Ka Nupepa Kuokoa, Volume XXIV, Number 18, 2 May 1885 — OLELO HOALOHALOHA NA KA AHAHUI OPIOPIO PUUWAI LOKAHI. [ARTICLE]

OLELO HOALOHALOHA NA KA AHAHUI OPIOPIO PUUWAI LOKAHI.

Oiai ua oluolu i ke Akua Kahikolu ma ka lani ma Kona lawe ana aku iloko o Kona mana, ma ka hora 1 a rae 50 minute 0 ka auina la Poaono, la 25 0 Aperib, M. H. 1885, i ka liko lani, ka muo Alii, ke Alii ka Moiwahine Kanemake EMMA ALANI, ka Moiwahine i aloha nui ia e ka Lahui Hawaii. A oiai ma kona ano he Poo 1 mahaloia, he lala 1 alohaia, he Puuku i hilinaiia, a he alakai no na hana a keia Ahahui no na makahiki ewalu. Nolaila, o makou o ka Ahahui Opiopio Puuwai Lokahi, 1 akoakoa mai maioko o ka Luakini 0 Kaumakapili, i keia la 27 o Aperila, M. H. 1885, ke hooholo nei:— - Ke komo pu aku nei makou k.a Ahahui Opiopio Puuwai Lokahi me ke Keiki Alii Albert Kukailimoku Kunuiakea, ma ke kumakena pu ana me ia iloko o kona mau la o ke kaumaha ao kona kaikuahine iVlii Emma kaleleonalani, i hala aku la i ka make, ma ke alanui ula a Kane. Alua*—Ke nonoi nei makou i ke Akua Mana Loa, e hoomama i kou naau kaumaha a me ko ka Ohana Alii a me ka Lahui pu. Akolu.—E kohoia i Komite i ehiku lala, nana e lawe aku i keia Olelo Hoalohaloha i ke Keiki Alii A. K. Kunuiakea. 0 makou no na Komite i koho pono ia. A. P. Kalaukoa, G. W. Pilipo, J W. H. Wahineaua, J. H. Hanio, W. H. Kamumoku, W. N. Kahumoku, C. H. Kamalu. Honolulu, Mei 1, 1885.