Ka Nupepa Kuokoa, Volume XXIV, Number 21, 23 May 1885 — E IEHOVA, E HOALA HOU I KAU HAKA. [ARTICLE]

E IEHOVA, E HOALA HOU I KAU HAKA.

Hahakuka 3 j. Ma ka nana aku ua make ka hana a ka Haku i keia wa ma keia Paeaina; ua make ka hana a na ekalesia, a o ka hana nui i keia wa ka hooikaika ana no na Kula Sabatl Oka hoike Kula Sabati nui ma Waiohinu, Kau, iloko o Maiaki, oia ke kumu o kaa hooikaika nui ana o na kahu a me na kuoiu kuia Sabati ma Hawaii Akau a Komohana, e ake ana e loaa ka hoike kula Sabati hui ma Kohala Akau, ma Augate ae, a i oi aku i ko Waie^inu. E ao o lilo keia hana i hana kapakahi, i hana e nawahwali ai ka hana ekaiesia- He hana maikai no ia ka hana kula Sabati ,ke hana ia me ka manao maikai, me ka makemake e hio ia 1 mea e ola ai na haumana, na ui, na kamaiii. j Ua akaka no ke kauoha, "E huli oukou i ka Palapala Hemolele," me ka manao aha nae ? Me ka manao kaena anei, a niakemake e hoike 1 ke akamai i 01 o

kekahi nmraua o kekahi ? E ao ia e Paulo, "Ina ia'u ka wanana, a ina ike au i na mea pohihihi apau a me na mea a pau e naauao ai, a ina i loaa ke aloha he mea ole au." Ina o ke aloha ke kumu o keia ikaika ma ka hoala ana i na kula Sabati, maikai loa ia. Aole make e hoopaajjaa no kekahi mea pohihihi iloko o ka baibala. "E lehova e hoala hou i kau hana," Holo ka hana a ka Haku mamua ma keia Paeaina a ua mana ka pule a na haipule. Haule mai ka Uhane Heinolele me kona mana nui, huli nui mai na kane, na wahine, na keiki; komo nui iloko o na ekalesia, piha na halawai me na kula Sabati, nui ka hana ekalesia ma na la pule, a ma na la noa, ikaika na luna kane, ikaika na luna wahine, piha lakou i ka olioli ma ka lakou mau hana, piha hoi na kahu ekalesia i ka hauoli no ka ike ana aole i makehewa ko lakou luhi i ka haiolelo ana. Pehea la nae i keia wa, ua make anei ke Akua ? Ua make anei ka uhane hemolele ? Ua kuli anei kona pepeiao ? Ua pau anei kona aloha i ke koena iho o keia lahui ? Ua olelo anei oia, ua pili lakou i ko lakou mau kii; nolaila, e waiho aku ia lakou, mai pule no lakou, e hookuu aku ia lakou e haule īho iloko oka lua ahi ? Aole loa pela. Ua make ka pule a na hoahanau, ua make ko lakou aloha i keia koena Hawaii, ua īilo ka ekalesia i na mea o keia ao, a ua hoohalike me ko ke ao nei. E ala, e na ekalesia, e mihi i ko oukou mau hewa a waiho aku. E pule nui, e pule like, "E lehova, e hoala hou i kau hana." A e hoala hou ia no kana.hana. Hawau.