Ka Nupepa Kuokoa, Volume XXIV, Number 22, 30 May 1885 — Heaha Keia Hana? [ARTICLE]

Heaha Keia Hana?

Iloko o keia mau makahiki pokole i aui hope ae nei ua ikea iwaena o ka !ahui Hawaii he mau hana pili hoomana ano e. Aole no hoi 1 neie ka ike maka 0 kahi hapa o ko makou poe heluhelu 1 keia mea ano hou, a ua kahaha no hoi kahi poe me ke kanalua no na mea 1 hanaia. He mau puie wale no i haia ae nei, hele mai ia kekahi kanaka i Oahu nei mai ka mokupuni mai o Hawaii. I hele mai ua kanaka nei e iapaau 1 na maka, no ka mea, ua makapo oia. Aohe oia i hele mai a i kekahi o na kauka o Honolulu nei e nana ia kona mau maka eka poe akamai. Aka, ua hele ae i ka hale o kekahi kanaka opiopio i ao ole ia mamua i ka oihana lapaau. Heaha la na laau lapaau a me na hana a keia kanaka i Eia kana hana : Pipi aku la oia i ka wai ma na. maka o ka mea makapo, a puana ae la i na huaolelo : "Ma ka inoa oka Makua ame ke Keiki a me ka Uhane, e ike oe." Elua a ekolu paha hana ana o ka la ma keia ano, a hala na pule elua, aole nae ike oua makapo ia. Ua hke pu no ka poeleele o na maka me ka wa mamua. A molowa iho la oia a haalelt iho la i ke kahuna. Ma kekahi mau wahi he lawe ia ka Palapala Hemolele a hoailonaia ka mai. He wehe waie ia ka Buke, alaila olelo ia 0 ka aoao akau aku ka aoao o ke ola> ma ka aoao hema ka make Alaila heluhelu ia aku la na pauku a ina e pau pono, aohe hapa pu iwaena, e ola aua nei ka mai. Ina ma ka hema ka hele a loaa na ouli ino, e make ana ia mai, a i ole he ulia e ae paha he mea makehewa ka lapaau ana. Ahe lehulehu wale aku na hana e ae o ia mau ano i awili pu ia me na hana hoomana a lapaau. He lehulehu no ka poe i haawi ia lakoa iho iloko o keia mau hana hoopahele i na hoa kanaka, a he nui wale no hoi ka poe i puni ia lakou ma kekahi mau apana. Ke manao nei ke Kuokoa aohe nui o kona poe heiuhelu i haule iloko o keia mau hana naaupo. oka hapanui o ka poe e heluhelu nei i "na kolamu o keia pepa, mai kinohi mai o kona hoo kumu ana, he poe hele lakou ma ka malamalama, a aohe ma na hana oka poeleele. Nolaila aohe makou e hopohopo ana no oukou na pokii o na hana 0 ka malamalama o keia mau moku, he poe oukou ua maa a ua walea i na hana maalea; aohe oukou e puni ana i keia "hūwnhaka" wahi a ka haole. Aia o ka poe ike ole, a me ka poe puni wale, o lakou ka makou i aloha a 1 minamina no hoi.. Pehea la e pakele ai lakou i na hoohihia ana 0 keia mau hoopunipuni i awili pu ia ma ka moa o ka hoonuna ame ka lapaau ana ? Eia ka makou hama oka ninau O oukou no ka poe heluhelu i ke Kuokoa na kukui e hee aku ai keia mau hana poe leele. Mai Hawaii a hiki aku i Kauai he mau tausani ko oukou heluna nui. Ua hai aku nei makou i na mea i hoikeia ae la maiuna i hanaia ma kekahi

mau apana, aohe ma na apana a pau, i lohe oukou. A ina paha e hoea ae keia kai mimiki o ka pouli imua o ko oukou mail alo, na oukou e popoi iho a pio; aole me na lima ikaika o ka hoeha kino, aole hoi me na leo hauwalaau o ka inaina; aka me ka lamaku o ka malamalama i hoaia e ke aloha. Aohe hana naaupo o ka aina i hiki c ku imua o ka malamalama i hui pu ia me ke aloha. I nui ke aho e na pokii.