Ka Nupepa Kuokoa, Volume XXIV, Number 10, 7 March 1885 — Kuhea Kahu. [ARTICLE]

Kuhea Kahu.

Ma ka la Sjbati, !a 22 o Feb. iho nei, ua kahea iho nei ka Ekalesia o Wailuku, ia Rev. Z. S. K. Paaluhi, i Kahu Ekalesia no ka Ekalesia Makua o Wai luku, mamuli 0 ka noho Luna hoomalu ana o Rev. W. P. Kaha'e, oiai ua hooneleia keia Ekalesia me ke Kahu ole iloko o na mahina he umikumau.ahiku, mai ka wa i waiho mai ai ke Kahu mua i aloha nui ia, Rtv. D. Keaweamahi i keia Ekalesia, mamuh 0 ka loaa ana i kekahi ulia kaumaha; nolaila, ua noho Kahu ole keia El:alesia iloko o na malama loihi elike me keia 1 hoike ia maluna ae nei; aka, 1 keia wa e pau ana paha ka hemahema, a ua haawi lakou i ke ola no ke Kahu $41.67, no ka inalama hookahi, no ka mea, ma ka malama ka hanai ana o keia Ekalesia i ko lakou Kahu, a ua like ia me $500.00 no ka makahiki. Ke kali nei lakou a hiki mai ka Ahahui Lunakahiko 0 na mokupuni 0 Maui ma Wailukō nei, i ka pule mua o Mei ae nei, alaila, waiho aku ua noi la. J. Haole.