Ka Nupepa Kuokoa, Volume XXIV, Number 18, 2 May 1885 — (Kakauia no ke Kuokoa.) [ARTICLE]

(Kakauia no ke Kuokoa.)

Malok.o o kekahi o na nupepa ma ka aoao Kuhma, ua ike iho makou i ka hooliioia ana o ka Hui o Spreckels ma Honolulu nei, i Agena no ka Papa Ha opae Lima Hana. Ma keia kakou e hoomaopopo iho ai he ekolu waha nunui a keia omaka waiu e hanai ai, o ka Peresidena o ka Papa, ka Agena i oieloia ae ia, a me ka Agena Kanikela Irwin ma lapana. O keia poe a pau e iaweiawe ana i ka hana a ke Aupuni manmii o na alakai ana a ke Kuhina Kipikona, me ka ukuia mailoko ae 0 na ioaa oka lehulehu. E nana iki ae kakou i ke ano o keia mau hana a lakou nei, a e hoopaa mau kakou ina hopena, i hiki mai ai ka la houluulu, ua maopopo mua ke kumu a me ka mea nona ka manao. Ika wa mamua, he nui no na lilo o keia Papa, no ka lawe ana mai i na hoopae iima hana ma Hawaii nei, aka, ua akaka ke alanui i nui ai oka lilo. O keia hoopae lima hana lapana, he mea moakaka wale no keia ia kakou a pau, aole he kumu 0 ka hoonui lilo ana o ke Aupuni ma e ka hoonohonoho ana i na Agena e like me keia e ikeia nei. Eia ke Aupuni, ma o ka Peresidena, ke Kakauoielo, ke Comisina, ame na luna e ae, ke noho wale nei, a heaha la ke kumu o keia hoonoho hou ana aku i kekahi hui e hookele a e hoohana aku i keia hana ? Ua hoonohoia aku ka hui o Spreckels

e hana raa kahi o ka Papa. Eia o Spreckels & Co. ka Agena o ka Papa ma Honolulu nei, kahi i noho ai, ma kahi no hoi o ka Papa Hgopae Lima Hana e noho nei, a nolaila, ma ka noonoo hea la a ma ke kumu hea la i kapae aika Peresidenaoka Papa Hoopae Lima i kana hana, a me kona mau lima hana e noho wale nei, a haawi wale aku la no i keia apana hana o ke Aupuni i ka mea hou aku ? Ma ke ano piele pomaikai pilikino anei ? Ma ke ano kipe anei i ka ona miliona Spreckels, i mea e kokua mai ai ka ona miliona i keia Aha Kuhina e mau ma kahi a lakou e noho nei, me ka hoowahawaha kumu ia i Va lehulehu ? Ko ka nele anei i ke dala, a me ka hilinai ole ia o ke Aupuni, i haawi pio īa aku la na pono o ka lehulehu ma ka lima o kekahi hapuku nui i hiki mai ma Hawaii nei ? Me he la malalo no o na kumu a pau i heluia ae la. No ka mea, ua pilikia a ilihune ke Aupuni i keia wa, a o ke kumu o keia pilikia mamuli no ia o keia Aha Kuhina, ua inoa ole ke Aupuni ma o ka Aha Kuhina, no na hana lapuwale e hoohanaia nei maluna o na loaa o ka lehulehu, a ma ia kumu ua hiki ole i keia poe ke lawelawe ponoi iho i ka hana o ke Aupuni, aia a poholaloia aku ma ka lima o hai, alaila pono ka hana, me ke omoia nae o ko ka lehulehu mau pono ma ia lilo ana ia haL Aka, aole makou e hewa ia oukou, no keia mau hoikeike, oiai, aole e loihi ana ka manawa, e puka-a-maka mai ana ka hopena o keia mau hana. Ua hoolilo keia Aha Kuhina i ke Aupunj me he bipi wahine la, a o kona ano ua opi-alu, i kau a mea he omokoloheia o na omaka wai« e na kiai a me na hoa hui o lakou. Ua omo palena ole ia oe e Hawaii, a ua olala kou kino, a ua lilo oe e ka mea maikai malalo o na hookele ana a na Kamehameha, i mea hoo wahawahaia iloko o keia au. Ke lohe pinepine ia nei īwaena o ka lahui ke kaniuhu no ka hoomaewaewaia o ka pono o k& aina, e like me keia mau hana, a no ka nana maka ia o ko ka le hulehu mau pono. Ua pouli ka lani ua ka ike ke komo nei iloko o ka haabaa, a aia okomo malu mai keia Aha Kuhina i na hoonui auhau i keia kau ahaolelo ae e ike like ai oluna a me lalo.