Ka Nupepa Kuokoa, Volume XXIV, Number 23, 6 June 1885 — Page 4
| This text was transcribed by: | Lehua Zane |
| This work is dedicated to: | Zane Ohana, Na Lei Hulu, Nemenzo, and to all of my friends <3 |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki,……….. $2.00
No Kono Mahina,……… $1.00
KUIKE KA RULA.
Poaono……… IUNE 6, 1885.
OLI E NO KAKOU
[ HOW HAPPY ARE WE.]
G. H. No. 244.
- Oli e no kakou
I ka hui me Iesu;
A lokahi pu no ka manao.
A ke paanaau nei
Ka Iesu oaioai e,
E kiai a e hana pu mau.
Cho. Oli e no kakou
I ka hui me Iesu.
Ua oli, ua oli kakou.
- I ka hui me Iesu
Maha e a malu pu
O ko loko a me ko whoa pu,
Pili mau no kakou
I ka Haku Iesu.
Pili mau me ka hauoli no.
Cho. Oli e, &c.
- Hoomanao no kakou,
Ua olelo lesu,
Hoi au I kuu wahi mao,
No ka hoolako e
I mau hale maikai,
Kahi e noho pu ai la kakou.
Cho. Oli e, &c.
- E iho mai e Iesu
E ka’I ae ia makoa
I koa home maikai maluna’e,
Home nani lailai.
Kahi e noho mau ai
Me ka oli a pomaikai e.
Cho. Oli e, &c.
HAAWINA KULA SABATI.
Haawina Kula Sabati. XIII. Iune 28, ’85. Kumuhana, Haawina hoi hope. Pauku Baibala. 2 Tim. 4: 1-8.
KE kauoha aku nei au imua o kea lo o ke Akua a me ka Haku o lesu Kristo, o ka mea e hookolokolo ana i ka poe ola a me ka poe make i kona hiki ana mai, a I kona aupuni;
2 E hai aku oe I ka olelo; e hooikaika I kela Manawa a I keia Manawa; e hoakaka aku, e papa aku, me ke ahonui wlae, a me kea o ana’ku.
3 No-ka mea, e hiki mai an aka Manawa e hoolohe ole ai lakou I ka olelo pono; aka, me ka pepeiuo maneo e hapuku lakou I na kumuao na lakou mamuli o ko lakou kuko iho.
4 A e haliu ae lakoa I na pepeiao mai ka olelo liaio aku, a hoohuiia’ku ma na olelo lapuwale.
5 Aka, e kiai oe ma na mea a pau, e hoomanawanui I ka popilikia, e hana I ka oihana a ke kahuna hai euanelio, a e hooiaio loa aku I kau oihana.
6 No ka mea, ua makaukau au no ka nininiia’ku, a ua kokoke mai mei k aka Manawa o’u e hele aku ai.
7 Ua paio aku au I ka paio maikai, ua hoopau ae nei au I ka holo ana, ua hoopaa no hoi au I ka manaoio.
8 Ma keia hope aku, e waiho mai ana no’u he lei o ka pno, ka mea a ka Haku a ka Lunakanawai hooponopono e haawi mai ai ia’u I kela la; aole hoi ia’u wale no, aka, I ka poe a pau I makemake I kona ikea ana mai.
Pauku Gula, Ua paio aku au I ka paio maikai, ua hoopau ae nei au I ka holo ana, ua hoopaa no hoi au I ka manaoio. 2 Tim 4:7.
Mele. “Eu na koa,” Hoku Ao Nani p. 215.
Pule, I mau ka paio ana a hiki I ka hopena.
NA NINAU.
Ma na buke hea na haawina o keia hapaha? Oih., Ep., PiL, 1 Tim., 2 Tim., Heb., a me 2 Pet.
Mahea ka hana ia ana na mea I hai ia? Kaisareia, Mileta, Roma, Kai Waenahonua.
Owai kekahi poe ma ia mau haawi: na? Paulo, Petero, Luka, Timoteo, Iulio, Pubelio. He paahao o Paulo mahea? Oih. 25:6. No keaha? E hoouna ana iaia I hea?
Owai kea lii ma Roma? Ua makemake anei o Paulo e hele I Roma? Oih. 13:11. Rom. 1:15. Pehea ko na hele ana ilaila? Mai hea aku ka holo ana? Heaha ka poino I loaa ma ia holo ana? 27:14.
Heaha ka Paulo hana no kona mau hoa hele? Nawai I hoolana I ko Pau lo manao? 27:23, 24. Hea ha ka olelo hoolana iaia? Pehea ka loihi o ia ino ma ke kai? 27:27.
Ua kokua hou anei o Paulo ia poe ma ka moku? 27:30-32. Heaha @ana noi ia lakou? P. 34. Ua pule anie oia no lakou? Ehia poe ma ia moku? P. 37. Ua pakele anei lakou a pau? P. 44. Pehea ka moku? P. 41. Ma ka aina he aka moku? P. 41. Ma ka aina he aka ili ana? 28: 1. Ua hookip lokomaikai ia anei e kanaka ma ia mokupeni?
Mai poino o Paulo malaila. E hai mai no ia mea. 28: 3-5. Pehea ka manao o kanaka I ka ike ana? 4, 6. Ua kokua o Paulo ia wai ma ia wahi? 8, 9. Ehia malama o kona noho ana ilaila? I ka holo ana I Roma, ua kali iki mahea? P. 12.
Owai ka I halawai me Paulo ma ke alanui? P. 14. Hauoli anei o Paulo I ka hiki I Roma? Mahea kona noho ana ilaila? P. 30. Ua kiai mau ia e wai? Ehia makahiki kona noho paahao ana ilaila? Heaha kana hana iloko o ia wa? No wai kekahi episetole ana I kakau ma Roma? Ep., Col., Pil., & Pili.
Ua loihi anei ko Paulo ola ana mahope iho o kona hookuuia ana? Heaha kana hana? Mahea kona make ana. E pio ana anei ka ke. Akua hana ma ka make ana o kana mau kauwa?
Mele, “Maha no ka luhi,” aoao 123- Heaha ke kauoha I na keiki? Ep. 6:1. Heaha ke Kanawai 5? Heaha ka pomaikai no na keiki e mala ma ana I keia kauoha? P. 3. Heaha ke kauoha no kea no o ka hooko ana o na hana a pau? P.7. E paio ana me keaha? P. 12. Pehea e pale ai ia mau enemi a lanakila? P. 13.
Owai ke kumu hoohalike kika ole? Pehea kona hoohaahaa ana iaia iho? Pil. 2: 6-8. Pehea ko ke Akua hookeikei ana ia Iesu? 2:9-11. Pehea e hoohalike ai me ia? 2:12-15. Heaha na mea elua e hana mau ai maanei? 15,16.
Heaha ka pilikia o ka Ekalesia o Pi lipi? He mea anei ia e ohumu ai? Heaha ka Paulo kaupha I ko Pilipi? Pil. 4:4, 7, 11. Pehea e loaa ai jeia mau pono? P. 6. Heaha ka pomaikai e loaa mai ana ma ka launa ana me ka Haku? P. 7. E noonoo pinepine ina ke aha? P..8 Heaha ke kumu o ko Paulo lanakila ana? P. 13.
Heaha na mea I lohe ia no Timoteo? Ehia leta a Paulo iaia? Owai ka hoola hookah no kanaka? 1 Tim. 1:15. Owai kekahi poe I hohli ia? Heaha ka I hoololi I kea no o Saulo, a lilo oia I kauwa ikaika na ka Haku?
Heaha ko kakou mea e hana ai? 1 Tim. 1:19 Heaha ko ke Akua makemake no kanaka a pau? 1 Tim. .2:4. E kokua anei kela a me keia I keia hana, me ka pule a me kealakai ana ia hai iloko o keaupuni o e Akua?
Nawai I ao ia Timoteo ma na mea o ka Palapala Hemolele I kona wa kamalii? He waiwai nui anei ka ke Akua olelo? 2 Tim. 3:16, 17.Heaha ka Paulo as ia Timoteo? 4:2, 5. No ke aha? 3,4. Ua makaukau o Paulo no ke aha? P. 6. Ua hoomau anei o Paulo I ka paio ana a I ka hopena? Heaha ka ka Haku I haawi iaia? P. 8.
E loaa ana ia lei ia wai kekahi? Owai ka I hoounaia I kea o nei e ao I kanaka? Heb. 1:2. He pono anei e hoolohe I kana ao ana? Heaha ka pomeikai o ka hoolohe ana? Heaha ka poino no ka hoolohe ole? Pakele anei kekahi ke malama ole I ka olelo? Ua lawa anei ka nana, a hoolohe wale, me ka malama ole?
Heaha kea no o ka hoomana Iudaio? Me aha na mohair &c.? Heb. 9:9. Ua pau ka hiki mai ana owai? P. 11. Ke ole ma na mohair, ma ke aha e pono ai kanaka? P. 12. Mahea ko Iesu make ana? I me aha? No ke aha?
A lohe kanaka no Iesu ka Hoola, heaha ko lakou pono? A huli mai, heaha ka pono, e hoomau ma kahi hookah, e holo imua pahu? Pil. 3:14 Heb. 12:1-3. Heaha ko Petero makemake no na haipule a pau? 2 Pet. 1:2. Ma ke aha e holo ai imua? 1:3-8.
Heaha ka manao nui iloko o ka Paulo mau olelo? Gal 6:14.
Mele, “Aole inoa maikai ae, p. 123.
Pule, I kukuli na kuli a pau I ka inoa o Iesu.
KA HANA A KA RAMA MA KA LA KARISEMAKA MA KAU WAHI.
Houia I ka pahi kekahi kanaka iloko o ka hakaka ona.
Ona kekahi kanaka, hoaa I ahi iloko o kahi ululaau, haule iloko oia ahi a make loa.
Ona kekahi wahine a make iloko o ka hau.
Hopuia 50 kanaka no ka ona.
Ona elus Negero, a kiia kekahi I ka pu a make.
Ona kekahi elemakule, a inu I ka laau make, a make iho no.
Eha kanaka ui, inu I hookahi hapalua galani o Alekohola, a make elua, ona kekahi kanaka, a peku I kona hoa, a make koke.
Pepehi kekahi poe ona I kekahi wahine a make oia.
Hele kekahi kanaka ona I ka ahaaina mare, a ki I kekahi hoa ai I ka pu a make oia.
Ona kekahi kanaka I ka omole gini a make iloko o ka hau.
Ka hana keia a ka ona ma kau wahi o America Hui ma ka la o Iesu. F. pau ia la kulaia I na e lilo ana ia la I la ona a pepehi kanaka Minamina anei kekahi ia la hauoli? Ina pela, e kokua I ka poe e hooikaika ana e hooholoia e na aupuni I kanawai hoopau loa I ka hana me ke kuai ana I na mea ona. E kokua ma ke komo ana iloko o na Aha hookapu ioa I ke kuai me ka hana I ka waiona, a me ka pule mau no no ia mau Aha. Na poaha na la pule no ia mau Aha. E pule nae ma na la a pau I hookoia ka makemake o keia mau Aha maika.
NA MANAO HUIKAU.
Aole e lanakila ka hewa maluna o ka poe pono. E mau nae ka paio ana’ku I ka hewa a hiki I ka hopena.
Ina iloko o Iesu kekahi. Ua manao hou na mea a pau.
Hoino ko kea o nei I ka ekalesia. Hoomaikai nae ke Akua ia, maloko olaila kona hoomaha mau ana.
Aole hiki I ka ekalesia ke houa I ka Uhane Hemolele, hiki nae ke hoomakaukau I ke alanui no kona hiki ana mai.
Pela ka mea mahiai, aole e hiki iaia ke huki nai I ka ua mai ka lani mai. Hiki nae ke hoomakaukau I ka mahinaai no ka ua.
Olelo anei kekahi, he oiaio aloe ka aoao Karisetiano no ka hookamani ana o kekahi hoahanau ekalesia? He dalai no kekahi. Nolaila, ua ino anei na dala a pau? He Karisetiano oiaio kekahi, a he Karisetiano oiaio ole kekahi.
He poe hoopalaleha a hana ole kekahi iloko o na Aha maikai a pau He poe kau wale maluna o na waapa me ka hoe ole. Pela kekahi hapa o ka eka lesi. E ao o kahuli ka waa no ia poe kau wale.
Aole e pakele ana I na pilikia ka poe malama I ke Akua ma keia ao. Pilikia Iesi, pilikia Paulo ma, Petero ma, pilikia Ioba, e hoomau nae I ka malama I ke Akua.
E aho e lilo oe I lilia iwaena o na mea ooi, aole I mea ooi iwaena o na lilia.
E waiho oe I ka hemolele I loaa, a e kikoo aku imua I loaa ka hemolele loa ma ka lani.
E maka’u o hooholo oe I koa moku I kahi e pili ana I ke kahakai nalu weliweli loa.
I CAN‘T HELP IT.
(AOLE HIKI IA’U.)
O Ane kekahi wahine I ao ia no ka hiki wawe o kona huhu. Aole oe I ma lama I kau olelo. Ua hoopuka oe I na mea pono ole, na mea e ino ai kou mau hoalauna, a e lilo ana ia I mea e ino ai oe me kou home.
Ae, ae, pela io no; ike au ua hewa; aka aole hiki ia’u ke hoopaa I ko’u huhu. Puka wale mai no ia.
Ina pela, e hele oe a noho pu me nab ea ma ka nahelehele. O ka mea hiki ole ke kaohi I kona uhane ino, aole pono iaia ken oho me kanaka, e noho me na holoholona ka pono.
Aka, ua kuhinewa oe. Hiki no ia o eke malama I kou mau leheiehe, ke kaohi I kou manao ino. Ina halawai pu oe me kekahi mea ao nui, mea ai I mahaol ai, mea hanohano, ano alii, ano Kiaaina &c. Oluolu no kau kamailio ana me kau olelo a pau. Me kou hale me na lala o kou ohana kou hoopuka ana I ka olelo huhu, olelo ino, ukiuki, hoohalahala, hoahewa wale. No ke aha? No kou kiai ole ia oe iho, a hoopaa ole I kau olelo I ke kaulawaha maloko o kou ohana.
O oe no hoi, e ke kanaka maa I ka hoohiki ino I ka inoa o Iehova, ke pane mai nei anei oe, (I can’t help it,) aole e hiki ia’u ke pale aku? Hiki no, pela oe ia mau olelo homo I ke Akua imua o ke Kahunapule paha, me kekahi poe au I maka’u ai, me na haipule paha. Aka, imua o ka poe o keia ao, hoopuka wale oe I na olelo hailiili I ke Akua, ke huhu oe,a ke huhu ole paha. Hookamani oe, ea.
He kanaka I loohiaia I ka eha nui a hiki ole ke hoomanawanui. Imea e oluolu iki ai, hoopuka oia I na huaolelo hoino I ke Akua, lohe kekahi hoa, a ninau, no ke aha kou hoopuka ana ia mau olelo hoino I ke Akua? No ka nui o kuu eha, pane oia, aole hiki ke pale aku. Olelo keia hoa, e waiho ia mau hua ino, a eia ke pani ke hiki mai ko eha nui. “Haleluia.” Ma ia poi ho, lohe kekahi poe ia hua. Haleluia, Haleuia, Haleuia, a olelo, he halawai Mekodika ma keia hale, e hooha ana kekahi. “Haleluia, Haleluia, Haleluia.”
A ma ke kakahiaka, ninau lakou no kea no oia halawai Mekodika. Aole he halawai. He kanaka I eha nui ka I hooho. Haleluia, ma kea o ia e kona hoa, ne pani ia hua no kana olelo hoino I ke Akua maua ke hiki mai kona eha nui.
Nui ka poe I maa I ka olelo. “Aole hiki ia’u, aole ke pule, aole hiki ke mihi, aole hiki ke haalele I ka inu rama, I ka puhi baka, nau baka, aole hiki ke hoole ke hoowalewale ia e inu I ka waiona. Aole hiki ke huli mai a komo iloko o ka ekalesia. Aole hiki ke hoole ia lakou iho, a e hahai I ke kea, a hahai mamuli o Iesu. No ke aha ka hiki ole? No ka makemake ole paha, no ka hilahila paha, no ka maka’u I ke kanaka paha. No ka pili mau o ka naau kahiko.
Ina makemake io oe e hana I kekahi mea maikai, me ka manao, aole hiki ia o eke bana ia mea, e noi aku I ke Akua e kokua mai, e kokua ia oe I ka haalele I ka hewa, a I ka hana I ka pono. E noi aku I ka Uhane Hemolele e hoohanau hou ia oe, I pau na mea kahiko, a ano hou ae la na mea a pau.
MOOLELO O KA AHA LUNAKAHIKO O MAUI.
La Hana 2.
Noho hou ka Aha. Malamaia ka hapalua hoia haipule. Heluheluia ka moolelo, a aponoia.
Kumuhana 4. Heluhelu haawina. Na Rev. Iosepa I heluhelu mai I kona haawina. He mea anei e olu io ai na hoahanau ke hele pinepine na Kahuna pule ma na kauhale? Na Pali I heluhelu I kona haawina. Hoik. 22:18.
Na S. K. Kamahiki I heluhelu I kona haawina 1. Tim. 5:7.
Na Paaluhi I heluhelu I kona haawina. Heaha ka hoino I ka Uhane Hemolele? Pehea la hoi I kala ole ia ai?
Na Manase I heluhelu I kona haawina. E hoi hou anei na Iudaio I Kanaana?
Noi mai o W. P. Kahale. E haiolelo mai ka Lunahoomalu mua o kela Aha aku nei. Ua hooholoia; a apopo mamua o ka noho ana mai o ka Aha.
Hoopanee ka Aha apopo hora 9, me ka pule a A. O. Polepe.
La Hana 3.
Noho hou ka Aha. Hapalua hora haipule, me na olelo paipai Oih. 3:4. Heluheluia ka moolelo, a aponoia.
Hapaiia ke koena o na hana.
Hapaiia ke Kumuhana 8. Kula o Makawao. Kamailo nui main a Kahu o keia kula, a hooia mai he pilikia nui na keiki; aka, he pilikia I lohe wale ia no, aole nae main a kumu mai o ke kula.
Noi mai o Hon. Kalua ekoho keia Aha I komite noi dala no keia pilikia. Hooholoia. Hon. Kalua, A. Pali, O. Nawahine na komite.
Kumuhana 5. Na ekalesi Kahu ole. Noi ia mai e waiho I keia hana na ke komite hoeueu. Hooholoia.
Kumuhana 9. Ke ola o na Kahu. Waiho ia I ke komite hoeueu.
Kumuhana 10. Koho makahiki ana I na Lunakahiko. Noi mai o Polepe e waiho I keia a kahi Aha hou aku. Hooholoia.
Hoike a ke komite o na palapala hoopii o Wailuku ia Rev. Paaluhi, a me Rev. Keaweamahi.
1. Ua nana pono ko oukou komite I ka palapala kahea Kahu o Wailuku ia Paaluhi I Kahu no lakou, a ua ike ia ka pololei. Nolalla, ke manao nei ko oukou komite, e aponoia keia palapala kahea, a e waiho ia ma ka lima o Paaluhi, nana e hoakaka mai I keia leo kahea.
2. Ua waiho ia mai no hoi kekahi kekahi palapala e ae imua o keia komite, e hoike ana I ka manao aloha a me ka minamina o kekahi poe o Wailuku nei ia D. Keaweamahi; ua komo pu no kakou a pau iloko oia manao kaumaha a me ka minamina; aka, ua maopopo no ma ka olelo a na Kauka ike pono, ua loaa iaia ka mai ola ola, a ua paa loa kela mai. Ua hookaawale aku ke Akua ia Keaweamahi; a ua hookuuia aku oia e keia ekalesia, a ua aponoia kela hookuu ana a keia Aha. Nolaila, ua kaawale pono ke alanui, a ke manaolana nei ko oukou komite, e hapai lokahi ana no na hoahanau a pau o Wailuku nei I na hana a ka Haka malalo o ke Kahu hou.
A.O. POLEPE,
J.W. M. POOKEA, } Komite
J.K IOSEPA,
Ua apono loa ia ka hoike o ke komite. Noi ia mai e waiho ia ka palapala kahea ma ka lima o Paaluhi, a nana e pane mai.
Hoopaneeia ka Aha a noho hou mai apopo hora 9, me ka pule a J. M. Alexander
La Hana 4.
Noho hou mai ka Aha ma ka hora 9. Malamaia ka hapalua hora haipule, me ka olelo paipai. Ioane 17:24.
Hapaiia na hana I koe. Hoike a ke komite, o ka palapala hoopii a ke Kahu o Huelo e hookuu aku iaia mai kona noho Kahu ana no Huelo.
Ma ke Sabati la I I o Ianuari 1885. Ua hiki aku ke komite o ka Aha, a hui kuka pu me ke anaina hoahanau I akoakoa mai ma ka laukini o Huelo.
1. Me ka manao lokahi, e hookuu aku keia ekaletia I ko lakou Kahu, e like me kana noi.
2. E hookaa ka ekalesia I ko lakou aie I ke Kahu.
3. Ua ae ol@olu mai ke Kahu me ke aloha I ka ekalesia, e lawe I na dala he $40,00, a hookuu wale ia he $34,00. O keia iho la ka hoike a ko oukou komite. Rev. A. Pali, O. Nawahine, ke komite. Aponoia ka hoike.
Noi ia mai e hookuu ka Aha ia P. Keaupuni mai kona noho Kahu ani no Huelo. Hooholoia.
Hoike o ke komite haawina heluhelu.
1. O na ki o Gehena a me ka make I oleloia ma Hoikeana 1:18, heaha la ia? J. K. Hihio a I ole ia o J. M. Alexander.
2. E wehewehe ia 1 Tim. 3:10. Ia A. Pali.
3. E wehewehe ia Pilipi 3:2. Ia S. K. Kamahiki.
4. Heaha kea no o ka huaolelo Ame ne I oleloia ma Hoik. 7:12. Ia S. Kaili.
5. Heaha na ano kupono e lilo ai kekahi kanaka I Lunakahiko? Ia O. Nawahine.
6. E wehewehe ia Hoik. 11:14 Ia S. Paulo
7. E wehewehe ia Hoik. 22:1. Ia H Manase.
8. E wehewehe ia Rom 7:14. Ia J K. Iosepa.
9. E wehewehe ia Mar. 6:8-9 Ia P. Keaupunui.
Rev. PAALUHI,
G. P. KAIWIPALAOA, } Komite
J. HANALOA.
Hoike a ke komite, o ke noi a ke Kahu o Waihee, e hookuu aku iaia.
O makou o ke komite a keia Aha no ka nana ana I ke noi I waiho ia mai I keia Aha, no ka hookuu loa ana ia Rev. O. Nawahine mai ka ekalesia o Waihee; ua kuka pu oukou komite me ka ekalesia, a ua hooholo aku, a ua hooho loia e hoomahuahua ae I ke ola o ke Kahu I $450,000 ka makahiki. J. K. Hihio, S. K. Kamakahiki, A. Pali, ke komite
Kohoia ke komite hoonoho ia Rev. Paaluhi I Kahu no ka ekalesia no kona ae ana mai I ka leo kahea o Wailuku. Rev.H. Manase, O. Nawahine, Rev. Kaili, Rev. W. P. Kahale, A. Pali.
Hoike a ke komite hoalohaloha a ka Aha Lunakahiko I ka makua Rev. W. P. Alexander.
O kou komite I kohoia I ke Kau o Novemaba I hala aku nei 1884, ua hookoia.
O J. K. Hihio ke komite malama ia Honokohau, ua hookoia. O S. Kaili ko Honuaula, ua hooko ia no.
O Manase ko Pelekunu a me Wailau Siloama, ua hooko ia no.
Kumuhana 7. Na oihana kuwaho.
Na Polepe I hoike nui mai, ua pilikia ko Waihooa Papa Hawaii I ked ala ole.
Kumuhana 6. Na Polepe no I hoike nui mai.
Kumuhana 11. No ka waiona. Waiho ia maiona. Waiho ia mai he olelo hooholo. Hooholoia Oiai ke wehe loa ia nein a puka no ka poe ilihune a me ka make o na kanaka, ma ka haawi ia ana o na laiki kuai waiona ma na mokupuni a pau o Hawaii nei; a oiai, ua hoopii nui aku na kanaka o Wailuku nei imua o ke Kuhina Kalaiaina, e hoakaka ana I ko lakou makemake ole I ke kukluia ana o oiai, aole I maliuia mai ka leo o ko Wailuku ma ia mea, aka ua haawiia no ka laikini kuai waiona, e hoomaka ana I kana hana e make ai.
1. Nolaila, he pono no I keia Aha ke hapai I kona leo, e ahewa ana I keia hana lokoino mai I na kino a me na uhane o kanaka.
2. A ke papai nei keia Aha I na kanaka a pau I make I ke ola o ka Lahui Hawaii, a I ka pono a me ka maluhia o ka noho ana, e makaala, a e hooikaika nui lakou ma na hana a pau e hiki ai e pale aku I keia ahi, a e kinai I I ka inu ona iwaena o kanaka.
Kumuhana 12. Kula Hui Kahunapule ma Honolulu. Ua Hooholoia, e hoomaka e hana ma Honolulu. O Rev. Manase ke komite o na Hoike Kihapai I Honolulu. O Reo. Paulo no na hana a keia Aha I Honolulu
O na elele o keia Aha no Honolulu, a Simeona ko Honuaula, o Kalaola ko Kaanapali, D. Kapoi ko Waihee, o J. W. M. ko Molokai.
O kahi e hui hou ai na hoa o keia Aha I ka mahina o Novemaba ma Wailuku no.
Noi mai o Pali e hoomau I na komite no na ekalesia Kahu ole, ua hooholo ia, a e hoonoho ia I komite no Honua ula Rev. W. P. Kahale, o Paaluhi no Huelo, o Keuapuni no Haiku, hooholo ia.
Heluheluia ka moolelo. Aponoia.
Ua hooholoia e hookomoia ka moolelo I ka Nupepa KUOKOA.
Noi ia mai e hookuu keia Aha a hui hou mai ma ka luakini Kaahumanu nei ma ka Poalua mua o Novemaba 1885, hora 10. Hooholoia.
Hookuuia me ka pule a Polepe a me Manase.
O. NAWAHINE.
Kakauolelo Aha Lunakahiko
PANE IA KAIEWE.
Ua ike au I ka hoolaha hoopunipuni a ka mea nona ka inoa maluna ae, I hoolaha ai no kuu loaa ana ia Rev. G. P. Kaonohimaka e kanu huli ana I ka la Sabati, ma kuu helu 14, o ka la 40 Apr. I hala. Ua hele aku au imua o ka makua Kaonohimaka no keia mea, me kuu manao, e lawe ia keia hana imua o ke kanawai no ka laipila; aka, ua hooki mai kela, a no ka pau ole o ko’u manao, ke pane nei au iaia maloko o ka nupepa, ke kahua ana I hoopunipuni ae nei ma ke akea. E Adamu Kaiewe e, ka mea nona ka lima kakau hoopunipuni I ke “KUOKOA,” pehea la oe I aa ai e hoolaha hoopunipuni I kuu inoa ma ka nupepa, me ko ike pono ole I ka mea I hanaia, a heaha no hoi ko mea I hele ole aku ai e ninau peno ia Rev. G. P. Kaonohimaka, mamua o kou hoolaha ana I ka mea aohe oiaio? A nawai I hai aku ia oe, I lohe ai oe a wikiwiki I ke kakau I ka nupepa? I manao ia mai nae paha, o oe ka oi ma ka hoolaha nupepa ma Kona Akau nei.
Kea o aku nei au ia oe, mai hana hou e like me keia. O hana hou aku oe I ka mea I oi ae I ko keia, a o ka hope he haule hia iloko o na pilikia. Oiai o ka inoa maikai o ke kamaka, he mea ia I oi aku I ko na momi.
J. H. Lima
Kohanaiki, N Kona, Hawii.
NA HOOLAHA KUMAU.
HALEPAI O THOS. G. THRUM
--
-O KA NUPEPA-
SATURDAY PRESS me KUOKOA
--
ALANUI KALEPA, HONOLULU
Malaila e paiia ai na @@@ a @@@ o na
BUKE,
HOIKE O NA KULA,
HOIKE A NA KOMITE,
NA HAAWINA KULA SABATI,
PAPA KUMIKUHI O NA ANO A PAU,
HOOLAHA NUNUI A LILII,
BALOTA, LIPINE PAPALE,
TIKETA, WAHI LETA,
BILA PAI HAKAHKA.
HOOLAHA KUDALA,
&O,. &O,. &O,.
Iloke o ka wa pokole a me ka aukau haahaia.
--
A ma ka halekuai o THOS. G. THRUM ma Alanui Papu, a luaa ai na
Kalana kakau o na ano a pau,
Wahi Leta “ “ “
Inika “ “ “
Penikala “ “ “
Mea Hoopipili, buke hoomanao,
Peni gula a me kumu gula,
Kii, a me na laau,
Buke kii o ka ohana,
Buke kii a na keiki,
Na mes paani a na keiki,
Kaa a na keiki,
Kaa buila lua o na opio.
A he Agena no ke anal ole pepa o ua
Keiki a me na wahine
--
No ka hoailona ana I na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa I makemakeia. Uku no ka inoa hookah me ka inika a me ka hulu, $1,50 ino ma ka papa inoa keleawe, a ina ma ka papa inoa dala, $2.
O na kauoha oau main a mokupuni e hookoia ina e hoouna pu ia mai me ked ala a me ka moakaka pono o na hoakaka ana.
THOS. G. THRUM
M Thompson, [KAMIKANA]
HE LOIO A KOKUA MA KE KANAWAI
Keena hana maluna o ka Hale Ponaku o Kamapela, (Campbell’s Block,) Rumi helu 8 me 9. Puka komo e huli pono la I ke Alanui Kalepa, Honolulu.
PAPA! PAPA!
AIA MA KAHI O
LEWERS & COOKE,
(O LUI MA)
Ma ke kahua kahiko ma alanui Papa a me Moi.
E loaa ai na
PAPA NOUAIKI.
O kela a me keia ano.
--
Na Pani Puka, Na Puka Aniani, Na Olepelepe,
Na Pou, Na Oa, Na Papa Hele, Na Papu,
Ku, A me na Papa Moe nui loa
Na Pili o na Hale o na Ano a Pan.
--
Na Pepa Hoonani, Na Pena o na Wai e pau
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
O na ano a pau, Na Aila Pena, o
kela me keia ano Na Aila Hou
maloo, he lehulehu wale, Na Aile e ae o na
ano a pau.
NA WAI VANIKI
-A ME NA-
WAI HOOHINUHINU NANI I
O NA ANO A PAU LOA.
NA BALAKI ANO NUI WALE.
A ke hai ia aku nei ka lono I na Makamaka a
pau, ua makaukau keia mau Makamaka
o oekou e hoolawa aku ma
na mea a pau e pili ana
ma ka laua oihana
-NO KA-
UKU HAAHAA LOA
E like me ka mea e holo ana mawaena o
LAUA aa me ke MEA KUAI.
E Hele mai! E Makamaka
Kalawa no hoi koo makamaka
Olu olu ame naikai
NA HOOLAHA KUMAU
KAKELA & KUKE,
E laa na pahiolo, koi kole,
hamale, koi nui a me liilii, kila,
wili puaa, rula apuapu, kui o na an@
a pau, kala kaa, hao hoopua pule
pohaku hoana, kepa, lei ilio, kau-
la hao ilio, pahi, upa, pahiumiumi,
kalapu, kope hulu, pulupulu, oepa @
lakala, lina hoa, ami, keehi, a me
-KAULA OPU-
Palau o na ano a pau,
Oo, ho, kopala pe, kipi
kua, hao kope, au ho a @
a aku, kua bipi, lei bi-
pi, kaula hap bipi, uwea
pa, uwea keleawe, hao p@
piula, kaa palala, ipuhao, ipu
PA-PALI MAKAU ME KE AH@
--
Ili wai, papa holoi, kopa ala, kau@
kuaina, hu’akai, ehi wawae,
hulu pena a pela aku.
Pena wali, kini nui a me liilii @ @
ano a pau, me ka pepa kuhi-
kuhi, pena keokeo, aila
pena, aila hoomaloo,
vaniki kaa, a me
vaniki moe.
PENA HOOMALOO
-a me aniani hale-
AILA MAHU, AILA MIKINI, AILA HAMO IL
AILA KAA, INIKA KAMAA
PAUDA, KUKAEPELE, KIAN@
PAUDA, UIKI IPUKUKUION@
ANO HE NUI A LEHULEHU
--
LOLA MAKEPONO
-E laa na-
AHINIAHINA, KALAKOA KEO
KEO, LEPONALO, HULUMANU
UKE-WAHINE, KUI HUMUHU
MU, A ME KA LOPI.
Ke kuike e loaa no ia ma kuhi e
Kakela & Kuke
--
NA MEA PIULA,
--
Mikini Humuhumu
Mekini a WHEELER a me WILSON
MIKINI A WILCOX ME GIBBS
NA MIKINI A
-REMINGTONS-
He nui loan a mea hao me na ukana e ae o na ano a pau, aole hiki ke hai pau ia aku, hewa I ka wai na maka ke ike.
--
Laau Lapaau Kaulana Loa
A DR. JAYNE.
LAAU HOOMAEMAE KOKO
LAAU HOOPAU NAIO, LAAU
KUNU, PENIKILA, HUAALE
PAAKAI, LAAU HOOPAAHI, A
Me na Laau Hame a Pala ‘ku.
Kakel@ me Kuke.