Ka Nupepa Kuokoa, Volume XXIV, Number 25, 20 June 1885 — DAVID KAAPANA UA HALA. [ARTICLE]

DAVID KAAPANA UA HALA.

E oluolu oe e hookomo iho i keia wahi puolo a ka waimaka, ma kahi kaawale o kou mau kolamu, i ike mai ai kona mau kini makamaka e noho mai la mai ka la hiki a ka 1* komo. Ua hanauia oia ma ka la 7 o Nov. 1865, na Kimkini pake me Mrs. Kahula, ma Kalukalu, Kona Hema, H., a he hapa oia na ke keiki 0 ka aina pua. Ua hoonaauaoia oia ma ke Kula Olelo Beritania a Rev. S. H. I)avis, no 6 makahiki, a ua loaa no hoi iaia kekahi makaukau kupono ma ia Kula mai kana mau Kumu mai. He keiki hoolohe a akahai, a haahaa no hoi, a he haumana hoi i aloha nui ia e kana mau Kumu, a me ka poe a pau i launa pu me ia. Ma ka pau ana o kela mau makahiki i olelo mua la ae la maluna, a ma la hope mai, ua hele aku oia a noho ma Puehuehu, Kohala Akau, no ka malama halekuai a me kekahi mau hana e ae malalo o kekahi haole kamaaina o ia wahi no hookahi makahiki a oi. A ma ka pule hope o lanuari 0 keia makahiki, ua hoi mai oia ma Hookena nei mamuli o ke kauoha a kona makua

no ka mare wahine, a ua mareia oia me Hana Nahinu, ma ka la 12 o Feberuari o keia makahiki; he hookahi malama o ka hoomailo ana o kekahi mai maluna o kona kmo oia ka eha ma ka puu, a make iho la oia ma ka la 20 o Mei nei. Ua maneieia aku kona kino lepo a hiki ma ka Halepule Hihopa ma Onouli, maloko o ia pa kahi i waihoia ai kona kino lepo, kahi hoi ana 1 luakaha pu ai me kana mau Kumu a me kona mau hoa Kula. Nolaila oka loihi o kona mau ia o kona ola ana ma keia ao, he 19 makahiki, 5 maiama, me 13 la a hoi aku la 1 kahi mau o kakou. Ua haalele iho oia he wahine, he mau pokii, a me na makua e noho u aku ma keia aoao, Aloha ina D. W. Kanul Hookena, S, Kona, Hawaii.