Ka Nupepa Kuokoa, Volume XXIV, Number 11, 14 March 1885 — E OLELO NO KE AKUA. [ARTICLE]

E OLELO NO KE AKUA.

"He wahi olelo ka'u i koe no ke Akua." loha, 36; 2. % Olelo lesu, u O oukou no ka malamalama o ka honua, O ke kulanakauhale i ku ma kahi kiekie, aole ia e nalowale. Aole i hoa ia ke kukui i mea e waihoia malalo iho o ke poi; aka, ma kahi e kau ai 0 ke kukui, i malamalama no ka poe a pau iloko oka hale."

I He kukui ka ekalesia, ma ke aha e hoike ai ia ika malamalama ? Ma ka noho wale anei a hana ole, a pee iloko 0 ka paloka, iloko o na hale lealea, na hale inu bia, na hale hoopahupahu, na hale pepa pili waiwai. Pono no e komo iloko o ia mau hale aole nae no ka lealea, aka, no ka hoike 1 wahi olelo no ke Akua. Pela no hoi oe e ka hoahanau, he kukui oe ke hele ma ke alanui, a mana hale noho, na halekuai, hale kuai rama, kuai bia, a ke noho oe ma kou hale iho. Elua nae ano o ke kukui, he kukui aa, he kukui pio, he kukui i huna ia iloko o kona hale pouli, a he kukui e aa ana iloko o kona hale aniani. He kukui aha oe e ka hoahanau ? Ke hoike nei anei oe i wahi olelo no ke Akua i kou hele ana i o a ialiei, iloko a iwaho o na hale, a ma kou hale iho ? Ke pane mai nei anei oe he waha hemahema ko'u, aole akamai i ke kamailio ana no ke Akua. Ina pela, e lawe pu me oe i ke Kauoha Hou Pakeke, a e wehe a heluhelu i kekahi o na pauku, a i ole ia, e lawe i kekahi mau"palapala liilii paipai no kauhane, a no ke Akua, a haawi aku i ka poe au e halawai pu ai, a e waiho i kekahi mau palapala ma na hale au e komo ai. A ma kou hale iho, i ka wa pule, e lawe i ka baibala, i ke Kauoha Hou paha, a heluhelu i kekahi pauku a wehewehe i ke ano, a paipai i ka poe iloko e malama a e pule iho. A pela no oe e hoike ai i wahi olelo no ke Akua.

A i kou hele ana i na halawai haipule, e noho makaukau oe e pule, a e kamailio no ke Akua ke noi ia, a ke ole ka mea nana e alakai ka halawai. A ina ike oe i na leo himeri, mai huna i kou leo himeni, e hui pu a himeni no me ka poe himeni, a e halelu pu aku ia lehova, a pela oe e hoike ai i kou malamalama, a olelo no ke Akua. H. M.