Ka Nupepa Kuokoa, Volume XXIV, Number 25, 20 June 1885 — He Haole Kipu. [ARTICLE]

He Haole Kipu.

Ma ke kakahiaka Poakahi iho nei, ua hoao iho la o WiHiam Ebeling, he haole e lawe ae i kona ola ma ke ki ana iaia iho me ka pu panapana. He haole keia 1 mare i ka wahine, a no keka'ni manawa loihi i hala ae nei, ua noho lawelawe oia i ka hana puhi ko ma ka Hui mahi ko o Kukaiau, Hamakua, Hawaii. Ua holo mai oia a noho ma Honolulu nei he mau pule i hala ae nei. O ke kumu nui o keia kipu ma ka hoikeia mai, oia no ke kuee mau o ko laua noho ana me kana wahine. He mau makahiki loihi ka ulu mau ana o keia kuee a hiki i kona hoao ana iho la e lawe i kona ola. Eia ka mea kipu malalo o na lawelawe ana a ke kauka, a ua manaoia e oluolu loa ana.