.  Aloha ino o Luaehu!  Nani ka noho mehameha ana o ke kulanakauhale i piha i kanaka!!  He puloku oia iwaena o na kulanakauhale alii!!!  Aka, o ka nani a me ka hiehie o ka Malu Ulu kaulana o Lele, aole ona lua e like ai a puni o Hawaii nei.

     I ka hoa 2 wanaao, ua kau ma ke Kinau, a ma ka hora 9 a.m. ua hui hou na maka i Kou me na hoa'loha, a halawai me kuu Peresilla aloha ma ka lihiwai o Apuakehau no ke kaa Bage hiki i ka home, e neo ana; aohe kanaka aia i Mana.                                    PUAKAUAHI.

(Koena mai ka aoao eha mai o ka manao o Keliinokaha.  Kolamu 5.)

     Aole olepe ae i na e-ka lepo a hamama, kanu iho hoi na wahi mea kanu maluna o ua mau aina nei ou; ke waiho wale nei no keia mau aina ou ma Kohala nei, oia o Kalihi a me Hookukakii i kai o Kahua.

     No kou piha moowa loa i manao ai oe e ola malalo o ka hana kuai rama me ka laikini ole, a me kou umauma no i piha i ka palaualelo, pela hou no oe i lawe hele ai i ko ihu a hoopaaia me ke apo hao keleawe e ka Uniona o Puehuehu, a loaa hou mai ia inoa ou o Puhikomoalinlina; malaila e loaa mai kahi ola pule e like me ko ka haku mamemake, aole ma kou makemake.  Aole oe i hana e like me kau i ao mai nei ia'u e hookuonoono, aia iho la no ka manao ma ia olelo au, e hana, e mahi i ka aina, e like me oe ka ona aina nui ma Hilo, a ma Kohala nei.  Pela e pili pono ai ka olelo a ke Akua, me ka hou o kou lae e ai ai oe i ka ai.  Eia hou, e ao i ka hana pono, e waiho i ka hana ino, e like me oe.  Eia au maluna oia kahua au e ao mai nei, malaila kuu ola a me kuu ohana, he hoike oiaio oe a me na lehulehu o kaua; ua haawi i ka ikaika o ke kino e like me ka hiki, ua paeli, ua olepe ae i ko lalo maluna, ua hoopiha i na mea kanu e loaa ai ke ola kino a me kahi pomaikai no keia ola ana; koe aku oe o kaua, ka mea e noho mana ana maluna o na tausani eke aina, hu no hoi ka aka ia oe e Kaailau.  Kou mea nae hoi i piha loa i ka ana ia oe e Kumuhea Kaailau, ko lawe hele ana aku nei i au mau wahi puolo maea a ano ino ke ea ke honi aku, a ku ana ma ka puka o ke keena o ka Paeaina, me kou manao paha aole i ike mai ka ona puuwai hao sila o ka Paeaina; hele loa aku ana oe a ku ana ma ke alo, hookapakahi ae ana oe i ko wahi papale kapu i hele a hapaupau i ka malakeke, me kou manaolana paha e awihi iki mai ana la hoi, e huli ae ana ko alo iluna a hoopili ae ana oe i ko ihu i ka hila o ke kamaa buti o ua ona nupepa nei, pau hoi ia, e pekupeku mai ana kela ia mua o ke kumaa buti i ua mau puolo nei a ka ona aina nui o Kohala nei, mamae no hoi ka iwi aoao ia oe e Kaailau; e ole e hoomanawanui loa i ke keena o ka Elele, a no ka maa no hoi paha o ia papa pai i ka honi i na mea ino, a e like no hoi me kona home he ekaeka, nolaila loaa ai ia oe he rumi e noho ai.  Laki no ua holoholona ahiu nei o kuahiwi.

     Hoolei mai nei o ua o Kaailau i ke koloka hookamani ona maluna o'u, me ka i mai, eia me au o Kuamu; hoike ole no hoi oe i ka mea oiaio, ka i no hoi o kou poe akua ia au e pule hoomanamana nei, malalo o kou noho pu ana e ao me Kamalamailalo he mau makahiki ka nui, a eia oe malalo o ia hana pegana e noho nei me kou makaukau piha ma ia hana.  No kou hoopiha i kou naau ia mea ino, nolaila, hana naaupo ai oe i ko keiki a me ko wahi noho kapae.  Oiai ka leo walohia o kau keiki i pane mai ai i kekahi mea i hiki aku ilaila i kona wa e kokoke loa ana e haule, ma ka leo i pa-e aku ma kona mau pepeiao, "Pilikia oe e Hairama."  "Ae, ua hai-na ia wau e Kaailau e make."  Heaha ke kumu o keia haina ou i kela keiki, wahi a ka olelo a kela keiki i ka mea ninau?  O kou ake e lilo ia oe o a me ko kaikamahine ka aina hooilina o kela keiki mai kona mau kupuna mai, kahi au e kaena nei he kuonoono oe.  Heaha hoi ko mea i hana naaupo ai i ko wahi noho kapae?  O kou ake no e loaa ona mahele nou mailoko mai o na waiwai o kona makua; mailoko mai o ia mau hana naaupo au, mai ko mau aumakua mai au e malama nei i kokuaia mai e ka mea au i ao ai me Kamalamailalo, i hele kino mai ai oe imua o'u a me ka'u wahine e kuai i ka moa uakea a maua no hookahi dala; no ka lua o ka manawa, hoouna mai oe i ko kaikamahine a me ko kaikoeke e kuai hou no me maua i ka moa alae no hookahi dala no.  He mau moa aha keia au i opulepule mai ai?  He mea hoonana, hooluolu i na aumakua o olua me Kamalamailalo, me kou manao oia ka mea e paa mai ai ka uhane o ke keiki a me ko punua pee poli.  Hu hewa kou noonoo e ke kanaka naau i piha i ka hana diabolo.  Lalau oe no kou ike ole i ka Palapala Hemolele; eia ka olelo, aole e hiki i ke kanaka ke kuai i ka uhane me na waiwai apau o keia ao, a o ke ao holookoa no a pau, aole no e paa mai ka uhane.  Pehea oe i hana hookamani ai imua o ka ohana o ko wahine, me kela moa uakea a me ka moa alae, e hoonamunamu ai oe me ko pule anaana a olua me Kamalamailalo.  No'u iho, e like me kau pane no Aiwohi, aole o'u manaoio no kau olelo hapala; no kou nele i ka mea e kamailio ai, nolaila, ohi kui wale no na olelo.  Ma ka inoa o na lani, aole i paumaele ko'u lima, ko'u kino, ko'u uhane malalo o ia hana pegana au e pena mai nei ia'u; ua hamama ko'u naau no ka Haku Iesu, mai ko'iu la keiki a hiki i ko'u hoonaauaoia ana e na makua o ka pono, a hiki mai i keia la; aole au i hoopaumaele ia'u iho malalo o ia hana puuwai eleele au i li'a nui ai iloko o keia mau la au e ola nei.  Ke hoolapaau nei oe ma ke ano hoomanamana.  Oia la i lohe oe; wela ko puu i ka poka daimana a Lau Oliva.  Ka'iu kamailio hope loa ana keia me oe ma ka nupepa.  O ka li'a mau no o ko'i puuwai o ko kaua hui kino no he alo a he alo.  Ina no hoi ua puiwa loa oe oia iho la no.  Kuhi au o oe kekahi i helu pu ia me ka puuwai waipahe o Honomakau C. H. Pulaa, ka maamaalea ma ke kamailio nupepa.

                                                                                                                        J. H. KELIINOKAHA.

 

OLELO HOOLAHA.

     E nee ana o Kauka J. Brodie (Berode) i keia la 14 o Feberuari, mai kona wahi mua aku ma alanui Papu, a i ka pa iho nei o Henere May, ma Waikiki iho o ka pa o Kauka Makipine, oia ka helu 81 alanui Beritania.                                                NA HORA HANA.

                                                                                                                        Mai ka hora 8 a i ka 10 a.m.

                                                                                                                                      "  1:30   "  3:30 p.m.

                                                                                                                                      "    7      "    8    "

                                                                                                                        LA PULE.

                                                                                                                        Hora 9 a i ka 10 a.m.

                                                                                                                                                2011-4ts

 

WAI! WAI!!

     Ke kauohaia aku nei ka poe a pau he pono hookahekahe wai ko lakou, mai keia la aku, o ka manawa hookahekahe wale no i aeia oia na hora mai ka 6 a ka 8 a.m., a mai ka hora 4 a i ka 6 p.m.; aole ma na manawa e ae.

                                                                                                                        Ma ke Kauoha

                                                                                                                        CHAS. B WILSON,

                                                                                                                        Luna Wai.

Honolulu, Ian. 30, 1885.       2009-tf.

 

H L. CHASE. (KEIKI.)

     Mea Paikii kaahele ma na mokupuni.  E hanaia no na kii me ka maikai a me ka eleu pu no hoi.  E paiia no na kii oui a liilii e like me ka makemake o na makamaka.  He olulolu ka auah no ke pai ana.       2014-ty.*

 

G L FITCH. (KAUKA PIKA.)

     Ua wehe ua nei au he Keena Lapaau ma Alanui Maunakea, Honolul, Helu 70, a e loaa no au ma ke Keena ma ka hora 9 o ka hora 13 o ke kakahiaka o keia a me keia la, hora 5:30 a i ka hora 7:30 ahiahi.       7007-y

 

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI.

He luna Hooloio Palapala.

     E hana ia no na Palapaa Kuai, Palapala Hoolimalims, a me na palapala pili kanawai e ae ma ka olelo Hawaii.  Dala no ka hoaie ma ka moraki ma na waiwai paa.

KEENA HANA: alanei Kal@       tf.

 

NA HOOLAHA KUMAU

 

KAKELA & KUKE.

E laa na pahiolo koi hole,

hamale, koi nui a me liilii, kila,

wili puaa, @ula, apuapu, kui o na ano

a pau, kala kaa, hao hoopaa puka

pohaku hoana, kepa, lei ilio, kaula hao ilio,

pahi, upa, pahi umiumi, kalapu,

kope haiu, pulupulu, oepa kalakala, lina hao,

ami, keehi, a me ke

-KAULA OPU. -

Palau o na ano a pau,

Oo, ho, kopala, pe, kipikua,

hao kope, au ho a pela aku,

kua bipi, lei bipi,

kaula hao bipi, uwea pa,

uwea keleawe, hao pili piula,

kaa palala, ipuhao, ipu ti

PA-PALAI MAKAU ME KE AHO

Pena wali, kini nui a me liilii o na

ano a pau, me ka pepa kuhikuhi,

pena keokeo, aila pena,

aila hoomaloo, vaniki kaa,

a me vaniki moe,

PENA HOOMALOO

- a me aniani hale -

AILA MAHU, AILA MIKINI, AILA HAMO ILI,

AILA KAA, INIKA KAMAA.

PAUDA, KUKAEPEKLE, KIANA PAUDA,

UIKI IPUKUKUI O NA ANO HE NUI A LEHULEHU.

LOLE MAKEPONO

- E laa oa -

AHINAHINA, KALAKOA.  KEOKEO, LEPONALO,

HULUMANU, UWE WAHINE, KUI HUMUHUMU,

A ME KA LOPI.

Ke Kuike e loaa no ia ma koki.

Kakela & Kuke!

NA MEA PIULA,

Mikini Humuhumu

mokini a WHEELER a me WILSON

MIKINI A WILCOX ME GIBBS

NA MIKINI A

- REMINGTON. -

He nui loa na mea hao me na ukana e

ae o na ano a pau, aole hiki ke hai pau

ia aku, hewa i ka wai na maka ke ike.

Laau Lapaau Kaulana Loa

A DR. JAYNE,

LAAU HOOMAEMAE KOKO

LAAU HOOPAU NAIO, LAAU KUNU,

PENIKILA, HUAALE,

PAAKAI, LAAU HOOPAA HI,

A Me na Laau Hamo a Pala 'ku.

Kakela me Kuke.

 

NA HOOAHA KUMAU.

 

J T. WATERHOUSE.

(Walakahaui.)

HALEKUAI KUKAA NUI ME LIIL.

Ua piha pono me na waiwai makamae

hewa ai na maka i ka nui o ka lehua.

Heaha no la hoi ia

- MALAILA -

Na Apo Kilika o na ano a pau,

Pahoehoe o na ano a pau,

Alapia o na ano a pau,

Huluhipa o na ano a pau,

Na Huluhulu holoku,

Na Keokeo Paina,

Lilina kau puu.

Wetoria,

leponalo,

Lainakini,

Ahina pelekina,

Na Kihei o na ano a pau,

Na Koloka o na wahine,

Na Kihei Huluhulu,

Na Kalakoa o na ano a pau,

Na Kihei uhi moe,

Na Koloka o na wahine,

Na uhi Kilika,

Na uhi Alapia,

Na Hainaka nunui a liilii

- Eia hou. -

 

HE HELUNA NUI ONA PAA LOLE

O NA KANE A ME NA KAMALII.

Na Apa paina maikai loa,

Polu manoanoa a lahilahi,

Huluhulu manoanoa a lahilahi,

Na Apa huluhulu a pahee,

Na paa lole huluhulu, kane, me kanealii,

Na Piliakeke loloa a pokopoko,

Na Palule kaula o na ano a pau,

Na Palule keokeo,

Na Palule kalakoa,

Na Paleili.

Na Papale wahine i kinohinohiia me na pua

me na hulu nani, a he heluna nui o na

kene a me na kamalii o na ano a pau

 

HE HELUNA NUI O NA KAMAA.

Na Kamaa buti,

Na Kamaa pihi,

Na Kamaa buka,

Na Kamaa laholio,

Na Kamaa weleweka.

 

HE HELUNA NUI O NA NOHO LIO MAIK@

Na Noho Italia,

Noho pulu mamua

a mahope o kela a

me keia ano.

NA AILA O KELA A ME KEIA ANO.

Na Aila honua helu i he aiai me he wai.

Aila pena, aila hoomaloo, aila Oliva,

Aila inu, Aila lauoho,

Waiala maikai.

NA PENA WAIHOOLUU LIKE OLE.

Keokeo,

Eleele,

Polu,

Melemele,

&c.,    &c.,    &c.,    &c.

Ina Iho Ina Iho.

Na ipuhao, na ipu ti,

Na koi nui a liilii,

Na pahi nui a liilii,

Na pahi olo, pakani

Na pahi olo paloa

Na tabu nui a liilii,

Pakeke nui a liilii,

Na lako kamana,

Na lako amala,

Na kamaa lio,

Na moe hao,

Na pela uwea

NA LAKO HAO, MA KA AINA A ME KA WAI

Na lako pa,

Pa nui a liilii,

Na hola,

Na kiaha aniani,

Na aniani kilohi,

Na ipukukui o na ano a pau.

 

HE HELUNA NA MEA AI.

Palena poepoe,

Palena poepoe palu

Palena huinaha,

Palaoa o na ano a pau

Na kamano maikai loa ma ka pahu,

N kamano Iini,

Paakai o Livapulu,

Paakai inu,

Paakai hu,

Manu Kaleponi,

Palani ai a ka lio.

 

he hahina nui o @ maawaiwai aiwaiwa,

ko'u mau halekuai aole i pau i ka huaha aku

na oukou no e hele mai a kilohi no oukou

Ua waeia keia mau waiwai me ka maiau, @

Pelekane, Farani, a me Amerika, no ka pono

a me ka pomaikai o na kanaka Hawaii me

na kauoha mai na mokupuni e hookoia ma ka eleu loa.

J. T. WATERHOUSE.

(WALAKAHAUKI.)