Ka Nupepa Kuokoa, Volume XXIV, Number 11, 14 March 1885 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

No ka Makahiki……………$2.00

No Eono Mahina…………..1.00

-KUIKE KA RULA-

Poaono…..Maraki. 14, 1885

Heaha la kaú e hana ai?

(What shall I do to be saved?)

G.H. 202.

1 Heaha la ka´u e hana ai? Weliweli o kuu mau luuluu Me na nalu o kai O ke kaa ana mai. Pili au la, a kaumaha pu. Cho- aha la kaú, aha la ka´u? Heaha la ka´u e hana ai? 2 Heaha la ka´ u e hana ai? Hewa au a makau weli no I ke ka´u maluna ae O ka pahi hoopai O ke ahi mau loa o ka po. Cho- Aha la ka´u? &c. 3 Heaha la ka´u e hana ai? Eia au ma ka kae o ka po, Ane no e kaa ae E kou make! auwe! O kuu make, kuu make mau no. Cho- Aha la ka´u, &c. 4 E huli, a mihi ano Hilinai i ka Haku Iesu, Hele mai na luuluu, Wahi no a Iesu A e loaa ka maha a mau. Cho- Hana menei, hana menei, A e hana menei e ola ai. HAWAII.

Haawina Kula Sabati Apr. 5, 1885. Kumuhana, Paulo ma ka moana. Pauku Baibala, Oih. 27: 1, 2, 14- 26.

APAA iho la ka manao e holo makou i Italia, haawi ae la lakou ia Paulo, a me kekahi poe i paa pu, i kahi lunahaneri, o Iulio kona inoa, no ka papa koa o Augeseto. 2 A ee majou i kekahi moku no Aderamuteno, a hemo aku la me ka manao e holo ma ke kapa o Asia; a o Arisetareko, no Teselonike i Makedonia, kekahi me makou. 14 Aole i emo, pa mai ka kekahi makani ino, he Eurokeludo ka inoa. 15 Punia iho la ka moku, aole hiki ke hooku i ka makani, hookuu ae la makou a holo. 16 A holo ae la makou malalo o kekahi aina, ua kapaia o Kelaude, hiki apuepue ia makou ke paa iho i ka waapa. 17 A hukiia ia iluna, hana iho la lakou i mea e kokua ai, hawele iho la lakou malalo o ka moku, a makau iho la o haule lakou ma ke Sureti, no ia mea, kuu iho lalakou i ka pea, a hooholoia pela. 18 Kahulihuli loa makou i ka ino, nolaila, ia la ae, hoomama iho la lakou i ka moku. 19 A i ke kolu o ka la, na ko makou lima no i hoolei aku i ka ukana pili i ka moku. 20 A hala ae la na la he nui, aole hoi i ikea mai ka la a me na hoku, aole hoi okana mai o, ka ino i kauia maluna o makou, alaila pau aku la ka manaolana e hoolaia ai makou. 21 A loihi ka ai ole ana, alaila ku mai la o Paulo iwaena o lakou, i mai la, E na kanaka in a oukou i hoolohe mai i ka´u, aole hoi i hemo mai, mai Kerete mai, in a ua pono, alaila aole kakou i loaa i keia ino, a me keia poho. 22 Ano hoi, ke nonoi aku nei au ia oukou, e olioli oukou; no ka mea, aole e lilo ana kekahi ola o oukou, o ka moku wale no. 23 No ka mea, i kapo nei ku mai la kekahi anela o ke Akua, nona no wau, a oia hoi ka´u e malama nei, 24 I mai la ia, Mai makau oe, e Paulo; e pono ia oe ke ku aku imua o ke alo o Kaisara; aia hoi, ua haawi mai la ke Akua i ka poe a pau e holo pu ana me oe nau. 25 Nolaila, e na kanaka e, e olioli oukou; no ka mea, ke manaoio aku nei au i ke Akua; e hanaia mai, e like me ka mea i oleloia mai ai ia´u. 26 Aka hoi, e ili ana kakou ma kekahi mokupuni. Pauku Gula, Ke manacia aku nei au i ke Akua, e hanaia mai, e like me ka mea i oleloia mai ai ia´u. Oih. 27:-25. Manao nui, Ua hiki i ke Akua e kokua i ka waa pilikia.

NA HELIHELU LA.

Poakahi Oih 27: 1-20

Poalua Kin. 7:11-24. 8:1-11.

Poakolu Puk. 14:13-21

Poaha 15. 23:1-14.

Poalima Iona 1 & 2.

Poaono 2 Cor. 11:21-33.

Sabati Luk. 8:22-40.

Mele, "Pili ia Iesu." Hoku Ao Nani 169. Pule, No ka poe pilikia- i hoopakeleia.

NA NINAU.

Heaha ka Paulo ma Kaisareia? Nawai i hoouna iaia ilaila? No keaha ka lawe ana iaia i Roma? Oia anei kana i makemake ai? Nawai i malama ia Paulo ma? Oih. 27:1. Owai me Paulo ma ia holo ana? Luka me Arisetareko. No hea ka moku? p. 2. Mahea ke ku mua ana? p. 3. Oluolu anei ka luna ia Paulo? Ua ae wale ia anei na paahao e launa me na makamaka? No keaha keia hana oluolu ia Paulo? 26:31. Ua ike lakou aole on a hewa, a he kanaka hiki ke paulele ia. Holo aku la lakou a kokoke i ka mokupuni hea? p. 4. A ku mahea? p. 5. No hea ka moku i loaa malaila? p. 6. E holo ana ihea? Owai ka i ee ma ia moku? No ka ino ka makani ihea ka holo ana? p.7. Mahea ke ku ana? p. 8. Heaha Paulo ao ana i ka poe ma ka @noku? p. 10. Hoolohe anei lakou, p. 11. Manao lakou e kali ma ke awa hea a pau ka hooilo? p. 12. Ua hiki aku anei lakou ilaila? No ke aha ka hiki ole? p. 14,15 Puhi aku ka makani i ka moku ihea? p. 16. Hooikaika lakou e paa i keaha? p. 16. No keaha ka aneane hiki ole? Heaha ka lakou hana i mea e pono ai? p. 17,18. I ke kolu o ka la heaha ka i hooleiia? p. 19. Ua ikeia anei ka la ia manawa? p. 20. Ua pilikia anei lakou no ia mea? Ua hiki anei ia lakou ke hoomaopopo i kahi e holo ai ke ole ike ia ka la? He panana anei ia wa? Manao anei lakou e pakele ana? Ua ikeia anei ko ke Akua mana ma ka moana? Pehea ka loihi o ka mau ana o keia ino ma kamoana? p. 27. Nawai i hoolana i ka moana o kanaka ma ia moku? p. 21. Ua hoolohe anei lakou i ka Paulo ao ana mamua? Ua pilikia anei lakou no ia mea? E pakele ana anei lakou? p. 22. Pehea auanei ka moku? Ua kahea anei o Paulo i ke Akue iloko o ia pilikia? Ua huna anei o Paulo i ka Mea ana i manao nui ai; i ke Akua ana i hoomana aku ai? p. 23. Owai ka i launa mai me ia? Pehea kana olelo ia Paulo? p. 24. E pakele ana owai? No ko ke Akua aloha i kona poe kanaka, ua pakele anei ka poe hewa me lakou i ke kahi manawa? Owai ka i noi ikaika no ka hoopakele ana i kekahi kulanakauhale mamua loa? Imi anei na haipule i pono no lakou wale iho no- no hai paha? Hoomanao anei lakou i ka poe hewa ma na pule? Heaha ka mea i lana ai ko Paulo manao? p. 25. E aha ia ana lakou? p. 26. No ke aha ko Paulo pihoihoi ole? Hal. 46: 1. Ma keaha i like ai na pilikia me ka ino ma ka moana Ua like anei kakou me keia poe sela, hiki e hoopakele ia lakou iho? Heaha kekahi o na olelo hoolana ma ka Baibala? Hal. 37:5. 1 Pet. 5: 7, &c. Ua ko mau anei ko ke Akua manao? Ua halia anei ka hooko ana i kahi wa? Oiai e noho paahao ana o Paulo, ua haalele anei ke Akue iaia? Ua hoolana, a kokua pinepine anei iaia? Ua lilo anei ko Paulo mau pilikia he nui i mea e hoomaopopo ai i kona ano? A i mea e kokua ai i kana hana? Ua ike lea ia a@ei ko ke Akua mana ma ka moana? Hoolohe anei i kona leo? Pehea ka Iesu hana ma ka moanawai o Galilaia, i ka ino? Ua hoonaauao anei ke Akua i kana poe keiki, a alakai ia lakou? He nui na ino ma keia ola ana- owai nae iloko o ia ino, a na kona leo e hoomalielie? O ka manaoio i ke Aku- ka Makua aloha, naauao, mana- he mea anei ia e lana ai ka manao iloko o na popilikia? Pule ka poe pono no wai? Loaa anei ke Akua i kona poe kana ma na wahi a pau? Nawai i haawi mai i na olelo hoolana? Hiki anei i ka mea hookahi e kokua i ka lehulehu ma kona manaoio ana? Ua pono anei ke huna wale i ka malamalama? Ina he kukui uuku ka kekahi, heaha ka pono, e hoopio, a kiola ia kukui, e ho-a paha, a waiho mai i ikeia kona wahi malamalama? Wahi a kekahi haipule, ekolu mau mea ana i hilinai ai, - ko ke Akua aloha; ko ke Akua ike, a me ko ke Akua mana. O ka poe hilinai aku ia Iehova, e like no lakou me ka mauna o Zinoa, aole ia e naue, e noho mau loa no, wahi a Davida. Owai kekahi poe a ke Akua i kokua ai, iloko o ka piliia? Puk. 14:13, 14. 16:3-13. &c. I Na Lii 17: 1-6. Dan. 3:20-28. 6: 16-23. Mele, "Iesy kyy manao la" Hoku Ao Nani 166. Pule.

HE WAHI OLELO I NA MARETA

"E Mareta, e Mareta, ua nui kou manao me kou pihoihoi i na mea he nui." Luka, 10; 41. I ko Iesu hele ana, ua komo oia iloko o kekahi hale, elua wahine iloko, o Mareta me Maria kona kaikaina. Lilo Mareta i ka hoomakaukau ana i wahi ai na Iesu a i wahi rumi e moe ai. O Maria nae, noho oia ma ka wawae o Iesu e hoolohe i kana mau olelo, hoohalhala nae Mareta, E ka Haku, e olelo oe i ko´u kaikaina e kokua mai ia´u ma ka lawelawe ana. Ike Iesu i ka holoholo ana o Mareta i o a ianei e kuke ana, e palai ana, e baila ana i ka ipu ki, a i ka hoomakaukau ana i ka papaaiana, e kau ana i na pa, me na pahi, me na o, na kiaha, a e hana ana no me ka pihoihoi. Pane Iesu, E Mareta e Mareta, ua nui kou manao a me kou pihoihoi ana i na mea he nui. Okoa kou kaikaina o Maria, aole on a manao ma ka ai na ke kino, ma ka ai na ka uhane kona manao nui. No kou lilo ana i ke kuke ana i ai na ke kino, ua hoonele oe ia oe iho i ka ai na ka uhane, a ola. Lohe kekahi wahine e puka ana kekahi kahunapule ma kone wahi, ka lilo no ia on a i ke kuke ana i na mea ono he nui wale, puka ke kahuna, kau ka wahine i na mea ai, na mea ono ma ka papa imua on a, aole hoi oia i ai i kekahi mea ono ana i hana ai nona, hoole oia, aole au i ai i ka mea ono. Ua luhi loa ka wahine i ka hana ana ia mau mea ono. Hoi aku ke kahunapule, moe ka wahine ma kahi moe, a olelo, Kupanaha! Luhi loa au i ka hana i mea ono no ke kahuna, eia ka aole oia i hoopa iki ia mau mea ono. Luhi wale au, makehewa kuu luhi, in a pela ke ano o na kahunapule, aole o´u makemake e hele nui mai lakou i ko´u hale. A pane kekahi wahine, Naaupo oe, pono ole ke kahuna i kou mea ono no kona ike ana paha he mea e ino ai ko loko on a ke ai, aole no kona manao ole i kou luhi. E hoolohe oe i ka´u. He kahunapule kaulana e puka ana i kekahi hale. O ka haku wahine, noonoo oia i ka mea e hana ai nona. Heaha la kona mea inu? He ti, he kope, he koko paha, hana nae oia ia mau mea inu ekolu. Ma ka noho ana ma ka papaaina, ninau ka wahine, Ka mea inu, heaha kau i makemake ai? ka ti, ke kope, ke koko paha? Pane akahele oia, ka mea, ka wai wela me kahi ko, a o kahi waiu, oia wale no. Makehewa e ka luhi o ka wahine. Ma ka hoopili ana,- Mai lilo ka poe hookipa i ka hoomakaukau ana i na mea ai na ka poe e hookipa ia ana, a hala ka manawa e launa pu ai a e kamailio pu ai me ka poe i hookipaia. Me Mareta, lilo oia i ka hoomakaukau ai ana, haule ka lohe ana i ka Iesu mau olelo maikai, a mahalo Iesu iaia. A o oukou hoi na haku hale, mai hele oukou i na halawai Sabati, a hoono ho i na kauwa e kuke i ai na oukou ke hoi mai; ua maona ko oukou uhane i ka ai uhane. Pehea nae na uhane o na kauwa? E aloha i ka hoalauna me oe i aloha ai ia oe iho. H.M.

NA LA O NOA.

"Ua piha ka honua i ka hoomainoino" Kin. 6:11. He mau kanaka nunui i ka wa ia Noa, nunui na kino, nunui na hewa, a me na hana hoomainoino. Koe nae kekahi hana hoomainoino hiki ole ia lakou ke hana no ka ike ole i ka mana e hiki ai ke hana. E kukulu ana Noa i halelana ma ke kauoha a Iehova i wahi e komo ai Noa a me ka poe e makau ana i ka make i ke kaiakahinalii e hiki mai ana maluna o ka honua i mea e pau ai na mea ola i komo ole iloko o ua halelana nei. Hoino kanaka ia Noa, a hoomaloka loa, aole lakou i manao e ko ana ka wanana a Noa; ike lakou i ka Noa ma hana ana i ka halelana, hana no a malama a makahiki a makahiki, a olelo paha, E, e paa ana ka hale ano e o Noa, a pehea kakou? E ae ana anei e ola Noa ma, a e pau kakou i ka make? E hele kako u a e hoopau i kona hale i pau ia a i pau pu Noa ma i ka make, a i lilo kona wanana i mea ole, o ko lakou makemake paha ia e hoopau i ka hale me Noa ma pu. Aka, aole i loaa ka mea mana e hiki ai, akaka ole ka hana i ka dainamaita ma ia wa, in a akaka ia, aole paha i pakele ka halelana a me Noa ma pu i ka hoopahu ia. E like me kela wa, pela keia wa, ua piha ka honua i ka hoomainoino, i ka hana ino i ke kipi ana, i ka luku ana, i ka hoopau wale ana i na kanaka, i na kulanahauhale, i na ´lii, i ka poe wai wai, me na waiwai pu he nui ke ano. Nui na kaua, na maku ka@a, na pu kaua, na pu kuniahi, na pu hoolele boma i na topido, mea e pahu ai na moku, na pu panapana, na pu pakeke ia, oia kekahi mea e make ai na kanaka, a me na alii. Nui wale ka poe i hele pu me ia mau @u i huna ia iloko o ko lakou lole; kani pinepine ia mau pu; he wahi kina iki, he wahi huhu, he wahi lili, he wahi hoomauhala, he wahi enemi, a unuhiia ka pu mailoko mai o kahi huna, a o ke kani no ia o ia pu, a o ka make no ia o kekahi. Ke ahi kekahi mea e pau ai na hale, na waiwai, na kino o ka poe i enemiia, i ohumuia. Makau ole keia poe hoino, a hana hoomainoino. No ka hapa o ka mana o keia mau mea, ua hana kekahi poe i mea mana loa, oia ka dainamaita, he mea hou keia, a e piha ana ka honua i keia mana hou e pau ai na hale a me na kanaka pu. Ina ua heluhelu oukou i na nupepa, ua ike oukou i ka hana ino a keia poe me ko lakou dainamaita. Hoao no lakou e hoopahu i na hale alii, na hale hookolokolo, na hale ahaolelo, i na luakini nani, i na hale nui a kau lana, i na uwapo nui a kaulana. O ko lakou makemake e pau na hale alii, na hale hookolokolo, na hale ahaolelo, na hale hoi o ka poe waiwai a hanohano. Eia ka inoa o ia poe hoino, Communists, Socialists. He poe hoohalahala lakou i ka like ole o na kanaka. Ko lakou makemake e noho like na kanaka, he waiwai like, he ilihune like, he hanohano like, he mana like, he alii like. Aole make e oi ka waiwai o kekahi a e emi ko kekahi, aole make e noho alii kekahi, aole makemake i aupuni, e pau na aupuni, e noho like na mea a pau. Ma keia hana make me ka dainamita e imi nei lakou e hooko i ko lakou makemake. Nui loa ia poe ma Europa, ma Beritania, ma Farani, ma Parisa, a ua hiki no lakou i Amerika Hui. Nolaila, ke kau laka makau maluna o na alii, a o ka poe waiwai a hanohano. Nui no na kiu, na kiai, na makai, e kiai ana, e hoao ana e hoomalu, aole nae e hiki ke noho hiamoe, me ka manao ua malu. Aia paha ka dainamaita malalo ae o ka hale, e pahu koke ana paha, a pau @@ hale a me ka poe oloko. Pehea la e pau ai keia hana hoomainoino? Heaha la kona hope? Ke ala nei na aupuni e imi i ka mea e pau ai. E ala hoi na kanaka o ke Akua, a e pule nui ia lehova nona ka mana e paa ai na aupuni, i malama iaia; a nona ka mana e pau ai na aupuni i malama ole iaia. H.M.

E OLELO NO KE AKUA.

"He wahi olelo ka´u i koe no ke Akua." Ioba, 36; 2. Olelo Iesu, " O oukou no ka malamalama o ka honua, O ke kulanakauhale i ku ma kahi kiekie, aole ia e nalowale. Aole i hoa ia ke kukui i mea e waihoia malalo iho o ke poil; aka, ma kahi e kau ai o ke kukui, i malamalama no ka poe a pau iloko o ka hale." He kukui ka ekalesia, ma ke aha e hoike ai ia i ka malamalama? Ma ka noho wale anei a hana ole, a pee iloko o ka paloka, iloko o na hale lealea, na hale inu bia, na hale hoopahupahu, na hale pepa pili waiwai. Pono no e komo iloko o ia mau hale aole nae no ka lealea, aka, no ka hoike i wahi olelo no ke Akua. Pela no hoi oe e ka hoahanau, he kukui oe ke hele ma ke alanui, a ma na hale noho, na halekuai, hale kuai rama, kuai bia, a ke noho oe ma kou hale iho. Elua nae ano o ke kukui, he kukui aa, he kukui pio, he kukui i huna ia iloko o kona hale pouli, a he kukui e aa ana iloko o kona hale aniani. He kukui aha oe e ka hoahanau? Ke hoike nei anei oe i wahi olelo no ke Akua i kou hele ana i o a ianei, iloko a iwahi o na hale, a ma kou hale iho? Ke pane mai ne anei oe he waha hemahema ko´u, aole akamai i ke kamailio ana no ke Akua. Ina pela, e lawe pu me oe i ke Kauoha Hou Pakeke, a e wehe a heluhelu i kekahi o na pauku, a i ole ia, e lawe i kekahi mau palapala liilii paipai no ka uhane, a no ke Akue, a haawi aku i ka poe au e halawai pu ai, a e waho i kekahi mau palapala ma na hale au e komo ai. A ma kou hale iho, i ka wa pule, e lawe i ka baibala, i ke Kauoha Hou paha, a heluhelu i kekahi pauku a wehewehe i ke ano, a paipai i ka poe iloko e malama a e pule iho. A pela no oe e hoike ai i wahi olelo no ke Akua. A i kou hele ana i na halwai haipule, e noho makaukau oe e pule, a e kamailio no ke Akua ke noi ia, a ke ole ka mea nana e alakai ka halawai. A in a ike oe i na leo himeri, mai huna i kou leo himeni, a e halelu pu aku ia Iehova, a pela oe e hoike ai i kou malamalama, a olelo no ke Akua. H.M.

HE MAU LETA MAI NA AINA E MAI.

TAPITEUEA, AUG. 12, 1884.

Henry Waterhouse,

Aloha nui oe,

 a me ko ka hale a pau. He malihini keia maka peni ia oe, aka, he kupa a he @amaaina ma ka hana a ka Haku. Ke neemua nei na hana pono, aole emi i hope. O na halawai Poakolu, aia no ka nui o ka lawelawe ana ma ka lima o na hoahanau, a pela no na halawai Poalima a na wahine. Ua kau iho nei keia lahuikanaka i mau Kanawai no lakou iho, i mea e hoomalu ai i ka aina. A ua hana no hoi i mau alanui aupuni e like me Honolulu, ua manao au mai Moanalua a hiki i Maunalua, pela ka loihi i hanaia ai ke alanui. O na Kula Sabati a me ka Kula hele La, ke mau nei no ka malamaia ana. Ke aloha aku nei o Ema ia oe, a me a´u pu no hoi kekahi.

Aloha no.

CHAS. B. KOMAKALOI.

TAPITAUEA, AUG. 12, 1884.

Henry Waterhouse,

Aloha nui oe, a ,e ko ka hale no a pau. Ua loaa mai nei kau palapala ia´u, a me na mea a pau au i hooili mai ai ma ka moku Kaluna.

Na mea liilii o Tapiteuea.

Ke holo nei ka hana maanei i keia wa, a ke nee mau nei imua. Na Kanawai o ka aina, ua kauia iho nei, a ke ku nei me ka maikai. O ke Kanawai no ka pepehi kanaka, in a e make ka mea ana i pepehi ai, e make no oia. Alua inu rama, he 10,000 hua niu ka hoopai, ua like me $50.00. Ka uku hoopai no ekolu aihue, he 8,00 hua niu, a he nui wale akue, ua hooko pono ia keia mau kanawai. Ua pepe hi iho nei kekahi kanaka i kekahi wahine a make loa, a ua hookoia ke kanawai. Ua koho ia iho nei he mau lunamakaainana i poe Kau Kanawai, a na lakou i kau keia mau kanawai. Maikai ko makou mau alanui, ua like me alnui Moi a me Nuuana ka palahalaha, a o na uwapo koe a mahope aku. Ke wikiwiki nei au no ka hele i ke kihi o ka aina i keia la i ke ao no keia hapaha makahiki; a hoi mai au, alaila hoomaka au a me na kanaka e uhau i ka uwapo. Na Kula Sabati, ke mau nei no, na halawai ua mau no, he oia mau no na hana maikai. Oia mau no ko makou ola kino. Aole mea hou. Me ke aloha a nui. W.B. KAPU.

TAPITEUEA, Sept. 26, 1884.

Aloha oe a me mama, a me na kaikuahine, ka ohana a pau. Ua hiki mai i o makou nei ka moku Kaluna i ka la 28 o Iulai, a malaila i loaa mai ai na nupepa a me na leta, a mai laila mai no i loheia mai ai ka biki ole aku o ka moku Hoku Ao ma kona alanui moana; a malaila pu no i loheia mai ai no ka moku Hoku Ao Hou, he mokuahi kiakolu maikai. NO MAKOU IHO.- Maikai no ko makou ola kino. NO A HANA A KA HAKU.- Maikai no. Ke mau nei kona nee ana imua. Oluolu no ka manao i ka ike aku e hele mau ana no imua na hana a ka Haku. Na halawai Poakolu a me Poalima a na wahine, ke paa mau nei a puni ka aina holookoa o Tapiteuea nei. I ka nana aku, o ka hana no ia a ka uhane o ke Akua, o ka hoohuli mai i ka poe auwana, haukae, ike ole i ka oiaio o ke Akua Kahikolu. Kupaa no na hoahanau ma ka pono, a kokua nui ma na hana pono a ku i ka oiaio. Ua kokua iho nei na keiki a me na makua no ka moku Hoku Ao Hou, ma na hua niu, a o na dala i loaa ma kuu lima he $40; aole nae i pau ka niu i ke kuana i keia wa. Eia no ke waiho nei; in a paha e pau, e loaa ana paha he $80. Aia hiki mai o Kaluna, alaila hooili aku au i na dala e waiho nei ma kuu lima. NA MEA LIILII O TAPITEUEA.- Ma ka la 22 o Iune, 1884, ua koho na makaainana o ka aina i kekahi poe elemakule, i poe kau kanawai no ko lakou aina iho, a i poe makai. He kanawalu ka nui o ka poe i kohoia. Kanawai 1. Ina e pepehi kekahi i ke kanaka a make, o koua hoopai he make. Kanawai 2. Ina e hele wale kekahi me ka hoopaa ole i kona waena, o kona hoopai 200 hua niu. Kanawai 3. Ina moekolohe kekahi mau mea, o ko laua hoopai, 6,000 hua niu o ke kane, a 3,000 o ka wahine. Kanawai 4. Aole e palua wahine a ke kane hookahi. Ma keia kanawai ua nui ka pioo a me ka huhu o kekahi poe, o ka poe palua a pakolu wahine. Ua hookoia no keia kanawai. A he nui aku na kanawai i kauia. Ke hookoia nei na kanawai a pau i hooholoia. KE ALANUI O TAPITEUEA.- Ua hoowololeiia ke alanui, a ua hoopalahalaha ia e like me ke alanui NUUANU; maikai ke nana aku, a olioli na kanaka i ka hana ana, a me ka hoopaa ana i kekahi mau kowa kai i komo ole ke kai, a he uwapo ia i keia wa. Kokoke e paa elua luakini hou i keia wa; ilaila aku nei au a hoi mai nei i keia pule. Ke aloha aku nei o Ema ia mama a me kuahine ma. Aloha aku i na makamaka a pau. Owau no me ke aloha. W.B. KAPU.

BUTARITARI, Jan. 22, 1885.

Aloha oe a me mama a me ka ohana a pau. Ano no i hiki mai nei kau wahi leta i kakauia i Iulai 15, 1884, me kekahi puolo hooili, mai ka moku mai o na haole o Jeluij. He hoomanao mau no maua e noho nei ia oukou, a kuka pu no hoi maua no ko kakou noho launa ana malaila. Aole no he pilikia o ko makou noho ana e noho nei, he oluolu no ko makou mau ola kino, a he maikai no ke ola o keia lahui a me ke ola o ka ohana alii o onei. Na hana o ka pono.- Ke mau nei ko makou mau hana o ka Haku ma ko makou aina nei. He ala mai no nae na keakea i na hana pono. O na haole kalepa e noho nui mai nei ma ka aina, oia kekahi poe makemake ole i na hana maikai. Makemake lakou i na hana lapuwale, a ke hoohainu malu nei kekahi poe i kanaka i ka rama. Ke hoo@kaika nei ke alii a me ka poe makemake maluhia e kinai i kela moonihoawa. Ua hopu koke ia a hoopaaia i ka hao, a me ka uku dala e hemo ai. No ka inu hookahi ana he $30. A pela no na hewa e ae na mea keakea i ka holo ana o ka pono iwaena o ka lahui. Ke uwe aku nei o Mary Kalau ia mama a me kuahine ma. E hai aku i ko maua aloha ia Poka Gelina a me ka ohana. Na ka Haku e hoomalu ia kakou, a ma kona aloha e hoohui hou ia´i kakou, ma ke kino paha ma kela ao paha. Me ke aloha ia oukou a pau. R. MAKA.

1.301

Ko´u mua, he hookahi ia, a o ko´u hope, he hookahia ia,- Ko´u waena he kanalima ia, a o kuu holookoa, he pono nui no ke kanaka, na laau, a me na holoholona. Owai au, a kuailo mai.

NA HOOLAHA KUMAU.

PAPA! PAPA!

AIA MA KAHI O

LEWERS & COOKE,

(O LUI MA)

@@ ke @@@@@ kahiko ma alaani Papa a me Mo@,

E @@@@ ai @@

PAPA NOUAHIKI.

o kela a me keia a@@

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele, Na Papu

Ku, A me na Papa Moe nui loa

Na Pili o na Hale o na Ano a Pau.

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Pukam Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Ho@-

maloo, he lehulehu wale,

Na Aila e ae o na

ano a pau.

NA WAI VANIKI

-A ME NA-

WAI HOOHINUHINU NANA

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

-NO KA-

UKU HAA LOA.

E like me ka mea e holo ana mawaena o

LAUA a me ka MEA KUAI.

E Hele mai! E na Makamaka

lawa no hoi koo makemake

k@@@@olua @@; maikai.

HALEPAI O THOS. G. THRUM

-O KA NUPEPA-

SATURDAY PRESS me KUOKOA

ALANUI KALEPA, HONOLULU

Malaila e paiia ai na ano a pau o na

BUKE,

HOIKE O NA KULA,

HOIKE A NA KOMITE,

NA HAAWINA KULA SABATI,

PAPA KUHIKUHI O NA ANO A PAU,

HOOLAHA NUNUI A LIILII,

BALOTA, LIPINE PAPALE,

TIKETA, WAHI LETA,

BILA PAI HAKAHKA.

HOOLAHA KUDALA,

@@, @@, @@

Iloko o ka wa pokole a me ka auhau haahaa.

A ma ka halekuai o THOS. G. THRUM

ma ALANUI PAPU, e loaa ai na

Kalana kakau o na ano a pan,

Wahi Leta "     "           "

Inaka "             "           "

Penikala "        "           "

Mea Hoopipili, buke hoomanao,

Peni gula a me kumu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila hia o na opio.

A he Agena no ke ana lole pepa o na

Keiki a me na wahine

No ka ho@ilona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pa o ka papa inoa i makemakeia. Uku no ka inoa hookahi me ka inika a me ka hulu, $1,50 in a ma ka papa inoa keleawe, a in a ma ka papa inoa dala, $2. O na kauoha pau mai na mokupuni e hookoia in a e hoouna pu ia mai me ke dala a me ka moakaha pono o na hoakaka ana. THOS. G. THRUM

H. L. CHASE. (KEIKI.) Mea Palkii kaahele ma na mokupuni. E hanaia no na kii mea ka maikai a me ka eleu pu no hoi. E paiia no na kii nui a liilii e hike me ka makemake o na makamaka. He o@@@@@ ka auhau no ke pai ana.2014-1@.

NA HOOLAHA KUMAU.

G. L. FITCH. KAUKA PIKA

U´a @ @ @ @ @ @ @ @ Alanui Maunakea. Honolulu, @@@@@@@ lo@a no au ma @@ K@@@@ m@ ka @@@@@@@ Aora 1@ o ke kakahiaka a keia a @@@@@@@ Aora 3.30 a i ka hora 7.30 ahiahi. @@@@@@

JAMES M. MONSARRAT. (MAUNAKEA.) LOIO A HE KOKUA MA KE KANAWAI.

He Luna Haoiaio Palapala.

E hana ia no Palapala Kuau @@@@@ Hoolimalima, a me na palapala @@@@@@@ ae ma ka olelo Hawaii. Dala no ka @@@@@@ ka moraki ma na waiwai paa. KEENA HANA: alanui Kalepa.

WO. SMITH. LOIO, LOIO, LOIO, KEENA HANA Helu @o alanui Kalepa. @@

W R. KAKELA. LOIO A HE KOKUA MA KE KANAKA He Luna Hooiaio Palapala tf.

A ROSA. (AKONI.) LOIO A HE KOKUA MA KE KANAKA. He Luna Hoolalo Palapala. KEENA HANA: Ma ke Keena Loio K@@@ tf.

S B. DOLE LOIO, LOIO, LOIO. He Luna Hoolaio Palapala. KEENA HANA: Ma Alanui Kaahumanu

DILLINGHAM & CO. Mau Mea Kuai Lako Hoo Alanui Papu, Honolulu.

FRANK PAHIA. ANA AINA! ANA AINA!! KEENA HANA: Aia ma alanui Moi, @@ koke loa i ka Uwapo o Hooliliamanu.

CC. COLEMAN. Amara a he mea hana Mekina Kapili Kapuai hao lio. A ME KA Hana Kaa Lio ana, etc., Hale Hana ma Alanni Ali. @@@-tf E kokoke la i Alanui Papu. JP. HANAAUMOE. He Lolo a he Kokua ma ke Kanawai ma ua Aha Hoomalu a Apana e jeia @@@@@ E loaa no au ma Puna, Hawaii.

E G. WALLER (WALA.) Mea kuai io bipi ma Alanui Puowaina @@ @@ hale i kapaia "Kawaiahao Market," ma @@ loaa ai na io bipi momona, @ e hoolawa @@ ka makemake o na makamaka. 2000@

CHAS H PULAA. HE LOIO A HE KOKUA MA KE @@@@@ A e loaa no au ma Honomakau. Kahala Akau, Hawaii. 200@

JOHN MAHIAI KANEAKUA. LOIO A HE KOKUA MA KE KANAWAI MA NA AHA HOOKOLOKOLO A PAU KEIA AUPUNI. Keena Hana me @@on. E. Preston (lolo @@ ohana) ma Alanui Kaahumanu, Honolulu.

CECIL BROWN. LOIO A HE KOKUA MA KE KANAWAI. A he Agena Hoolaio Palapala no ka Mokupuni o Oahu KEENA HANA: Helu 8 alanui Kaahumanu tf.

RICHARD F. BICKERTON. (PEKEKONA) LOIO A HE KOKUA MA KF. KANAWAI. KEENA HANA: Helu 27 alanui Kalepa tf.

C BREWER & CO. (BURUA MA Ua makemake la ka poe mea ILI KA) MALOO a me na ILI BIHI, a pela @@@@ na ILI MIKO o na ano a pau, e kuai n@@@@ lakou mau ILI me makou, a e haawi @@ @@ kou i ke KUMUKUAI KIEKIE LOA @@@ kakou Makeke.

W A. KINI, LOIO, LOIO, LOIO. KEENA HANA: Helu 15 Alanui Kaahumanu, Honolulu.

W.C. AKANA (KALAUKI He Mahalo a Unuhi-olelo ma ka olelo Pak@ me ka olelo Hawaii. Ua makaukau @@ @@ e hana i na Palapala Kuai a Hoolimalima a pela aku mawaena o na Pake a me na kanaka Hawaii. E @@@@ @@ @@ @@ @@ @@@na Helu 7, Alanui Moi, ma kahi e kokoke ana i ka uwapo o Haaliliamanu.

WILDER & CO. (WAIKA MA @@@ kuai papa a me na lako kukulu hale o ma ano a pau, a ma na me a@ pono a pa@ no ka hale. Kihi Alanui Moiwahine me @@@

WILLIAM AULD. I@@a Hoolalo Palapala Kepa Puuhuma no ka Apana o Kona. KEENA HANA: Ma ke Keena Wa@@@ Honolulu.S H. MEEKAPU. Tela humuhumu lole. HALE HANA: Helu @@ aianui Nuuanu.

JNO. M. KEALOHA. LUNA Hoolalo Palapala Kepa Paahano no ka opuna o Kuuaihau, Kauai. He Agena no ka Hoolalo ana i na Palapala no ka apana o Kawaihau, Kauai. He Komiaina Palena Aina no k@ apana o Kawaikau, Kauai, a he Luna Hooko Maro no ka Pae Aina holookou. 1163-1yr.