Ka Nupepa Kuokoa, Volume XXIV, Number 21, 23 May 1885 — Ka Hihia o ka Moku Madarasa. [ARTICLE]

Ka Hihia o ka Moku Madarasa.

Ua pa-e mai ka lono i o makou ke waiho hamama nei na hoopii poho a ke aupuni o Enelani 1 keia aupuni, ma o ka keia aha kuhina mau hana, no ka hoopaaia ana o ka moku lawe ohua pake Madras, i hoopaaia ai ma ka nuku o ke awa o Honolulu i ke kau hepela bopela hope iho nei. O kekahi keia ona poino i ili mai maluna o ka lahui Hawaii, ma o na hana kapulu a makapo a Kipikona ma kona ano he Peresidena no ka Papa Ola. Ma ka hoolohe aku i ka moolelo o keia mau hana a ka Peresidena i hana naaupo ai, me ka waiwai 0 kekahi o na kupa o ka Moiwahine o Enelani, ua maewaewa ka lahui Hawaii a ua hoohaahaaia ke ano o ke Poo Aupuni o Hawaii nei. He nui ahe loihi k? manawa i waihoia mai keia mea e hooponopono īa mawaena o na aoao a elua, aka, mamuli o ke ano hookelakela akamai a ano hukihuki ike o ke Kuhina o ko na aina e, ua palau ia aku o ka Lani a lilo wale, aka. eia la ka io ke oni moe ole mai nei, a o ka hope aku o keia hana o ka uku ana o ka lehulehu i na hoopii a me na koi poho a Enelani no keia mau hana kamalii a hana lokoino maoli no a ke kuhina Kipikona i kekahi o na aupuni koikoi o ke ao nei. He hoa'loha maikai o Enelani no Hawaii mai mua )6a mai a hiki 1 keia wa. 1 ke au o na Moi i hala, ua hiipoiia me ke akaheie loa keia hoa'loha maikai o ka lahui Hawaii, aka, o ka mea i imi ia a kalaiia me ke akahele e Kauka, e Wale, e Hailaka, a me Alani ma, eia ke hoohelelei ia nei i kela me keia la e keia aha kuhina. Lna la mua, ua lohe mau ia he .pono wale no keia aha kuhina ma ka lakou wehewehe ana mai i na loina o keia hihia o ka Madras, a ua hewa kela aoao, aka, o ko Hawah aoao wale 110 ka i loheia, aole. kakou i lohe i ko ka aoao hoopii. Hookahi mea a kakou e hoomaopupo ai, aole o Enelanie koi wale mai ana ia Hawaii ke hewa ole, oiai he aupuni o Enelani i piha i ka naauao, a e hoapono mau ia ana kana mau kalai kuwaho ana me na aupuni e ae ma ka pono a ma ke kaulike, a malalo ona noonoo maikai. Ake ole makou e kuhihewa, aole no paha o Enelani e hopo ana ia Hawaii ma kana mau koi ana, ke ike oia 1 ke kupono. Ma kahi o keia moolelo i loaa iki mai ia makou, eia hou aku a puka mai keia koi e uku aku i na lilo a me na poho a | me na olelo pu kekahi a keia aupuni e! noi aku ana e huikala ia mai, no na hana kuhihewa a keia aha kuhina i hana ai. Alaila, he moni hou ana keia ika luai ! Aioha no ke kiekie kuhihewa o na alakai me na hoohauli hoohaahaa ia ana mai ! Aka, nawai e uku na poho ? Ke wawalo niai nei na leo nakolo, na ka Waihona o ka Lahui ka pe.