Ka Nupepa Kuokoa, Volume XXIV, Number 27, 4 July 1885 — I NA KAHU EKALESIA A ME NA MAKAMAKA ALOHA A PAU ILOKO O KA HAKU. [ARTICLE]

I NA KAHU EKALESIA A ME NA MAKAMAKA ALOHA A PAU ILOKO O KA HAKU.

Ahha oukeu — Eia au ke hele nei e hoomaha a e imi ika ikaika hou oke kino E kaawa!e ana au he ekolu a eha paha malama ka Haku; a ua lana kuu manao e halawai pu ana au me na hoa Hawaii ponoi e noho nei ma na kapakai o Pugtt Sound, (oia hoi o Keomolewa.) A oiai kuu kaawale ana, e hoouna mai nae oukou i na kauoha buke i Honoluiu nei ma kuu inoa, e like me ka mea mau, a e pono no. A ona dala ame na bila daia no na buke, e hooili mai no ma kuu īnoa, a e pono ana na O na dala kokua no ka Papa Hawaii, e hooili pololei mai ia W. W. Hall, ka Puuku. A na ka Haku e malama ia kakou a pau loa, a e hoohalawai hou ia kakou me ka maluhia a me ka pomaikai, ke ae mai oia. Aloha nui ia oukou a pau loa. A O. Polepe. Kakauolelo o ka P. H.