Ka Nupepa Kuokoa, Volume XXIV, Number 10, 7 March 1885 — KE KE KANAKA EHA, KO KE AKUA OLIOLI IA. [ARTICLE]

KE KE KANAKA EHA, KO KE AKUA OLIOLI IA.

Pehea e hiki ai i ke Akua ke olioli 1 ko ke kanaka eha ? Elua eha o ke ka naka; ka eha o ke kino. ka eha o ka uhane. Ina haule ke kanaka ika lio, a haki ka iwi, uwe paha oia no ka eha, a ma ia uwe ana, ua akaka, aole oia 1 make, e koe ana no ke ola, lna uwe o!e, ua kuhi ia, ua make paha oia, a he olioli ko ka mea i lohe i ua uwe ana, no ka maepopo aole oia i make. Ina hanauia ke keiki, kali ka makua i ka uwe ana 0 ke keiki; ina uwe ole, aole paha he hanu iloko ona, aole hiki ke oni, ua make paha; kali no a kali | no, aia hoi, e uwe ana oia, olioli ka ma- ; kua, ua akaka ma ka uwe ana o ke kei- | ki ua hanau ola īa. i A o kekahi eha me ka uwe oke kanaiia no ka uhane ia; ua hana hewa ke kanaka, pauhia ia i ka hiamoe, hookau mai ke Akua i ka pilikia maluna ona. eha kona naau, uwe kona uhane, auwe au la ! ke make nei au no kuu hewa, t aloha mai oe ia'u e ke Akua, e hoopau i kuu mau hala.

Na mohai no ke Akva, oia ka uhane mihi; 0 ka naau mihi me ka pepe, o | kau ia, e ke Akua e hoowahawaha ole | ai, Hjl. 51; 1, 17. Oiioli ke .Akua 1 | keia eha me ka uwe ana o ke kanaka hewa, ua akaka, ua oni, ua ola, ua pau ka hiamoe; e mihi ai.a, e pule ana, a e makau aaa ika make, e noi ana i ke Akun, e kala mai, e hoola mai. Ina eha ole ka uhane, mihi ole, pule ole, kaumaha ole malalo ae o ko ke Akua hoeha ana, ua akaka. ua mau ka hiamoe, ua make iloko 0 ka hewa. Auhea oukou e na kanaka Hawaii ka poe auwana, hele hewa, uhaki berita, ke iawe mai nei ke Akua ke Akua i na pilikia maluna 0 oukou, i na mai, i na make, i ka ilihune, 1 na ino he nui. a ke ala mai nei anei oukou ? ke oni nei anei ? ke weliweli nei, ke mihi nei, ke pule nei anei i ke Akua e aloha mai e kala iffai, e hoola mai ? Ina pe!a, olio'i loa ke Akua i kona hoeha ana ia oukou, akaka aole oukou i make loa, e ala ana, e ola ana paha; aka, hoi ina ua mau ka hiamoe, eha ka naau o ke Akua, a e makau oukou, e hoomahuahua ke Akua i kona hoeha ana, a ina e mau ana ka hiamoe, heaha ka hope ? Heluhelu a hoopaa 1 Tes. 5; I—2.1 —2. H.