Ka Nupepa Kuokoa, Volume XXIV, Number 17, 25 April 1885 — Come Home,-Ehoi mai oe. [ARTICLE]

Come Home,-Ehoi mai oe.

He makuahine ilihune. He kaikamahine kana i haalele i kona home maikai, a hukiia iloko 0 ka mimilo hookamakama o Ladana. 0

Kaumaha loa ka makua. A ninau oia i kekahi kauka, Hiki anei ia oe ke kokua mai ia'u 1 loaa hou mai ka'u kaikamahine i nalowale ? Ae, hiki no. Penei oe e hana ai ; E hanaia kou kii, a e.hanaia i mau kope o kou kii, a haawi mai ia'u. Ua hanaia pela. Aua kakauia malalo iho o na kii, E hoi mai oe. (Come home,) Ua laweia keia mau kii a kaulia ma na hale hookamakama, a ma na hale inu rama, a hana lealea.

I kekahi po, i ke komo ana o ua kaikamahine nei me kahi hoa ona iloko o kekahi hale lealea, ike oia i ke kii o ko na makOahine. Nana oia ia kii a heluhelu i ' ka olelo kahea, E hoi mai oe, akaka iaia, ua kala ka makuahine laia, a ku oia ma ia po, a hoi aku i kona home ponoi, me kona ano ino, ano mihi nae.

Pela no lesu Kristo, Ke kahea nei oia i ka; mea auwana, ilihune, inoino no, e hoi i ka hale o ka Makua, i ka home ma ka lani. Come home, eome home, leo aloha e kani ana iloko oka pepeiao o na mea auwana a pau, oke kane, o ka wahine, o ke kaikamahine, oke keikikane. He oli, he aloha, he maha, he malu nou ma ka lani. Mai olelo oe, Aole paha he ola no'u. Ua hewa loa au. Aole paha hiki ke kalaiaHiki no, e hoi me ka mihi nui, me ka olelo, u Ua hewa au, ua nele no, Aole wahi pono o'u. A me ia nele, eia au, E lesu e, eia no au." M. H.